Libro 19, § 2 — Nuevo Testamento

Διὰ τοῦτο δεῖ περισσοτέρως προσέχειν ἡμᾶς τοῖς ἀκουσθεῖσιν, μήποτε παραρυῶμεν. εἰ γὰρ ὁ δι’ ἀγγέλων λαληθεὶς λόγος ἐγένετο βέβαιος, καὶ πᾶσα παράβασις καὶ παρακοὴ ἔλαβεν ἔνδικον μισθαποδοσίαν, πῶς ἡμεῖς ἐκφευξόμεθα τηλικαύτης ἀμελήσαντες σωτηρίας, ἥτις, ἀρχὴν λαβοῦσα λαλεῖσθαι διὰ τοῦ κυρίου, ὑπὸ τῶν ἀκουσάντων εἰς ἡμᾶς ἐβεβαιώθη, συνεπιμαρτυροῦντος τοῦ θεοῦ σημείοις τε καὶ τέρασιν καὶ ποικίλαις δυνάμεσιν καὶ πνεύματος ἁγίου μερισμοῖς κατὰ τὴν αὐτοῦ θέλησιν;

Dia touto dei perissoteros prosechein hemas tois akoustheisin, mepote pararyomen. ei gar ho di’ angelon laletheis logos egeneto bebaios, kai pasa parabasis kai parakoe elaben endikon misthapodosian, pos hemeis ekpheuxometha telikautes amelesantes soterias, hetis, archen labousa laleisthai dia tou kyriou, hypo ton akousanton eis hemas ebebaiothe, synepimartyrountos tou theou semeiois te kai terasin kai poikilais dynamesin kai pneumatos hagiou merismois kata ten autou thelesin?

Οὐ γὰρ ἀγγέλοις ὑπέταξεν τὴν οἰκουμένην τὴν μέλλουσαν, περὶ ἧς λαλοῦμεν· διεμαρτύρατο δέ πού τις λέγων· Τί ἐστιν ἄνθρωπος ὅτι μιμνῄσκῃ αὐτοῦ, ἢ υἱὸς ἀνθρώπου ὅτι ἐπισκέπτῃ αὐτόν; ἠλάττωσας αὐτὸν βραχύ τι παρ’ ἀγγέλους, δόξῃ καὶ τιμῇ ἐστεφάνωσας αὐτόν, πάντα ὑπέταξας ὑποκάτω τῶν ποδῶν αὐτοῦ· ἐν τῷ γὰρ ὑποτάξαι τὰ πάντα οὐδὲν ἀφῆκεν αὐτῷ ἀνυπότακτον. νῦν δὲ οὔπω ὁρῶμεν αὐτῷ τὰ πάντα ὑποτεταγμένα· τὸν δὲ βραχύ τι παρ’ ἀγγέλους ἠλαττωμένον βλέπομεν Ἰησοῦν διὰ τὸ πάθημα τοῦ θανάτου δόξῃ καὶ τιμῇ ἐστεφανωμένον, ὅπως χωρὶς θεοῦ ὑπὲρ παντὸς γεύσηται θανάτου.

Ou gar angelois hypetaxen ten oikoumenen ten mellousan, peri hes laloumen; diemartyrato de pou tis legon; Ti estin anthropos hoti mimneske autou, e yhios anthropou hoti episkepte auton? elattosas auton brachy ti par’ angelous, doxe kai time estephanosas auton, panta hypetaxas hypokato ton podon autou; en to gar hypotaxai ta panta ouden apheken auto anypotakton. nyn de oupo horomen auto ta panta hypotetagmena; ton de brachy ti par’ angelous elattomenon blepomen Iesoun dia to pathema tou thanatou doxe kai time estephanomenon, hopos choris theou hyper pantos geusetai thanatou.

Ἔπρεπεν γὰρ αὐτῷ, δι’ ὃν τὰ πάντα καὶ δι’ οὗ τὰ πάντα, πολλοὺς υἱοὺς εἰς δόξαν ἀγαγόντα τὸν ἀρχηγὸν τῆς σωτηρίας αὐτῶν διὰ παθημάτων τελειῶσαι. ὅ τε γὰρ ἁγιάζων καὶ οἱ ἁγιαζόμενοι ἐξ ἑνὸς πάντες· δι’ ἣν αἰτίαν οὐκ ἐπαισχύνεται ἀδελφοὺς αὐτοὺς καλεῖν, λέγων· Ἀπαγγελῶ τὸ ὄνομά σου τοῖς ἀδελφοῖς μου, ἐν μέσῳ ἐκκλησίας ὑμνήσω σε· καὶ πάλιν· Ἐγὼ ἔσομαι πεποιθὼς ἐπ’ αὐτῷ· καὶ πάλιν· Ἰδοὺ ἐγὼ καὶ τὰ παιδία ἅ μοι ἔδωκεν ὁ θεός.

Eprepen gar auto, di’ hon ta panta kai di’ hou ta panta, pollous yhious eis doxan agagonta ton archegon tes soterias auton dia pathematon teleiosai. ho te gar hagiazon kai ohi hagiazomenoi ex henos pantes; di’ hen aitian ouk epaischynetai adelphous autous kalein, legon; Apangelo to onoma sou tois adelphois mou, en meso ekklesias hymneso se; kai palin; Ego esomai pepoithos ep’ auto; kai palin; Idou ego kai ta paidia ha moi edoken ho theos.

Ἐπεὶ οὖν τὰ παιδία κεκοινώνηκεν αἵματος καὶ σαρκός, καὶ αὐτὸς παραπλησίως μετέσχεν τῶν αὐτῶν, ἵνα διὰ τοῦ θανάτου καταργήσῃ τὸν τὸ κράτος ἔχοντα τοῦ θανάτου, τοῦτ’ ἔστι τὸν διάβολον, καὶ ἀπαλλάξῃ τούτους, ὅσοι φόβῳ θανάτου διὰ παντὸς τοῦ ζῆν ἔνοχοι ἦσαν δουλείας. οὐ γὰρ δήπου ἀγγέλων ἐπιλαμβάνεται, ἀλλὰ σπέρματος Ἀβραὰμ ἐπιλαμβάνεται. ὅθεν ὤφειλεν κατὰ πάντα τοῖς ἀδελφοῖς ὁμοιωθῆναι, ἵνα ἐλεήμων γένηται καὶ πιστὸς ἀρχιερεὺς τὰ πρὸς τὸν θεόν, εἰς τὸ ἱλάσκεσθαι τὰς ἁμαρτίας τοῦ λαοῦ· ἐν ᾧ γὰρ πέπονθεν αὐτὸς πειρασθείς, δύναται τοῖς πειραζομένοις βοηθῆσαι.

Epei oun ta paidia kekoinoneken ahimatos kai sarkos, kai autos paraplesios meteschen ton auton, hina dia tou thanatou katargese ton to kratos echonta tou thanatou, tout’ esti ton diabolon, kai apallaxe toutous, hosoi phobo thanatou dia pantos tou zen enochoi esan douleias. ou gar depou angelon epilambanetai, alla spermatos Abraam epilambanetai. hothen opheilen kata panta tois adelphois homoiothenai, hina eleemon genetai kai pistos archiereus ta pros ton theon, eis to hilaskesthai tas hamartias tou laou; en ho gar peponthen autos peirastheis, dynatai tois peirazomenois boethesai.