Libro 7, § 1 — Nuevo Testamento

Παῦλος κλητὸς ἀπόστολος Χριστοῦ Ἰησοῦ διὰ θελήματος θεοῦ καὶ Σωσθένης ὁ ἀδελφὸς τῇ ἐκκλησίᾳ τοῦ θεοῦ, ἡγιασμένοις ἐν Χριστῷ Ἰησοῦ, τῇ οὔσῃ ἐν Κορίνθῳ, κλητοῖς ἁγίοις, σὺν πᾶσιν τοῖς ἐπικαλουμένοις τὸ ὄνομα τοῦ κυρίου ἡμῶν Ἰησοῦ Χριστοῦ ἐν παντὶ τόπῳ αὐτῶν καὶ ἡμῶν· χάρις ὑμῖν καὶ εἰρήνη ἀπὸ θεοῦ πατρὸς ἡμῶν καὶ κυρίου Ἰησοῦ Χριστοῦ.

Paulos kletos apostolos Christou Iesou dia thelematos theou kai Sosthenes ho adelphos te ekklesia tou theou, hegiasmenois en Christo Iesou, te ouse en Korintho, kletois hagiois, syn pasin tois epikaloumenois to onoma tou kyriou hemon Iesou Christou en panti topo auton kai hemon; charis hymin kai eirene apo theou patros hemon kai kyriou Iesou Christou.

Εὐχαριστῶ τῷ θεῷ μου πάντοτε περὶ ὑμῶν ἐπὶ τῇ χάριτι τοῦ θεοῦ τῇ δοθείσῃ ὑμῖν ἐν Χριστῷ Ἰησοῦ, ὅτι ἐν παντὶ ἐπλουτίσθητε ἐν αὐτῷ, ἐν παντὶ λόγῳ καὶ πάσῃ γνώσει, καθὼς τὸ μαρτύριον τοῦ Χριστοῦ ἐβεβαιώθη ἐν ὑμῖν, ὥστε ὑμᾶς μὴ ὑστερεῖσθαι ἐν μηδενὶ χαρίσματι, ἀπεκδεχομένους τὴν ἀποκάλυψιν τοῦ κυρίου ἡμῶν Ἰησοῦ Χριστοῦ· ὃς καὶ βεβαιώσει ὑμᾶς ἕως τέλους ἀνεγκλήτους ἐν τῇ ἡμέρᾳ τοῦ κυρίου ἡμῶν Ἰησοῦ Χριστοῦ. πιστὸς ὁ θεὸς δι’ οὗ ἐκλήθητε εἰς κοινωνίαν τοῦ υἱοῦ αὐτοῦ Ἰησοῦ Χριστοῦ τοῦ κυρίου ἡμῶν.

Eucharisto to theo mou pantote peri hymon epi te chariti tou theou te dotheise hymin en Christo Iesou, hoti en panti eploutisthete en auto, en panti logo kai pase gnosei, kathos to martyrion tou Christou ebebaiothe en hymin, hoste hymas me hystereisthai en medeni charismati, apekdechomenous ten apokalypsin tou kyriou hemon Iesou Christou; hos kai bebaiosei hymas heos telous anenkletous en te hemera tou kyriou hemon Iesou Christou. pistos ho theos di’ hou eklethete eis koinonian tou yhiou autou Iesou Christou tou kyriou hemon.

Παρακαλῶ δὲ ὑμᾶς, ἀδελφοί, διὰ τοῦ ὀνόματος τοῦ κυρίου ἡμῶν Ἰησοῦ Χριστοῦ ἵνα τὸ αὐτὸ λέγητε πάντες, καὶ μὴ ᾖ ἐν ὑμῖν σχίσματα, ἦτε δὲ κατηρτισμένοι ἐν τῷ αὐτῷ νοῒ καὶ ἐν τῇ αὐτῇ γνώμῃ. ἐδηλώθη γάρ μοι περὶ ὑμῶν, ἀδελφοί μου, ὑπὸ τῶν Χλόης ὅτι ἔριδες ἐν ὑμῖν εἰσιν. λέγω δὲ τοῦτο ὅτι ἕκαστος ὑμῶν λέγει· Ἐγὼ μέν εἰμι Παύλου, Ἐγὼ δὲ Ἀπολλῶ, Ἐγὼ δὲ Κηφᾶ, Ἐγὼ δὲ Χριστοῦ. μεμέρισται ὁ Χριστός; μὴ Παῦλος ἐσταυρώθη ὑπὲρ ὑμῶν, ἢ εἰς τὸ ὄνομα Παύλου ἐβαπτίσθητε; εὐχαριστῶ ὅτι οὐδένα ὑμῶν ἐβάπτισα εἰ μὴ Κρίσπον καὶ Γάϊον, ἵνα μή τις εἴπῃ ὅτι εἰς τὸ ἐμὸν ὄνομα ἐβαπτίσθητε· ἐβάπτισα δὲ καὶ τὸν Στεφανᾶ οἶκον· λοιπὸν οὐκ οἶδα εἴ τινα ἄλλον ἐβάπτισα. οὐ γὰρ ἀπέστειλέν με Χριστὸς βαπτίζειν ἀλλὰ εὐαγγελίζεσθαι, οὐκ ἐν σοφίᾳ λόγου, ἵνα μὴ κενωθῇ ὁ σταυρὸς τοῦ Χριστοῦ.

Parakalo de hymas, adelphoi, dia tou onomatos tou kyriou hemon Iesou Christou hina to auto legete pantes, kai me e en hymin schismata, ete de katertismenoi en to auto noi kai en te aute gnome. edelothe gar moi peri hymon, adelphoi mou, hypo ton Chloes hoti erides en hymin eisin. lego de touto hoti hekastos hymon legei; Ego men eimi Paulou, Ego de Apollo, Ego de Kepha, Ego de Christou. memeristai ho Christos? me Paulos estaurothe hyper hymon, e eis to onoma Paulou ebaptisthete? eucharisto hoti oudena hymon ebaptisa ei me Krispon kai Gaion, hina me tis eipe hoti eis to emon onoma ebaptisthete; ebaptisa de kai ton Stephana oikon; loipon ouk oida ei tina allon ebaptisa. ou gar apesteilen me Christos baptizein alla euangelizesthai, ouk en sophia logou, hina me kenothe ho stauros tou Christou.

Ὁ λόγος γὰρ ὁ τοῦ σταυροῦ τοῖς μὲν ἀπολλυμένοις μωρία ἐστίν, τοῖς δὲ σῳζομένοις ἡμῖν δύναμις θεοῦ ἐστιν. γέγραπται γάρ· Ἀπολῶ τὴν σοφίαν τῶν σοφῶν, καὶ τὴν σύνεσιν τῶν συνετῶν ἀθετήσω. ποῦ σοφός; ποῦ γραμματεύς; ποῦ συζητητὴς τοῦ αἰῶνος τούτου; οὐχὶ ἐμώρανεν ὁ θεὸς τὴν σοφίαν τοῦ κόσμου; ἐπειδὴ γὰρ ἐν τῇ σοφίᾳ τοῦ θεοῦ οὐκ ἔγνω ὁ κόσμος διὰ τῆς σοφίας τὸν θεόν, εὐδόκησεν ὁ θεὸς διὰ τῆς μωρίας τοῦ κηρύγματος σῶσαι τοὺς πιστεύοντας. ἐπειδὴ καὶ Ἰουδαῖοι σημεῖα αἰτοῦσιν καὶ Ἕλληνες σοφίαν ζητοῦσιν· ἡμεῖς δὲ κηρύσσομεν Χριστὸν ἐσταυρωμένον, Ἰουδαίοις μὲν σκάνδαλον ἔθνεσιν δὲ μωρίαν, αὐτοῖς δὲ τοῖς κλητοῖς, Ἰουδαίοις τε καὶ Ἕλλησιν, Χριστὸν θεοῦ δύναμιν καὶ θεοῦ σοφίαν. ὅτι τὸ μωρὸν τοῦ θεοῦ σοφώτερον τῶν ἀνθρώπων ἐστίν, καὶ τὸ ἀσθενὲς τοῦ θεοῦ ἰσχυρότερον τῶν ἀνθρώπων.

Ho logos gar ho tou staurou tois men apollymenois moria estin, tois de sozomenois hemin dynamis theou estin. gegraptai gar; Apolo ten sophian ton sophon, kai ten synesin ton syneton atheteso. pou sophos? pou grammateus? pou syzetetes tou aionos toutou? ouchi emoranen ho theos ten sophian tou kosmou? epeide gar en te sophia tou theou ouk egno ho kosmos dia tes sophias ton theon, eudokesen ho theos dia tes morias tou kerygmatos sosai tous pisteuontas. epeide kai Ioudaioi semeia aitousin kai Hellenes sophian zetousin; hemeis de keryssomen Christon estauromenon, Ioudaiois men skandalon ethnesin de morian, autois de tois kletois, Ioudaiois te kai Hellesin, Christon theou dynamin kai theou sophian. hoti to moron tou theou sophoteron ton anthropon estin, kai to asthenes tou theou ischyroteron ton anthropon.

Βλέπετε γὰρ τὴν κλῆσιν ὑμῶν, ἀδελφοί, ὅτι οὐ πολλοὶ σοφοὶ κατὰ σάρκα, οὐ πολλοὶ δυνατοί, οὐ πολλοὶ εὐγενεῖς· ἀλλὰ τὰ μωρὰ τοῦ κόσμου ἐξελέξατο ὁ θεός, ἵνα καταισχύνῃ τοὺς σοφούς, καὶ τὰ ἀσθενῆ τοῦ κόσμου ἐξελέξατο ὁ θεός, ἵνα καταισχύνῃ τὰ ἰσχυρά, καὶ τὰ ἀγενῆ τοῦ κόσμου καὶ τὰ ἐξουθενημένα ἐξελέξατο ὁ θεός, τὰ μὴ ὄντα, ἵνα τὰ ὄντα καταργήσῃ, ὅπως μὴ καυχήσηται πᾶσα σὰρξ ἐνώπιον τοῦ θεοῦ. ἐξ αὐτοῦ δὲ ὑμεῖς ἐστε ἐν Χριστῷ Ἰησοῦ, ὃς ἐγενήθη σοφία ἡμῖν ἀπὸ θεοῦ, δικαιοσύνη τε καὶ ἁγιασμὸς καὶ ἀπολύτρωσις, ἵνα καθὼς γέγραπται· Ὁ καυχώμενος ἐν κυρίῳ καυχάσθω.

Blepete gar ten klesin hymon, adelphoi, hoti ou polloi sophoi kata sarka, ou polloi dynatoi, ou polloi eugeneis; alla ta mora tou kosmou exelexato ho theos, hina kataischyne tous sophous, kai ta asthene tou kosmou exelexato ho theos, hina kataischyne ta ischyra, kai ta agene tou kosmou kai ta exouthenemena exelexato ho theos, ta me onta, hina ta onta katargese, hopos me kauchesetai pasa sarx enopion tou theou. ex autou de hymeis este en Christo Iesou, hos egenethe sophia hemin apo theou, dikaiosyne te kai hagiasmos kai apolytrosis, hina kathos gegraptai; Ho kauchomenos en kyrio kauchastho.