Livre 19, § 1 — Nouveau Testament

Πολυμερῶς καὶ πολυτρόπως πάλαι ὁ θεὸς λαλήσας τοῖς πατράσιν ἐν τοῖς προφήταις ἐπ’ ἐσχάτου τῶν ἡμερῶν τούτων ἐλάλησεν ἡμῖν ἐν υἱῷ, ὃν ἔθηκεν κληρονόμον πάντων, δι’ οὗ καὶ ἐποίησεν τοὺς αἰῶνας· ὃς ὢν ἀπαύγασμα τῆς δόξης καὶ χαρακτὴρ τῆς ὑποστάσεως αὐτοῦ, φέρων τε τὰ πάντα τῷ ῥήματι τῆς δυνάμεως, δι’ αὑτοῦ καθαρισμὸν τῶν ἁμαρτιῶν ποιησάμενος ἐκάθισεν ἐν δεξιᾷ τῆς μεγαλωσύνης ἐν ὑψηλοῖς, τοσούτῳ κρείττων γενόμενος τῶν ἀγγέλων ὅσῳ διαφορώτερον παρ’ αὐτοὺς κεκληρονόμηκεν ὄνομα.

Polymeros kai polytropos palai ho theos lalesas tois patrasin en tois prophetais ep’ eschatou ton hemeron touton elalesen hemin en yhio, hon etheken kleronomon panton, di’ hou kai epoiesen tous aionas; hos on apaugasma tes doxes kai charakter tes hypostaseos autou, pheron te ta panta to rhemati tes dynameos, di’ hautou katharismon ton hamartion poiesamenos ekathisen en dexia tes megalosynes en hypselois, tosouto kreitton genomenos ton angelon hoso diaphoroteron par’ autous kekleronomeken onoma.

Τίνι γὰρ εἶπέν ποτε τῶν ἀγγέλων· Υἱός μου εἶ σύ, ἐγὼ σήμερον γεγέννηκά σε, καὶ πάλιν· Ἐγὼ ἔσομαι αὐτῷ εἰς πατέρα, καὶ αὐτὸς ἔσται μοι εἰς υἱόν; ὅταν δὲ πάλιν εἰσαγάγῃ τὸν πρωτότοκον εἰς τὴν οἰκουμένην, λέγει· Καὶ προσκυνησάτωσαν αὐτῷ πάντες ἄγγελοι θεοῦ. καὶ πρὸς μὲν τοὺς ἀγγέλους λέγει· Ὁ ποιῶν τοὺς ἀγγέλους αὐτοῦ πνεύματα, καὶ τοὺς λειτουργοὺς αὐτοῦ πυρὸς φλόγα· πρὸς δὲ τὸν υἱόν· Ὁ θρόνος σου ὁ θεὸς εἰς τὸν αἰῶνα τοῦ αἰῶνος, καὶ ἡ ῥάβδος τῆς εὐθύτητος ῥάβδος τῆς βασιλείας σου. ἠγάπησας δικαιοσύνην καὶ ἐμίσησας ἀνομίαν· διὰ τοῦτο ἔχρισέν σε ὁ θεός, ὁ θεός σου, ἔλαιον ἀγαλλιάσεως παρὰ τοὺς μετόχους σου· καί· Σὺ κατ’ ἀρχάς, κύριε, τὴν γῆν ἐθεμελίωσας, καὶ ἔργα τῶν χειρῶν σού εἰσιν οἱ οὐρανοί· αὐτοὶ ἀπολοῦνται, σὺ δὲ διαμένεις· καὶ πάντες ὡς ἱμάτιον παλαιωθήσονται, καὶ ὡσεὶ περιβόλαιον ἑλίξεις αὐτούς, ὡς ἱμάτιον καὶ ἀλλαγήσονται· σὺ δὲ ὁ αὐτὸς εἶ, καὶ τὰ ἔτη σου οὐκ ἐκλείψουσιν. πρὸς τίνα δὲ τῶν ἀγγέλων εἴρηκέν ποτε· Κάθου ἐκ δεξιῶν μου ἕως ἂν θῶ τοὺς ἐχθρούς σου ὑποπόδιον τῶν ποδῶν σου; οὐχὶ πάντες εἰσὶν λειτουργικὰ πνεύματα εἰς διακονίαν ἀποστελλόμενα διὰ τοὺς μέλλοντας κληρονομεῖν σωτηρίαν;

Tini gar eipen pote ton angelon; Yhios mou ei sy, ego semeron gegenneka se, kai palin; Ego esomai auto eis patera, kai autos estai moi eis yhion? hotan de palin eisagage ton prototokon eis ten oikoumenen, legei; Kai proskynesatosan auto pantes angeloi theou. kai pros men tous angelous legei; Ho poion tous angelous autou pneumata, kai tous leitourgous autou pyros phloga; pros de ton yhion; Ho thronos sou ho theos eis ton aiona tou aionos, kai he rhabdos tes euthytetos rhabdos tes basileias sou. egapesas dikaiosynen kai emisesas anomian; dia touto echrisen se ho theos, ho theos sou, elaion agalliaseos para tous metochous sou; kai; Sy kat’ archas, kyrie, ten gen ethemeliosas, kai erga ton cheiron sou eisin ohi ouranoi; autoi apolountai, sy de diameneis; kai pantes hos himation palaiothesontai, kai hosei peribolaion helixeis autous, hos himation kai allagesontai; sy de ho autos ei, kai ta ete sou ouk ekleipsousin. pros tina de ton angelon eireken pote; Kathou ek dexion mou heos an tho tous echthrous sou hypopodion ton podon sou? ouchi pantes eisin leitourgika pneumata eis diakonian apostellomena dia tous mellontas kleronomein soterian?