Livre 4, § 21 — Nouveau Testament

Μετὰ ταῦτα ἐφανέρωσεν ἑαυτὸν πάλιν ὁ Ἰησοῦς τοῖς μαθηταῖς ἐπὶ τῆς θαλάσσης τῆς Τιβεριάδος· ἐφανέρωσεν δὲ οὕτως. ἦσαν ὁμοῦ Σίμων Πέτρος καὶ Θωμᾶς ὁ λεγόμενος Δίδυμος καὶ Ναθαναὴλ ὁ ἀπὸ Κανὰ τῆς Γαλιλαίας καὶ οἱ τοῦ Ζεβεδαίου καὶ ἄλλοι ἐκ τῶν μαθητῶν αὐτοῦ δύο. λέγει αὐτοῖς Σίμων Πέτρος· Ὑπάγω ἁλιεύειν· λέγουσιν αὐτῷ· Ἐρχόμεθα καὶ ἡμεῖς σὺν σοί. ἐξῆλθον καὶ ἐνέβησαν εἰς τὸ πλοῖον, καὶ ἐν ἐκείνῃ τῇ νυκτὶ ἐπίασαν οὐδέν. Πρωΐας δὲ ἤδη γενομένης ἔστη Ἰησοῦς εἰς τὸν αἰγιαλόν· οὐ μέντοι ᾔδεισαν οἱ μαθηταὶ ὅτι Ἰησοῦς ἐστιν. λέγει οὖν αὐτοῖς ὁ Ἰησοῦς· Παιδία, μή τι προσφάγιον ἔχετε; ἀπεκρίθησαν αὐτῷ· Οὔ. ὁ δὲ εἶπεν αὐτοῖς· Βάλετε εἰς τὰ δεξιὰ μέρη τοῦ πλοίου τὸ δίκτυον, καὶ εὑρήσετε. ἔβαλον οὖν, καὶ οὐκέτι αὐτὸ ἑλκύσαι ἴσχυον ἀπὸ τοῦ πλήθους τῶν ἰχθύων. λέγει οὖν ὁ μαθητὴς ἐκεῖνος ὃν ἠγάπα ὁ Ἰησοῦς τῷ Πέτρῳ· Ὁ κύριός ἐστιν. Σίμων οὖν Πέτρος, ἀκούσας ὅτι ὁ κύριός ἐστιν, τὸν ἐπενδύτην διεζώσατο, ἦν γὰρ γυμνός, καὶ ἔβαλεν ἑαυτὸν εἰς τὴν θάλασσαν· οἱ δὲ ἄλλοι μαθηταὶ τῷ πλοιαρίῳ ἦλθον, οὐ γὰρ ἦσαν μακρὰν ἀπὸ τῆς γῆς ἀλλὰ ὡς ἀπὸ πηχῶν διακοσίων, σύροντες τὸ δίκτυον τῶν ἰχθύων. Ὡς οὖν ἀπέβησαν εἰς τὴν γῆν βλέπουσιν ἀνθρακιὰν κειμένην καὶ ὀψάριον ἐπικείμενον καὶ ἄρτον. λέγει αὐτοῖς ὁ Ἰησοῦς· Ἐνέγκατε ἀπὸ τῶν ὀψαρίων ὧν ἐπιάσατε νῦν. ἀνέβη οὖν Σίμων Πέτρος καὶ εἵλκυσεν τὸ δίκτυον εἰς τὴν γῆν μεστὸν ἰχθύων μεγάλων ἑκατὸν πεντήκοντα τριῶν· καὶ τοσούτων ὄντων οὐκ ἐσχίσθη τὸ δίκτυον. λέγει αὐτοῖς ὁ Ἰησοῦς· Δεῦτε ἀριστήσατε. οὐδεὶς δὲ ἐτόλμα τῶν μαθητῶν ἐξετάσαι αὐτόν· Σὺ τίς εἶ; εἰδότες ὅτι ὁ κύριός ἐστιν. ἔρχεται ὁ Ἰησοῦς καὶ λαμβάνει τὸν ἄρτον καὶ δίδωσιν αὐτοῖς, καὶ τὸ ὀψάριον ὁμοίως. τοῦτο ἤδη τρίτον ἐφανερώθη ὁ Ἰησοῦς τοῖς μαθηταῖς ἐγερθεὶς ἐκ νεκρῶν. Ὅτε οὖν ἠρίστησαν λέγει τῷ Σίμωνι Πέτρῳ ὁ Ἰησοῦς· Σίμων Ἰωάννου, ἀγαπᾷς με πλέον τούτων; λέγει αὐτῷ· Ναί, κύριε, σὺ οἶδας ὅτι φιλῶ σε. λέγει αὐτῷ· Βόσκε τὰ ἀρνία μου. λέγει αὐτῷ πάλιν δεύτερον· Σίμων Ἰωάννου, ἀγαπᾷς με; λέγει αὐτῷ· Ναί, κύριε, σὺ οἶδας ὅτι φιλῶ σε. λέγει αὐτῷ· Ποίμαινε τὰ πρόβατά μου. λέγει αὐτῷ τὸ τρίτον· Σίμων Ἰωάννου, φιλεῖς με; ἐλυπήθη ὁ Πέτρος ὅτι εἶπεν αὐτῷ τὸ τρίτον· Φιλεῖς με; καὶ εἶπεν αὐτῷ· Κύριε, πάντα σὺ οἶδας, σὺ γινώσκεις ὅτι φιλῶ σε. λέγει αὐτῷ ὁ Ἰησοῦς· Βόσκε τὰ πρόβατά μου. ἀμὴν ἀμὴν λέγω σοι, ὅτε ἦς νεώτερος, ἐζώννυες σεαυτὸν καὶ περιεπάτεις ὅπου ἤθελες· ὅταν δὲ γηράσῃς, ἐκτενεῖς τὰς χεῖράς σου, καὶ ἄλλος σε ζώσει καὶ οἴσει ὅπου οὐ θέλεις. τοῦτο δὲ εἶπεν σημαίνων ποίῳ θανάτῳ δοξάσει τὸν θεόν. καὶ τοῦτο εἰπὼν λέγει αὐτῷ· Ἀκολούθει μοι. Ἐπιστραφεὶς ὁ Πέτρος βλέπει τὸν μαθητὴν ὃν ἠγάπα ὁ Ἰησοῦς ἀκολουθοῦντα, ὃς καὶ ἀνέπεσεν ἐν τῷ δείπνῳ ἐπὶ τὸ στῆθος αὐτοῦ καὶ εἶπεν· Κύριε, τίς ἐστιν ὁ παραδιδούς σε; τοῦτον οὖν ἰδὼν ὁ Πέτρος λέγει τῷ Ἰησοῦ· Κύριε, οὗτος δὲ τί; λέγει αὐτῷ ὁ Ἰησοῦς· Ἐὰν αὐτὸν θέλω μένειν ἕως ἔρχομαι, τί πρὸς σέ; σύ μοι ἀκολούθει. ἐξῆλθεν οὖν οὗτος ὁ λόγος εἰς τοὺς ἀδελφοὺς ὅτι ὁ μαθητὴς ἐκεῖνος οὐκ ἀποθνῄσκει. οὐκ εἶπεν δὲ αὐτῷ ὁ Ἰησοῦς ὅτι οὐκ ἀποθνῄσκει ἀλλ’· Ἐὰν αὐτὸν θέλω μένειν ἕως ἔρχομαι, τί πρὸς σέ; Οὗτός ἐστιν ὁ μαθητὴς ὁ μαρτυρῶν περὶ τούτων καὶ ὁ γράψας ταῦτα, καὶ οἴδαμεν ὅτι ἀληθὴς αὐτοῦ ἡ μαρτυρία ἐστίν. ἔστιν δὲ καὶ ἄλλα πολλὰ ἃ ἐποίησεν ὁ Ἰησοῦς, ἅτινα ἐὰν γράφηται καθ’ ἕν, οὐδ’ αὐτὸν οἶμαι τὸν κόσμον χωρήσειν τὰ γραφόμενα βιβλία.

Meta tauta ephanerosen heauton palin ho Iesous tois mathetais epi tes thalasses tes Tiberiados; ephanerosen de houtos. esan homou Simon Petros kai Thomas ho legomenos Didymos kai Nathanael ho apo Kana tes Galilaias kai ohi tou Zebedaiou kai alloi ek ton matheton autou dyo. legei autois Simon Petros; Hypago halieuein; legousin auto; Erchometha kai hemeis syn soi. exelthon kai enebesan eis to ploion, kai en ekeine te nykti epiasan ouden. Proias de ede genomenes este Iesous eis ton aigialon; ou mentoi edeisan ohi mathetai hoti Iesous estin. legei oun autois ho Iesous; Paidia, me ti prosphagion echete? apekrithesan auto; Ou. ho de eipen autois; Balete eis ta dexia mere tou ploiou to diktyon, kai heuresete. ebalon oun, kai ouketi auto helkysai ischyon apo tou plethous ton ichthyon. legei oun ho mathetes ekeinos hon egapa ho Iesous to Petro; Ho kyrios estin. Simon oun Petros, akousas hoti ho kyrios estin, ton ependyten diezosato, en gar gymnos, kai ebalen heauton eis ten thalassan; ohi de alloi mathetai to ploiario elthon, ou gar esan makran apo tes ges alla hos apo pechon diakosion, syrontes to diktyon ton ichthyon. Hos oun apebesan eis ten gen blepousin anthrakian keimenen kai opsarion epikeimenon kai arton. legei autois ho Iesous; Enenkate apo ton opsarion hon epiasate nyn. anebe oun Simon Petros kai ehilkysen to diktyon eis ten gen meston ichthyon megalon hekaton pentekonta trion; kai tosouton onton ouk eschisthe to diktyon. legei autois ho Iesous; Deute aristesate. oudeis de etolma ton matheton exetasai auton; Sy tis ei? eidotes hoti ho kyrios estin. erchetai ho Iesous kai lambanei ton arton kai didosin autois, kai to opsarion homoios. touto ede triton ephanerothe ho Iesous tois mathetais egertheis ek nekron. Hote oun eristesan legei to Simoni Petro ho Iesous; Simon Ioannou, agapas me pleon touton? legei auto; Nai, kyrie, sy oidas hoti philo se. legei auto; Boske ta arnia mou. legei auto palin deuteron; Simon Ioannou, agapas me? legei auto; Nai, kyrie, sy oidas hoti philo se. legei auto; Poimaine ta probata mou. legei auto to triton; Simon Ioannou, phileis me? elypethe ho Petros hoti eipen auto to triton; Phileis me? kai eipen auto; Kyrie, panta sy oidas, sy ginoskeis hoti philo se. legei auto ho Iesous; Boske ta probata mou. amen amen lego soi, hote es neoteros, ezonnyes seauton kai periepateis hopou etheles; hotan de gerases, ekteneis tas cheiras sou, kai allos se zosei kai oisei hopou ou theleis. touto de eipen semainon poio thanato doxasei ton theon. kai touto eipon legei auto; Akolouthei moi. Epistrapheis ho Petros blepei ton matheten hon egapa ho Iesous akolouthounta, hos kai anepesen en to deipno epi to stethos autou kai eipen; Kyrie, tis estin ho paradidous se? touton oun idon ho Petros legei to Iesou; Kyrie, houtos de ti? legei auto ho Iesous; Ean auton thelo menein heos erchomai, ti pros se? sy moi akolouthei. exelthen oun houtos ho logos eis tous adelphous hoti ho mathetes ekeinos ouk apothneskei. ouk eipen de auto ho Iesous hoti ouk apothneskei all’; Ean auton thelo menein heos erchomai, ti pros se? Houtos estin ho mathetes ho martyron peri touton kai ho grapsas tauta, kai oidamen hoti alethes autou he martyria estin. estin de kai alla polla ha epoiesen ho Iesous, hatina ean graphetai kath’ hen, oud’ auton oimai ton kosmon choresein ta graphomena biblia.