Livre 4, § 10 — Nouveau Testament

Ἀμὴν ἀμὴν λέγω ὑμῖν, ὁ μὴ εἰσερχόμενος διὰ τῆς θύρας εἰς τὴν αὐλὴν τῶν προβάτων ἀλλὰ ἀναβαίνων ἀλλαχόθεν ἐκεῖνος κλέπτης ἐστὶν καὶ λῃστής· ὁ δὲ εἰσερχόμενος διὰ τῆς θύρας ποιμήν ἐστιν τῶν προβάτων. τούτῳ ὁ θυρωρὸς ἀνοίγει, καὶ τὰ πρόβατα τῆς φωνῆς αὐτοῦ ἀκούει καὶ τὰ ἴδια πρόβατα φωνεῖ κατ’ ὄνομα καὶ ἐξάγει αὐτά. ὅταν τὰ ἴδια πάντα ἐκβάλῃ, ἔμπροσθεν αὐτῶν πορεύεται, καὶ τὰ πρόβατα αὐτῷ ἀκολουθεῖ, ὅτι οἴδασιν τὴν φωνὴν αὐτοῦ· ἀλλοτρίῳ δὲ οὐ μὴ ἀκολουθήσουσιν ἀλλὰ φεύξονται ἀπ’ αὐτοῦ, ὅτι οὐκ οἴδασι τῶν ἀλλοτρίων τὴν φωνήν. ταύτην τὴν παροιμίαν εἶπεν αὐτοῖς ὁ Ἰησοῦς· ἐκεῖνοι δὲ οὐκ ἔγνωσαν τίνα ἦν ἃ ἐλάλει αὐτοῖς.

Amen amen lego hymin, ho me eiserchomenos dia tes thyras eis ten aulen ton probaton alla anabainon allachothen ekeinos kleptes estin kai lestes; ho de eiserchomenos dia tes thyras poimen estin ton probaton. touto ho thyroros anoigei, kai ta probata tes phones autou akouei kai ta idia probata phonei kat’ onoma kai exagei auta. hotan ta idia panta ekbale, emprosthen auton poreuetai, kai ta probata auto akolouthei, hoti oidasin ten phonen autou; allotrio de ou me akolouthesousin alla pheuxontai ap’ autou, hoti ouk oidasi ton allotrion ten phonen. tauten ten paroimian eipen autois ho Iesous; ekeinoi de ouk egnosan tina en ha elalei autois.

Εἶπεν οὖν πάλιν αὐτοῖς ὁ Ἰησοῦς· Ἀμὴν ἀμὴν λέγω ὑμῖν ὅτι ἐγώ εἰμι ἡ θύρα τῶν προβάτων. πάντες ὅσοι ἦλθον πρὸ ἐμοῦ κλέπται εἰσὶν καὶ λῃσταί· ἀλλ’ οὐκ ἤκουσαν αὐτῶν τὰ πρόβατα. ἐγώ εἰμι ἡ θύρα· δι’ ἐμοῦ ἐάν τις εἰσέλθῃ σωθήσεται καὶ εἰσελεύσεται καὶ ἐξελεύσεται καὶ νομὴν εὑρήσει. ὁ κλέπτης οὐκ ἔρχεται εἰ μὴ ἵνα κλέψῃ καὶ θύσῃ καὶ ἀπολέσῃ· ἐγὼ ἦλθον ἵνα ζωὴν ἔχωσιν καὶ περισσὸν ἔχωσιν.

Eipen oun palin autois ho Iesous; Amen amen lego hymin hoti ego eimi he thyra ton probaton. pantes hosoi elthon pro emou kleptai eisin kai lestai; all’ ouk ekousan auton ta probata. ego eimi he thyra; di’ emou ean tis eiselthe sothesetai kai eiseleusetai kai exeleusetai kai nomen heuresei. ho kleptes ouk erchetai ei me hina klepse kai thyse kai apolese; ego elthon hina zoen echosin kai perisson echosin.

Ἐγώ εἰμι ὁ ποιμὴν ὁ καλός· ὁ ποιμὴν ὁ καλὸς τὴν ψυχὴν αὐτοῦ τίθησιν ὑπὲρ τῶν προβάτων· ὁ μισθωτὸς καὶ οὐκ ὢν ποιμήν, οὗ οὐκ ἔστιν τὰ πρόβατα ἴδια, θεωρεῖ τὸν λύκον ἐρχόμενον καὶ ἀφίησιν τὰ πρόβατα καὶ φεύγει καὶ ὁ λύκος ἁρπάζει αὐτὰ καὶ σκορπίζει ὅτι μισθωτός ἐστιν καὶ οὐ μέλει αὐτῷ περὶ τῶν προβάτων. ἐγώ εἰμι ὁ ποιμὴν ὁ καλός, καὶ γινώσκω τὰ ἐμὰ καὶ γινώσκουσί με τὰ ἐμά, καθὼς γινώσκει με ὁ πατὴρ κἀγὼ γινώσκω τὸν πατέρα, καὶ τὴν ψυχήν μου τίθημι ὑπὲρ τῶν προβάτων. καὶ ἄλλα πρόβατα ἔχω ἃ οὐκ ἔστιν ἐκ τῆς αὐλῆς ταύτης· κἀκεῖνα δεῖ με ἀγαγεῖν, καὶ τῆς φωνῆς μου ἀκούσουσιν, καὶ γενήσονται μία ποίμνη, εἷς ποιμήν. διὰ τοῦτό με ὁ πατὴρ ἀγαπᾷ ὅτι ἐγὼ τίθημι τὴν ψυχήν μου, ἵνα πάλιν λάβω αὐτήν. οὐδεὶς αἴρει αὐτὴν ἀπ’ ἐμοῦ, ἀλλ’ ἐγὼ τίθημι αὐτὴν ἀπ’ ἐμαυτοῦ. ἐξουσίαν ἔχω θεῖναι αὐτήν, καὶ ἐξουσίαν ἔχω πάλιν λαβεῖν αὐτήν· ταύτην τὴν ἐντολὴν ἔλαβον παρὰ τοῦ πατρός μου.

Ego eimi ho poimen ho kalos; ho poimen ho kalos ten psychen autou tithesin hyper ton probaton; ho misthotos kai ouk on poimen, hou ouk estin ta probata idia, theorei ton lykon erchomenon kai aphiesin ta probata kai pheugei kai ho lykos harpazei auta kai skorpizei hoti misthotos estin kai ou melei auto peri ton probaton. ego eimi ho poimen ho kalos, kai ginosko ta ema kai ginoskousi me ta ema, kathos ginoskei me ho pater kago ginosko ton patera, kai ten psychen mou tithemi hyper ton probaton. kai alla probata echo ha ouk estin ek tes aules tautes; kakeina dei me agagein, kai tes phones mou akousousin, kai genesontai mia poimne, ehis poimen. dia touto me ho pater agapa hoti ego tithemi ten psychen mou, hina palin labo auten. oudeis airei auten ap’ emou, all’ ego tithemi auten ap’ emautou. exousian echo theinai auten, kai exousian echo palin labein auten; tauten ten entolen elabon para tou patros mou.

Σχίσμα πάλιν ἐγένετο ἐν τοῖς Ἰουδαίοις διὰ τοὺς λόγους τούτους. ἔλεγον δὲ πολλοὶ ἐξ αὐτῶν· Δαιμόνιον ἔχει καὶ μαίνεται· τί αὐτοῦ ἀκούετε; ἄλλοι ἔλεγον· Ταῦτα τὰ ῥήματα οὐκ ἔστιν δαιμονιζομένου· μὴ δαιμόνιον δύναται τυφλῶν ὀφθαλμοὺς ἀνοῖξαι;

Schisma palin egeneto en tois Ioudaiois dia tous logous toutous. elegon de polloi ex auton; Daimonion echei kai mainetai; ti autou akouete? alloi elegon; Tauta ta rhemata ouk estin daimonizomenou; me daimonion dynatai typhlon ophthalmous anoixai?

Ἐγένετο τότε τὰ ἐγκαίνια ἐν τοῖς Ἱεροσολύμοις· χειμὼν ἦν, καὶ περιεπάτει ὁ Ἰησοῦς ἐν τῷ ἱερῷ ἐν τῇ στοᾷ τοῦ Σολομῶνος. ἐκύκλωσαν οὖν αὐτὸν οἱ Ἰουδαῖοι καὶ ἔλεγον αὐτῷ· Ἕως πότε τὴν ψυχὴν ἡμῶν αἴρεις; εἰ σὺ εἶ ὁ χριστός, εἰπὲ ἡμῖν παρρησίᾳ. ἀπεκρίθη αὐτοῖς ὁ Ἰησοῦς· Εἶπον ὑμῖν καὶ οὐ πιστεύετε· τὰ ἔργα ἃ ἐγὼ ποιῶ ἐν τῷ ὀνόματι τοῦ πατρός μου ταῦτα μαρτυρεῖ περὶ ἐμοῦ· ἀλλὰ ὑμεῖς οὐ πιστεύετε, ὅτι οὐκ ἐστὲ ἐκ τῶν προβάτων τῶν ἐμῶν. τὰ πρόβατα τὰ ἐμὰ τῆς φωνῆς μου ἀκούουσιν, κἀγὼ γινώσκω αὐτά, καὶ ἀκολουθοῦσίν μοι, κἀγὼ δίδωμι αὐτοῖς ζωὴν αἰώνιον, καὶ οὐ μὴ ἀπόλωνται εἰς τὸν αἰῶνα, καὶ οὐχ ἁρπάσει τις αὐτὰ ἐκ τῆς χειρός μου. ὁ πατήρ μου ὃ δέδωκέν μοι πάντων μεῖζων ἐστιν, καὶ οὐδεὶς δύναται ἁρπάζειν ἐκ τῆς χειρὸς τοῦ πατρός. ἐγὼ καὶ ὁ πατὴρ ἕν ἐσμεν.

Egeneto tote ta enkainia en tois Hierosolymois; cheimon en, kai periepatei ho Iesous en to hiero en te stoa tou Solomonos. ekyklosan oun auton ohi Ioudaioi kai elegon auto; Heos pote ten psychen hemon aireis? ei sy ei ho christos, eipe hemin parresia. apekrithe autois ho Iesous; Eipon hymin kai ou pisteuete; ta erga ha ego poio en to onomati tou patros mou tauta martyrei peri emou; alla hymeis ou pisteuete, hoti ouk este ek ton probaton ton emon. ta probata ta ema tes phones mou akouousin, kago ginosko auta, kai akolouthousin moi, kago didomi autois zoen aionion, kai ou me apolontai eis ton aiona, kai ouch harpasei tis auta ek tes cheiros mou. ho pater mou ho dedoken moi panton meizon estin, kai oudeis dynatai harpazein ek tes cheiros tou patros. ego kai ho pater hen esmen.

Ἐβάστασαν οὖν πάλιν λίθους οἱ Ἰουδαῖοι ἵνα λιθάσωσιν αὐτόν. ἀπεκρίθη αὐτοῖς ὁ Ἰησοῦς· Πολλὰ ἔργα καλὰ ἔδειξα ὑμῖν ἐκ τοῦ πατρός· διὰ ποῖον αὐτῶν ἔργον ἐμὲ λιθάζετε; ἀπεκρίθησαν αὐτῷ οἱ Ἰουδαῖοι· Περὶ καλοῦ ἔργου οὐ λιθάζομέν σε ἀλλὰ περὶ βλασφημίας, καὶ ὅτι σὺ ἄνθρωπος ὢν ποιεῖς σεαυτὸν θεόν. ἀπεκρίθη αὐτοῖς ὁ Ἰησοῦς· Οὐκ ἔστιν γεγραμμένον ἐν τῷ νόμῳ ὑμῶν ὅτι Ἐγὼ εἶπα· Θεοί ἐστε; εἰ ἐκείνους εἶπεν θεοὺς πρὸς οὓς ὁ λόγος τοῦ θεοῦ ἐγένετο, καὶ οὐ δύναται λυθῆναι ἡ γραφή, ὃν ὁ πατὴρ ἡγίασεν καὶ ἀπέστειλεν εἰς τὸν κόσμον ὑμεῖς λέγετε ὅτι Βλασφημεῖς, ὅτι εἶπον· Υἱὸς τοῦ θεοῦ εἰμι; εἰ οὐ ποιῶ τὰ ἔργα τοῦ πατρός μου, μὴ πιστεύετέ μοι· εἰ δὲ ποιῶ, κἂν ἐμοὶ μὴ πιστεύητε τοῖς ἔργοις πιστεύετε, ἵνα γνῶτε καὶ γινώσκητε ὅτι ἐν ἐμοὶ ὁ πατὴρ κἀγὼ ἐν τῷ πατρί. ἐζήτουν οὖν πάλιν αὐτὸν πιάσαι· καὶ ἐξῆλθεν ἐκ τῆς χειρὸς αὐτῶν.

Ebastasan oun palin lithous ohi Ioudaioi hina lithasosin auton. apekrithe autois ho Iesous; Polla erga kala edeixa hymin ek tou patros; dia poion auton ergon eme lithazete? apekrithesan auto ohi Ioudaioi; Peri kalou ergou ou lithazomen se alla peri blasphemias, kai hoti sy anthropos on poieis seauton theon. apekrithe autois ho Iesous; Ouk estin gegrammenon en to nomo hymon hoti Ego eipa; Theoi este? ei ekeinous eipen theous pros hous ho logos tou theou egeneto, kai ou dynatai lythenai he graphe, hon ho pater hegiasen kai apesteilen eis ton kosmon hymeis legete hoti Blasphemeis, hoti eipon; Yhios tou theou eimi? ei ou poio ta erga tou patros mou, me pisteuete moi; ei de poio, kan emoi me pisteuete tois ergois pisteuete, hina gnote kai ginoskete hoti en emoi ho pater kago en to patri. ezetoun oun palin auton piasai; kai exelthen ek tes cheiros auton.

Καὶ ἀπῆλθεν πάλιν πέραν τοῦ Ἰορδάνου εἰς τὸν τόπον ὅπου ἦν Ἰωάννης τὸ πρῶτον βαπτίζων, καὶ ἔμεινεν ἐκεῖ. καὶ πολλοὶ ἦλθον πρὸς αὐτὸν καὶ ἔλεγον ὅτι Ἰωάννης μὲν σημεῖον ἐποίησεν οὐδέν, πάντα δὲ ὅσα εἶπεν Ἰωάννης περὶ τούτου ἀληθῆ ἦν. καὶ πολλοὶ ἐπίστευσαν εἰς αὐτὸν ἐκεῖ.

Kai apelthen palin peran tou Iordanou eis ton topon hopou en Ioannes to proton baptizon, kai emeinen ekei. kai polloi elthon pros auton kai elegon hoti Ioannes men semeion epoiesen ouden, panta de hosa eipen Ioannes peri toutou alethe en. kai polloi episteusan eis auton ekei.