Livre 6, § 3 — Nouveau Testament

Τί οὖν τὸ περισσὸν τοῦ Ἰουδαίου, ἢ τίς ἡ ὠφέλεια τῆς περιτομῆς; πολὺ κατὰ πάντα τρόπον. πρῶτον μὲν γὰρ ὅτι ἐπιστεύθησαν τὰ λόγια τοῦ θεοῦ. τί γάρ; εἰ ἠπίστησάν τινες, μὴ ἡ ἀπιστία αὐτῶν τὴν πίστιν τοῦ θεοῦ καταργήσει; μὴ γένοιτο· γινέσθω δὲ ὁ θεὸς ἀληθής, πᾶς δὲ ἄνθρωπος ψεύστης, καθὼς γέγραπται· Ὅπως ἂν δικαιωθῇς ἐν τοῖς λόγοις σου καὶ νικήσεις ἐν τῷ κρίνεσθαί σε. εἰ δὲ ἡ ἀδικία ἡμῶν θεοῦ δικαιοσύνην συνίστησιν, τί ἐροῦμεν; μὴ ἄδικος ὁ θεὸς ὁ ἐπιφέρων τὴν ὀργήν; κατὰ ἄνθρωπον λέγω. μὴ γένοιτο· ἐπεὶ πῶς κρινεῖ ὁ θεὸς τὸν κόσμον; εἰ δὲ ἡ ἀλήθεια τοῦ θεοῦ ἐν τῷ ἐμῷ ψεύσματι ἐπερίσσευσεν εἰς τὴν δόξαν αὐτοῦ, τί ἔτι κἀγὼ ὡς ἁμαρτωλὸς κρίνομαι, καὶ μὴ καθὼς βλασφημούμεθα καὶ καθώς φασίν τινες ἡμᾶς λέγειν ὅτι Ποιήσωμεν τὰ κακὰ ἵνα ἔλθῃ τὰ ἀγαθά; ὧν τὸ κρίμα ἔνδικόν ἐστιν.

Ti oun to perisson tou Ioudaiou, e tis he opheleia tes peritomes? poly kata panta tropon. proton men gar hoti episteuthesan ta logia tou theou. ti gar? ei epistesan tines, me he apistia auton ten pistin tou theou katargesei? me genoito; ginestho de ho theos alethes, pas de anthropos pseustes, kathos gegraptai; Hopos an dikaiothes en tois logois sou kai nikeseis en to krinesthai se. ei de he adikia hemon theou dikaiosynen synistesin, ti eroumen? me adikos ho theos ho epipheron ten orgen? kata anthropon lego. me genoito; epei pos krinei ho theos ton kosmon? ei de he aletheia tou theou en to emo pseusmati eperisseusen eis ten doxan autou, ti eti kago hos hamartolos krinomai, kai me kathos blasphemoumetha kai kathos phasin tines hemas legein hoti Poiesomen ta kaka hina elthe ta agatha? hon to krima endikon estin.

Τί οὖν; προεχόμεθα; οὐ πάντως, προῃτιασάμεθα γὰρ Ἰουδαίους τε καὶ Ἕλληνας πάντας ὑφ’ ἁμαρτίαν εἶναι, καθὼς γέγραπται ὅτι Οὐκ ἔστιν δίκαιος οὐδὲ εἷς, οὐκ ἔστιν ὁ συνίων, οὐκ ἔστιν ὁ ἐκζητῶν τὸν θεόν· πάντες ἐξέκλιναν, ἅμα ἠχρεώθησαν· οὐκ ἔστιν ποιῶν χρηστότητα, οὐκ ἔστιν ἕως ἑνός. τάφος ἀνεῳγμένος ὁ λάρυγξ αὐτῶν, ταῖς γλώσσαις αὐτῶν ἐδολιοῦσαν, ἰὸς ἀσπίδων ὑπὸ τὰ χείλη αὐτῶν, ὧν τὸ στόμα ἀρᾶς καὶ πικρίας γέμει· ὀξεῖς οἱ πόδες αὐτῶν ἐκχέαι αἷμα, σύντριμμα καὶ ταλαιπωρία ἐν ταῖς ὁδοῖς αὐτῶν, καὶ ὁδὸν εἰρήνης οὐκ ἔγνωσαν. οὐκ ἔστιν φόβος θεοῦ ἀπέναντι τῶν ὀφθαλμῶν αὐτῶν.

Ti oun? proechometha? ou pantos, proetiasametha gar Ioudaious te kai Hellenas pantas hyph’ hamartian einai, kathos gegraptai hoti Ouk estin dikaios oude ehis, ouk estin ho synion, ouk estin ho ekzeton ton theon; pantes exeklinan, hama echreothesan; ouk estin poion chrestoteta, ouk estin heos henos. taphos aneogmenos ho larynx auton, tais glossais auton edoliousan, ios aspidon hypo ta cheile auton, hon to stoma aras kai pikrias gemei; oxeis ohi podes auton ekcheai ahima, syntrimma kai talaiporia en tais hodois auton, kai hodon eirenes ouk egnosan. ouk estin phobos theou apenanti ton ophthalmon auton.

Οἴδαμεν δὲ ὅτι ὅσα ὁ νόμος λέγει τοῖς ἐν τῷ νόμῳ λαλεῖ, ἵνα πᾶν στόμα φραγῇ καὶ ὑπόδικος γένηται πᾶς ὁ κόσμος τῷ θεῷ· διότι ἐξ ἔργων νόμου οὐ δικαιωθήσεται πᾶσα σὰρξ ἐνώπιον αὐτοῦ, διὰ γὰρ νόμου ἐπίγνωσις ἁμαρτίας.

Oidamen de hoti hosa ho nomos legei tois en to nomo lalei, hina pan stoma phrage kai hypodikos genetai pas ho kosmos to theo; dioti ex ergon nomou ou dikaiothesetai pasa sarx enopion autou, dia gar nomou epignosis hamartias.

Νυνὶ δὲ χωρὶς νόμου δικαιοσύνη θεοῦ πεφανέρωται, μαρτυρουμένη ὑπὸ τοῦ νόμου καὶ τῶν προφητῶν, δικαιοσύνη δὲ θεοῦ διὰ πίστεως Ἰησοῦ Χριστοῦ, εἰς πάντας τοὺς πιστεύοντας, οὐ γάρ ἐστιν διαστολή. πάντες γὰρ ἥμαρτον καὶ ὑστεροῦνται τῆς δόξης τοῦ θεοῦ, δικαιούμενοι δωρεὰν τῇ αὐτοῦ χάριτι διὰ τῆς ἀπολυτρώσεως τῆς ἐν Χριστῷ Ἰησοῦ· ὃν προέθετο ὁ θεὸς ἱλαστήριον διὰ πίστεως ἐν τῷ αὐτοῦ αἵματι εἰς ἔνδειξιν τῆς δικαιοσύνης αὐτοῦ διὰ τὴν πάρεσιν τῶν προγεγονότων ἁμαρτημάτων ἐν τῇ ἀνοχῇ τοῦ θεοῦ, πρὸς τὴν ἔνδειξιν τῆς δικαιοσύνης αὐτοῦ ἐν τῷ νῦν καιρῷ, εἰς τὸ εἶναι αὐτὸν δίκαιον καὶ δικαιοῦντα τὸν ἐκ πίστεως Ἰησοῦ.

Nyni de choris nomou dikaiosyne theou pephanerotai, martyroumene hypo tou nomou kai ton propheton, dikaiosyne de theou dia pisteos Iesou Christou, eis pantas tous pisteuontas, ou gar estin diastole. pantes gar hemarton kai hysterountai tes doxes tou theou, dikaioumenoi dorean te autou chariti dia tes apolytroseos tes en Christo Iesou; hon proetheto ho theos hilasterion dia pisteos en to autou ahimati eis endeixin tes dikaiosynes autou dia ten paresin ton progegonoton hamartematon en te anoche tou theou, pros ten endeixin tes dikaiosynes autou en to nyn kairo, eis to einai auton dikaion kai dikaiounta ton ek pisteos Iesou.

Ποῦ οὖν ἡ καύχησις; ἐξεκλείσθη. διὰ ποίου νόμου; τῶν ἔργων; οὐχί, ἀλλὰ διὰ νόμου πίστεως. λογιζόμεθα γὰρ δικαιοῦσθαι πίστει ἄνθρωπον χωρὶς ἔργων νόμου. ἢ Ἰουδαίων ὁ θεὸς μόνον; οὐχὶ καὶ ἐθνῶν; ναὶ καὶ ἐθνῶν, εἴπερ εἷς ὁ θεός, ὃς δικαιώσει περιτομὴν ἐκ πίστεως καὶ ἀκροβυστίαν διὰ τῆς πίστεως. νόμον οὖν καταργοῦμεν διὰ τῆς πίστεως; μὴ γένοιτο, ἀλλὰ νόμον ἱστάνομεν.

Pou oun he kauchesis? exekleisthe. dia poiou nomou? ton ergon? ouchi, alla dia nomou pisteos. logizometha gar dikaiousthai pistei anthropon choris ergon nomou. e Ioudaion ho theos monon? ouchi kai ethnon? nai kai ethnon, eiper ehis ho theos, hos dikaiosei peritomen ek pisteos kai akrobystian dia tes pisteos. nomon oun katargoumen dia tes pisteos? me genoito, alla nomon histanomen.