Livre 1, § 10 — Esquisses pyrrhoniennes

Οἱ δὲ λέγοντες ὅτι ἀναιροῦσι τὰ φαινόμενα οἱ σκεπτικοὶ ἀνήκοοί μοι δοκοῦσιν εἶναι τῶν παρ’ ἡμῖν λεγομένων· τὰ γὰρ κατὰ φαντασίαν παθητικὴν ἀβουλήτως ἡμᾶς ἄγοντα εἰς συγκατάθεσιν οὐκ ἀνατρέπομεν, ὡς καὶ ἔμπροσθεν ἐλέγομεν· ταῦτα δέ ἐστι τὰ φαινόμενα. ὅταν δὲ ζητῶμεν, εἰ τοιοῦτον ἔστι τὸ ὑποκείμενον ὁποῖον φαίνεται, τὸ μὲν ὅτι φαίνεται δίδομεν, ζητοῦμεν δ’ οὐ περὶ τοῦ φαινομένου ἀλλὰ περὶ ἐκείνου ὃ λέγεται περὶ τοῦ φαινομένου· τοῦτο δὲ διαφέρει τοῦ ζητεῖν περὶ αὐτοῦ τοῦ φαινομένου.

Ohi de legontes hoti anairousi ta phainomena ohi skeptikoi anekooi moi dokousin einai ton par’ hemin legomenon; ta gar kata phantasian pathetiken abouletos hemas agonta eis synkatathesin ouk anatrepomen, hos kai emprosthen elegomen; tauta de esti ta phainomena. hotan de zetomen, ei toiouton esti to hypokeimenon hopoion phainetai, to men hoti phainetai didomen, zetoumen d’ ou peri tou phainomenou alla peri ekeinou ho legetai peri tou phainomenou; touto de diapherei tou zetein peri autou tou phainomenou.

οἷον φαίνεται <μὲν> ἡμῖν γλυκάζειν τὸ μέλι (τοῦτο συγχωροῦμεν· γλυκαζόμεθα γὰρ αἰσθητικῶς), εἰ δὲ καὶ γλυκὺ ἔστιν ὅσον ἐπὶ τῷ λόγῳ, ζητοῦμεν· ὃ οὐκ ἔστι τὸ φαινόμενον ἀλλὰ <τὸ> περὶ τοῦ φαινομένου λεγόμενον. ἐὰν δὲ καὶ κατὰ τῶν φαινομένων ἐρωτῶμεν λόγους, οὐκ ἀναιρεῖν βουλόμενοι τὰ φαινόμενα τούτους ἐκτιθέμεθα, ἀλλ’ ἐπιδεικνύντες τὴν τῶν δογματικῶν προπέτειαν· εἰ γὰρ τοιοῦτος ἀπατεών ἐστιν ὁ λόγος ὥστε καὶ τὰ φαινόμενα μόνον οὐχὶ τῶν ὀφθαλμῶν ἡμῶν ὑφαρπάζειν, πῶς οὐ χρὴ ὑφορᾶσθαι αὐτὸν ἐν τοῖς ἀδήλοις, ὥστε μὴ κατακολουθοῦντας αὐτῷ προπετεύεσθαι;

ohion phainetai <men> hemin glykazein to meli (touto synchoroumen; glykazometha gar aisthetikos), ei de kai glyky estin hoson epi to logo, zetoumen; ho ouk esti to phainomenon alla <to> peri tou phainomenou legomenon. ean de kai kata ton phainomenon erotomen logous, ouk anairein boulomenoi ta phainomena toutous ektithemetha, all’ epideiknyntes ten ton dogmatikon propeteian; ei gar toioutos apateon estin ho logos hoste kai ta phainomena monon ouchi ton ophthalmon hemon hypharpazein, pos ou chre hyphorasthai auton en tois adelois, hoste me katakolouthountas auto propeteuesthai?