Livre 5, § 25 — Nouveau Testament

Φῆστος οὖν ἐπιβὰς τῇ ἐπαρχείᾳ μετὰ τρεῖς ἡμέρας ἀνέβη εἰς Ἱεροσόλυμα ἀπὸ Καισαρείας, ἐνεφάνισάν τε αὐτῷ οἱ ἀρχιερεῖς καὶ οἱ πρῶτοι τῶν Ἰουδαίων κατὰ τοῦ Παύλου, καὶ παρεκάλουν αὐτὸν αἰτούμενοι χάριν κατ’ αὐτοῦ ὅπως μεταπέμψηται αὐτὸν εἰς Ἰερουσαλήμ, ἐνέδραν ποιοῦντες ἀνελεῖν αὐτὸν κατὰ τὴν ὁδόν. ὁ μὲν οὖν Φῆστος ἀπεκρίθη τηρεῖσθαι τὸν Παῦλον εἰς Καισάρειαν, ἑαυτὸν δὲ μέλλειν ἐν τάχει ἐκπορεύεσθαι· Οἱ οὖν ἐν ὑμῖν, φησίν, δυνατοὶ συγκαταβάντες εἴ τί ἐστιν ἐν τῷ ἀνδρὶ ἄτοπον κατηγορείτωσαν αὐτοῦ. Διατρίψας δὲ ἐν αὐτοῖς ἡμέρας οὐ πλείους ὀκτὼ ἢ δέκα, καταβὰς εἰς Καισάρειαν, τῇ ἐπαύριον καθίσας ἐπὶ τοῦ βήματος ἐκέλευσεν τὸν Παῦλον ἀχθῆναι. παραγενομένου δὲ αὐτοῦ περιέστησαν αὐτὸν οἱ ἀπὸ Ἱεροσολύμων καταβεβηκότες Ἰουδαῖοι, πολλὰ καὶ βαρέα αἰτιώματα καταφέροντες ἃ οὐκ ἴσχυον ἀποδεῖξαι, τοῦ Παύλου ἀπολογουμένου ὅτι Οὔτε εἰς τὸν νόμον τῶν Ἰουδαίων οὔτε εἰς τὸ ἱερὸν οὔτε εἰς Καίσαρά τι ἥμαρτον. ὁ Φῆστος δὲ θέλων τοῖς Ἰουδαίοις χάριν καταθέσθαι ἀποκριθεὶς τῷ Παύλῳ εἶπεν· Θέλεις εἰς Ἱεροσόλυμα ἀναβὰς ἐκεῖ περὶ τούτων κριθῆναι ἐπ’ ἐμοῦ; εἶπεν δὲ ὁ Παῦλος· Ἐπὶ τοῦ βήματος Καίσαρος ἑστώς εἰμι, οὗ με δεῖ κρίνεσθαι. Ἰουδαίους οὐδὲν ἠδίκησα, ὡς καὶ σὺ κάλλιον ἐπιγινώσκεις. εἰ μὲν οὖν ἀδικῶ καὶ ἄξιον θανάτου πέπραχά τι, οὐ παραιτοῦμαι τὸ ἀποθανεῖν· εἰ δὲ οὐδέν ἐστιν ὧν οὗτοι κατηγοροῦσίν μου, οὐδείς με δύναται αὐτοῖς χαρίσασθαι· Καίσαρα ἐπικαλοῦμαι. τότε ὁ Φῆστος συλλαλήσας μετὰ τοῦ συμβουλίου ἀπεκρίθη· Καίσαρα ἐπικέκλησαι, ἐπὶ Καίσαρα πορεύσῃ. Ἡμερῶν δὲ διαγενομένων τινῶν Ἀγρίππας ὁ βασιλεὺς καὶ Βερνίκη κατήντησαν εἰς Καισάρειαν ἀσπασάμενοι τὸν Φῆστον. ὡς δὲ πλείους ἡμέρας διέτριβον ἐκεῖ, ὁ Φῆστος τῷ βασιλεῖ ἀνέθετο τὰ κατὰ τὸν Παῦλον λέγων· Ἀνήρ τίς ἐστιν καταλελειμμένος ὑπὸ Φήλικος δέσμιος, περὶ οὗ γενομένου μου εἰς Ἱεροσόλυμα ἐνεφάνισαν οἱ ἀρχιερεῖς καὶ οἱ πρεσβύτεροι τῶν Ἰουδαίων, αἰτούμενοι κατ’ αὐτοῦ καταδίκην· πρὸς οὓς ἀπεκρίθην ὅτι οὐκ ἔστιν ἔθος Ῥωμαίοις χαρίζεσθαί τινα ἄνθρωπον πρὶν ἢ ὁ κατηγορούμενος κατὰ πρόσωπον ἔχοι τοὺς κατηγόρους τόπον τε ἀπολογίας λάβοι περὶ τοῦ ἐγκλήματος. συνελθόντων οὖν ἐνθάδε ἀναβολὴν μηδεμίαν ποιησάμενος τῇ ἑξῆς καθίσας ἐπὶ τοῦ βήματος ἐκέλευσα ἀχθῆναι τὸν ἄνδρα· περὶ οὗ σταθέντες οἱ κατήγοροι οὐδεμίαν αἰτίαν ἔφερον ὧν ἐγὼ ὑπενόουν πονηρῶν, ζητήματα δέ τινα περὶ τῆς ἰδίας δεισιδαιμονίας εἶχον πρὸς αὐτὸν καὶ περί τινος Ἰησοῦ τεθνηκότος, ὃν ἔφασκεν ὁ Παῦλος ζῆν. ἀπορούμενος δὲ ἐγὼ τὴν περὶ τούτων ζήτησιν ἔλεγον εἰ βούλοιτο πορεύεσθαι εἰς Ἱεροσόλυμα κἀκεῖ κρίνεσθαι περὶ τούτων. τοῦ δὲ Παύλου ἐπικαλεσαμένου τηρηθῆναι αὐτὸν εἰς τὴν τοῦ Σεβαστοῦ διάγνωσιν, ἐκέλευσα τηρεῖσθαι αὐτὸν ἕως οὗ ἀναπέμψω αὐτὸν πρὸς Καίσαρα. Ἀγρίππας δὲ πρὸς τὸν Φῆστον· Ἐβουλόμην καὶ αὐτὸς τοῦ ἀνθρώπου ἀκοῦσαι. Αὔριον, φησίν, ἀκούσῃ αὐτοῦ. Τῇ οὖν ἐπαύριον ἐλθόντος τοῦ Ἀγρίππα καὶ τῆς Βερνίκης μετὰ πολλῆς φαντασίας καὶ εἰσελθόντων εἰς τὸ ἀκροατήριον σύν τε χιλιάρχοις καὶ ἀνδράσιν τοῖς κατ’ ἐξοχὴν τῆς πόλεως καὶ κελεύσαντος τοῦ Φήστου ἤχθη ὁ Παῦλος. καί φησιν ὁ Φῆστος· Ἀγρίππα βασιλεῦ καὶ πάντες οἱ συμπαρόντες ἡμῖν ἄνδρες, θεωρεῖτε τοῦτον περὶ οὗ ἅπαν τὸ πλῆθος τῶν Ἰουδαίων ἐνέτυχόν μοι ἔν τε Ἱεροσολύμοις καὶ ἐνθάδε, βοῶντες μὴ δεῖν αὐτὸν ζῆν μηκέτι. ἐγὼ δὲ κατελαβόμην μηδὲν ἄξιον αὐτὸν θανάτου πεπραχέναι, αὐτοῦ δὲ τούτου ἐπικαλεσαμένου τὸν Σεβαστὸν ἔκρινα πέμπειν. περὶ οὗ ἀσφαλές τι γράψαι τῷ κυρίῳ οὐκ ἔχω· διὸ προήγαγον αὐτὸν ἐφ’ ὑμῶν καὶ μάλιστα ἐπὶ σοῦ, βασιλεῦ Ἀγρίππα, ὅπως τῆς ἀνακρίσεως γενομένης σχῶ τί γράψω· ἄλογον γάρ μοι δοκεῖ πέμποντα δέσμιον μὴ καὶ τὰς κατ’ αὐτοῦ αἰτίας σημᾶναι.

Phestos oun epibas te eparcheia meta treis hemeras anebe eis Hierosolyma apo Kaisareias, enephanisan te auto ohi archiereis kai ohi protoi ton Ioudaion kata tou Paulou, kai parekaloun auton aitoumenoi charin kat’ autou hopos metapempsetai auton eis Ierousalem, enedran poiountes anelein auton kata ten hodon. ho men oun Phestos apekrithe tereisthai ton Paulon eis Kaisareian, heauton de mellein en tachei ekporeuesthai; Ohi oun en hymin, phesin, dynatoi synkatabantes ei ti estin en to andri atopon kategoreitosan autou. Diatripsas de en autois hemeras ou pleious okto e deka, katabas eis Kaisareian, te epaurion kathisas epi tou bematos ekeleusen ton Paulon achthenai. paragenomenou de autou periestesan auton ohi apo Hierosolymon katabebekotes Ioudaioi, polla kai barea aitiomata katapherontes ha ouk ischyon apodeixai, tou Paulou apologoumenou hoti Oute eis ton nomon ton Ioudaion oute eis to hieron oute eis Kaisara ti hemarton. ho Phestos de thelon tois Ioudaiois charin katathesthai apokritheis to Paulo eipen; Theleis eis Hierosolyma anabas ekei peri touton krithenai ep’ emou? eipen de ho Paulos; Epi tou bematos Kaisaros hestos eimi, hou me dei krinesthai. Ioudaious ouden edikesa, hos kai sy kallion epiginoskeis. ei men oun adiko kai axion thanatou pepracha ti, ou paraitoumai to apothanein; ei de ouden estin hon houtoi kategorousin mou, oudeis me dynatai autois charisasthai; Kaisara epikaloumai. tote ho Phestos syllalesas meta tou symbouliou apekrithe; Kaisara epikeklesai, epi Kaisara poreuse. Hemeron de diagenomenon tinon Agrippas ho basileus kai Bernike katentesan eis Kaisareian aspasamenoi ton Pheston. hos de pleious hemeras dietribon ekei, ho Phestos to basilei anetheto ta kata ton Paulon legon; Aner tis estin kataleleimmenos hypo Phelikos desmios, peri hou genomenou mou eis Hierosolyma enephanisan ohi archiereis kai ohi presbyteroi ton Ioudaion, aitoumenoi kat’ autou katadiken; pros hous apekrithen hoti ouk estin ethos Rhomaiois charizesthai tina anthropon prin e ho kategoroumenos kata prosopon echoi tous kategorous topon te apologias laboi peri tou enklematos. synelthonton oun enthade anabolen medemian poiesamenos te hexes kathisas epi tou bematos ekeleusa achthenai ton andra; peri hou stathentes ohi kategoroi oudemian aitian epheron hon ego hypenooun poneron, zetemata de tina peri tes idias deisidaimonias eichon pros auton kai peri tinos Iesou tethnekotos, hon ephasken ho Paulos zen. aporoumenos de ego ten peri touton zetesin elegon ei bouloito poreuesthai eis Hierosolyma kakei krinesthai peri touton. tou de Paulou epikalesamenou terethenai auton eis ten tou Sebastou diagnosin, ekeleusa tereisthai auton heos hou anapempso auton pros Kaisara. Agrippas de pros ton Pheston; Eboulomen kai autos tou anthropou akousai. Aurion, phesin, akouse autou. Te oun epaurion elthontos tou Agrippa kai tes Bernikes meta polles phantasias kai eiselthonton eis to akroaterion syn te chiliarchois kai andrasin tois kat’ exochen tes poleos kai keleusantos tou Phestou echthe ho Paulos. kai phesin ho Phestos; Agrippa basileu kai pantes ohi symparontes hemin andres, theoreite touton peri hou hapan to plethos ton Ioudaion enetychon moi en te Hierosolymois kai enthade, boontes me dein auton zen meketi. ego de katelabomen meden axion auton thanatou peprachenai, autou de toutou epikalesamenou ton Sebaston ekrina pempein. peri hou asphales ti grapsai to kyrio ouk echo; dio proegagon auton eph’ hymon kai malista epi sou, basileu Agrippa, hopos tes anakriseos genomenes scho ti grapso; alogon gar moi dokei pemponta desmion me kai tas kat’ autou aitias semanai.