Ἐγένετο δὲ ἐν Ἰκονίῳ κατὰ τὸ αὐτὸ εἰσελθεῖν αὐτοὺς εἰς τὴν συναγωγὴν τῶν Ἰουδαίων καὶ λαλῆσαι οὕτως ὥστε πιστεῦσαι Ἰουδαίων τε καὶ Ἑλλήνων πολὺ πλῆθος. οἱ δὲ ἀπειθήσαντες Ἰουδαῖοι ἐπήγειραν καὶ ἐκάκωσαν τὰς ψυχὰς τῶν ἐθνῶν κατὰ τῶν ἀδελφῶν. ἱκανὸν μὲν οὖν χρόνον διέτριψαν παρρησιαζόμενοι ἐπὶ τῷ κυρίῳ τῷ μαρτυροῦντι τῷ λόγῳ τῆς χάριτος αὐτοῦ, διδόντι σημεῖα καὶ τέρατα γίνεσθαι διὰ τῶν χειρῶν αὐτῶν. ἐσχίσθη δὲ τὸ πλῆθος τῆς πόλεως, καὶ οἱ μὲν ἦσαν σὺν τοῖς Ἰουδαίοις οἱ δὲ σὺν τοῖς ἀποστόλοις. ὡς δὲ ἐγένετο ὁρμὴ τῶν ἐθνῶν τε καὶ Ἰουδαίων σὺν τοῖς ἄρχουσιν αὐτῶν ὑβρίσαι καὶ λιθοβολῆσαι αὐτούς, συνιδόντες κατέφυγον εἰς τὰς πόλεις τῆς Λυκαονίας Λύστραν καὶ Δέρβην καὶ τὴν περίχωρον, κἀκεῖ εὐαγγελιζόμενοι ἦσαν.
Egeneto de en Ikonio kata to auto eiselthein autous eis ten synagogen ton Ioudaion kai lalesai houtos hoste pisteusai Ioudaion te kai Hellenon poly plethos. ohi de apeithesantes Ioudaioi epegeiran kai ekakosan tas psychas ton ethnon kata ton adelphon. hikanon men oun chronon dietripsan parresiazomenoi epi to kyrio to martyrounti to logo tes charitos autou, didonti semeia kai terata ginesthai dia ton cheiron auton. eschisthe de to plethos tes poleos, kai ohi men esan syn tois Ioudaiois ohi de syn tois apostolois. hos de egeneto horme ton ethnon te kai Ioudaion syn tois archousin auton hybrisai kai lithobolesai autous, synidontes katephygon eis tas poleis tes Lykaonias Lystran kai Derben kai ten perichoron, kakei euangelizomenoi esan.
Καί τις ἀνὴρ ἀδύνατος ἐν Λύστροις τοῖς ποσὶν ἐκάθητο, χωλὸς ἐκ κοιλίας μητρὸς αὐτοῦ, ὃς οὐδέποτε περιεπάτησεν. οὗτος ἤκουσεν τοῦ Παύλου λαλοῦντος· ὃς ἀτενίσας αὐτῷ καὶ ἰδὼν ὅτι ἔχει πίστιν τοῦ σωθῆναι εἶπεν μεγάλῃ φωνῇ· Ἀνάστηθι ἐπὶ τοὺς πόδας σου ὀρθός· καὶ ἥλατο καὶ περιεπάτει. οἵ τε ὄχλοι ἰδόντες ὃ ἐποίησεν Παῦλος ἐπῆραν τὴν φωνὴν αὐτῶν Λυκαονιστὶ λέγοντες· Οἱ θεοὶ ὁμοιωθέντες ἀνθρώποις κατέβησαν πρὸς ἡμᾶς ἐκάλουν τε τὸν Βαρναβᾶν Δία, τὸν δὲ Παῦλον Ἑρμῆν, ἐπειδὴ αὐτὸς ἦν ὁ ἡγούμενος τοῦ λόγου. ὅ τε ἱερεὺς τοῦ Διὸς τοῦ ὄντος πρὸ τῆς πόλεως ταύρους καὶ στέμματα ἐπὶ τοὺς πυλῶνας ἐνέγκας σὺν τοῖς ὄχλοις ἤθελεν θύειν. ἀκούσαντες δὲ οἱ ἀπόστολοι Βαρναβᾶς καὶ Παῦλος, διαρρήξαντες τὰ ἱμάτια αὐτῶν ἐξεπήδησαν εἰς τὸν ὄχλον κράζοντες καὶ λέγοντες· Ἄνδρες, τί ταῦτα ποιεῖτε; καὶ ἡμεῖς ὁμοιοπαθεῖς ἐσμεν ὑμῖν ἄνθρωποι, εὐαγγελιζόμενοι ὑμᾶς ἀπὸ τούτων τῶν ματαίων ἐπιστρέφειν ἐπὶ θεὸν ζῶντα ὃς ἐποίησεν τὸν οὐρανὸν καὶ τὴν γῆν καὶ τὴν θάλασσαν καὶ πάντα τὰ ἐν αὐτοῖς· ὃς ἐν ταῖς παρῳχημέναις γενεαῖς εἴασεν πάντα τὰ ἔθνη πορεύεσθαι ταῖς ὁδοῖς αὐτῶν· καίτοι οὐκ ἀμάρτυρον αὑτὸν ἀφῆκεν ἀγαθουργῶν, οὐρανόθεν ὑμῖν ὑετοὺς διδοὺς καὶ καιροὺς καρποφόρους, ἐμπιπλῶν τροφῆς καὶ εὐφροσύνης τὰς καρδίας ὑμῶν. καὶ ταῦτα λέγοντες μόλις κατέπαυσαν τοὺς ὄχλους τοῦ μὴ θύειν αὐτοῖς.
Kai tis aner adynatos en Lystrois tois posin ekatheto, cholos ek koilias metros autou, hos oudepote periepatesen. houtos ekousen tou Paulou lalountos; hos atenisas auto kai idon hoti echei pistin tou sothenai eipen megale phone; Anastethi epi tous podas sou orthos; kai helato kai periepatei. ohi te ochloi idontes ho epoiesen Paulos eperan ten phonen auton Lykaonisti legontes; Ohi theoi homoiothentes anthropois katebesan pros hemas ekaloun te ton Barnaban Dia, ton de Paulon Hermen, epeide autos en ho hegoumenos tou logou. ho te hiereus tou Dios tou ontos pro tes poleos taurous kai stemmata epi tous pylonas enenkas syn tois ochlois ethelen thyein. akousantes de ohi apostoloi Barnabas kai Paulos, diarrexantes ta himatia auton exepedesan eis ton ochlon krazontes kai legontes; Andres, ti tauta poieite? kai hemeis homoiopatheis esmen hymin anthropoi, euangelizomenoi hymas apo touton ton mataion epistrephein epi theon zonta hos epoiesen ton ouranon kai ten gen kai ten thalassan kai panta ta en autois; hos en tais parochemenais geneais eiasen panta ta ethne poreuesthai tais hodois auton; kaitoi ouk amartyron hauton apheken agathourgon, ouranothen hymin hyetous didous kai kairous karpophorous, empiplon trophes kai euphrosynes tas kardias hymon. kai tauta legontes molis katepausan tous ochlous tou me thyein autois.
Ἐπῆλθαν δὲ ἀπὸ Ἀντιοχείας καὶ Ἰκονίου Ἰουδαῖοι, καὶ πείσαντες τοὺς ὄχλους καὶ λιθάσαντες τὸν Παῦλον ἔσυρον ἔξω τῆς πόλεως, νομίζοντες αὐτὸν τεθνηκέναι. κυκλωσάντων δὲ τῶν μαθητῶν αὐτὸν ἀναστὰς εἰσῆλθεν εἰς τὴν πόλιν. καὶ τῇ ἐπαύριον ἐξῆλθεν σὺν τῷ Βαρναβᾷ εἰς Δέρβην.
Epelthan de apo Antiocheias kai Ikoniou Ioudaioi, kai peisantes tous ochlous kai lithasantes ton Paulon esyron exo tes poleos, nomizontes auton tethnekenai. kyklosanton de ton matheton auton anastas eiselthen eis ten polin. kai te epaurion exelthen syn to Barnaba eis Derben.
Εὐαγγελισάμενοί τε τὴν πόλιν ἐκείνην καὶ μαθητεύσαντες ἱκανοὺς ὑπέστρεψαν εἰς τὴν Λύστραν καὶ εἰς Ἰκόνιον καὶ εἰς Ἀντιόχειαν, ἐπιστηρίζοντες τὰς ψυχὰς τῶν μαθητῶν, παρακαλοῦντες ἐμμένειν τῇ πίστει καὶ ὅτι διὰ πολλῶν θλίψεων δεῖ ἡμᾶς εἰσελθεῖν εἰς τὴν βασιλείαν τοῦ θεοῦ. χειροτονήσαντες δὲ αὐτοῖς κατ’ ἐκκλησίαν πρεσβυτέρους προσευξάμενοι μετὰ νηστειῶν παρέθεντο αὐτοὺς τῷ κυρίῳ εἰς ὃν πεπιστεύκεισαν. καὶ διελθόντες τὴν Πισιδίαν ἦλθον εἰς τὴν Παμφυλίαν, καὶ λαλήσαντες ἐν Πέργῃ τὸν λόγον κατέβησαν εἰς Ἀττάλειαν, κἀκεῖθεν ἀπέπλευσαν εἰς Ἀντιόχειαν, ὅθεν ἦσαν παραδεδομένοι τῇ χάριτι τοῦ θεοῦ εἰς τὸ ἔργον ὃ ἐπλήρωσαν. παραγενόμενοι δὲ καὶ συναγαγόντες τὴν ἐκκλησίαν ἀνήγγελλον ὅσα ἐποίησεν ὁ θεὸς μετ’ αὐτῶν καὶ ὅτι ἤνοιξεν τοῖς ἔθνεσιν θύραν πίστεως. διέτριβον δὲ χρόνον οὐκ ὀλίγον σὺν τοῖς μαθηταῖς.
Euangelisamenoi te ten polin ekeinen kai matheteusantes hikanous hypestrepsan eis ten Lystran kai eis Ikonion kai eis Antiocheian, episterizontes tas psychas ton matheton, parakalountes emmenein te pistei kai hoti dia pollon thlipseon dei hemas eiselthein eis ten basileian tou theou. cheirotonesantes de autois kat’ ekklesian presbyterous proseuxamenoi meta nesteion parethento autous to kyrio eis hon pepisteukeisan. kai dielthontes ten Pisidian elthon eis ten Pamphylian, kai lalesantes en Perge ton logon katebesan eis Attaleian, kakeithen apepleusan eis Antiocheian, hothen esan paradedomenoi te chariti tou theou eis to ergon ho eplerosan. paragenomenoi de kai synagagontes ten ekklesian anengellon hosa epoiesen ho theos met’ auton kai hoti enoixen tois ethnesin thyran pisteos. dietribon de chronon ouk oligon syn tois mathetais.