Libro 4, § 17 — Nuevo Testamento

Ταῦτα ἐλάλησεν Ἰησοῦς, καὶ ἐπάρας τοὺς ὀφθαλμοὺς αὐτοῦ εἰς τὸν οὐρανὸν εἶπεν· Πάτερ, ἐλήλυθεν ἡ ὥρα· δόξασόν σου τὸν υἱόν, ἵνα ὁ υἱὸς δοξάσῃ σέ, καθὼς ἔδωκας αὐτῷ ἐξουσίαν πάσης σαρκός, ἵνα πᾶν ὃ δέδωκας αὐτῷ δώσῃ αὐτοῖς ζωὴν αἰώνιον. αὕτη δέ ἐστιν ἡ αἰώνιος ζωὴ ἵνα γινώσκωσι σὲ τὸν μόνον ἀληθινὸν θεὸν καὶ ὃν ἀπέστειλας Ἰησοῦν Χριστόν. ἐγώ σε ἐδόξασα ἐπὶ τῆς γῆς, τὸ ἔργον τελειώσας ὃ δέδωκάς μοι ἵνα ποιήσω· καὶ νῦν δόξασόν με σύ, πάτερ, παρὰ σεαυτῷ τῇ δόξῃ ᾗ εἶχον πρὸ τοῦ τὸν κόσμον εἶναι παρὰ σοί.

Tauta elalesen Iesous, kai eparas tous ophthalmous autou eis ton ouranon eipen; Pater, elelythen he hora; doxason sou ton yhion, hina ho yhios doxase se, kathos edokas auto exousian pases sarkos, hina pan ho dedokas auto dose autois zoen aionion. haute de estin he aionios zoe hina ginoskosi se ton monon alethinon theon kai hon apesteilas Iesoun Christon. ego se edoxasa epi tes ges, to ergon teleiosas ho dedokas moi hina poieso; kai nyn doxason me sy, pater, para seauto te doxe he eichon pro tou ton kosmon einai para soi.

Ἐφανέρωσά σου τὸ ὄνομα τοῖς ἀνθρώποις οὓς ἔδωκάς μοι ἐκ τοῦ κόσμου. σοὶ ἦσαν κἀμοὶ αὐτοὺς ἔδωκας, καὶ τὸν λόγον σου τετήρηκαν. νῦν ἔγνωκαν ὅτι πάντα ὅσα δέδωκάς μοι παρὰ σοῦ εἰσιν· ὅτι τὰ ῥήματα ἃ ἔδωκάς μοι δέδωκα αὐτοῖς, καὶ αὐτοὶ ἔλαβον καὶ ἔγνωσαν ἀληθῶς ὅτι παρὰ σοῦ ἐξῆλθον, καὶ ἐπίστευσαν ὅτι σύ με ἀπέστειλας. ἐγὼ περὶ αὐτῶν ἐρωτῶ· οὐ περὶ τοῦ κόσμου ἐρωτῶ ἀλλὰ περὶ ὧν δέδωκάς μοι, ὅτι σοί εἰσιν, καὶ τὰ ἐμὰ πάντα σά ἐστιν καὶ τὰ σὰ ἐμά, καὶ δεδόξασμαι ἐν αὐτοῖς. καὶ οὐκέτι εἰμὶ ἐν τῷ κόσμῳ, καὶ αὐτοὶ ἐν τῷ κόσμῳ εἰσίν, κἀγὼ πρὸς σὲ ἔρχομαι. πάτερ ἅγιε, τήρησον αὐτοὺς ἐν τῷ ὀνόματί σου ᾧ δέδωκάς μοι, ἵνα ὦσιν ἓν καθὼς ἡμεῖς. ὅτε ἤμην μετ’ αὐτῶν ἐγὼ ἐτήρουν αὐτοὺς ἐν τῷ ὀνόματί σου ᾧ δέδωκάς μοι, καὶ ἐφύλαξα, καὶ οὐδεὶς ἐξ αὐτῶν ἀπώλετο εἰ μὴ ὁ υἱὸς τῆς ἀπωλείας, ἵνα ἡ γραφὴ πληρωθῇ. νῦν δὲ πρὸς σὲ ἔρχομαι, καὶ ταῦτα λαλῶ ἐν τῷ κόσμῳ ἵνα ἔχωσιν τὴν χαρὰν τὴν ἐμὴν πεπληρωμένην ἐν ἑαυτοῖς. ἐγὼ δέδωκα αὐτοῖς τὸν λόγον σου, καὶ ὁ κόσμος ἐμίσησεν αὐτούς, ὅτι οὐκ εἰσὶν ἐκ τοῦ κόσμου καθὼς ἐγὼ οὐκ εἰμὶ ἐκ τοῦ κόσμου. οὐκ ἐρωτῶ ἵνα ἄρῃς αὐτοὺς ἐκ τοῦ κόσμου ἀλλ’ ἵνα τηρήσῃς αὐτοὺς ἐκ τοῦ πονηροῦ. ἐκ τοῦ κόσμου οὐκ εἰσὶν καθὼς ἐγὼ οὐκ εἰμὶ ἐκ τοῦ κόσμου. ἁγίασον αὐτοὺς ἐν τῇ ἀληθείᾳ· ὁ λόγος ὁ σὸς ἀλήθειά ἐστιν. καθὼς ἐμὲ ἀπέστειλας εἰς τὸν κόσμον, κἀγὼ ἀπέστειλα αὐτοὺς εἰς τὸν κόσμον· καὶ ὑπὲρ αὐτῶν ἐγὼ ἁγιάζω ἐμαυτόν, ἵνα ὦσιν καὶ αὐτοὶ ἡγιασμένοι ἐν ἀληθείᾳ.

Ephanerosa sou to onoma tois anthropois hous edokas moi ek tou kosmou. soi esan kamoi autous edokas, kai ton logon sou teterekan. nyn egnokan hoti panta hosa dedokas moi para sou eisin; hoti ta rhemata ha edokas moi dedoka autois, kai autoi elabon kai egnosan alethos hoti para sou exelthon, kai episteusan hoti sy me apesteilas. ego peri auton eroto; ou peri tou kosmou eroto alla peri hon dedokas moi, hoti soi eisin, kai ta ema panta sa estin kai ta sa ema, kai dedoxasmai en autois. kai ouketi eimi en to kosmo, kai autoi en to kosmo eisin, kago pros se erchomai. pater hagie, tereson autous en to onomati sou ho dedokas moi, hina osin hen kathos hemeis. hote emen met’ auton ego eteroun autous en to onomati sou ho dedokas moi, kai ephylaxa, kai oudeis ex auton apoleto ei me ho yhios tes apoleias, hina he graphe plerothe. nyn de pros se erchomai, kai tauta lalo en to kosmo hina echosin ten charan ten emen pepleromenen en heautois. ego dedoka autois ton logon sou, kai ho kosmos emisesen autous, hoti ouk eisin ek tou kosmou kathos ego ouk eimi ek tou kosmou. ouk eroto hina ares autous ek tou kosmou all’ hina tereses autous ek tou ponerou. ek tou kosmou ouk eisin kathos ego ouk eimi ek tou kosmou. hagiason autous en te aletheia; ho logos ho sos aletheia estin. kathos eme apesteilas eis ton kosmon, kago apesteila autous eis ton kosmon; kai hyper auton ego hagiazo emauton, hina osin kai autoi hegiasmenoi en aletheia.

Οὐ περὶ τούτων δὲ ἐρωτῶ μόνον, ἀλλὰ καὶ περὶ τῶν πιστευόντων διὰ τοῦ λόγου αὐτῶν εἰς ἐμέ, ἵνα πάντες ἓν ὦσιν, καθὼς σύ, πάτερ, ἐν ἐμοὶ κἀγὼ ἐν σοί, ἵνα καὶ αὐτοὶ ἐν ἡμῖν ὦσιν, ἵνα ὁ κόσμος πιστεύῃ ὅτι σύ με ἀπέστειλας. κἀγὼ τὴν δόξαν ἣν δέδωκάς μοι δέδωκα αὐτοῖς, ἵνα ὦσιν ἓν καθὼς ἡμεῖς ἕν, ἐγὼ ἐν αὐτοῖς καὶ σὺ ἐν ἐμοί, ἵνα ὦσιν τετελειωμένοι εἰς ἕν, ἵνα γινώσκῃ ὁ κόσμος ὅτι σύ με ἀπέστειλας καὶ ἠγάπησας αὐτοὺς καθὼς ἐμὲ ἠγάπησας. πάτερ, ὃ δέδωκάς μοι, θέλω ἵνα ὅπου εἰμὶ ἐγὼ κἀκεῖνοι ὦσιν μετ’ ἐμοῦ, ἵνα θεωρῶσιν τὴν δόξαν τὴν ἐμὴν ἣν δέδωκάς μοι, ὅτι ἠγάπησάς με πρὸ καταβολῆς κόσμου.

Ou peri touton de eroto monon, alla kai peri ton pisteuonton dia tou logou auton eis eme, hina pantes hen osin, kathos sy, pater, en emoi kago en soi, hina kai autoi en hemin osin, hina ho kosmos pisteue hoti sy me apesteilas. kago ten doxan hen dedokas moi dedoka autois, hina osin hen kathos hemeis hen, ego en autois kai sy en emoi, hina osin teteleiomenoi eis hen, hina ginoske ho kosmos hoti sy me apesteilas kai egapesas autous kathos eme egapesas. pater, ho dedokas moi, thelo hina hopou eimi ego kakeinoi osin met’ emou, hina theorosin ten doxan ten emen hen dedokas moi, hoti egapesas me pro kataboles kosmou.

Πάτερ δίκαιε, καὶ ὁ κόσμος σε οὐκ ἔγνω, ἐγὼ δέ σε ἔγνων, καὶ οὗτοι ἔγνωσαν ὅτι σύ με ἀπέστειλας, καὶ ἐγνώρισα αὐτοῖς τὸ ὄνομά σου καὶ γνωρίσω, ἵνα ἡ ἀγάπη ἣν ἠγάπησάς με ἐν αὐτοῖς ᾖ κἀγὼ ἐν αὐτοῖς.

Pater dikaie, kai ho kosmos se ouk egno, ego de se egnon, kai houtoi egnosan hoti sy me apesteilas, kai egnorisa autois to onoma sou kai gnoriso, hina he agape hen egapesas me en autois e kago en autois.