Livre 9, § 1 — Nouveau Testament

Παῦλος ἀπόστολος, οὐκ ἀπ’ ἀνθρώπων οὐδὲ δι’ ἀνθρώπου ἀλλὰ διὰ Ἰησοῦ Χριστοῦ καὶ θεοῦ πατρὸς τοῦ ἐγείραντος αὐτὸν ἐκ νεκρῶν, καὶ οἱ σὺν ἐμοὶ πάντες ἀδελφοί, ταῖς ἐκκλησίαις τῆς Γαλατίας· χάρις ὑμῖν καὶ εἰρήνη ἀπὸ θεοῦ πατρὸς καὶ κυρίου ἡμῶν Ἰησοῦ Χριστοῦ, τοῦ δόντος ἑαυτὸν ὑπὲρ τῶν ἁμαρτιῶν ἡμῶν ὅπως ἐξέληται ἡμᾶς ἐκ τοῦ αἰῶνος τοῦ ἐνεστῶτος πονηροῦ κατὰ τὸ θέλημα τοῦ θεοῦ καὶ πατρὸς ἡμῶν, ᾧ ἡ δόξα εἰς τοὺς αἰῶνας τῶν αἰώνων· ἀμήν.

Paulos apostolos, ouk ap’ anthropon oude di’ anthropou alla dia Iesou Christou kai theou patros tou egeirantos auton ek nekron, kai ohi syn emoi pantes adelphoi, tais ekklesiais tes Galatias; charis hymin kai eirene apo theou patros kai kyriou hemon Iesou Christou, tou dontos heauton hyper ton hamartion hemon hopos exeletai hemas ek tou aionos tou enestotos ponerou kata to thelema tou theou kai patros hemon, ho he doxa eis tous aionas ton aionon; amen.

Θαυμάζω ὅτι οὕτως ταχέως μετατίθεσθε ἀπὸ τοῦ καλέσαντος ὑμᾶς ἐν χάριτι Χριστοῦ εἰς ἕτερον εὐαγγέλιον, ὃ οὐκ ἔστιν ἄλλο· εἰ μή τινές εἰσιν οἱ ταράσσοντες ὑμᾶς καὶ θέλοντες μεταστρέψαι τὸ εὐαγγέλιον τοῦ Χριστοῦ. ἀλλὰ καὶ ἐὰν ἡμεῖς ἢ ἄγγελος ἐξ οὐρανοῦ εὐαγγελίζηται ὑμῖν παρ’ ὃ εὐηγγελισάμεθα ὑμῖν, ἀνάθεμα ἔστω. ὡς προειρήκαμεν, καὶ ἄρτι πάλιν λέγω, εἴ τις ὑμᾶς εὐαγγελίζεται παρ’ ὃ παρελάβετε, ἀνάθεμα ἔστω.

Thaumazo hoti houtos tacheos metatithesthe apo tou kalesantos hymas en chariti Christou eis heteron euangelion, ho ouk estin allo; ei me tines eisin ohi tarassontes hymas kai thelontes metastrepsai to euangelion tou Christou. alla kai ean hemeis e angelos ex ouranou euangelizetai hymin par’ ho euengelisametha hymin, anathema esto. hos proeirekamen, kai arti palin lego, ei tis hymas euangelizetai par’ ho parelabete, anathema esto.

Ἄρτι γὰρ ἀνθρώπους πείθω ἢ τὸν θεόν; ἢ ζητῶ ἀνθρώποις ἀρέσκειν; εἰ ἔτι ἀνθρώποις ἤρεσκον, Χριστοῦ δοῦλος οὐκ ἂν ἤμην.

Arti gar anthropous peitho e ton theon? e zeto anthropois areskein? ei eti anthropois ereskon, Christou doulos ouk an emen.

Γνωρίζω γὰρ ὑμῖν, ἀδελφοί, τὸ εὐαγγέλιον τὸ εὐαγγελισθὲν ὑπ’ ἐμοῦ ὅτι οὐκ ἔστιν κατὰ ἄνθρωπον· οὐδὲ γὰρ ἐγὼ παρὰ ἀνθρώπου παρέλαβον αὐτό, οὔτε ἐδιδάχθην, ἀλλὰ δι’ ἀποκαλύψεως Ἰησοῦ Χριστοῦ.

Gnorizo gar hymin, adelphoi, to euangelion to euangelisthen hyp’ emou hoti ouk estin kata anthropon; oude gar ego para anthropou parelabon auto, oute edidachthen, alla di’ apokalypseos Iesou Christou.

Ἠκούσατε γὰρ τὴν ἐμὴν ἀναστροφήν ποτε ἐν τῷ Ἰουδαϊσμῷ, ὅτι καθ’ ὑπερβολὴν ἐδίωκον τὴν ἐκκλησίαν τοῦ θεοῦ καὶ ἐπόρθουν αὐτήν, καὶ προέκοπτον ἐν τῷ Ἰουδαϊσμῷ ὑπὲρ πολλοὺς συνηλικιώτας ἐν τῷ γένει μου, περισσοτέρως ζηλωτὴς ὑπάρχων τῶν πατρικῶν μου παραδόσεων. ὅτε δὲ εὐδόκησεν ὁ ἀφορίσας με ἐκ κοιλίας μητρός μου καὶ καλέσας διὰ τῆς χάριτος αὐτοῦ ἀποκαλύψαι τὸν υἱὸν αὐτοῦ ἐν ἐμοὶ ἵνα εὐαγγελίζωμαι αὐτὸν ἐν τοῖς ἔθνεσιν, εὐθέως οὐ προσανεθέμην σαρκὶ καὶ αἵματι, οὐδὲ ἀνῆλθον εἰς Ἱεροσόλυμα πρὸς τοὺς πρὸ ἐμοῦ ἀποστόλους, ἀλλὰ ἀπῆλθον εἰς Ἀραβίαν, καὶ πάλιν ὑπέστρεψα εἰς Δαμασκόν.

Ekousate gar ten emen anastrophen pote en to Ioudaismo, hoti kath’ hyperbolen ediokon ten ekklesian tou theou kai eporthoun auten, kai proekopton en to Ioudaismo hyper pollous synelikiotas en to genei mou, perissoteros zelotes hyparchon ton patrikon mou paradoseon. hote de eudokesen ho aphorisas me ek koilias metros mou kai kalesas dia tes charitos autou apokalypsai ton yhion autou en emoi hina euangelizomai auton en tois ethnesin, eutheos ou prosanethemen sarki kai ahimati, oude anelthon eis Hierosolyma pros tous pro emou apostolous, alla apelthon eis Arabian, kai palin hypestrepsa eis Damaskon.

Ἔπειτα μετὰ ἔτη τρία ἀνῆλθον εἰς Ἱεροσόλυμα ἱστορῆσαι Κηφᾶν, καὶ ἐπέμεινα πρὸς αὐτὸν ἡμέρας δεκαπέντε· ἕτερον δὲ τῶν ἀποστόλων οὐκ εἶδον, εἰ μὴ Ἰάκωβον τὸν ἀδελφὸν τοῦ κυρίου. ἃ δὲ γράφω ὑμῖν, ἰδοὺ ἐνώπιον τοῦ θεοῦ ὅτι οὐ ψεύδομαι. ἔπειτα ἦλθον εἰς τὰ κλίματα τῆς Συρίας καὶ τῆς Κιλικίας. ἤμην δὲ ἀγνοούμενος τῷ προσώπῳ ταῖς ἐκκλησίαις τῆς Ἰουδαίας ταῖς ἐν Χριστῷ, μόνον δὲ ἀκούοντες ἦσαν ὅτι Ὁ διώκων ἡμᾶς ποτε νῦν εὐαγγελίζεται τὴν πίστιν ἥν ποτε ἐπόρθει, καὶ ἐδόξαζον ἐν ἐμοὶ τὸν θεόν.

Epeita meta ete tria anelthon eis Hierosolyma historesai Kephan, kai epemeina pros auton hemeras dekapente; heteron de ton apostolon ouk eidon, ei me Iakobon ton adelphon tou kyriou. ha de grapho hymin, idou enopion tou theou hoti ou pseudomai. epeita elthon eis ta klimata tes Syrias kai tes Kilikias. emen de agnooumenos to prosopo tais ekklesiais tes Ioudaias tais en Christo, monon de akouontes esan hoti Ho diokon hemas pote nyn euangelizetai ten pistin hen pote eporthei, kai edoxazon en emoi ton theon.