Livre 9, § 3 — Vies et doctrines des philosophes illustres

Ξενοφάνους δὲ διήκουσε Παρμενίδης Πύρητος Ἐλεάτης( τοῦτον Θεόφραστος ἐν τῇ Ἐπιτομῇ Ἀναξιμάνδρου φησὶν ἀκοῦσαι). ὅμως δ’ οὖν ἀκούσας καὶ Ξενοφάνους οὐκ ἠκολούθησεν αὐτῷ. ἐκοινώνησε δὲ καὶ Ἀμεινίᾳ Διοχαίτα τῷ Πυθαγορικῷ, ὡς ἔφη Σωτίων, ἀνδρὶ πένητι μέν, καλῷ δὲ καὶ ἀγαθῷ. ᾧ καὶ μᾶλλον ἠκολούθησε καὶ ἀποθανόντος ἡρῷον ἱδρύσατο γένους τε ὑπάρχων λαμπροῦ καὶ πλούτου, καὶ ὑπ’ Ἀμεινίου ἀλλ’ οὐχ ὑπὸ Ξενοφάνους εἰς ἡσυχίαν προετράπη. πρῶτος δ’ οὗτος τὴν γῆν ἀπέφαινε σφαιροειδῆ καὶ ἐν μέσῳ κεῖσθαι. δύο τε εἶναι στοιχεῖα, πῦρ καὶ γῆν, καὶ τὸ μὲν δημιουργοῦ τάξιν ἔχειν, τὴν δ’ ὕλης.

Xenophanous de diekouse Parmenides Pyretos Eleates( touton Theophrastos en te Epitome Anaximandrou phesin akousai). homos d’ oun akousas kai Xenophanous ouk ekolouthesen auto. ekoinonese de kai Ameinia Diochaita to Pythagoriko, hos ephe Sotion, andri peneti men, kalo de kai agatho. ho kai mallon ekolouthese kai apothanontos heroon hidrysato genous te hyparchon lamprou kai ploutou, kai hyp’ Ameiniou all’ ouch hypo Xenophanous eis hesychian proetrape. protos d’ houtos ten gen apephaine sphairoeide kai en meso keisthai. dyo te einai stoicheia, pyr kai gen, kai to men demiourgou taxin echein, ten d’ hyles.

γένεσίν τ’ ἀνθρώπων ἐξ ἡλίου πρῶτον γενέσθαι· αὐτὸν δὲ ὑπερέχειν τὸ θερμὸν καὶ τὸ ψυχρόν, ἐξ ὧν τὰ πάντα συνεστάναι. καὶ τὴν ψυχὴν καὶ τὸν νοῦν ταὐτὸν εἶναι, καθὰ μέμνηται καὶ Θεόφραστος ἐν τοῖς Φυσικοῖς, πάντων σχεδὸν ἐκτιθέμενος τὰ δόγματα. δισσήν τε ἔφη τὴν φιλοσοφίαν, τὴν μὲν κατ’ ἀλήθειαν, τὴν δὲ κατὰ δόξαν. διὸ καί φησί που· χρεὼ δέ σε πάντα πυθέσθαι ἠμὲν Ἀληθείης εὐκυκλέος ἀτρεμὲς ἦτορ, ἠδὲ βροτῶν δόξας, ταῖς οὐκ ἔνι πίστις ἀληθής. καὶ αὐτὸς δὲ διὰ ποιημάτων φιλοσοφεῖ, καθάπερ Ἡσίοδός τε καὶ Ξενοφάνης καὶ Ἐμπεδοκλῆς. κριτήριον δὲ τὸν λόγον εἶπε· τάς τε αἰσθήσεις μὴ ἀκριβεῖς ὑπάρχειν. φησὶ γοῦν· μηδέ σ’ ἔθος πολύπειρον ὁδὸν κατὰ τήνδε βιάσθω νωμᾶν ἄσκοπον ὄμμα καὶ ἠχήεσσαν ἀκουὴν καὶ γλῶσσαν, κρῖναι δὲ λόγῳ πολύδηριν ἔλεγχον.

genesin t’ anthropon ex heliou proton genesthai; auton de hyperechein to thermon kai to psychron, ex hon ta panta synestanai. kai ten psychen kai ton noun tauton einai, katha memnetai kai Theophrastos en tois Physikois, panton schedon ektithemenos ta dogmata. dissen te ephe ten philosophian, ten men kat’ aletheian, ten de kata doxan. dio kai phesi pou; chreo de se panta pythesthai emen Aletheies eukykleos atremes etor, ede broton doxas, tais ouk eni pistis alethes. kai autos de dia poiematon philosophei, kathaper Hesiodos te kai Xenophanes kai Empedokles. kriterion de ton logon eipe; tas te aistheseis me akribeis hyparchein. phesi goun; mede s’ ethos polypeiron hodon kata tende biastho noman askopon omma kai echeessan akouen kai glossan, krinai de logo polyderin elenchon.

διὸ καὶ περὶ αὐτοῦ φησιν ὁ Τίμων· Παρμενίδου τε βίην μεγαλόφρονος οὐ πολύδοξον, ὅς ῥ’ ἀπὸ φαντασίας ἀπάτης ἀνενείκατο νώσεις. εἰς τοῦτον καὶ Πλάτων τὸν διάλογον γέγραφε," Παρμενίδην" ἐπιγράψας" ἢ Περὶ ἰδεῶν". ἤκμαζε δὲ κατὰ τὴν ἐνάτην καὶ ἑξηκοστὴν Ὀλυμπιάδα. καὶ δοκεῖ πρῶτος πεφωρακέναι τὸν αὐτὸν εἶναι Ἕσπερον καὶ Φωσφόρον, ὥς φησι Φαβωρῖνος ἐν πέμπτῳ Ἀπομνημονευμάτων· οἱ δὲ Πυθαγόραν· Καλλίμαχος δέ φησι μὴ εἶναι αὐτοῦ τὸ ποίημα. λέγεται δὲ καὶ νόμους θεῖναι τοῖς πολίταις, ὥς φησι Σπεύσιππος ἐν τῷ Περὶ φιλοσόφων. καὶ πρῶτος ἐρωτῆσαι τὸν Ἀχιλλέα λόγον, ὡς Φαβωρῖνος ἐν Παντοδαπῇ ἱστορίᾳ. γέγονε δὲ καὶ ἕτερος Παρμενίδης, ῥήτωρ τεχνογράφος.

dio kai peri autou phesin ho Timon; Parmenidou te bien megalophronos ou polydoxon, hos rh’ apo phantasias apates aneneikato noseis. eis touton kai Platon ton dialogon gegraphe," Parmeniden" epigrapsas" e Peri ideon". ekmaze de kata ten enaten kai hexekosten Olympiada. kai dokei protos pephorakenai ton auton einai Hesperon kai Phosphoron, hos phesi Phaborinos en pempto Apomnemoneumaton; ohi de Pythagoran; Kallimachos de phesi me einai autou to poiema. legetai de kai nomous theinai tois politais, hos phesi Speusippos en to Peri philosophon. kai protos erotesai ton Achillea logon, hos Phaborinos en Pantodape historia. gegone de kai heteros Parmenides, rhetor technographos.