Livre 22, § 1 — Nouveau Testament

Συμεὼν Πέτρος δοῦλος καὶ ἀπόστολος Ἰησοῦ Χριστοῦ τοῖς ἰσότιμον ἡμῖν λαχοῦσιν πίστιν ἐν δικαιοσύνῃ τοῦ θεοῦ ἡμῶν καὶ σωτῆρος Ἰησοῦ Χριστοῦ· χάρις ὑμῖν καὶ εἰρήνη πληθυνθείη ἐν ἐπιγνώσει τοῦ θεοῦ καὶ Ἰησοῦ τοῦ κυρίου ἡμῶν. Ὡς πάντα ἡμῖν τῆς θείας δυνάμεως αὐτοῦ τὰ πρὸς ζωὴν καὶ εὐσέβειαν δεδωρημένης διὰ τῆς ἐπιγνώσεως τοῦ καλέσαντος ἡμᾶς ἰδίᾳ δόξῃ καὶ ἀρετῇ, δι’ ὧν τὰ τίμια καὶ μέγιστα ἡμῖν ἐπαγγέλματα δεδώρηται, ἵνα διὰ τούτων γένησθε θείας κοινωνοὶ φύσεως, ἀποφυγόντες τῆς ἐν τῷ κόσμῳ ἐν ἐπιθυμίᾳ φθορᾶς. καὶ αὐτὸ τοῦτο δὲ σπουδὴν πᾶσαν παρεισενέγκαντες ἐπιχορηγήσατε ἐν τῇ πίστει ὑμῶν τὴν ἀρετήν, ἐν δὲ τῇ ἀρετῇ τὴν γνῶσιν, ἐν δὲ τῇ γνώσει τὴν ἐγκράτειαν, ἐν δὲ τῇ ἐγκρατείᾳ τὴν ὑπομονήν, ἐν δὲ τῇ ὑπομονῇ τὴν εὐσέβειαν, ἐν δὲ τῇ εὐσεβείᾳ τὴν φιλαδελφίαν, ἐν δὲ τῇ φιλαδελφίᾳ τὴν ἀγάπην· ταῦτα γὰρ ὑμῖν ὑπάρχοντα καὶ πλεονάζοντα οὐκ ἀργοὺς οὐδὲ ἀκάρπους καθίστησιν εἰς τὴν τοῦ κυρίου ἡμῶν Ἰησοῦ Χριστοῦ ἐπίγνωσιν· ᾧ γὰρ μὴ πάρεστιν ταῦτα, τυφλός ἐστιν μυωπάζων, λήθην λαβὼν τοῦ καθαρισμοῦ τῶν πάλαι αὐτοῦ ἁμαρτημάτων. διὸ μᾶλλον, ἀδελφοί, σπουδάσατε βεβαίαν ὑμῶν τὴν κλῆσιν καὶ ἐκλογὴν ποιεῖσθαι· ταῦτα γὰρ ποιοῦντες οὐ μὴ πταίσητέ ποτε· οὕτως γὰρ πλουσίως ἐπιχορηγηθήσεται ὑμῖν ἡ εἴσοδος εἰς τὴν αἰώνιον βασιλείαν τοῦ κυρίου ἡμῶν καὶ σωτῆρος Ἰησοῦ Χριστοῦ. Διὸ μελλήσω ἀεὶ ὑμᾶς ὑπομιμνῄσκειν περὶ τούτων, καίπερ εἰδότας καὶ ἐστηριγμένους ἐν τῇ παρούσῃ ἀληθείᾳ. δίκαιον δὲ ἡγοῦμαι, ἐφ’ ὅσον εἰμὶ ἐν τούτῳ τῷ σκηνώματι, διεγείρειν ὑμᾶς ἐν ὑπομνήσει, εἰδὼς ὅτι ταχινή ἐστιν ἡ ἀπόθεσις τοῦ σκηνώματός μου, καθὼς καὶ ὁ κύριος ἡμῶν Ἰησοῦς Χριστὸς ἐδήλωσέν μοι· σπουδάσω δὲ καὶ ἑκάστοτε ἔχειν ὑμᾶς μετὰ τὴν ἐμὴν ἔξοδον τὴν τούτων μνήμην ποιεῖσθαι. Οὐ γὰρ σεσοφισμένοις μύθοις ἐξακολουθήσαντες ἐγνωρίσαμεν ὑμῖν τὴν τοῦ κυρίου ἡμῶν Ἰησοῦ Χριστοῦ δύναμιν καὶ παρουσίαν, ἀλλ’ ἐπόπται γενηθέντες τῆς ἐκείνου μεγαλειότητος. λαβὼν γὰρ παρὰ θεοῦ πατρὸς τιμὴν καὶ δόξαν φωνῆς ἐνεχθείσης αὐτῷ τοιᾶσδε ὑπὸ τῆς μεγαλοπρεποῦς δόξης· Ὁ υἱός μου ὁ ἀγαπητός μου οὗτός ἐστιν, εἰς ὃν ἐγὼ εὐδόκησα καὶ ταύτην τὴν φωνὴν ἡμεῖς ἠκούσαμεν ἐξ οὐρανοῦ ἐνεχθεῖσαν σὺν αὐτῷ ὄντες ἐν τῷ ἁγίῳ ὄρει. καὶ ἔχομεν βεβαιότερον τὸν προφητικὸν λόγον, ᾧ καλῶς ποιεῖτε προσέχοντες ὡς λύχνῳ φαίνοντι ἐν αὐχμηρῷ τόπῳ, ἕως οὗ ἡμέρα διαυγάσῃ καὶ φωσφόρος ἀνατείλῃ ἐν ταῖς καρδίαις ὑμῶν· τοῦτο πρῶτον γινώσκοντες ὅτι πᾶσα προφητεία γραφῆς ἰδίας ἐπιλύσεως οὐ γίνεται, οὐ γὰρ θελήματι ἀνθρώπου ἠνέχθη προφητεία ποτέ, ἀλλὰ ὑπὸ πνεύματος ἁγίου φερόμενοι ἐλάλησαν ἀπὸ θεοῦ ἄνθρωποι.

Symeon Petros doulos kai apostolos Iesou Christou tois isotimon hemin lachousin pistin en dikaiosyne tou theou hemon kai soteros Iesou Christou; charis hymin kai eirene plethyntheie en epignosei tou theou kai Iesou tou kyriou hemon. Hos panta hemin tes theias dynameos autou ta pros zoen kai eusebeian dedoremenes dia tes epignoseos tou kalesantos hemas idia doxe kai arete, di’ hon ta timia kai megista hemin epangelmata dedoretai, hina dia touton genesthe theias koinonoi physeos, apophygontes tes en to kosmo en epithymia phthoras. kai auto touto de spouden pasan pareisenenkantes epichoregesate en te pistei hymon ten areten, en de te arete ten gnosin, en de te gnosei ten enkrateian, en de te enkrateia ten hypomonen, en de te hypomone ten eusebeian, en de te eusebeia ten philadelphian, en de te philadelphia ten agapen; tauta gar hymin hyparchonta kai pleonazonta ouk argous oude akarpous kathistesin eis ten tou kyriou hemon Iesou Christou epignosin; ho gar me parestin tauta, typhlos estin myopazon, lethen labon tou katharismou ton palai autou hamartematon. dio mallon, adelphoi, spoudasate bebaian hymon ten klesin kai eklogen poieisthai; tauta gar poiountes ou me ptaisete pote; houtos gar plousios epichoregethesetai hymin he eisodos eis ten aionion basileian tou kyriou hemon kai soteros Iesou Christou. Dio melleso aei hymas hypomimneskein peri touton, kaiper eidotas kai esterigmenous en te parouse aletheia. dikaion de hegoumai, eph’ hoson eimi en touto to skenomati, diegeirein hymas en hypomnesei, eidos hoti tachine estin he apothesis tou skenomatos mou, kathos kai ho kyrios hemon Iesous Christos edelosen moi; spoudaso de kai hekastote echein hymas meta ten emen exodon ten touton mnemen poieisthai. Ou gar sesophismenois mythois exakolouthesantes egnorisamen hymin ten tou kyriou hemon Iesou Christou dynamin kai parousian, all’ epoptai genethentes tes ekeinou megaleiotetos. labon gar para theou patros timen kai doxan phones enechtheises auto toiasde hypo tes megaloprepous doxes; Ho yhios mou ho agapetos mou houtos estin, eis hon ego eudokesa kai tauten ten phonen hemeis ekousamen ex ouranou enechtheisan syn auto ontes en to hagio orei. kai echomen bebaioteron ton prophetikon logon, ho kalos poieite prosechontes hos lychno phainonti en auchmero topo, heos hou hemera diaugase kai phosphoros anateile en tais kardiais hymon; touto proton ginoskontes hoti pasa propheteia graphes idias epilyseos ou ginetai, ou gar thelemati anthropou enechthe propheteia pote, alla hypo pneumatos hagiou pheromenoi elalesan apo theou anthropoi.