Livre 5, § 18 — Nouveau Testament

Μετὰ ταῦτα χωρισθεὶς ἐκ τῶν Ἀθηνῶν ἦλθεν εἰς Κόρινθον. καὶ εὑρών τινα Ἰουδαῖον ὀνόματι Ἀκύλαν, Ποντικὸν τῷ γένει, προσφάτως ἐληλυθότα ἀπὸ τῆς Ἰταλίας καὶ Πρίσκιλλαν γυναῖκα αὐτοῦ διὰ τὸ διατεταχέναι Κλαύδιον χωρίζεσθαι πάντας τοὺς Ἰουδαίους ἀπὸ τῆς Ῥώμης, προσῆλθεν αὐτοῖς, καὶ διὰ τὸ ὁμότεχνον εἶναι ἔμενεν παρ’ αὐτοῖς καὶ ἠργάζετο, ἦσαν γὰρ σκηνοποιοὶ τῇ τέχνῃ. διελέγετο δὲ ἐν τῇ συναγωγῇ κατὰ πᾶν σάββατον, ἔπειθέν τε Ἰουδαίους καὶ Ἕλληνας. Ὡς δὲ κατῆλθον ἀπὸ τῆς Μακεδονίας ὅ τε Σιλᾶς καὶ ὁ Τιμόθεος, συνείχετο τῷ λόγῳ ὁ Παῦλος, διαμαρτυρόμενος τοῖς Ἰουδαίοις εἶναι τὸν χριστὸν Ἰησοῦν. ἀντιτασσομένων δὲ αὐτῶν καὶ βλασφημούντων ἐκτιναξάμενος τὰ ἱμάτια εἶπεν πρὸς αὐτούς· Τὸ αἷμα ὑμῶν ἐπὶ τὴν κεφαλὴν ὑμῶν· καθαρὸς ἐγώ· ἀπὸ τοῦ νῦν εἰς τὰ ἔθνη πορεύσομαι. καὶ μεταβὰς ἐκεῖθεν εἰσῆλθεν εἰς οἰκίαν τινὸς ὀνόματι Τιτίου Ἰούστου σεβομένου τὸν θεόν, οὗ ἡ οἰκία ἦν συνομοροῦσα τῇ συναγωγῇ. Κρίσπος δὲ ὁ ἀρχισυνάγωγος ἐπίστευσεν τῷ κυρίῳ σὺν ὅλῳ τῷ οἴκῳ αὐτοῦ, καὶ πολλοὶ τῶν Κορινθίων ἀκούοντες ἐπίστευον καὶ ἐβαπτίζοντο. εἶπεν δὲ ὁ κύριος ἐν νυκτὶ δι’ ὁράματος τῷ Παύλῳ· Μὴ φοβοῦ, ἀλλὰ λάλει καὶ μὴ σιωπήσῃς, διότι ἐγώ εἰμι μετὰ σοῦ καὶ οὐδεὶς ἐπιθήσεταί σοι τοῦ κακῶσαί σε, διότι λαός ἐστί μοι πολὺς ἐν τῇ πόλει ταύτῃ. ἐκάθισεν δὲ ἐνιαυτὸν καὶ μῆνας ἓξ διδάσκων ἐν αὐτοῖς τὸν λόγον τοῦ θεοῦ. Γαλλίωνος δὲ ἀνθυπάτου ὄντος τῆς Ἀχαΐας κατεπέστησαν ὁμοθυμαδὸν οἱ Ἰουδαῖοι τῷ Παύλῳ καὶ ἤγαγον αὐτὸν ἐπὶ τὸ βῆμα, λέγοντες ὅτι Παρὰ τὸν νόμον ἀναπείθει οὗτος τοὺς ἀνθρώπους σέβεσθαι τὸν θεόν. μέλλοντος δὲ τοῦ Παύλου ἀνοίγειν τὸ στόμα εἶπεν ὁ Γαλλίων πρὸς τοὺς Ἰουδαίους· Εἰ μὲν ἦν ἀδίκημά τι ἢ ῥᾳδιούργημα πονηρόν, ὦ Ἰουδαῖοι, κατὰ λόγον ἂν ἀνεσχόμην ὑμῶν· εἰ δὲ ζητήματά ἐστιν περὶ λόγου καὶ ὀνομάτων καὶ νόμου τοῦ καθ’ ὑμᾶς, ὄψεσθε αὐτοί· κριτὴς ἐγὼ τούτων οὐ βούλομαι εἶναι. καὶ ἀπήλασεν αὐτοὺς ἀπὸ τοῦ βήματος. ἐπιλαβόμενοι δὲ πάντες Σωσθένην τὸν ἀρχισυνάγωγον ἔτυπτον ἔμπροσθεν τοῦ βήματος· καὶ οὐδὲν τούτων τῷ Γαλλίωνι ἔμελεν. Ὁ δὲ Παῦλος ἔτι προσμείνας ἡμέρας ἱκανὰς τοῖς ἀδελφοῖς ἀποταξάμενος ἐξέπλει εἰς τὴν Συρίαν, καὶ σὺν αὐτῷ Πρίσκιλλα καὶ Ἀκύλας, κειράμενος ἐν Κεγχρεαῖς τὴν κεφαλήν, εἶχεν γὰρ εὐχήν. κατήντησαν δὲ εἰς Ἔφεσον, κἀκείνους κατέλιπεν αὐτοῦ, αὐτὸς δὲ εἰσελθὼν εἰς τὴν συναγωγὴν διελέξατο τοῖς Ἰουδαίοις. ἐρωτώντων δὲ αὐτῶν ἐπὶ πλείονα χρόνον μεῖναι οὐκ ἐπένευσεν, ἀλλὰ ἀποταξάμενος καὶ εἰπών· Πάλιν ἀνακάμψω πρὸς ὑμᾶς τοῦ θεοῦ θέλοντος ἀνήχθη ἀπὸ τῆς Ἐφέσου, καὶ κατελθὼν εἰς Καισάρειαν, ἀναβὰς καὶ ἀσπασάμενος τὴν ἐκκλησίαν, κατέβη εἰς Ἀντιόχειαν, καὶ ποιήσας χρόνον τινὰ ἐξῆλθεν, διερχόμενος καθεξῆς τὴν Γαλατικὴν χώραν καὶ Φρυγίαν, στηρίζων πάντας τοὺς μαθητάς. Ἰουδαῖος δέ τις Ἀπολλῶς ὀνόματι, Ἀλεξανδρεὺς τῷ γένει, ἀνὴρ λόγιος, κατήντησεν εἰς Ἔφεσον, δυνατὸς ὢν ἐν ταῖς γραφαῖς. οὗτος ἦν κατηχημένος τὴν ὁδὸν τοῦ κυρίου, καὶ ζέων τῷ πνεύματι ἐλάλει καὶ ἐδίδασκεν ἀκριβῶς τὰ περὶ τοῦ Ἰησοῦ, ἐπιστάμενος μόνον τὸ βάπτισμα Ἰωάννου. οὗτός τε ἤρξατο παρρησιάζεσθαι ἐν τῇ συναγωγῇ· ἀκούσαντες δὲ αὐτοῦ Πρίσκιλλα καὶ Ἀκύλας προσελάβοντο αὐτὸν καὶ ἀκριβέστερον αὐτῷ ἐξέθεντο τὴν ὁδὸν τοῦ θεοῦ. βουλομένου δὲ αὐτοῦ διελθεῖν εἰς τὴν Ἀχαΐαν προτρεψάμενοι οἱ ἀδελφοὶ ἔγραψαν τοῖς μαθηταῖς ἀποδέξασθαι αὐτόν· ὃς παραγενόμενος συνεβάλετο πολὺ τοῖς πεπιστευκόσιν διὰ τῆς χάριτος· εὐτόνως γὰρ τοῖς Ἰουδαίοις διακατηλέγχετο δημοσίᾳ ἐπιδεικνὺς διὰ τῶν γραφῶν εἶναι τὸν χριστὸν Ἰησοῦν.

Meta tauta choristheis ek ton Athenon elthen eis Korinthon. kai heuron tina Ioudaion onomati Akylan, Pontikon to genei, prosphatos elelythota apo tes Italias kai Priskillan gynaika autou dia to diatetachenai Klaudion chorizesthai pantas tous Ioudaious apo tes Rhomes, proselthen autois, kai dia to homotechnon einai emenen par’ autois kai ergazeto, esan gar skenopoioi te techne. dielegeto de en te synagoge kata pan sabbaton, epeithen te Ioudaious kai Hellenas. Hos de katelthon apo tes Makedonias ho te Silas kai ho Timotheos, syneicheto to logo ho Paulos, diamartyromenos tois Ioudaiois einai ton christon Iesoun. antitassomenon de auton kai blasphemounton ektinaxamenos ta himatia eipen pros autous; To ahima hymon epi ten kephalen hymon; katharos ego; apo tou nyn eis ta ethne poreusomai. kai metabas ekeithen eiselthen eis oikian tinos onomati Titiou Ioustou sebomenou ton theon, hou he oikia en synomorousa te synagoge. Krispos de ho archisynagogos episteusen to kyrio syn holo to oiko autou, kai polloi ton Korinthion akouontes episteuon kai ebaptizonto. eipen de ho kyrios en nykti di’ horamatos to Paulo; Me phobou, alla lalei kai me siopeses, dioti ego eimi meta sou kai oudeis epithesetai soi tou kakosai se, dioti laos esti moi polys en te polei taute. ekathisen de eniauton kai menas hex didaskon en autois ton logon tou theou. Gallionos de anthypatou ontos tes Achaias katepestesan homothymadon ohi Ioudaioi to Paulo kai egagon auton epi to bema, legontes hoti Para ton nomon anapeithei houtos tous anthropous sebesthai ton theon. mellontos de tou Paulou anoigein to stoma eipen ho Gallion pros tous Ioudaious; Ei men en adikema ti e rhadiourgema poneron, o Ioudaioi, kata logon an aneschomen hymon; ei de zetemata estin peri logou kai onomaton kai nomou tou kath’ hymas, opsesthe autoi; krites ego touton ou boulomai einai. kai apelasen autous apo tou bematos. epilabomenoi de pantes Sosthenen ton archisynagogon etypton emprosthen tou bematos; kai ouden touton to Gallioni emelen. Ho de Paulos eti prosmeinas hemeras hikanas tois adelphois apotaxamenos exeplei eis ten Syrian, kai syn auto Priskilla kai Akylas, keiramenos en Kenchreais ten kephalen, eichen gar euchen. katentesan de eis Epheson, kakeinous katelipen autou, autos de eiselthon eis ten synagogen dielexato tois Ioudaiois. erotonton de auton epi pleiona chronon meinai ouk epeneusen, alla apotaxamenos kai eipon; Palin anakampso pros hymas tou theou thelontos anechthe apo tes Ephesou, kai katelthon eis Kaisareian, anabas kai aspasamenos ten ekklesian, katebe eis Antiocheian, kai poiesas chronon tina exelthen, dierchomenos kathexes ten Galatiken choran kai Phrygian, sterizon pantas tous mathetas. Ioudaios de tis Apollos onomati, Alexandreus to genei, aner logios, katentesen eis Epheson, dynatos on en tais graphais. houtos en katechemenos ten hodon tou kyriou, kai zeon to pneumati elalei kai edidasken akribos ta peri tou Iesou, epistamenos monon to baptisma Ioannou. houtos te erxato parresiazesthai en te synagoge; akousantes de autou Priskilla kai Akylas proselabonto auton kai akribesteron auto exethento ten hodon tou theou. boulomenou de autou dielthein eis ten Achaian protrepsamenoi ohi adelphoi egrapsan tois mathetais apodexasthai auton; hos paragenomenos synebaleto poly tois pepisteukosin dia tes charitos; eutonos gar tois Ioudaiois diakatelencheto demosia epideiknys dia ton graphon einai ton christon Iesoun.