Libro 7, § 5 — Nuevo Testamento

Ὅλως ἀκούεται ἐν ὑμῖν πορνεία, καὶ τοιαύτη πορνεία ἥτις οὐδὲ ἐν τοῖς ἔθνεσιν, ὥστε γυναῖκά τινα τοῦ πατρὸς ἔχειν. καὶ ὑμεῖς πεφυσιωμένοι ἐστέ, καὶ οὐχὶ μᾶλλον ἐπενθήσατε, ἵνα ἀρθῇ ἐκ μέσου ὑμῶν ὁ τὸ ἔργον τοῦτο ποιήσας;

Holos akouetai en hymin porneia, kai toiaute porneia hetis oude en tois ethnesin, hoste gynaika tina tou patros echein. kai hymeis pephysiomenoi este, kai ouchi mallon epenthesate, hina arthe ek mesou hymon ho to ergon touto poiesas?

Ἐγὼ μὲν γάρ, ἀπὼν τῷ σώματι παρὼν δὲ τῷ πνεύματι, ἤδη κέκρικα ὡς παρὼν τὸν οὕτως τοῦτο κατεργασάμενον ἐν τῷ ὀνόματι τοῦ κυρίου ἡμῶν Ἰησοῦ, συναχθέντων ὑμῶν καὶ τοῦ ἐμοῦ πνεύματος σὺν τῇ δυνάμει τοῦ κυρίου ἡμῶν Ἰησοῦ, παραδοῦναι τὸν τοιοῦτον τῷ Σατανᾷ εἰς ὄλεθρον τῆς σαρκός, ἵνα τὸ πνεῦμα σωθῇ ἐν τῇ ἡμέρᾳ τοῦ κυρίου.

Ego men gar, apon to somati paron de to pneumati, ede kekrika hos paron ton houtos touto katergasamenon en to onomati tou kyriou hemon Iesou, synachthenton hymon kai tou emou pneumatos syn te dynamei tou kyriou hemon Iesou, paradounai ton toiouton to Satana eis olethron tes sarkos, hina to pneuma sothe en te hemera tou kyriou.

Οὐ καλὸν τὸ καύχημα ὑμῶν. οὐκ οἴδατε ὅτι μικρὰ ζύμη ὅλον τὸ φύραμα ζυμοῖ; ἐκκαθάρατε τὴν παλαιὰν ζύμην, ἵνα ἦτε νέον φύραμα, καθώς ἐστε ἄζυμοι. καὶ γὰρ τὸ πάσχα ἡμῶν ἐτύθη Χριστός· ὥστε ἑορτάζωμεν, μὴ ἐν ζύμῃ παλαιᾷ μηδὲ ἐν ζύμῃ κακίας καὶ πονηρίας, ἀλλ’ ἐν ἀζύμοις εἰλικρινείας καὶ ἀληθείας.

Ou kalon to kauchema hymon. ouk oidate hoti mikra zyme holon to phyrama zymoi? ekkatharate ten palaian zymen, hina ete neon phyrama, kathos este azymoi. kai gar to pascha hemon etythe Christos; hoste heortazomen, me en zyme palaia mede en zyme kakias kai ponerias, all’ en azymois eilikrineias kai aletheias.

Ἔγραψα ὑμῖν ἐν τῇ ἐπιστολῇ μὴ συναναμίγνυσθαι πόρνοις, οὐ πάντως τοῖς πόρνοις τοῦ κόσμου τούτου ἢ τοῖς πλεονέκταις καὶ ἅρπαξιν ἢ εἰδωλολάτραις, ἐπεὶ ὠφείλετε ἄρα ἐκ τοῦ κόσμου ἐξελθεῖν. νῦν δὲ ἔγραψα ὑμῖν μὴ συναναμίγνυσθαι ἐάν τις ἀδελφὸς ὀνομαζόμενος ᾖ πόρνος ἢ πλεονέκτης ἢ εἰδωλολάτρης ἢ λοίδορος ἢ μέθυσος ἢ ἅρπαξ, τῷ τοιούτῳ μηδὲ συνεσθίειν. τί γάρ μοι τοὺς ἔξω κρίνειν; οὐχὶ τοὺς ἔσω ὑμεῖς κρίνετε, τοὺς δὲ ἔξω ὁ θεὸς κρίνει; ἐξάρατε τὸν πονηρὸν ἐξ ὑμῶν αὐτῶν.

Egrapsa hymin en te epistole me synanamignysthai pornois, ou pantos tois pornois tou kosmou toutou e tois pleonektais kai harpaxin e eidololatrais, epei opheilete ara ek tou kosmou exelthein. nyn de egrapsa hymin me synanamignysthai ean tis adelphos onomazomenos e pornos e pleonektes e eidololatres e loidoros e methysos e harpax, to toiouto mede synesthiein. ti gar moi tous exo krinein? ouchi tous eso hymeis krinete, tous de exo ho theos krinei? exarate ton poneron ex hymon auton.