Libro 5, § 1 — Nuevo Testamento

Τὸν μὲν πρῶτον λόγον ἐποιησάμην περὶ πάντων, ὦ Θεόφιλε, ὧν ἤρξατο ὁ Ἰησοῦς ποιεῖν τε καὶ διδάσκειν ἄχρι ἧς ἡμέρας ἐντειλάμενος τοῖς ἀποστόλοις διὰ πνεύματος ἁγίου οὓς ἐξελέξατο ἀνελήμφθη· οἷς καὶ παρέστησεν ἑαυτὸν ζῶντα μετὰ τὸ παθεῖν αὐτὸν ἐν πολλοῖς τεκμηρίοις, δι’ ἡμερῶν τεσσεράκοντα ὀπτανόμενος αὐτοῖς καὶ λέγων τὰ περὶ τῆς βασιλείας τοῦ θεοῦ· καὶ συναλιζόμενος παρήγγειλεν αὐτοῖς ἀπὸ Ἱεροσολύμων μὴ χωρίζεσθαι, ἀλλὰ περιμένειν τὴν ἐπαγγελίαν τοῦ πατρὸς ἣν ἠκούσατέ μου· ὅτι Ἰωάννης μὲν ἐβάπτισεν ὕδατι, ὑμεῖς δὲ ἐν πνεύματι βαπτισθήσεσθε ἁγίῳ οὐ μετὰ πολλὰς ταύτας ἡμέρας.

Ton men proton logon epoiesamen peri panton, o Theophile, hon erxato ho Iesous poiein te kai didaskein achri hes hemeras enteilamenos tois apostolois dia pneumatos hagiou hous exelexato anelemphthe; ohis kai parestesen heauton zonta meta to pathein auton en pollois tekmeriois, di’ hemeron tesserakonta optanomenos autois kai legon ta peri tes basileias tou theou; kai synalizomenos parengeilen autois apo Hierosolymon me chorizesthai, alla perimenein ten epangelian tou patros hen ekousate mou; hoti Ioannes men ebaptisen hydati, hymeis de en pneumati baptisthesesthe hagio ou meta pollas tautas hemeras.

Οἱ μὲν οὖν συνελθόντες ἠρώτων αὐτὸν λέγοντες· Κύριε, εἰ ἐν τῷ χρόνῳ τούτῳ ἀποκαθιστάνεις τὴν βασιλείαν τῷ Ἰσραήλ; εἶπεν δὲ πρὸς αὐτούς· Οὐχ ὑμῶν ἐστιν γνῶναι χρόνους ἢ καιροὺς οὓς ὁ πατὴρ ἔθετο ἐν τῇ ἰδίᾳ ἐξουσίᾳ, ἀλλὰ λήμψεσθε δύναμιν ἐπελθόντος τοῦ ἁγίου πνεύματος ἐφ’ ὑμᾶς, καὶ ἔσεσθέ μου μάρτυρες ἔν τε Ἰερουσαλὴμ καὶ ἐν πάσῃ τῇ Ἰουδαίᾳ καὶ Σαμαρείᾳ καὶ ἕως ἐσχάτου τῆς γῆς. καὶ ταῦτα εἰπὼν βλεπόντων αὐτῶν ἐπήρθη καὶ νεφέλη ὑπέλαβεν αὐτὸν ἀπὸ τῶν ὀφθαλμῶν αὐτῶν. καὶ ὡς ἀτενίζοντες ἦσαν εἰς τὸν οὐρανὸν πορευομένου αὐτοῦ, καὶ ἰδοὺ ἄνδρες δύο παρειστήκεισαν αὐτοῖς ἐν ἐσθήσεσι λευκαῖς, οἳ καὶ εἶπαν· Ἄνδρες Γαλιλαῖοι, τί ἑστήκατε βλέποντες εἰς τὸν οὐρανόν; οὗτος ὁ Ἰησοῦς ὁ ἀναλημφθεὶς ἀφ’ ὑμῶν εἰς τὸν οὐρανὸν οὕτως ἐλεύσεται ὃν τρόπον ἐθεάσασθε αὐτὸν πορευόμενον εἰς τὸν οὐρανόν.

Ohi men oun synelthontes eroton auton legontes; Kyrie, ei en to chrono touto apokathistaneis ten basileian to Israel? eipen de pros autous; Ouch hymon estin gnonai chronous e kairous hous ho pater etheto en te idia exousia, alla lempsesthe dynamin epelthontos tou hagiou pneumatos eph’ hymas, kai esesthe mou martyres en te Ierousalem kai en pase te Ioudaia kai Samareia kai heos eschatou tes ges. kai tauta eipon bleponton auton eperthe kai nephele hypelaben auton apo ton ophthalmon auton. kai hos atenizontes esan eis ton ouranon poreuomenou autou, kai idou andres dyo pareistekeisan autois en esthesesi leukais, ohi kai eipan; Andres Galilaioi, ti hestekate blepontes eis ton ouranon? houtos ho Iesous ho analemphtheis aph’ hymon eis ton ouranon houtos eleusetai hon tropon etheasasthe auton poreuomenon eis ton ouranon.

Τότε ὑπέστρεψαν εἰς Ἰερουσαλὴμ ἀπὸ ὄρους τοῦ καλουμένου Ἐλαιῶνος, ὅ ἐστιν ἐγγὺς Ἰερουσαλὴμ σαββάτου ἔχον ὁδόν. καὶ ὅτε εἰσῆλθον, εἰς τὸ ὑπερῷον ἀνέβησαν οὗ ἦσαν καταμένοντες, ὅ τε Πέτρος καὶ Ἰωάννης καὶ Ἰάκωβος καὶ Ἀνδρέας, Φίλιππος καὶ Θωμᾶς, Βαρθολομαῖος καὶ Μαθθαῖος, Ἰάκωβος Ἁλφαίου καὶ Σίμων ὁ ζηλωτὴς καὶ Ἰούδας Ἰακώβου. οὗτοι πάντες ἦσαν προσκαρτεροῦντες ὁμοθυμαδὸν τῇ προσευχῇ σὺν γυναιξὶν καὶ Μαριὰμ τῇ μητρὶ τοῦ Ἰησοῦ καὶ σὺν τοῖς ἀδελφοῖς αὐτοῦ.

Tote hypestrepsan eis Ierousalem apo orous tou kaloumenou Elaionos, ho estin engys Ierousalem sabbatou echon hodon. kai hote eiselthon, eis to hyperoon anebesan hou esan katamenontes, ho te Petros kai Ioannes kai Iakobos kai Andreas, Philippos kai Thomas, Bartholomaios kai Maththaios, Iakobos Halphaiou kai Simon ho zelotes kai Ioudas Iakobou. houtoi pantes esan proskarterountes homothymadon te proseuche syn gynaixin kai Mariam te metri tou Iesou kai syn tois adelphois autou.

Καὶ ἐν ταῖς ἡμέραις ταύταις ἀναστὰς Πέτρος ἐν μέσῳ τῶν ἀδελφῶν εἶπεν ἦν τε ὄχλος ὀνομάτων ἐπὶ τὸ αὐτὸ ὡς ἑκατὸν εἴκοσι· Ἄνδρες ἀδελφοί, ἔδει πληρωθῆναι τὴν γραφὴν ἣν προεῖπε τὸ πνεῦμα τὸ ἅγιον διὰ στόματος Δαυὶδ περὶ Ἰούδα τοῦ γενομένου ὁδηγοῦ τοῖς συλλαβοῦσιν Ἰησοῦν, ὅτι κατηριθμημένος ἦν ἐν ἡμῖν καὶ ἔλαχεν τὸν κλῆρον τῆς διακονίας ταύτης. Οὗτος μὲν οὖν ἐκτήσατο χωρίον ἐκ μισθοῦ τῆς ἀδικίας, καὶ πρηνὴς γενόμενος ἐλάκησεν μέσος, καὶ ἐξεχύθη πάντα τὰ σπλάγχνα αὐτοῦ. καὶ γνωστὸν ἐγένετο πᾶσι τοῖς κατοικοῦσιν Ἰερουσαλήμ, ὥστε κληθῆναι τὸ χωρίον ἐκεῖνο τῇ ἰδίᾳ διαλέκτῳ αὐτῶν Ἁκελδαμάχ, τοῦτ’ ἔστιν Χωρίον Αἵματος. γέγραπται γὰρ ἐν βίβλῳ ψαλμῶν· Γενηθήτω ἡ ἔπαυλις αὐτοῦ ἔρημος καὶ μὴ ἔστω ὁ κατοικῶν ἐν αὐτῇ, καί· Τὴν ἐπισκοπὴν αὐτοῦ λαβέτω ἕτερος. δεῖ οὖν τῶν συνελθόντων ἡμῖν ἀνδρῶν ἐν παντὶ χρόνῳ ᾧ εἰσῆλθεν καὶ ἐξῆλθεν ἐφ’ ἡμᾶς ὁ κύριος Ἰησοῦς, ἀρξάμενος ἀπὸ τοῦ βαπτίσματος Ἰωάννου ἕως τῆς ἡμέρας ἧς ἀνελήμφθη ἀφ’ ἡμῶν, μάρτυρα τῆς ἀναστάσεως αὐτοῦ σὺν ἡμῖν γενέσθαι ἕνα τούτων. καὶ ἔστησαν δύο, Ἰωσὴφ τὸν καλούμενον Βαρσαββᾶν, ὃς ἐπεκλήθη Ἰοῦστος, καὶ Μαθθίαν. καὶ προσευξάμενοι εἶπαν Σὺ κύριε καρδιογνῶστα πάντων, ἀνάδειξον ὃν ἐξελέξω, ἐκ τούτων τῶν δύο ἕνα, λαβεῖν τὸν τόπον τῆς διακονίας ταύτης καὶ ἀποστολῆς, ἀφ’ ἧς παρέβη Ἰούδας πορευθῆναι εἰς τὸν τόπον τὸν ἴδιον. καὶ ἔδωκαν κλήρους αὐτοῖς, καὶ ἔπεσεν ὁ κλῆρος ἐπὶ Μαθθίαν, καὶ συγκατεψηφίσθη μετὰ τῶν ἕνδεκα ἀποστόλων.

Kai en tais hemerais tautais anastas Petros en meso ton adelphon eipen en te ochlos onomaton epi to auto hos hekaton eikosi; Andres adelphoi, edei plerothenai ten graphen hen proeipe to pneuma to hagion dia stomatos Dauid peri Iouda tou genomenou hodegou tois syllabousin Iesoun, hoti katerithmemenos en en hemin kai elachen ton kleron tes diakonias tautes. Houtos men oun ektesato chorion ek misthou tes adikias, kai prenes genomenos elakesen mesos, kai exechythe panta ta splanchna autou. kai gnoston egeneto pasi tois katoikousin Ierousalem, hoste klethenai to chorion ekeino te idia dialekto auton Hakeldamach, tout’ estin Chorion Ahimatos. gegraptai gar en biblo psalmon; Genetheto he epaulis autou eremos kai me esto ho katoikon en aute, kai; Ten episkopen autou labeto heteros. dei oun ton synelthonton hemin andron en panti chrono ho eiselthen kai exelthen eph’ hemas ho kyrios Iesous, arxamenos apo tou baptismatos Ioannou heos tes hemeras hes anelemphthe aph’ hemon, martyra tes anastaseos autou syn hemin genesthai hena touton. kai estesan dyo, Ioseph ton kaloumenon Barsabban, hos epeklethe Ioustos, kai Maththian. kai proseuxamenoi eipan Sy kyrie kardiognosta panton, anadeixon hon exelexo, ek touton ton dyo hena, labein ton topon tes diakonias tautes kai apostoles, aph’ hes parebe Ioudas poreuthenai eis ton topon ton idion. kai edokan klerous autois, kai epesen ho kleros epi Maththian, kai synkatepsephisthe meta ton hendeka apostolon.