Livre 5, § 27 — Nouveau Testament

Ὡς δὲ ἐκρίθη τοῦ ἀποπλεῖν ἡμᾶς εἰς τὴν Ἰταλίαν, παρεδίδουν τόν τε Παῦλον καί τινας ἑτέρους δεσμώτας ἑκατοντάρχῃ ὀνόματι Ἰουλίῳ σπείρης Σεβαστῆς. ἐπιβάντες δὲ πλοίῳ Ἀδραμυττηνῷ μέλλοντι πλεῖν εἰς τοὺς κατὰ τὴν Ἀσίαν τόπους ἀνήχθημεν ὄντος σὺν ἡμῖν Ἀριστάρχου Μακεδόνος Θεσσαλονικέως· τῇ τε ἑτέρᾳ κατήχθημεν εἰς Σιδῶνα, φιλανθρώπως τε ὁ Ἰούλιος τῷ Παύλῳ χρησάμενος ἐπέτρεψεν πρὸς τοὺς φίλους πορευθέντι ἐπιμελείας τυχεῖν. κἀκεῖθεν ἀναχθέντες ὑπεπλεύσαμεν τὴν Κύπρον διὰ τὸ τοὺς ἀνέμους εἶναι ἐναντίους, τό τε πέλαγος τὸ κατὰ τὴν Κιλικίαν καὶ Παμφυλίαν διαπλεύσαντες κατήλθομεν εἰς Μύρα τῆς Λυκίας. κἀκεῖ εὑρὼν ὁ ἑκατοντάρχης πλοῖον Ἀλεξανδρῖνον πλέον εἰς τὴν Ἰταλίαν ἐνεβίβασεν ἡμᾶς εἰς αὐτό. ἐν ἱκαναῖς δὲ ἡμέραις βραδυπλοοῦντες καὶ μόλις γενόμενοι κατὰ τὴν Κνίδον, μὴ προσεῶντος ἡμᾶς τοῦ ἀνέμου, ὑπεπλεύσαμεν τὴν Κρήτην κατὰ Σαλμώνην, μόλις τε παραλεγόμενοι αὐτὴν ἤλθομεν εἰς τόπον τινὰ καλούμενον Καλοὺς Λιμένας ᾧ ἐγγὺς ἦν πόλις Λασαία.

Hos de ekrithe tou apoplein hemas eis ten Italian, paredidoun ton te Paulon kai tinas heterous desmotas hekatontarche onomati Ioulio speires Sebastes. epibantes de ploio Adramytteno mellonti plein eis tous kata ten Asian topous anechthemen ontos syn hemin Aristarchou Makedonos Thessalonikeos; te te hetera katechthemen eis Sidona, philanthropos te ho Ioulios to Paulo chresamenos epetrepsen pros tous philous poreuthenti epimeleias tychein. kakeithen anachthentes hypepleusamen ten Kypron dia to tous anemous einai enantious, to te pelagos to kata ten Kilikian kai Pamphylian diapleusantes katelthomen eis Myra tes Lykias. kakei heuron ho hekatontarches ploion Alexandrinon pleon eis ten Italian enebibasen hemas eis auto. en hikanais de hemerais bradyploountes kai molis genomenoi kata ten Knidon, me proseontos hemas tou anemou, hypepleusamen ten Kreten kata Salmonen, molis te paralegomenoi auten elthomen eis topon tina kaloumenon Kalous Limenas ho engys en polis Lasaia.

Ἱκανοῦ δὲ χρόνου διαγενομένου καὶ ὄντος ἤδη ἐπισφαλοῦς τοῦ πλοὸς διὰ τὸ καὶ τὴν νηστείαν ἤδη παρεληλυθέναι, παρῄνει ὁ Παῦλος λέγων αὐτοῖς· Ἄνδρες, θεωρῶ ὅτι μετὰ ὕβρεως καὶ πολλῆς ζημίας οὐ μόνον τοῦ φορτίου καὶ τοῦ πλοίου ἀλλὰ καὶ τῶν ψυχῶν ἡμῶν μέλλειν ἔσεσθαι τὸν πλοῦν. ὁ δὲ ἑκατοντάρχης τῷ κυβερνήτῃ καὶ τῷ ναυκλήρῳ μᾶλλον ἐπείθετο ἢ τοῖς ὑπὸ Παύλου λεγομένοις. ἀνευθέτου δὲ τοῦ λιμένος ὑπάρχοντος πρὸς παραχειμασίαν οἱ πλείονες ἔθεντο βουλὴν ἀναχθῆναι ἐκεῖθεν, εἴ πως δύναιντο καταντήσαντες εἰς Φοίνικα παραχειμάσαι, λιμένα τῆς Κρήτης βλέποντα κατὰ λίβα καὶ κατὰ χῶρον.

Hikanou de chronou diagenomenou kai ontos ede episphalous tou ploos dia to kai ten nesteian ede parelelythenai, parenei ho Paulos legon autois; Andres, theoro hoti meta hybreos kai polles zemias ou monon tou phortiou kai tou ploiou alla kai ton psychon hemon mellein esesthai ton ploun. ho de hekatontarches to kybernete kai to nauklero mallon epeitheto e tois hypo Paulou legomenois. aneuthetou de tou limenos hyparchontos pros paracheimasian ohi pleiones ethento boulen anachthenai ekeithen, ei pos dynainto katantesantes eis Phoinika paracheimasai, limena tes Kretes bleponta kata liba kai kata choron.

Ὑποπνεύσαντος δὲ νότου δόξαντες τῆς προθέσεως κεκρατηκέναι ἄραντες ἆσσον παρελέγοντο τὴν Κρήτην. μετ’ οὐ πολὺ δὲ ἔβαλεν κατ’ αὐτῆς ἄνεμος τυφωνικὸς ὁ καλούμενος Εὐρακύλων· συναρπασθέντος δὲ τοῦ πλοίου καὶ μὴ δυναμένου ἀντοφθαλμεῖν τῷ ἀνέμῳ ἐπιδόντες ἐφερόμεθα. νησίον δέ τι ὑποδραμόντες καλούμενον Καῦδα ἰσχύσαμεν μόλις περικρατεῖς γενέσθαι τῆς σκάφης, ἣν ἄραντες βοηθείαις ἐχρῶντο ὑποζωννύντες τὸ πλοῖον· φοβούμενοί τε μὴ εἰς τὴν Σύρτιν ἐκπέσωσιν, χαλάσαντες τὸ σκεῦος, οὕτως ἐφέροντο. σφοδρῶς δὲ χειμαζομένων ἡμῶν τῇ ἑξῆς ἐκβολὴν ἐποιοῦντο, καὶ τῇ τρίτῃ αὐτόχειρες τὴν σκευὴν τοῦ πλοίου ἔρριψαν. μήτε δὲ ἡλίου μήτε ἄστρων ἐπιφαινόντων ἐπὶ πλείονας ἡμέρας, χειμῶνός τε οὐκ ὀλίγου ἐπικειμένου, λοιπὸν περιῃρεῖτο ἐλπὶς πᾶσα τοῦ σῴζεσθαι ἡμᾶς.

Hypopneusantos de notou doxantes tes protheseos kekratekenai arantes asson parelegonto ten Kreten. met’ ou poly de ebalen kat’ autes anemos typhonikos ho kaloumenos Eurakylon; synarpasthentos de tou ploiou kai me dynamenou antophthalmein to anemo epidontes epherometha. nesion de ti hypodramontes kaloumenon Kauda ischysamen molis perikrateis genesthai tes skaphes, hen arantes boetheiais echronto hypozonnyntes to ploion; phoboumenoi te me eis ten Syrtin ekpesosin, chalasantes to skeuos, houtos epheronto. sphodros de cheimazomenon hemon te hexes ekbolen epoiounto, kai te trite autocheires ten skeuen tou ploiou erripsan. mete de heliou mete astron epiphainonton epi pleionas hemeras, cheimonos te ouk oligou epikeimenou, loipon periereito elpis pasa tou sozesthai hemas.

Πολλῆς τε ἀσιτίας ὑπαρχούσης τότε σταθεὶς ὁ Παῦλος ἐν μέσῳ αὐτῶν εἶπεν· Ἔδει μέν, ὦ ἄνδρες, πειθαρχήσαντάς μοι μὴ ἀνάγεσθαι ἀπὸ τῆς Κρήτης κερδῆσαί τε τὴν ὕβριν ταύτην καὶ τὴν ζημίαν. καὶ τὰ νῦν παραινῶ ὑμᾶς εὐθυμεῖν, ἀποβολὴ γὰρ ψυχῆς οὐδεμία ἔσται ἐξ ὑμῶν πλὴν τοῦ πλοίου· παρέστη γάρ μοι ταύτῃ τῇ νυκτὶ τοῦ θεοῦ, οὗ εἰμι, ᾧ καὶ λατρεύω, ἄγγελος λέγων· Μὴ φοβοῦ, Παῦλε· Καίσαρί σε δεῖ παραστῆναι, καὶ ἰδοὺ κεχάρισταί σοι ὁ θεὸς πάντας τοὺς πλέοντας μετὰ σοῦ. διὸ εὐθυμεῖτε, ἄνδρες· πιστεύω γὰρ τῷ θεῷ ὅτι οὕτως ἔσται καθ’ ὃν τρόπον λελάληταί μοι. εἰς νῆσον δέ τινα δεῖ ἡμᾶς ἐκπεσεῖν.

Polles te asitias hyparchouses tote statheis ho Paulos en meso auton eipen; Edei men, o andres, peitharchesantas moi me anagesthai apo tes Kretes kerdesai te ten hybrin tauten kai ten zemian. kai ta nyn paraino hymas euthymein, apobole gar psyches oudemia estai ex hymon plen tou ploiou; pareste gar moi taute te nykti tou theou, hou eimi, ho kai latreuo, angelos legon; Me phobou, Paule; Kaisari se dei parastenai, kai idou kecharistai soi ho theos pantas tous pleontas meta sou. dio euthymeite, andres; pisteuo gar to theo hoti houtos estai kath’ hon tropon lelaletai moi. eis neson de tina dei hemas ekpesein.

Ὡς δὲ τεσσαρεσκαιδεκάτη νὺξ ἐγένετο διαφερομένων ἡμῶν ἐν τῷ Ἀδρίᾳ, κατὰ μέσον τῆς νυκτὸς ὑπενόουν οἱ ναῦται προσάγειν τινὰ αὐτοῖς χώραν. καὶ βολίσαντες εὗρον ὀργυιὰς εἴκοσι, βραχὺ δὲ διαστήσαντες καὶ πάλιν βολίσαντες εὗρον ὀργυιὰς δεκαπέντε· φοβούμενοί τε μή που κατὰ τραχεῖς τόπους ἐκπέσωμεν ἐκ πρύμνης ῥίψαντες ἀγκύρας τέσσαρας ηὔχοντο ἡμέραν γενέσθαι. τῶν δὲ ναυτῶν ζητούντων φυγεῖν ἐκ τοῦ πλοίου καὶ χαλασάντων τὴν σκάφην εἰς τὴν θάλασσαν προφάσει ὡς ἐκ πρῴρης ἀγκύρας μελλόντων ἐκτείνειν, εἶπεν ὁ Παῦλος τῷ ἑκατοντάρχῃ καὶ τοῖς στρατιώταις· Ἐὰν μὴ οὗτοι μείνωσιν ἐν τῷ πλοίῳ, ὑμεῖς σωθῆναι οὐ δύνασθε. τότε ἀπέκοψαν οἱ στρατιῶται τὰ σχοινία τῆς σκάφης καὶ εἴασαν αὐτὴν ἐκπεσεῖν.

Hos de tessareskaidekate nyx egeneto diapheromenon hemon en to Adria, kata meson tes nyktos hypenooun ohi nautai prosagein tina autois choran. kai bolisantes heuron orgyias eikosi, brachy de diastesantes kai palin bolisantes heuron orgyias dekapente; phoboumenoi te me pou kata tracheis topous ekpesomen ek prymnes rhipsantes ankyras tessaras euchonto hemeran genesthai. ton de nauton zetounton phygein ek tou ploiou kai chalasanton ten skaphen eis ten thalassan prophasei hos ek prores ankyras mellonton ekteinein, eipen ho Paulos to hekatontarche kai tois stratiotais; Ean me houtoi meinosin en to ploio, hymeis sothenai ou dynasthe. tote apekopsan ohi stratiotai ta schoinia tes skaphes kai eiasan auten ekpesein.

Ἄχρι δὲ οὗ ἡμέρα ἤμελλεν γίνεσθαι παρεκάλει ὁ Παῦλος ἅπαντας μεταλαβεῖν τροφῆς λέγων· Τεσσαρεσκαιδεκάτην σήμερον ἡμέραν προσδοκῶντες ἄσιτοι διατελεῖτε, μηθὲν προσλαβόμενοι· διὸ παρακαλῶ ὑμᾶς μεταλαβεῖν τροφῆς, τοῦτο γὰρ πρὸς τῆς ὑμετέρας σωτηρίας ὑπάρχει· οὐδενὸς γὰρ ὑμῶν θρὶξ ἀπὸ τῆς κεφαλῆς ἀπολεῖται. εἴπας δὲ ταῦτα καὶ λαβὼν ἄρτον εὐχαρίστησεν τῷ θεῷ ἐνώπιον πάντων καὶ κλάσας ἤρξατο ἐσθίειν. εὔθυμοι δὲ γενόμενοι πάντες καὶ αὐτοὶ προσελάβοντο τροφῆς. ἤμεθα δὲ αἱ πᾶσαι ψυχαὶ ἐν τῷ πλοίῳ διακόσιαι ἑβδομήκοντα ἕξ. κορεσθέντες δὲ τροφῆς ἐκούφιζον τὸ πλοῖον ἐκβαλλόμενοι τὸν σῖτον εἰς τὴν θάλασσαν.

Achri de hou hemera emellen ginesthai parekalei ho Paulos hapantas metalabein trophes legon; Tessareskaidekaten semeron hemeran prosdokontes asitoi diateleite, methen proslabomenoi; dio parakalo hymas metalabein trophes, touto gar pros tes hymeteras soterias hyparchei; oudenos gar hymon thrix apo tes kephales apoleitai. eipas de tauta kai labon arton eucharistesen to theo enopion panton kai klasas erxato esthiein. euthymoi de genomenoi pantes kai autoi proselabonto trophes. emetha de ahi pasai psychai en to ploio diakosiai hebdomekonta hex. koresthentes de trophes ekouphizon to ploion ekballomenoi ton siton eis ten thalassan.

Ὅτε δὲ ἡμέρα ἐγένετο, τὴν γῆν οὐκ ἐπεγίνωσκον, κόλπον δέ τινα κατενόουν ἔχοντα αἰγιαλὸν εἰς ὃν ἐβουλεύοντο εἰ δύναιντο ἐξῶσαι τὸ πλοῖον. καὶ τὰς ἀγκύρας περιελόντες εἴων εἰς τὴν θάλασσαν, ἅμα ἀνέντες τὰς ζευκτηρίας τῶν πηδαλίων, καὶ ἐπάραντες τὸν ἀρτέμωνα τῇ πνεούσῃ κατεῖχον εἰς τὸν αἰγιαλόν. περιπεσόντες δὲ εἰς τόπον διθάλασσον ἐπέκειλαν τὴν ναῦν, καὶ ἡ μὲν πρῷρα ἐρείσασα ἔμεινεν ἀσάλευτος, ἡ δὲ πρύμνα ἐλύετο ὑπὸ τῆς βίας. τῶν δὲ στρατιωτῶν βουλὴ ἐγένετο ἵνα τοὺς δεσμώτας ἀποκτείνωσιν, μή τις ἐκκολυμβήσας διαφύγῃ· ὁ δὲ ἑκατοντάρχης βουλόμενος διασῶσαι τὸν Παῦλον ἐκώλυσεν αὐτοὺς τοῦ βουλήματος, ἐκέλευσέν τε τοὺς δυναμένους κολυμβᾶν ἀπορίψαντας πρώτους ἐπὶ τὴν γῆν ἐξιέναι, καὶ τοὺς λοιποὺς οὓς μὲν ἐπὶ σανίσιν οὓς δὲ ἐπί τινων τῶν ἀπὸ τοῦ πλοίου· καὶ οὕτως ἐγένετο πάντας διασωθῆναι ἐπὶ τὴν γῆν.

Hote de hemera egeneto, ten gen ouk epeginoskon, kolpon de tina katenooun echonta aigialon eis hon ebouleuonto ei dynainto exosai to ploion. kai tas ankyras perielontes eion eis ten thalassan, hama anentes tas zeukterias ton pedalion, kai eparantes ton artemona te pneouse kateichon eis ton aigialon. peripesontes de eis topon dithalasson epekeilan ten naun, kai he men prora ereisasa emeinen asaleutos, he de prymna elyeto hypo tes bias. ton de stratioton boule egeneto hina tous desmotas apokteinosin, me tis ekkolymbesas diaphyge; ho de hekatontarches boulomenos diasosai ton Paulon ekolysen autous tou boulematos, ekeleusen te tous dynamenous kolymban aporipsantas protous epi ten gen exienai, kai tous loipous hous men epi sanisin hous de epi tinon ton apo tou ploiou; kai houtos egeneto pantas diasothenai epi ten gen.