Libro 9, § 2 — Nuevo Testamento

Ἔπειτα διὰ δεκατεσσάρων ἐτῶν πάλιν ἀνέβην εἰς Ἱεροσόλυμα μετὰ Βαρναβᾶ συμπαραλαβὼν καὶ Τίτον· ἀνέβην δὲ κατὰ ἀποκάλυψιν· καὶ ἀνεθέμην αὐτοῖς τὸ εὐαγγέλιον ὃ κηρύσσω ἐν τοῖς ἔθνεσιν, κατ’ ἰδίαν δὲ τοῖς δοκοῦσιν, μή πως εἰς κενὸν τρέχω ἢ ἔδραμον. ἀλλ’ οὐδὲ Τίτος ὁ σὺν ἐμοί, Ἕλλην ὤν, ἠναγκάσθη περιτμηθῆναι· διὰ δὲ τοὺς παρεισάκτους ψευδαδέλφους, οἵτινες παρεισῆλθον κατασκοπῆσαι τὴν ἐλευθερίαν ἡμῶν ἣν ἔχομεν ἐν Χριστῷ Ἰησοῦ, ἵνα ἡμᾶς καταδουλώσουσιν οἷς οὐδὲ πρὸς ὥραν εἴξαμεν τῇ ὑποταγῇ, ἵνα ἡ ἀλήθεια τοῦ εὐαγγελίου διαμείνῃ πρὸς ὑμᾶς. ἀπὸ δὲ τῶν δοκούντων εἶναί τι ὁποῖοί ποτε ἦσαν οὐδέν μοι διαφέρει· πρόσωπον θεὸς ἀνθρώπου οὐ λαμβάνει ἐμοὶ γὰρ οἱ δοκοῦντες οὐδὲν προσανέθεντο, ἀλλὰ τοὐναντίον ἰδόντες ὅτι πεπίστευμαι τὸ εὐαγγέλιον τῆς ἀκροβυστίας καθὼς Πέτρος τῆς περιτομῆς, ὁ γὰρ ἐνεργήσας Πέτρῳ εἰς ἀποστολὴν τῆς περιτομῆς ἐνήργησεν καὶ ἐμοὶ εἰς τὰ ἔθνη, καὶ γνόντες τὴν χάριν τὴν δοθεῖσάν μοι, Ἰάκωβος καὶ Κηφᾶς καὶ Ἰωάννης, οἱ δοκοῦντες στῦλοι εἶναι, δεξιὰς ἔδωκαν ἐμοὶ καὶ Βαρναβᾷ κοινωνίας, ἵνα ἡμεῖς εἰς τὰ ἔθνη, αὐτοὶ δὲ εἰς τὴν περιτομήν· μόνον τῶν πτωχῶν ἵνα μνημονεύωμεν, ὃ καὶ ἐσπούδασα αὐτὸ τοῦτο ποιῆσαι. Ὅτε δὲ ἦλθεν Κηφᾶς εἰς Ἀντιόχειαν, κατὰ πρόσωπον αὐτῷ ἀντέστην, ὅτι κατεγνωσμένος ἦν· πρὸ τοῦ γὰρ ἐλθεῖν τινας ἀπὸ Ἰακώβου μετὰ τῶν ἐθνῶν συνήσθιεν· ὅτε δὲ ἦλθον, ὑπέστελλεν καὶ ἀφώριζεν ἑαυτόν, φοβούμενος τοὺς ἐκ περιτομῆς. καὶ συνυπεκρίθησαν αὐτῷ καὶ οἱ λοιποὶ Ἰουδαῖοι, ὥστε καὶ Βαρναβᾶς συναπήχθη αὐτῶν τῇ ὑποκρίσει. ἀλλ’ ὅτε εἶδον ὅτι οὐκ ὀρθοποδοῦσιν πρὸς τὴν ἀλήθειαν τοῦ εὐαγγελίου, εἶπον τῷ Κηφᾷ ἔμπροσθεν πάντων· Εἰ σὺ Ἰουδαῖος ὑπάρχων ἐθνικῶς καὶ οὐκ Ἰουδαϊκῶς ζῇς, πῶς τὰ ἔθνη ἀναγκάζεις Ἰουδαΐζειν; Ἡμεῖς φύσει Ἰουδαῖοι καὶ οὐκ ἐξ ἐθνῶν ἁμαρτωλοί, εἰδότες δὲ ὅτι οὐ δικαιοῦται ἄνθρωπος ἐξ ἔργων νόμου ἐὰν μὴ διὰ πίστεως Ἰησοῦ Χριστοῦ, καὶ ἡμεῖς εἰς Χριστὸν Ἰησοῦν ἐπιστεύσαμεν, ἵνα δικαιωθῶμεν ἐκ πίστεως Χριστοῦ καὶ οὐκ ἐξ ἔργων νόμου, ὅτι ἐξ ἔργων νόμου οὐ δικαιωθήσεται πᾶσα σάρξ. εἰ δὲ ζητοῦντες δικαιωθῆναι ἐν Χριστῷ εὑρέθημεν καὶ αὐτοὶ ἁμαρτωλοί, ἆρα Χριστὸς ἁμαρτίας διάκονος; μὴ γένοιτο· εἰ γὰρ ἃ κατέλυσα ταῦτα πάλιν οἰκοδομῶ, παραβάτην ἐμαυτὸν συνιστάνω. ἐγὼ γὰρ διὰ νόμου νόμῳ ἀπέθανον ἵνα θεῷ ζήσω· Χριστῷ συνεσταύρωμαι· ζῶ δὲ οὐκέτι ἐγώ, ζῇ δὲ ἐν ἐμοὶ Χριστός· ὃ δὲ νῦν ζῶ ἐν σαρκί, ἐν πίστει ζῶ τῇ τοῦ υἱοῦ τοῦ θεοῦ τοῦ ἀγαπήσαντός με καὶ παραδόντος ἑαυτὸν ὑπὲρ ἐμοῦ. οὐκ ἀθετῶ τὴν χάριν τοῦ θεοῦ· εἰ γὰρ διὰ νόμου δικαιοσύνη, ἄρα Χριστὸς δωρεὰν ἀπέθανεν.

Epeita dia dekatessaron eton palin aneben eis Hierosolyma meta Barnaba symparalabon kai Titon; aneben de kata apokalypsin; kai anethemen autois to euangelion ho kerysso en tois ethnesin, kat’ idian de tois dokousin, me pos eis kenon trecho e edramon. all’ oude Titos ho syn emoi, Hellen on, enankasthe peritmethenai; dia de tous pareisaktous pseudadelphous, ohitines pareiselthon kataskopesai ten eleutherian hemon hen echomen en Christo Iesou, hina hemas katadoulosousin ohis oude pros horan eixamen te hypotage, hina he aletheia tou euangeliou diameine pros hymas. apo de ton dokounton einai ti hopoioi pote esan ouden moi diapherei; prosopon theos anthropou ou lambanei emoi gar ohi dokountes ouden prosanethento, alla tounantion idontes hoti pepisteumai to euangelion tes akrobystias kathos Petros tes peritomes, ho gar energesas Petro eis apostolen tes peritomes energesen kai emoi eis ta ethne, kai gnontes ten charin ten dotheisan moi, Iakobos kai Kephas kai Ioannes, ohi dokountes styloi einai, dexias edokan emoi kai Barnaba koinonias, hina hemeis eis ta ethne, autoi de eis ten peritomen; monon ton ptochon hina mnemoneuomen, ho kai espoudasa auto touto poiesai. Hote de elthen Kephas eis Antiocheian, kata prosopon auto antesten, hoti kategnosmenos en; pro tou gar elthein tinas apo Iakobou meta ton ethnon synesthien; hote de elthon, hypestellen kai aphorizen heauton, phoboumenos tous ek peritomes. kai synypekrithesan auto kai ohi loipoi Ioudaioi, hoste kai Barnabas synapechthe auton te hypokrisei. all’ hote eidon hoti ouk orthopodousin pros ten aletheian tou euangeliou, eipon to Kepha emprosthen panton; Ei sy Ioudaios hyparchon ethnikos kai ouk Ioudaikos zes, pos ta ethne anankazeis Ioudaizein? Hemeis physei Ioudaioi kai ouk ex ethnon hamartoloi, eidotes de hoti ou dikaioutai anthropos ex ergon nomou ean me dia pisteos Iesou Christou, kai hemeis eis Christon Iesoun episteusamen, hina dikaiothomen ek pisteos Christou kai ouk ex ergon nomou, hoti ex ergon nomou ou dikaiothesetai pasa sarx. ei de zetountes dikaiothenai en Christo heurethemen kai autoi hamartoloi, ara Christos hamartias diakonos? me genoito; ei gar ha katelysa tauta palin oikodomo, parabaten emauton synistano. ego gar dia nomou nomo apethanon hina theo zeso; Christo synestauromai; zo de ouketi ego, ze de en emoi Christos; ho de nyn zo en sarki, en pistei zo te tou yhiou tou theou tou agapesantos me kai paradontos heauton hyper emou. ouk atheto ten charin tou theou; ei gar dia nomou dikaiosyne, ara Christos dorean apethanen.