Libro 27, § 9 — Nuevo Testamento

Καὶ ὁ πέμπτος ἄγγελος ἐσάλπισεν· καὶ εἶδον ἀστέρα ἐκ τοῦ οὐρανοῦ πεπτωκότα εἰς τὴν γῆν, καὶ ἐδόθη αὐτῷ ἡ κλεὶς τοῦ φρέατος τῆς ἀβύσσου· καὶ ἤνοιξεν τὸ φρέαρ τῆς ἀβύσσου, καὶ ἀνέβη καπνὸς ἐκ τοῦ φρέατος ὡς καπνὸς καμίνου μεγάλης, καὶ ἐσκοτώθη ὁ ἥλιος καὶ ὁ ἀὴρ ἐκ τοῦ καπνοῦ τοῦ φρέατος. καὶ ἐκ τοῦ καπνοῦ ἐξῆλθον ἀκρίδες εἰς τὴν γῆν, καὶ ἐδόθη αὐταῖς ἐξουσία ὡς ἔχουσιν ἐξουσίαν οἱ σκορπίοι τῆς γῆς. καὶ ἐρρέθη αὐταῖς ἵνα μὴ ἀδικήσουσιν τὸν χόρτον τῆς γῆς οὐδὲ πᾶν χλωρὸν οὐδὲ πᾶν δένδρον, εἰ μὴ τοὺς ἀνθρώπους οἵτινες οὐκ ἔχουσι τὴν σφραγῖδα τοῦ θεοῦ ἐπὶ τῶν μετώπων. καὶ ἐδόθη αὐτοῖς ἵνα μὴ ἀποκτείνωσιν αὐτούς, ἀλλ’ ἵνα βασανισθήσονται μῆνας πέντε· καὶ ὁ βασανισμὸς αὐτῶν ὡς βασανισμὸς σκορπίου, ὅταν παίσῃ ἄνθρωπον. καὶ ἐν ταῖς ἡμέραις ἐκείναις ζητήσουσιν οἱ ἄνθρωποι τὸν θάνατον καὶ οὐ μὴ εὑρήσουσιν αὐτόν, καὶ ἐπιθυμήσουσιν ἀποθανεῖν καὶ φεύγει ὁ θάνατος ἀπ’ αὐτῶν.

Kai ho pemptos angelos esalpisen; kai eidon astera ek tou ouranou peptokota eis ten gen, kai edothe auto he kleis tou phreatos tes abyssou; kai enoixen to phrear tes abyssou, kai anebe kapnos ek tou phreatos hos kapnos kaminou megales, kai eskotothe ho helios kai ho aer ek tou kapnou tou phreatos. kai ek tou kapnou exelthon akrides eis ten gen, kai edothe autais exousia hos echousin exousian ohi skorpioi tes ges. kai errethe autais hina me adikesousin ton chorton tes ges oude pan chloron oude pan dendron, ei me tous anthropous ohitines ouk echousi ten sphragida tou theou epi ton metopon. kai edothe autois hina me apokteinosin autous, all’ hina basanisthesontai menas pente; kai ho basanismos auton hos basanismos skorpiou, hotan paise anthropon. kai en tais hemerais ekeinais zetesousin ohi anthropoi ton thanaton kai ou me heuresousin auton, kai epithymesousin apothanein kai pheugei ho thanatos ap’ auton.

Καὶ τὰ ὁμοιώματα τῶν ἀκρίδων ὅμοια ἵπποις ἡτοιμασμένοις εἰς πόλεμον, καὶ ἐπὶ τὰς κεφαλὰς αὐτῶν ὡς στέφανοι ὅμοιοι χρυσῷ, καὶ τὰ πρόσωπα αὐτῶν ὡς πρόσωπα ἀνθρώπων, καὶ εἶχον τρίχας ὡς τρίχας γυναικῶν, καὶ οἱ ὀδόντες αὐτῶν ὡς λεόντων ἦσαν, καὶ εἶχον θώρακας ὡς θώρακας σιδηροῦς, καὶ ἡ φωνὴ τῶν πτερύγων αὐτῶν ὡς φωνὴ ἁρμάτων ἵππων πολλῶν τρεχόντων εἰς πόλεμον· καὶ ἔχουσιν οὐρὰς ὁμοίας σκορπίοις καὶ κέντρα, καὶ ἐν ταῖς οὐραῖς αὐτῶν ἡ ἐξουσία αὐτῶν ἀδικῆσαι τοὺς ἀνθρώπους μῆνας πέντε. ἔχουσιν ἐπ’ αὐτῶν βασιλέα τὸν ἄγγελον τῆς ἀβύσσου· ὄνομα αὐτῷ Ἑβραϊστὶ Ἀβαδδών καὶ ἐν τῇ Ἑλληνικῇ ὄνομα ἔχει Ἀπολλύων.

Kai ta homoiomata ton akridon homoia hippois hetoimasmenois eis polemon, kai epi tas kephalas auton hos stephanoi homoioi chryso, kai ta prosopa auton hos prosopa anthropon, kai eichon trichas hos trichas gynaikon, kai ohi odontes auton hos leonton esan, kai eichon thorakas hos thorakas siderous, kai he phone ton pterygon auton hos phone harmaton hippon pollon trechonton eis polemon; kai echousin ouras homoias skorpiois kai kentra, kai en tais ourais auton he exousia auton adikesai tous anthropous menas pente. echousin ep’ auton basilea ton angelon tes abyssou; onoma auto Hebraisti Abaddon kai en te Hellenike onoma echei Apollyon.

Ἡ οὐαὶ ἡ μία ἀπῆλθεν· ἰδοὺ ἔρχεται ἔτι δύο οὐαὶ μετὰ ταῦτα.

He ouai he mia apelthen; idou erchetai eti dyo ouai meta tauta.

Καὶ ὁ ἕκτος ἄγγελος ἐσάλπισεν· καὶ ἤκουσα φωνὴν μίαν ἐκ τῶν κεράτων τοῦ θυσιαστηρίου τοῦ χρυσοῦ τοῦ ἐνώπιον τοῦ θεοῦ, λέγοντα τῷ ἕκτῳ ἀγγέλῳ, ὁ ἔχων τὴν σάλπιγγα· Λῦσον τοὺς τέσσαρας ἀγγέλους τοὺς δεδεμένους ἐπὶ τῷ ποταμῷ τῷ μεγάλῳ Εὐφράτῃ. καὶ ἐλύθησαν οἱ τέσσαρες ἄγγελοι οἱ ἡτοιμασμένοι εἰς τὴν ὥραν καὶ ἡμέραν καὶ μῆνα καὶ ἐνιαυτόν, ἵνα ἀποκτείνωσιν τὸ τρίτον τῶν ἀνθρώπων. καὶ ὁ ἀριθμὸς τῶν στρατευμάτων τοῦ ἱππικοῦ δισμυριάδες μυριάδων· ἤκουσα τὸν ἀριθμὸν αὐτῶν. καὶ οὕτως εἶδον τοὺς ἵππους ἐν τῇ ὁράσει καὶ τοὺς καθημένους ἐπ’ αὐτῶν, ἔχοντας θώρακας πυρίνους καὶ ὑακινθίνους καὶ θειώδεις· καὶ αἱ κεφαλαὶ τῶν ἵππων ὡς κεφαλαὶ λεόντων, καὶ ἐκ τῶν στομάτων αὐτῶν ἐκπορεύεται πῦρ καὶ καπνὸς καὶ θεῖον. ἀπὸ τῶν τριῶν πληγῶν τούτων ἀπεκτάνθησαν τὸ τρίτον τῶν ἀνθρώπων, ἐκ τοῦ πυρὸς καὶ τοῦ καπνοῦ καὶ τοῦ θείου τοῦ ἐκπορευομένου ἐκ τῶν στομάτων αὐτῶν. ἡ γὰρ ἐξουσία τῶν ἵππων ἐν τῷ στόματι αὐτῶν ἐστιν καὶ ἐν ταῖς οὐραῖς αὐτῶν· αἱ γὰρ οὐραὶ αὐτῶν ὅμοιαι ὄφεσιν, ἔχουσαι κεφαλάς, καὶ ἐν αὐταῖς ἀδικοῦσιν.

Kai ho hektos angelos esalpisen; kai ekousa phonen mian ek ton keraton tou thysiasteriou tou chrysou tou enopion tou theou, legonta to hekto angelo, ho echon ten salpinga; Lyson tous tessaras angelous tous dedemenous epi to potamo to megalo Euphrate. kai elythesan ohi tessares angeloi ohi hetoimasmenoi eis ten horan kai hemeran kai mena kai eniauton, hina apokteinosin to triton ton anthropon. kai ho arithmos ton strateumaton tou hippikou dismyriades myriadon; ekousa ton arithmon auton. kai houtos eidon tous hippous en te horasei kai tous kathemenous ep’ auton, echontas thorakas pyrinous kai hyakinthinous kai theiodeis; kai ahi kephalai ton hippon hos kephalai leonton, kai ek ton stomaton auton ekporeuetai pyr kai kapnos kai theion. apo ton trion plegon touton apektanthesan to triton ton anthropon, ek tou pyros kai tou kapnou kai tou theiou tou ekporeuomenou ek ton stomaton auton. he gar exousia ton hippon en to stomati auton estin kai en tais ourais auton; ahi gar ourai auton homoiai ophesin, echousai kephalas, kai en autais adikousin.

Καὶ οἱ λοιποὶ τῶν ἀνθρώπων, οἳ οὐκ ἀπεκτάνθησαν ἐν ταῖς πληγαῖς ταύταις, οὐδὲ μετενόησαν ἐκ τῶν ἔργων τῶν χειρῶν αὐτῶν, ἵνα μὴ προσκυνήσουσιν τὰ δαιμόνια καὶ τὰ εἴδωλα τὰ χρυσᾶ καὶ τὰ ἀργυρᾶ καὶ τὰ χαλκᾶ καὶ τὰ λίθινα καὶ τὰ ξύλινα, ἃ οὔτε βλέπειν δύνανται οὔτε ἀκούειν οὔτε περιπατεῖν, καὶ οὐ μετενόησαν ἐκ τῶν φόνων αὐτῶν οὔτε ἐκ τῶν φαρμάκων αὐτῶν οὔτε ἐκ τῆς πορνείας αὐτῶν οὔτε ἐκ τῶν κλεμμάτων αὐτῶν.

Kai ohi loipoi ton anthropon, ohi ouk apektanthesan en tais plegais tautais, oude metenoesan ek ton ergon ton cheiron auton, hina me proskynesousin ta daimonia kai ta eidola ta chrysa kai ta argyra kai ta chalka kai ta lithina kai ta xylina, ha oute blepein dynantai oute akouein oute peripatein, kai ou metenoesan ek ton phonon auton oute ek ton pharmakon auton oute ek tes porneias auton oute ek ton klemmaton auton.