Libro 8, § 4 — Nuevo Testamento

Διὰ τοῦτο, ἔχοντες τὴν διακονίαν ταύτην καθὼς ἠλεήθημεν, οὐκ ἐγκακοῦμεν, ἀλλὰ ἀπειπάμεθα τὰ κρυπτὰ τῆς αἰσχύνης, μὴ περιπατοῦντες ἐν πανουργίᾳ μηδὲ δολοῦντες τὸν λόγον τοῦ θεοῦ, ἀλλὰ τῇ φανερώσει τῆς ἀληθείας συνιστάνοντες ἑαυτοὺς πρὸς πᾶσαν συνείδησιν ἀνθρώπων ἐνώπιον τοῦ θεοῦ. εἰ δὲ καὶ ἔστιν κεκαλυμμένον τὸ εὐαγγέλιον ἡμῶν, ἐν τοῖς ἀπολλυμένοις ἐστὶν κεκαλυμμένον, ἐν οἷς ὁ θεὸς τοῦ αἰῶνος τούτου ἐτύφλωσεν τὰ νοήματα τῶν ἀπίστων εἰς τὸ μὴ αὐγάσαι τὸν φωτισμὸν τοῦ εὐαγγελίου τῆς δόξης τοῦ Χριστοῦ, ὅς ἐστιν εἰκὼν τοῦ θεοῦ. οὐ γὰρ ἑαυτοὺς κηρύσσομεν ἀλλὰ Χριστὸν Ἰησοῦν κύριον, ἑαυτοὺς δὲ δούλους ὑμῶν διὰ Ἰησοῦν. ὅτι ὁ θεὸς ὁ εἰπών· Ἐκ σκότους φῶς λάμψει, ὃς ἔλαμψεν ἐν ταῖς καρδίαις ἡμῶν πρὸς φωτισμὸν τῆς γνώσεως τῆς δόξης τοῦ θεοῦ ἐν προσώπῳ Χριστοῦ.

Dia touto, echontes ten diakonian tauten kathos eleethemen, ouk enkakoumen, alla apeipametha ta krypta tes aischynes, me peripatountes en panourgia mede dolountes ton logon tou theou, alla te phanerosei tes aletheias synistanontes heautous pros pasan syneidesin anthropon enopion tou theou. ei de kai estin kekalymmenon to euangelion hemon, en tois apollymenois estin kekalymmenon, en ohis ho theos tou aionos toutou etyphlosen ta noemata ton apiston eis to me augasai ton photismon tou euangeliou tes doxes tou Christou, hos estin eikon tou theou. ou gar heautous keryssomen alla Christon Iesoun kyrion, heautous de doulous hymon dia Iesoun. hoti ho theos ho eipon; Ek skotous phos lampsei, hos elampsen en tais kardiais hemon pros photismon tes gnoseos tes doxes tou theou en prosopo Christou.

Ἔχομεν δὲ τὸν θησαυρὸν τοῦτον ἐν ὀστρακίνοις σκεύεσιν, ἵνα ἡ ὑπερβολὴ τῆς δυνάμεως ᾖ τοῦ θεοῦ καὶ μὴ ἐξ ἡμῶν· ἐν παντὶ θλιβόμενοι ἀλλ’ οὐ στενοχωρούμενοι, ἀπορούμενοι ἀλλ’ οὐκ ἐξαπορούμενοι, διωκόμενοι ἀλλ’ οὐκ ἐγκαταλειπόμενοι, καταβαλλόμενοι ἀλλ’ οὐκ ἀπολλύμενοι, πάντοτε τὴν νέκρωσιν τοῦ Ἰησοῦ ἐν τῷ σώματι περιφέροντες, ἵνα καὶ ἡ ζωὴ τοῦ Ἰησοῦ ἐν τῷ σώματι ἡμῶν φανερωθῇ· ἀεὶ γὰρ ἡμεῖς οἱ ζῶντες εἰς θάνατον παραδιδόμεθα διὰ Ἰησοῦν, ἵνα καὶ ἡ ζωὴ τοῦ Ἰησοῦ φανερωθῇ ἐν τῇ θνητῇ σαρκὶ ἡμῶν. ὥστε ὁ θάνατος ἐν ἡμῖν ἐνεργεῖται, ἡ δὲ ζωὴ ἐν ὑμῖν.

Echomen de ton thesauron touton en ostrakinois skeuesin, hina he hyperbole tes dynameos e tou theou kai me ex hemon; en panti thlibomenoi all’ ou stenochoroumenoi, aporoumenoi all’ ouk exaporoumenoi, diokomenoi all’ ouk enkataleipomenoi, kataballomenoi all’ ouk apollymenoi, pantote ten nekrosin tou Iesou en to somati peripherontes, hina kai he zoe tou Iesou en to somati hemon phanerothe; aei gar hemeis ohi zontes eis thanaton paradidometha dia Iesoun, hina kai he zoe tou Iesou phanerothe en te thnete sarki hemon. hoste ho thanatos en hemin energeitai, he de zoe en hymin.

Ἔχοντες δὲ τὸ αὐτὸ πνεῦμα τῆς πίστεως, κατὰ τὸ γεγραμμένον· Ἐπίστευσα, διὸ ἐλάλησα, καὶ ἡμεῖς πιστεύομεν, διὸ καὶ λαλοῦμεν, εἰδότες ὅτι ὁ ἐγείρας τὸν Ἰησοῦν καὶ ἡμᾶς σὺν Ἰησοῦ ἐγερεῖ καὶ παραστήσει σὺν ὑμῖν. τὰ γὰρ πάντα δι’ ὑμᾶς, ἵνα ἡ χάρις πλεονάσασα διὰ τῶν πλειόνων τὴν εὐχαριστίαν περισσεύσῃ εἰς τὴν δόξαν τοῦ θεοῦ.

Echontes de to auto pneuma tes pisteos, kata to gegrammenon; Episteusa, dio elalesa, kai hemeis pisteuomen, dio kai laloumen, eidotes hoti ho egeiras ton Iesoun kai hemas syn Iesou egerei kai parastesei syn hymin. ta gar panta di’ hymas, hina he charis pleonasasa dia ton pleionon ten eucharistian perisseuse eis ten doxan tou theou.

Διὸ οὐκ ἐγκακοῦμεν, ἀλλ’ εἰ καὶ ὁ ἔξω ἡμῶν ἄνθρωπος διαφθείρεται, ἀλλ’ ὁ ἔσω ἡμῶν ἀνακαινοῦται ἡμέρᾳ καὶ ἡμέρᾳ. τὸ γὰρ παραυτίκα ἐλαφρὸν τῆς θλίψεως ἡμῶν καθ’ ὑπερβολὴν εἰς ὑπερβολὴν αἰώνιον βάρος δόξης κατεργάζεται ἡμῖν, μὴ σκοπούντων ἡμῶν τὰ βλεπόμενα ἀλλὰ τὰ μὴ βλεπόμενα, τὰ γὰρ βλεπόμενα πρόσκαιρα, τὰ δὲ μὴ βλεπόμενα αἰώνια.

Dio ouk enkakoumen, all’ ei kai ho exo hemon anthropos diaphtheiretai, all’ ho eso hemon anakainoutai hemera kai hemera. to gar parautika elaphron tes thlipseos hemon kath’ hyperbolen eis hyperbolen aionion baros doxes katergazetai hemin, me skopounton hemon ta blepomena alla ta me blepomena, ta gar blepomena proskaira, ta de me blepomena aionia.