Παρακαλῶ οὖν πρῶτον πάντων ποιεῖσθαι δεήσεις, προσευχάς, ἐντεύξεις, εὐχαριστίας, ὑπὲρ πάντων ἀνθρώπων, ὑπὲρ βασιλέων καὶ πάντων τῶν ἐν ὑπεροχῇ ὄντων, ἵνα ἤρεμον καὶ ἡσύχιον βίον διάγωμεν ἐν πάσῃ εὐσεβείᾳ καὶ σεμνότητι. τοῦτο καλὸν καὶ ἀπόδεκτον ἐνώπιον τοῦ σωτῆρος ἡμῶν θεοῦ, ὃς πάντας ἀνθρώπους θέλει σωθῆναι καὶ εἰς ἐπίγνωσιν ἀληθείας ἐλθεῖν. εἷς γὰρ θεός, εἷς καὶ μεσίτης θεοῦ καὶ ἀνθρώπων ἄνθρωπος Χριστὸς Ἰησοῦς, ὁ δοὺς ἑαυτὸν ἀντίλυτρον ὑπὲρ πάντων, τὸ μαρτύριον καιροῖς ἰδίοις· εἰς ὃ ἐτέθην ἐγὼ κῆρυξ καὶ ἀπόστολος ἀλήθειαν λέγω, οὐ ψεύδομαι διδάσκαλος ἐθνῶν ἐν πίστει καὶ ἀληθείᾳ.
Parakalo oun proton panton poieisthai deeseis, proseuchas, enteuxeis, eucharistias, hyper panton anthropon, hyper basileon kai panton ton en hyperoche onton, hina eremon kai hesychion bion diagomen en pase eusebeia kai semnoteti. touto kalon kai apodekton enopion tou soteros hemon theou, hos pantas anthropous thelei sothenai kai eis epignosin aletheias elthein. ehis gar theos, ehis kai mesites theou kai anthropon anthropos Christos Iesous, ho dous heauton antilytron hyper panton, to martyrion kairois idiois; eis ho etethen ego keryx kai apostolos aletheian lego, ou pseudomai didaskalos ethnon en pistei kai aletheia.
Βούλομαι οὖν προσεύχεσθαι τοὺς ἄνδρας ἐν παντὶ τόπῳ, ἐπαίροντας ὁσίους χεῖρας χωρὶς ὀργῆς καὶ διαλογισμοῦ. ὡσαύτως καὶ γυναῖκας ἐν καταστολῇ κοσμίῳ μετὰ αἰδοῦς καὶ σωφροσύνης κοσμεῖν ἑαυτάς, μὴ ἐν πλέγμασιν καὶ χρυσίῳ ἢ μαργαρίταις ἢ ἱματισμῷ πολυτελεῖ, ἀλλ’ ὃ πρέπει γυναιξὶν ἐπαγγελλομέναις θεοσέβειαν, δι’ ἔργων ἀγαθῶν. γυνὴ ἐν ἡσυχίᾳ μανθανέτω ἐν πάσῃ ὑποταγῇ· διδάσκειν δὲ γυναικὶ οὐκ ἐπιτρέπω, οὐδὲ αὐθεντεῖν ἀνδρός, ἀλλ’ εἶναι ἐν ἡσυχίᾳ. Ἀδὰμ γὰρ πρῶτος ἐπλάσθη, εἶτα Εὕα· καὶ Ἀδὰμ οὐκ ἠπατήθη, ἡ δὲ γυνὴ ἐξαπατηθεῖσα ἐν παραβάσει γέγονεν. σωθήσεται δὲ διὰ τῆς τεκνογονίας, ἐὰν μείνωσιν ἐν πίστει καὶ ἀγάπῃ καὶ ἁγιασμῷ μετὰ σωφροσύνης.
Boulomai oun proseuchesthai tous andras en panti topo, epairontas hosious cheiras choris orges kai dialogismou. hosautos kai gynaikas en katastole kosmio meta aidous kai sophrosynes kosmein heautas, me en plegmasin kai chrysio e margaritais e himatismo polytelei, all’ ho prepei gynaixin epangellomenais theosebeian, di’ ergon agathon. gyne en hesychia manthaneto en pase hypotage; didaskein de gynaiki ouk epitrepo, oude authentein andros, all’ einai en hesychia. Adam gar protos eplasthe, eita Heua; kai Adam ouk epatethe, he de gyne exapatetheisa en parabasei gegonen. sothesetai de dia tes teknogonias, ean meinosin en pistei kai agape kai hagiasmo meta sophrosynes.