Libro 5, § 26 — Nuevo Testamento

Ἀγρίππας δὲ πρὸς τὸν Παῦλον ἔφη· Ἐπιτρέπεταί σοι ὑπὲρ σεαυτοῦ λέγειν. τότε ὁ Παῦλος ἐκτείνας τὴν χεῖρα ἀπελογεῖτο· Περὶ πάντων ὧν ἐγκαλοῦμαι ὑπὸ Ἰουδαίων, βασιλεῦ Ἀγρίππα, ἥγημαι ἐμαυτὸν μακάριον ἐπὶ σοῦ μέλλων σήμερον ἀπολογεῖσθαι, μάλιστα γνώστην ὄντα σε πάντων τῶν κατὰ Ἰουδαίους ἐθῶν τε καὶ ζητημάτων· διὸ δέομαι μακροθύμως ἀκοῦσαί μου. Τὴν μὲν οὖν βίωσίν μου τὴν ἐκ νεότητος τὴν ἀπ’ ἀρχῆς γενομένην ἐν τῷ ἔθνει μου ἔν τε Ἱεροσολύμοις ἴσασι πάντες Ἰουδαῖοι, προγινώσκοντές με ἄνωθεν, ἐὰν θέλωσι μαρτυρεῖν, ὅτι κατὰ τὴν ἀκριβεστάτην αἵρεσιν τῆς ἡμετέρας θρησκείας ἔζησα Φαρισαῖος. καὶ νῦν ἐπ’ ἐλπίδι τῆς εἰς τοὺς πατέρας ἡμῶν ἐπαγγελίας γενομένης ὑπὸ τοῦ θεοῦ ἕστηκα κρινόμενος, εἰς ἣν τὸ δωδεκάφυλον ἡμῶν ἐν ἐκτενείᾳ νύκτα καὶ ἡμέραν λατρεῦον ἐλπίζει καταντῆσαι· περὶ ἧς ἐλπίδος ἐγκαλοῦμαι ὑπὸ Ἰουδαίων, βασιλεῦ· τί ἄπιστον κρίνεται παρ’ ὑμῖν εἰ ὁ θεὸς νεκροὺς ἐγείρει; Ἐγὼ μὲν οὖν ἔδοξα ἐμαυτῷ πρὸς τὸ ὄνομα Ἰησοῦ τοῦ Ναζωραίου δεῖν πολλὰ ἐναντία πρᾶξαι· ὃ καὶ ἐποίησα ἐν Ἱεροσολύμοις, καὶ πολλούς τε τῶν ἁγίων ἐγὼ ἐν φυλακαῖς κατέκλεισα τὴν παρὰ τῶν ἀρχιερέων ἐξουσίαν λαβών, ἀναιρουμένων τε αὐτῶν κατήνεγκα ψῆφον, καὶ κατὰ πάσας τὰς συναγωγὰς πολλάκις τιμωρῶν αὐτοὺς ἠνάγκαζον βλασφημεῖν, περισσῶς τε ἐμμαινόμενος αὐτοῖς ἐδίωκον ἕως καὶ εἰς τὰς ἔξω πόλεις. Ἐν οἷς πορευόμενος εἰς τὴν Δαμασκὸν μετ’ ἐξουσίας καὶ ἐπιτροπῆς τῆς τῶν ἀρχιερέων ἡμέρας μέσης κατὰ τὴν ὁδὸν εἶδον, βασιλεῦ, οὐρανόθεν ὑπὲρ τὴν λαμπρότητα τοῦ ἡλίου περιλάμψαν με φῶς καὶ τοὺς σὺν ἐμοὶ πορευομένους· πάντων τε καταπεσόντων ἡμῶν εἰς τὴν γῆν ἤκουσα φωνὴν λέγουσαν πρός με τῇ Ἑβραΐδι διαλέκτῳ· Σαοὺλ Σαούλ, τί με διώκεις; σκληρόν σοι πρὸς κέντρα λακτίζειν. ἐγὼ δὲ εἶπα· Τίς εἶ, κύριε; ὁ δὲ κύριος εἶπεν· Ἐγώ εἰμι Ἰησοῦς ὃν σὺ διώκεις· ἀλλὰ ἀνάστηθι καὶ στῆθι ἐπὶ τοὺς πόδας σου· εἰς τοῦτο γὰρ ὤφθην σοι, προχειρίσασθαί σε ὑπηρέτην καὶ μάρτυρα ὧν τε εἶδές με ὧν τε ὀφθήσομαί σοι, ἐξαιρούμενός σε ἐκ τοῦ λαοῦ καὶ ἐκ τῶν ἐθνῶν, εἰς οὓς ἐγὼ ἀποστέλλω σε ἀνοῖξαι ὀφθαλμοὺς αὐτῶν, τοῦ ἐπιστρέψαι ἀπὸ σκότους εἰς φῶς καὶ τῆς ἐξουσίας τοῦ Σατανᾶ ἐπὶ τὸν θεόν, τοῦ λαβεῖν αὐτοὺς ἄφεσιν ἁμαρτιῶν καὶ κλῆρον ἐν τοῖς ἡγιασμένοις πίστει τῇ εἰς ἐμέ. Ὅθεν, βασιλεῦ Ἀγρίππα, οὐκ ἐγενόμην ἀπειθὴς τῇ οὐρανίῳ ὀπτασίᾳ, ἀλλὰ τοῖς ἐν Δαμασκῷ πρῶτόν τε καὶ Ἱεροσολύμοις, πᾶσάν τε τὴν χώραν τῆς Ἰουδαίας, καὶ τοῖς ἔθνεσιν ἀπήγγελλον μετανοεῖν καὶ ἐπιστρέφειν ἐπὶ τὸν θεόν, ἄξια τῆς μετανοίας ἔργα πράσσοντας. ἕνεκα τούτων με Ἰουδαῖοι συλλαβόμενοι ἐν τῷ ἱερῷ ἐπειρῶντο διαχειρίσασθαι. ἐπικουρίας οὖν τυχὼν τῆς ἀπὸ τοῦ θεοῦ ἄχρι τῆς ἡμέρας ταύτης ἕστηκα μαρτυρόμενος μικρῷ τε καὶ μεγάλῳ, οὐδὲν ἐκτὸς λέγων ὧν τε οἱ προφῆται ἐλάλησαν μελλόντων γίνεσθαι καὶ Μωϋσῆς, εἰ παθητὸς ὁ χριστός, εἰ πρῶτος ἐξ ἀναστάσεως νεκρῶν φῶς μέλλει καταγγέλλειν τῷ τε λαῷ καὶ τοῖς ἔθνεσιν. Ταῦτα δὲ αὐτοῦ ἀπολογουμένου ὁ Φῆστος μεγάλῃ τῇ φωνῇ φησιν· Μαίνῃ, Παῦλε· τὰ πολλά σε γράμματα εἰς μανίαν περιτρέπει. ὁ δὲ Παῦλος· Οὐ μαίνομαι, φησίν, κράτιστε Φῆστε, ἀλλὰ ἀληθείας καὶ σωφροσύνης ῥήματα ἀποφθέγγομαι. ἐπίσταται γὰρ περὶ τούτων ὁ βασιλεύς, πρὸς ὃν καὶ παρρησιαζόμενος λαλῶ· λανθάνειν γὰρ αὐτὸν τούτων οὐ πείθομαι οὐθέν, οὐ γάρ ἐστιν ἐν γωνίᾳ πεπραγμένον τοῦτο. πιστεύεις, βασιλεῦ Ἀγρίππα, τοῖς προφήταις; οἶδα ὅτι πιστεύεις. ὁ δὲ Ἀγρίππας πρὸς τὸν Παῦλον· Ἐν ὀλίγῳ με πείθεις Χριστιανὸν ποιῆσαι. ὁ δὲ Παῦλος· Εὐξαίμην ἂν τῷ θεῷ καὶ ἐν ὀλίγῳ καὶ ἐν μεγάλῳ οὐ μόνον σὲ ἀλλὰ καὶ πάντας τοὺς ἀκούοντάς μου σήμερον γενέσθαι τοιούτους ὁποῖος καὶ ἐγώ εἰμι παρεκτὸς τῶν δεσμῶν τούτων. Ἀνέστη τε ὁ βασιλεὺς καὶ ὁ ἡγεμὼν ἥ τε Βερνίκη καὶ οἱ συγκαθήμενοι αὐτοῖς, καὶ ἀναχωρήσαντες ἐλάλουν πρὸς ἀλλήλους λέγοντες ὅτι Οὐδὲν θανάτου ἢ δεσμῶν ἄξιον τι πράσσει ὁ ἄνθρωπος οὗτος. Ἀγρίππας δὲ τῷ Φήστῳ ἔφη· Ἀπολελύσθαι ἐδύνατο ὁ ἄνθρωπος οὗτος εἰ μὴ ἐπεκέκλητο Καίσαρα.

Agrippas de pros ton Paulon ephe; Epitrepetai soi hyper seautou legein. tote ho Paulos ekteinas ten cheira apelogeito; Peri panton hon enkaloumai hypo Ioudaion, basileu Agrippa, hegemai emauton makarion epi sou mellon semeron apologeisthai, malista gnosten onta se panton ton kata Ioudaious ethon te kai zetematon; dio deomai makrothymos akousai mou. Ten men oun biosin mou ten ek neotetos ten ap’ arches genomenen en to ethnei mou en te Hierosolymois isasi pantes Ioudaioi, proginoskontes me anothen, ean thelosi martyrein, hoti kata ten akribestaten ahiresin tes hemeteras threskeias ezesa Pharisaios. kai nyn ep’ elpidi tes eis tous pateras hemon epangelias genomenes hypo tou theou hesteka krinomenos, eis hen to dodekaphylon hemon en ekteneia nykta kai hemeran latreuon elpizei katantesai; peri hes elpidos enkaloumai hypo Ioudaion, basileu; ti apiston krinetai par’ hymin ei ho theos nekrous egeirei? Ego men oun edoxa emauto pros to onoma Iesou tou Nazoraiou dein polla enantia praxai; ho kai epoiesa en Hierosolymois, kai pollous te ton hagion ego en phylakais katekleisa ten para ton archiereon exousian labon, anairoumenon te auton katenenka psephon, kai kata pasas tas synagogas pollakis timoron autous enankazon blasphemein, perissos te emmainomenos autois ediokon heos kai eis tas exo poleis. En ohis poreuomenos eis ten Damaskon met’ exousias kai epitropes tes ton archiereon hemeras meses kata ten hodon eidon, basileu, ouranothen hyper ten lamproteta tou heliou perilampsan me phos kai tous syn emoi poreuomenous; panton te katapesonton hemon eis ten gen ekousa phonen legousan pros me te Hebraidi dialekto; Saoul Saoul, ti me diokeis? skleron soi pros kentra laktizein. ego de eipa; Tis ei, kyrie? ho de kyrios eipen; Ego eimi Iesous hon sy diokeis; alla anastethi kai stethi epi tous podas sou; eis touto gar ophthen soi, procheirisasthai se hypereten kai martyra hon te eides me hon te ophthesomai soi, exairoumenos se ek tou laou kai ek ton ethnon, eis hous ego apostello se anoixai ophthalmous auton, tou epistrepsai apo skotous eis phos kai tes exousias tou Satana epi ton theon, tou labein autous aphesin hamartion kai kleron en tois hegiasmenois pistei te eis eme. Hothen, basileu Agrippa, ouk egenomen apeithes te ouranio optasia, alla tois en Damasko proton te kai Hierosolymois, pasan te ten choran tes Ioudaias, kai tois ethnesin apengellon metanoein kai epistrephein epi ton theon, axia tes metanoias erga prassontas. heneka touton me Ioudaioi syllabomenoi en to hiero epeironto diacheirisasthai. epikourias oun tychon tes apo tou theou achri tes hemeras tautes hesteka martyromenos mikro te kai megalo, ouden ektos legon hon te ohi prophetai elalesan mellonton ginesthai kai Moyses, ei pathetos ho christos, ei protos ex anastaseos nekron phos mellei katangellein to te lao kai tois ethnesin. Tauta de autou apologoumenou ho Phestos megale te phone phesin; Maine, Paule; ta polla se grammata eis manian peritrepei. ho de Paulos; Ou mainomai, phesin, kratiste Pheste, alla aletheias kai sophrosynes rhemata apophthengomai. epistatai gar peri touton ho basileus, pros hon kai parresiazomenos lalo; lanthanein gar auton touton ou peithomai outhen, ou gar estin en gonia pepragmenon touto. pisteueis, basileu Agrippa, tois prophetais? oida hoti pisteueis. ho de Agrippas pros ton Paulon; En oligo me peitheis Christianon poiesai. ho de Paulos; Euxaimen an to theo kai en oligo kai en megalo ou monon se alla kai pantas tous akouontas mou semeron genesthai toioutous hopoios kai ego eimi parektos ton desmon touton. Aneste te ho basileus kai ho hegemon he te Bernike kai ohi synkathemenoi autois, kai anachoresantes elaloun pros allelous legontes hoti Ouden thanatou e desmon axion ti prassei ho anthropos houtos. Agrippas de to Phesto ephe; Apolelysthai edynato ho anthropos houtos ei me epekekleto Kaisara.