§ 2 — Idilios

πᾷ μοι ταὶ δάφναι; φέρε Θεστυλί· πᾷ δὲ τὰ φίλτρα;

pa moi tai daphnai? phere Thestyli; pa de ta philtra?

στέψον τὰν κελέβαν φοινικέῳ οἰὸς ἀώτῳ,

stepson tan keleban phoinikeo oios aoto,

ὡς τὸν ἐμὸν βαρὺν εὖντα φίλον καταθύσομαι ἄνδρα,

hos ton emon baryn eunta philon katathysomai andra,

ὅς μοι δωδεκαταῖος ἀφ’ ὧ τάλας οὐδέποθ’ ἵκει,

hos moi dodekataios aph’ ho talas oudepoth’ hikei,

οὐδ’ ἔγνω πότερον τεθνάκαμες ἢ ζοοὶ εἰμές.

oud’ egno poteron tethnakames e zooi eimes.

οὐδὲ θύρας ἄραξεν ἀνάρσιος. ἦ ῥά οἱ ἀλλᾷ

oude thyras araxen anarsios. e rha ohi alla

ᾤχετ’ ἔχων ὅ τ’ Ἔρως ταχινὰς φρένας ἅ τ’ Ἀφροδίτα;

ochet’ echon ho t’ Eros tachinas phrenas ha t’ Aphrodita?

βασεῦμαι ποτὶ τὰν Τιμαγήτοιο παλαίστραν

baseumai poti tan Timagetoio palaistran

αὔριον, ὥς νιν ἴδω, καὶ μέμψομαι οἷά με ποιεῖ.

aurion, hos nin ido, kai mempsomai ohia me poiei.

νῦν δέ νιν ἐκ θυέων καταθύσομαι. ἀλλὰ Σελάνα,

nyn de nin ek thyeon katathysomai. alla Selana,

φαῖνε καλόν· τὶν γὰρ ποταείσομαι ἅσυχα, δαῖμον,

phaine kalon; tin gar potaeisomai hasycha, daimon,

τᾷ χθονίᾳ θ’ Ἑκάτα, τὰν καὶ σκύλακες τρομέοντι

ta chthonia th’ Hekata, tan kai skylakes tromeonti

ἐρχομέναν νεκύων ἀνά τ’ ἠρία καὶ μέλαν αἷμα.

erchomenan nekyon ana t’ eria kai melan ahima.

χαῖρ’ Ἑκάτα δασπλῆτι, καὶ ἐς τέλος ἄμμιν ὀπάδει.

chair’ Hekata daspleti, kai es telos ammin opadei.

φάρμακα ταῦτ’ ἔρδοισα χερείονα μήτέ τι Κίρκης

pharmaka taut’ erdoisa chereiona mete ti Kirkes

μήτέ τι Μηδείας μήτε ξανθᾶς Περιμήδας.

mete ti Medeias mete xanthas Perimedas.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

ἄλφιτά τοι πρᾶτον πυρὶ τάκεται· ἀλλ’ ἐπίπασσε

alphita toi praton pyri taketai; all’ epipasse

Θεστυλί. δειλαία, πᾷ τὰς φρένας ἐκπεπότασαι;

Thestyli. deilaia, pa tas phrenas ekpepotasai?

ἦ ῥά γε τρισμυσαρὰ καὶ τὶν ἐπίχαρμα τέτυγμαι;

e rha ge trismysara kai tin epicharma tetygmai?

πάσσ’ ἅμα καὶ λέγε ταῦτα·" τὰ Δέλφιδος ὀστία πάσσω".

pass’ hama kai lege tauta;" ta Delphidos ostia passo".

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

Δέλφις ἔμ’ ἀνίασεν· ἐγὼ δ’ ἐπὶ Δέλφιδι δάφναν

Delphis em’ aniasen; ego d’ epi Delphidi daphnan

αἴθω· χὡς αὕτα λακεῖ μέγα καππυρίσασα

aitho; chhos hauta lakei mega kappyrisasa

κἠξαπίνας ἅφθη, κοὐδὲ σποδὸν εἴδομες αὐτᾶς,

kexapinas haphthe, koude spodon eidomes autas,

οὕτω τοι καὶ Δέλφις ἐνὶ φλογὶ σάρκ’ ἀμαθύνοι.

houto toi kai Delphis eni phlogi sark’ amathynoi.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

ὡς τοῦτον τὸν κηρὸν ἐγὼ σὺν δαίμονι τάκω,

hos touton ton keron ego syn daimoni tako,

ὣς τάκοιθ’ ὑπ’ ἔρωτος ὁ Μύνδιος αὐτίκα Δέλφις.

hos takoith’ hyp’ erotos ho Myndios autika Delphis.

χὡς δινεῖθ’ ὅδε ῥόμβος ὁ χάλκεος ἐξ Ἀφροδίτας,

chhos dineith’ hode rhombos ho chalkeos ex Aphroditas,

ὣς τῆνος δινοῖτο ποθ’ ἁμετέραισι θύραισιν.

hos tenos dinoito poth’ hameteraisi thyraisin.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

νῦν θυσῶ τὰ πίτυρα. τὺ δ’ Ἄρτεμι καὶ τὸν ἐν Ἅιδα

nyn thyso ta pityra. ty d’ Artemi kai ton en Haida

κινήσαις ἀδάμαντα καὶ εἴ τί περ ἀσφαλὲς ἄλλο.

kinesais adamanta kai ei ti per asphales allo.

Θεστυλί, ταὶ κύνες ἄμμιν ἀνὰ πτόλιν ὠρύονται.

Thestyli, tai kynes ammin ana ptolin oryontai.

ἁ θεὸς ἐν τριόδοισι· τὸ χαλκίον ὡς τάχος ἄχει.

ha theos en triodoisi; to chalkion hos tachos achei.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

ἠνίδε σιγῇ μὲν πόντος, σιγῶντι δ’ ἀῆται·

enide sige men pontos, sigonti d’ aetai;

ἁ δ’ ἐμὰ οὐ σιγῇ στέρνων ἔντοσθεν ἀνία,

ha d’ ema ou sige sternon entosthen ania,

ἀλλ’ ἐπὶ τήνῳ πᾶσα καταίθομαι, ὅς με τάλαιναν

all’ epi teno pasa kataithomai, hos me talainan

ἀντὶ γυναικὸς ἔθηκε κακὰν καὶ ἀπάρθενον ἦμεν.

anti gynaikos etheke kakan kai aparthenon emen.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

ἐς τρὶς ἀποσπένδω καὶ τρὶς τάδε πότνια φωνέω·

es tris apospendo kai tris tade potnia phoneo;

εἴτε γυνὰ τήνῳ παρακέκλιται εἴτε καὶ ἀνήρ,

eite gyna teno parakeklitai eite kai aner,

τόσσον ἔχοι λάθας, ὅσσόν ποκα Θησέα φαντὶ

tosson echoi lathas, hosson poka Thesea phanti

ἐν Δίᾳ λασθῆμεν ἐυπλοκάμω Ἀριάδνας.

en Dia lasthemen euplokamo Ariadnas.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

ἱππομανὲς φυτόν ἐστι παρ’ Ἀρκάσι· τῷ δ’ ἐπὶ πᾶσαι

hippomanes phyton esti par’ Arkasi; to d’ epi pasai

καὶ πῶλοι μαίνονται ἀν’ ὤρεα καὶ θοαὶ ἵπποι.

kai poloi mainontai an’ orea kai thoai hippoi.

ὣς καὶ Δέλφιν ἴδοιμι, καὶ ἐς τόδε δῶμα περάσαι

hos kai Delphin idoimi, kai es tode doma perasai

μαινομένῳ ἴκελος λιπαρᾶς ἔκτοσθε παλαίστρας.

mainomeno ikelos liparas ektosthe palaistras.

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

τοῦτ’ ἀπὸ τᾶς χλαίνας τὸ κράσπεδον ὤλεσε Δέλφις,

tout’ apo tas chlainas to kraspedon olese Delphis,

ὡγὼ νῦν τίλλοισα κατ’ ἀγρίῳ ἐν πυρὶ βάλλω.

hogo nyn tilloisa kat’ agrio en pyri ballo.

αἰαῖ Ἔρως ἀνιηρέ, τί μευ μέλαν ἐκ χροὸς αἷμα

aiai Eros aniere, ti meu melan ek chroos ahima

ἐμφὺς ὡς λιμνᾶτις ἅπαν ἐκ βδέλλα πέπωκας;

emphys hos limnatis hapan ek bdella pepokas?

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

σαύραν τοι τρίψασα ποτὸν κακὸν αὔριον οἰσῶ.

sauran toi tripsasa poton kakon aurion oiso.

Θεστυλί, νῦν δὲ λαβοῖσα τὺ τὰ θρόνα ταῦθ’ ὑπόμαξον

Thestyli, nyn de laboisa ty ta throna tauth’ hypomaxon

τᾶς τήνω φλιᾶς καθ’ ὑπέρτερον, ἇς ἔτι καὶ νύξ,

tas teno phlias kath’ hyperteron, has eti kai nyx,

καὶ λέγ’ ἐπιφθύζοισα·" τὰ Δέλφιδος ὀστία μάσσω".

kai leg’ epiphthyzoisa;" ta Delphidos ostia masso".

ἶυγξ, ἕλκε τὺ τῆνον ἐμὸν ποτὶ δῶμα τὸν ἄνδρα.

iynx, helke ty tenon emon poti doma ton andra.

νῦν δὴ μώνα ἐοῖσα πόθεν τὸν ἔρωτα δακρύσω;

nyn de mona eoisa pothen ton erota dakryso?

ἐκ τίνος ἄρξωμαι; τίς μοι κακὸν ἄγαγε τοῦτο;

ek tinos arxomai? tis moi kakon agage touto?

ἦνθ’ ἁ τωὐβούλοιο κανηφόρος ἄμμιν Ἀναξὼ

enth’ ha toybouloio kanephoros ammin Anaxo

ἄλσος ἐς Ἀρτέμιδος, τᾷ δὴ τόκα πολλὰ μὲν ἄλλα

alsos es Artemidos, ta de toka polla men alla

θηρία πομπεύεσκε περισταδόν, ἐν δὲ λέαινα.

theria pompeueske peristadon, en de leaina.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

καί μ’ ἁ Θευχαρίδα Θρᾷσσα τροφὸς ἁ μακαρῖτις

kai m’ ha Theucharida Thrassa trophos ha makaritis

ἀγχίθυρος ναίοισα κατεύξατο καὶ λιτάνευσε

anchithyros naioisa kateuxato kai litaneuse

τὰν πομπὰν θάσασθαι· ἐγὼ δέ οἱ ἁ μεγάλοιτος

tan pompan thasasthai; ego de ohi ha megaloitos

ὡμάρτευν βύσσοιο καλὸν σύροισα χιτῶνα,

homarteun byssoio kalon syroisa chitona,

κἀμφιστειλαμένα τὰν ξυστίδα τὰν Κλεαρίστας.

kamphisteilamena tan xystida tan Klearistas.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

ἤδη δ’ εὖσα μέσον κατ’ ἀμαξιτόν, ᾇ τὰ Λύκωνος,

ede d’ eusa meson kat’ amaxiton, ha ta Lykonos,

εἶδον ὁμοῦ Δέλφιν τε καὶ Εὐδάμιππον ἰόντας.

eidon homou Delphin te kai Eudamippon iontas.

τοῖς δ’ ἦν ξανθοτέρα μὲν ἑλιχρύσοιο γενειάς,

tois d’ en xanthotera men helichrysoio geneias,

στήθεα δὲ στίλβοντα πολὺ πλέον ἢ τὺ Σελάνα,

stethea de stilbonta poly pleon e ty Selana,

ὡς ἀπὸ γυμνασίοιο καλὸν πόνον ἄρτι λιπόντων.

hos apo gymnasioio kalon ponon arti liponton.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

χὡς ἴδον, ὡς ἐμάνην, ὥς μευ πέρι θυμὸς ἰάφθη

chhos idon, hos emanen, hos meu peri thymos iaphthe

δειλαίας· τὸ δὲ κάλλος ἐτάκετο, κοὔτέ τι πομπᾶς

deilaias; to de kallos etaketo, koute ti pompas

τήνας ἐφρασάμαν, οὐδ’ ὡς πάλιν οἴκαδ’ ἀπῆνθον

tenas ephrasaman, oud’ hos palin oikad’ apenthon

ἔγνων· ἀλλά μέ τις καπυρὰ νόσος ἐξεσάλαξε,

egnon; alla me tis kapyra nosos exesalaxe,

κείμαν δ’ ἐν κλιντῆρι δέκ’ ἄματα καὶ δέκα νύκτας.

keiman d’ en klinteri dek’ amata kai deka nyktas.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

καί μευ χρὼς μὲν ὁμοῖος ἐγίνετο πολλάκι θάψῳ,

kai meu chros men homoios egineto pollaki thapso,

ἔρρευν δ’ ἐκ κεφαλᾶς πᾶσαι τρίχες, αὐτὰ δὲ λοιπὰ

erreun d’ ek kephalas pasai triches, auta de loipa

ὀστί’ ἔτ’ ἦς καὶ δέρμα. καὶ ἐς τίνος οὐκ ἐπέρασα

osti’ et’ es kai derma. kai es tinos ouk eperasa

ἢ ποίας ἔλιπον γραίας δόμον, ἅτις ἐπᾷδεν;

e poias elipon graias domon, hatis epaden?

ἀλλ’ ἦς οὐδὲν ἐλαφρόν· ὁ δέ χρόνος ἄνυτο φεύγων.

all’ es ouden elaphron; ho de chronos anyto pheugon.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

χοὕτω τᾷ δούλᾳ τὸν ἀλαθέα μῦθον ἔλεξα·"

chhouto ta doula ton alathea mython elexa;"

εἰ δ’ ἄγε Θεστυλί μοι χαλεπᾶς νόσω εὑρέ τι μῆχος.

ei d’ age Thestyli moi chalepas noso heure ti mechos.

πᾶσαν ἔχει με τάλαιναν ὁ Μύνδιος· ἀλλὰ μολοῖσα

pasan echei me talainan ho Myndios; alla moloisa

τήρησον ποτὶ τὰν Τιμαγήτοιο παλαίστραν·

tereson poti tan Timagetoio palaistran;

τηνεῖ γὰρ φοιτῇ, τηνεῖ δέ οἱ ἁδὺ καθῆσθαι".

tenei gar phoite, tenei de ohi hady kathesthai".

φράζεό μευ τὸν ἔρωθ’ ὅθεν ἵκετο, πότνα Σελάνα."

phrazeo meu ton eroth’ hothen hiketo, potna Selana."

κἠπεί κά νιν ἐόντα μάθῃς μόνον, ἅσυχα νεῦσον,

kepei ka nin eonta mathes monon, hasycha neuson,

κεἴφ’ ὅτι Σιμαίθα τυ καλεῖ, καὶ ὑφαγέο τᾷδε".

keiph’ hoti Simaitha ty kalei, kai hyphageo tade".

ὣς ἐφάμαν· ἁ δ’ ἦνθε καὶ ἄγαγε τὸν λιπαρόχρων

hos ephaman; ha d’ enthe kai agage ton liparochron

εἰς ἐμὰ δώματα Δέλφιν· ἐγὼ δέ νιν ὡς ἐνόησα

eis ema domata Delphin; ego de nin hos enoesa

ἄρτι θύρας ὑπὲρ οὐδὸν ἀμειβόμενον ποδὶ κούφῳ—

arti thyras hyper oudon ameibomenon podi koupho—

φράζεό μευ τὸν ἔρωθ’ ὅθεν ἵκετο, πότνα Σελάνα—

phrazeo meu ton eroth’ hothen hiketo, potna Selana—

πᾶσα μὲν ἐψύχθην χιόνος πλέον, ἐν δὲ μετώπῳ

pasa men epsychthen chionos pleon, en de metopo

ἱδρώς μευ κοχύδεσκεν ἴσον νοτίαισιν ἐέρσαις,

hidros meu kochydesken ison notiaisin eersais,

οὐδέ τι φωνᾶσαι δυνάμαν, οὐδ’ ὅσσον ἐν ὕπνῳ

oude ti phonasai dynaman, oud’ hosson en hypno

κνυζεῦνται φωνεῦντα φίλαν ποτὶ ματέρα τέκνα·

knyzeuntai phoneunta philan poti matera tekna;

ἀλλ’ ἐπάγην δαγῦδι καλὸν χρόα πάντοθεν ἴσα.

all’ epagen dagydi kalon chroa pantothen isa.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

καί μ’ ἐσιδὼν ὥστοργος, ἐπὶ χθονὸς ὄμματα πήξας

kai m’ esidon hostorgos, epi chthonos ommata pexas

ἕξετ’ ἐπὶ κλιντῆρι καὶ ἑζόμενος φάτο μῦθον·

hexet’ epi klinteri kai hezomenos phato mython;

ἦ ῥά με Σιμαίθα τόσον ἔφθασας, ὅσσον ἐγώ θην

e rha me Simaitha toson ephthasas, hosson ego then

πρᾶν ποκα τὸν χαρίεντα τρέχων ἔφθασσα Φιλῖνον,

pran poka ton charienta trechon ephthassa Philinon,

ἐς τὸ τεὸν καλέσασα τόδε στέγος ἤ με παρῆμεν.

es to teon kalesasa tode stegos e me paremen.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

ἦνθον γάρ κεν ἐγώ, ναὶ τὸν γλυκὺν ἦνθον Ἔρωτα,

enthon gar ken ego, nai ton glykyn enthon Erota,

ἢ τρίτος ἠὲ τέταρτος ἐὼν φίλος αὐτίκα νυκτός,

e tritos ee tetartos eon philos autika nyktos,

μᾶλα μὲν ἐν κόλποισι Διωνύσοιο φυλάσσων,

mala men en kolpoisi Dionysoio phylasson,

κρατὶ δ’ ἔχων λεύκαν, Ἡρακλέος ἱερὸν ἔρνος,

krati d’ echon leukan, Herakleos hieron ernos,

πάντοθε πορφυρέαισι περὶ ζώστραισιν ἑλικτάν.

pantothe porphyreaisi peri zostraisin heliktan.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

καί μ’ εἰ μέν κ’ ἐδέχεσθε, τάδ’ ἦς φίλα· καὶ γὰρ ἐλαφρὸς

kai m’ ei men k’ edechesthe, tad’ es phila; kai gar elaphros

καὶ καλὸς πάντεσσι μετ’ ἠιθέοισι καλεῦμαι·

kai kalos pantessi met’ eitheoisi kaleumai;

εὗδόν τ’, εἴ κε μόνον τὸ καλὸν στόμα τεῦς ἐφίλασα·

heudon t’, ei ke monon to kalon stoma teus ephilasa;

εἰ δ’ ἀλλᾷ μ’ ὠθεῖτε καὶ ἁ θύρα εἴχετο μοχλῷ,

ei d’ alla m’ otheite kai ha thyra eicheto mochlo,

πάντως καὶ πελέκεις καὶ λαμπάδες ἦνθον ἐφ’ ὑμέας.

pantos kai pelekeis kai lampades enthon eph’ hymeas.

φράζεό μευ τὸν ἔρωθ’ ὅθεν ἵκετο, πότνα Σελάνα.

phrazeo meu ton eroth’ hothen hiketo, potna Selana.

νῦν δὲ χάριν μὲν ἔφαν τᾷ Κύπριδι πρᾶτον ὀφείλειν,

nyn de charin men ephan ta Kypridi praton opheilein,

καὶ μετὰ τὰν Κύπριν τύ με δευτέρα ἐκ πυρὸς εἵλευ

kai meta tan Kyprin ty me deutera ek pyros ehileu

ὦ γύναι ἐσκαλέσασα τεὸν ποτὶ τοῦτο μέλαθρον

o gynai eskalesasa teon poti touto melathron

αὔτως ἡμίφλεκτον· Ἔρως δ’ ἄρα καὶ Λιπαραίω

autos hemiphlekton; Eros d’ ara kai Liparaio

πολλάκις Ἡφαίστοιο σέλας φλογερώτερον αἴθει.

pollakis Hephaistoio selas phlogeroteron aithei.

φράζεό μευ τὸν ἔρωθ’ ὅθεν ἵκετο, πότνα Σελάνα."

phrazeo meu ton eroth’ hothen hiketo, potna Selana."

σὺν δὲ κακαῖς μανίαις καὶ παρθένον ἐκ θαλάμοιο

syn de kakais maniais kai parthenon ek thalamoio

καὶ νύμφαν ἐφόβησ’ ἔτι δέμνια θερμὰ λιποῖσαν

kai nymphan ephobes’ eti demnia therma lipoisan

ἀνέρος". ὣς ὁ μὲν εἶπεν· ἐγὼ δέ οἱ ἁ ταχυπειθὴς

aneros". hos ho men eipen; ego de ohi ha tachypeithes

χειρὸς ἐφαψαμένα μαλακῶν ἔκλιν’ ἐπὶ λέκτρων.

cheiros ephapsamena malakon eklin’ epi lektron.

καὶ ταχὺ χρὼς ἐπὶ χρωτὶ πεπαίνετο, καὶ τὰ πρόσωπα

kai tachy chros epi chroti pepaineto, kai ta prosopa

θερμότερ’ ἦς ἢ πρόσθε, καὶ ἐψιθυρίσδομες ἁδύ·

thermoter’ es e prosthe, kai epsithyrisdomes hady;

χὥς κά τοι μὴ μακρὰ φίλα θρυλέοιμι Σελάνα,

chhos ka toi me makra phila thryleoimi Selana,

ἐπράχθη τὰ μέγιστα, καὶ ἐς πόθον ἤνθομες ἄμφω.

eprachthe ta megista, kai es pothon enthomes ampho.

κοὔτέ τι τῆνος ἐμὶν ἐπεμέμψατο μέσφα τό γ’ ἐχθές,

koute ti tenos emin epemempsato mespha to g’ echthes,

οὔτ’ ἐγὼ αὖ τήνῳ. ἀλλ’ ἦνθέ μοι ἅ τε Φιλίστας

out’ ego au teno. all’ enthe moi ha te Philistas

μάτηρ τᾶς ἁμᾶς αὐλητρίδος ἅ τε Μελιξοῦς

mater tas hamas auletridos ha te Melixous

σάμερον, ἁνίκα πέρ τε ποτ’ ὠρανὸν ἔτρεχον ἵπποι

sameron, hanika per te pot’ oranon etrechon hippoi

Ἀῶ τὰν ῥοδόπαχυν ἀπ’ Ὠκεανοῖο φέροισαι.

Ao tan rhodopachyn ap’ Okeanoio pheroisai.

κεἶπέ μοι ἄλλά τε πολλὰ καὶ ὡς ἄρα Δέλφις ἐρᾶται,

keipe moi alla te polla kai hos ara Delphis eratai,

κεἴτέ νιν αὖτε γυναικὸς ἔχει πόθος εἴτε καὶ ἀνδρός,

keite nin aute gynaikos echei pothos eite kai andros,

οὐκ ἔφατ’ ἀτρεκὲς ἴδμεν, ἀτὰρ τόσον· αἰὲν Ἔρωτος

ouk ephat’ atrekes idmen, atar toson; aien Erotos

ἀκράτω ἐπεχεῖτο καὶ ἐς τέλος ᾤχετο φεύγων,

akrato epecheito kai es telos ocheto pheugon,

καὶ φάτο οἱ στεφάνοισι τὰ δώματα τῆνα πυκάσδειν.

kai phato ohi stephanoisi ta domata tena pykasdein.

ταῦτά μοι ἁ ξείνα μυθήσατο· ἔστι δ’ ἀλαθής·

tauta moi ha xeina mythesato; esti d’ alathes;

ἦ γάρ μοι καὶ τρὶς καὶ τετράκις ἄλλοκ’ ἐφοίτη,

e gar moi kai tris kai tetrakis allok’ ephoite,

καὶ παρ’ ἐμὶν ἐτίθει τὰν Δωρίδα πολλάκις ὄλπαν·

kai par’ emin etithei tan Dorida pollakis olpan;

νῦν δέ τε δωδεκαταῖος ἀφ’ ὧτέ νιν οὐδὲ ποτεῖδον.

nyn de te dodekataios aph’ hote nin oude poteidon.

ἦ ῥ’ οὐκ ἄλλό τι τερπνὸν ἔχει, ἁμῶν δὲ λέλασται;

e rh’ ouk allo ti terpnon echei, hamon de lelastai?

νῦν μὲν τοῖς φίλτροις καταθύσομαι· αἰ δ’ ἔτι κἠμὲ

nyn men tois philtrois katathysomai; ai d’ eti keme

λυπῇ, τὰν Ἀίδαο πύλαν ναὶ Μοίρας ἀραξεῖ.

lype, tan Aidao pylan nai Moiras araxei.

τοῖά οἱ ἐν κίστᾳ κακὰ φάρμακα φαμὶ φυλάσσειν,

toia ohi en kista kaka pharmaka phami phylassein,

Ἀσσυρίω δέσποινα παρὰ ξείνοιο μαθοῖσα.

Assyrio despoina para xeinoio mathoisa.

ἀλλὰ τὺ μὲν χαίροισα ποτ’ Ὠκεανὸν τρέπε πώλους,

alla ty men chairoisa pot’ Okeanon trepe polous,

πότνι’· ἐγὼ δ’ οἰσῶ τὸν ἐμὸν πόνον ὥσπερ ὑπέσταν.

potni’; ego d’ oiso ton emon ponon hosper hypestan.

χαῖρε Σελαναία λιπαρόχροε, χαίρετε δ’ ἄλλοι

chaire Selanaia liparochroe, chairete d’ alloi

ἀστέρες, εὐκήλοιο κατ’ ἄντυγα Νυκτὸς ὀπαδοί.

asteres, eukeloio kat’ antyga Nyktos opadoi.