Libro 6, § 14 — Nuevo Testamento

Τὸν δὲ ἀσθενοῦντα τῇ πίστει προσλαμβάνεσθε, μὴ εἰς διακρίσεις διαλογισμῶν. ὃς μὲν πιστεύει φαγεῖν πάντα, ὁ δὲ ἀσθενῶν λάχανα ἐσθίει. ὁ ἐσθίων τὸν μὴ ἐσθίοντα μὴ ἐξουθενείτω, ὁ δὲ μὴ ἐσθίων τὸν ἐσθίοντα μὴ κρινέτω, ὁ θεὸς γὰρ αὐτὸν προσελάβετο. σὺ τίς εἶ ὁ κρίνων ἀλλότριον οἰκέτην; τῷ ἰδίῳ κυρίῳ στήκει ἢ πίπτει· σταθήσεται δέ, δυνατεῖ γὰρ ὁ κύριος στῆσαι αὐτόν.

Ton de asthenounta te pistei proslambanesthe, me eis diakriseis dialogismon. hos men pisteuei phagein panta, ho de asthenon lachana esthiei. ho esthion ton me esthionta me exoutheneito, ho de me esthion ton esthionta me krineto, ho theos gar auton proselabeto. sy tis ei ho krinon allotrion oiketen? to idio kyrio stekei e piptei; stathesetai de, dynatei gar ho kyrios stesai auton.

Ὃς μὲν κρίνει ἡμέραν παρ’ ἡμέραν, ὃς δὲ κρίνει πᾶσαν ἡμέραν· ἕκαστος ἐν τῷ ἰδίῳ νοῒ πληροφορείσθω· ὁ φρονῶν τὴν ἡμέραν κυρίῳ φρονεῖ. καὶ ὁ ἐσθίων κυρίῳ ἐσθίει, εὐχαριστεῖ γὰρ τῷ θεῷ· καὶ ὁ μὴ ἐσθίων κυρίῳ οὐκ ἐσθίει, καὶ εὐχαριστεῖ τῷ θεῷ.

Hos men krinei hemeran par’ hemeran, hos de krinei pasan hemeran; hekastos en to idio noi plerophoreistho; ho phronon ten hemeran kyrio phronei. kai ho esthion kyrio esthiei, eucharistei gar to theo; kai ho me esthion kyrio ouk esthiei, kai eucharistei to theo.

Οὐδεὶς γὰρ ἡμῶν ἑαυτῷ ζῇ, καὶ οὐδεὶς ἑαυτῷ ἀποθνῄσκει· ἐάν τε γὰρ ζῶμεν, τῷ κυρίῳ ζῶμεν, ἐάν τε ἀποθνῄσκωμεν, τῷ κυρίῳ ἀποθνῄσκομεν. ἐάν τε οὖν ζῶμεν ἐάν τε ἀποθνῄσκωμεν, τοῦ κυρίου ἐσμέν. εἰς τοῦτο γὰρ Χριστὸς ἀπέθανεν καὶ ἔζησεν ἵνα καὶ νεκρῶν καὶ ζώντων κυριεύσῃ.

Oudeis gar hemon heauto ze, kai oudeis heauto apothneskei; ean te gar zomen, to kyrio zomen, ean te apothneskomen, to kyrio apothneskomen. ean te oun zomen ean te apothneskomen, tou kyriou esmen. eis touto gar Christos apethanen kai ezesen hina kai nekron kai zonton kyrieuse.

Σὺ δὲ τί κρίνεις τὸν ἀδελφόν σου; ἢ καὶ σὺ τί ἐξουθενεῖς τὸν ἀδελφόν σου; πάντες γὰρ παραστησόμεθα τῷ βήματι τοῦ θεοῦ, γέγραπται γάρ· Ζῶ ἐγώ, λέγει κύριος, ὅτι ἐμοὶ κάμψει πᾶν γόνυ, καὶ πᾶσα γλῶσσα ἐξομολογήσεται τῷ θεῷ. ἄρα ἕκαστος ἡμῶν περὶ ἑαυτοῦ λόγον δώσει.

Sy de ti krineis ton adelphon sou? e kai sy ti exoutheneis ton adelphon sou? pantes gar parastesometha to bemati tou theou, gegraptai gar; Zo ego, legei kyrios, hoti emoi kampsei pan gony, kai pasa glossa exomologesetai to theo. ara hekastos hemon peri heautou logon dosei.

Μηκέτι οὖν ἀλλήλους κρίνωμεν· ἀλλὰ τοῦτο κρίνατε μᾶλλον, τὸ μὴ τιθέναι πρόσκομμα τῷ ἀδελφῷ ἢ σκάνδαλον. οἶδα καὶ πέπεισμαι ἐν κυρίῳ Ἰησοῦ ὅτι οὐδὲν κοινὸν δι’ ἑαυτοῦ· εἰ μὴ τῷ λογιζομένῳ τι κοινὸν εἶναι, ἐκείνῳ κοινόν. εἰ γὰρ διὰ βρῶμα ὁ ἀδελφός σου λυπεῖται, οὐκέτι κατὰ ἀγάπην περιπατεῖς. μὴ τῷ βρώματί σου ἐκεῖνον ἀπόλλυε ὑπὲρ οὗ Χριστὸς ἀπέθανεν. μὴ βλασφημείσθω οὖν ὑμῶν τὸ ἀγαθόν. οὐ γάρ ἐστιν ἡ βασιλεία τοῦ θεοῦ βρῶσις καὶ πόσις, ἀλλὰ δικαιοσύνη καὶ εἰρήνη καὶ χαρὰ ἐν πνεύματι ἁγίῳ· ὁ γὰρ ἐν τούτῳ δουλεύων τῷ Χριστῷ εὐάρεστος τῷ θεῷ καὶ δόκιμος τοῖς ἀνθρώποις. ἄρα οὖν τὰ τῆς εἰρήνης διώκωμεν καὶ τὰ τῆς οἰκοδομῆς τῆς εἰς ἀλλήλους. μὴ ἕνεκεν βρώματος κατάλυε τὸ ἔργον τοῦ θεοῦ. πάντα μὲν καθαρά, ἀλλὰ κακὸν τῷ ἀνθρώπῳ τῷ διὰ προσκόμματος ἐσθίοντι. καλὸν τὸ μὴ φαγεῖν κρέα μηδὲ πιεῖν οἶνον μηδὲ ἐν ᾧ ὁ ἀδελφός σου προσκόπτει ἢ σκανδαλίζεται ἢ ἀσθενεῖ· σὺ πίστιν ἣν ἔχεις κατὰ σεαυτὸν ἔχε ἐνώπιον τοῦ θεοῦ. μακάριος ὁ μὴ κρίνων ἑαυτὸν ἐν ᾧ δοκιμάζει· ὁ δὲ διακρινόμενος ἐὰν φάγῃ κατακέκριται, ὅτι οὐκ ἐκ πίστεως· πᾶν δὲ ὃ οὐκ ἐκ πίστεως ἁμαρτία ἐστίν.

Meketi oun allelous krinomen; alla touto krinate mallon, to me tithenai proskomma to adelpho e skandalon. oida kai pepeismai en kyrio Iesou hoti ouden koinon di’ heautou; ei me to logizomeno ti koinon einai, ekeino koinon. ei gar dia broma ho adelphos sou lypeitai, ouketi kata agapen peripateis. me to bromati sou ekeinon apollye hyper hou Christos apethanen. me blasphemeistho oun hymon to agathon. ou gar estin he basileia tou theou brosis kai posis, alla dikaiosyne kai eirene kai chara en pneumati hagio; ho gar en touto douleuon to Christo euarestos to theo kai dokimos tois anthropois. ara oun ta tes eirenes diokomen kai ta tes oikodomes tes eis allelous. me heneken bromatos katalye to ergon tou theou. panta men kathara, alla kakon to anthropo to dia proskommatos esthionti. kalon to me phagein krea mede piein oinon mede en ho ho adelphos sou proskoptei e skandalizetai e asthenei; sy pistin hen echeis kata seauton eche enopion tou theou. makarios ho me krinon heauton en ho dokimazei; ho de diakrinomenos ean phage katakekritai, hoti ouk ek pisteos; pan de ho ouk ek pisteos hamartia estin.