Livre 2, § 16 — Nouveau Testament

Καὶ διαγενομένου τοῦ σαββάτου Μαρία ἡ Μαγδαληνὴ καὶ Μαρία ἡ τοῦ Ἰακώβου καὶ Σαλώμη ἠγόρασαν ἀρώματα ἵνα ἐλθοῦσαι ἀλείψωσιν αὐτόν. καὶ λίαν πρωῒ τῇ μιᾷ τῶν σαββάτων ἔρχονται ἐπὶ τὸ μνημεῖον ἀνατείλαντος τοῦ ἡλίου. καὶ ἔλεγον πρὸς ἑαυτάς· Τίς ἀποκυλίσει ἡμῖν τὸν λίθον ἐκ τῆς θύρας τοῦ μνημείου; καὶ ἀναβλέψασαι θεωροῦσιν ὅτι ἀποκεκύλισται ὁ λίθος, ἦν γὰρ μέγας σφόδρα. καὶ εἰσελθοῦσαι εἰς τὸ μνημεῖον εἶδον νεανίσκον καθήμενον ἐν τοῖς δεξιοῖς περιβεβλημένον στολὴν λευκήν, καὶ ἐξεθαμβήθησαν. ὁ δὲ λέγει αὐταῖς· Μὴ ἐκθαμβεῖσθε· Ἰησοῦν ζητεῖτε τὸν Ναζαρηνὸν τὸν ἐσταυρωμένον· ἠγέρθη, οὐκ ἔστιν ὧδε· ἴδε ὁ τόπος ὅπου ἔθηκαν αὐτόν· ἀλλὰ ὑπάγετε εἴπατε τοῖς μαθηταῖς αὐτοῦ καὶ τῷ Πέτρῳ ὅτι Προάγει ὑμᾶς εἰς τὴν Γαλιλαίαν· ἐκεῖ αὐτὸν ὄψεσθε, καθὼς εἶπεν ὑμῖν. καὶ ἐξελθοῦσαι ἔφυγον ἀπὸ τοῦ μνημείου, εἶχεν γὰρ αὐτὰς τρόμος καὶ ἔκστασις· καὶ οὐδενὶ οὐδὲν εἶπαν, ἐφοβοῦντο γάρ. Πάντα δὲ τὰ παρηγγελμένα τοῖς περὶ τὸν Πέτρον συντόμως ἐξήγγειλαν. μετὰ δὲ ταῦτα καὶ αὐτὸς ὁ Ἰησοῦς ἀπὸ ἀνατολῆς καὶ ἄχρι δύσεως ἐξαπέστειλεν δι’ αὐτῶν τὸ ἱερὸν καὶ ἄφθαρτον κήρυγμα τῆς αἰωνίου σωτηρίας. ἀμήν. Ἀναστὰς δὲ πρωῒ πρώτῃ σαββάτου ἐφάνη πρῶτον Μαρίᾳ τῇ Μαγδαληνῇ, παρ’ ἧς ἐκβεβλήκει ἑπτὰ δαιμόνια. ἐκείνη πορευθεῖσα ἀπήγγειλεν τοῖς μετ’ αὐτοῦ γενομένοις πενθοῦσι καὶ κλαίουσιν· κἀκεῖνοι ἀκούσαντες ὅτι ζῇ καὶ ἐθεάθη ὑπ’ αὐτῆς ἠπίστησαν. Μετὰ δὲ ταῦτα δυσὶν ἐξ αὐτῶν περιπατοῦσιν ἐφανερώθη ἐν ἑτέρᾳ μορφῇ πορευομένοις εἰς ἀγρόν· κἀκεῖνοι ἀπελθόντες ἀπήγγειλαν τοῖς λοιποῖς· οὐδὲ ἐκείνοις ἐπίστευσαν. Ὕστερον δὲ ἀνακειμένοις αὐτοῖς τοῖς ἕνδεκα ἐφανερώθη, καὶ ὠνείδισεν τὴν ἀπιστίαν αὐτῶν καὶ σκληροκαρδίαν ὅτι τοῖς θεασαμένοις αὐτὸν ἐγηγερμένον οὐκ ἐπίστευσαν. καὶ εἶπεν αὐτοῖς· Πορευθέντες εἰς τὸν κόσμον ἅπαντα κηρύξατε τὸ εὐαγγέλιον πάσῃ τῇ κτίσει. ὁ πιστεύσας καὶ βαπτισθεὶς σωθήσεται, ὁ δὲ ἀπιστήσας κατακριθήσεται. σημεῖα δὲ τοῖς πιστεύσασιν ταῦτα παρακολουθήσει, ἐν τῷ ὀνόματί μου δαιμόνια ἐκβαλοῦσιν, γλώσσαις λαλήσουσιν καιναῖς, ὄφεις ἀροῦσιν κἂν θανάσιμόν τι πίωσιν οὐ μὴ αὐτοὺς βλάψῃ, ἐπὶ ἀρρώστους χεῖρας ἐπιθήσουσιν καὶ καλῶς ἕξουσιν. Ὁ μὲν οὖν κύριος Ἰησοῦς μετὰ τὸ λαλῆσαι αὐτοῖς ἀνελήμφθη εἰς τὸν οὐρανὸν καὶ ἐκάθισεν ἐκ δεξιῶν τοῦ θεοῦ. ἐκεῖνοι δὲ ἐξελθόντες ἐκήρυξαν πανταχοῦ, τοῦ κυρίου συνεργοῦντος καὶ τὸν λόγον βεβαιοῦντος διὰ τῶν ἐπακολουθούντων σημείων.

Kai diagenomenou tou sabbatou Maria he Magdalene kai Maria he tou Iakobou kai Salome egorasan aromata hina elthousai aleipsosin auton. kai lian proi te mia ton sabbaton erchontai epi to mnemeion anateilantos tou heliou. kai elegon pros heautas; Tis apokylisei hemin ton lithon ek tes thyras tou mnemeiou? kai anablepsasai theorousin hoti apokekylistai ho lithos, en gar megas sphodra. kai eiselthousai eis to mnemeion eidon neaniskon kathemenon en tois dexiois peribeblemenon stolen leuken, kai exethambethesan. ho de legei autais; Me ekthambeisthe; Iesoun zeteite ton Nazarenon ton estauromenon; egerthe, ouk estin hode; ide ho topos hopou ethekan auton; alla hypagete eipate tois mathetais autou kai to Petro hoti Proagei hymas eis ten Galilaian; ekei auton opsesthe, kathos eipen hymin. kai exelthousai ephygon apo tou mnemeiou, eichen gar autas tromos kai ekstasis; kai oudeni ouden eipan, ephobounto gar. Panta de ta parengelmena tois peri ton Petron syntomos exengeilan. meta de tauta kai autos ho Iesous apo anatoles kai achri dyseos exapesteilen di’ auton to hieron kai aphtharton kerygma tes aioniou soterias. amen. Anastas de proi prote sabbatou ephane proton Maria te Magdalene, par’ hes ekbeblekei hepta daimonia. ekeine poreutheisa apengeilen tois met’ autou genomenois penthousi kai klaiousin; kakeinoi akousantes hoti ze kai etheathe hyp’ autes epistesan. Meta de tauta dysin ex auton peripatousin ephanerothe en hetera morphe poreuomenois eis agron; kakeinoi apelthontes apengeilan tois loipois; oude ekeinois episteusan. Hysteron de anakeimenois autois tois hendeka ephanerothe, kai oneidisen ten apistian auton kai sklerokardian hoti tois theasamenois auton egegermenon ouk episteusan. kai eipen autois; Poreuthentes eis ton kosmon hapanta keryxate to euangelion pase te ktisei. ho pisteusas kai baptistheis sothesetai, ho de apistesas katakrithesetai. semeia de tois pisteusasin tauta parakolouthesei, en to onomati mou daimonia ekbalousin, glossais lalesousin kainais, opheis arousin kan thanasimon ti piosin ou me autous blapse, epi arrostous cheiras epithesousin kai kalos hexousin. Ho men oun kyrios Iesous meta to lalesai autois anelemphthe eis ton ouranon kai ekathisen ek dexion tou theou. ekeinoi de exelthontes ekeryxan pantachou, tou kyriou synergountos kai ton logon bebaiountos dia ton epakolouthounton semeion.