Libro 13, § 3 — Nuevo Testamento

Διὸ μηκέτι στέγοντες εὐδοκήσαμεν καταλειφθῆναι ἐν Ἀθήναις μόνοι, καὶ ἐπέμψαμεν Τιμόθεον, τὸν ἀδελφὸν ἡμῶν καὶ συνεργὸν τοῦ θεοῦ ἐν τῷ εὐαγγελίῳ τοῦ Χριστοῦ, εἰς τὸ στηρίξαι ὑμᾶς καὶ παρακαλέσαι ὑπὲρ τῆς πίστεως ὑμῶν τὸ μηδένα σαίνεσθαι ἐν ταῖς θλίψεσιν ταύταις. αὐτοὶ γὰρ οἴδατε ὅτι εἰς τοῦτο κείμεθα· καὶ γὰρ ὅτε πρὸς ὑμᾶς ἦμεν, προελέγομεν ὑμῖν ὅτι μέλλομεν θλίβεσθαι, καθὼς καὶ ἐγένετο καὶ οἴδατε. διὰ τοῦτο κἀγὼ μηκέτι στέγων ἔπεμψα εἰς τὸ γνῶναι τὴν πίστιν ὑμῶν, μή πως ἐπείρασεν ὑμᾶς ὁ πειράζων καὶ εἰς κενὸν γένηται ὁ κόπος ἡμῶν.

Dio meketi stegontes eudokesamen kataleiphthenai en Athenais monoi, kai epempsamen Timotheon, ton adelphon hemon kai synergon tou theou en to euangelio tou Christou, eis to sterixai hymas kai parakalesai hyper tes pisteos hymon to medena sainesthai en tais thlipsesin tautais. autoi gar oidate hoti eis touto keimetha; kai gar hote pros hymas emen, proelegomen hymin hoti mellomen thlibesthai, kathos kai egeneto kai oidate. dia touto kago meketi stegon epempsa eis to gnonai ten pistin hymon, me pos epeirasen hymas ho peirazon kai eis kenon genetai ho kopos hemon.

Ἄρτι δὲ ἐλθόντος Τιμοθέου πρὸς ἡμᾶς ἀφ’ ὑμῶν καὶ εὐαγγελισαμένου ἡμῖν τὴν πίστιν καὶ τὴν ἀγάπην ὑμῶν, καὶ ὅτι ἔχετε μνείαν ἡμῶν ἀγαθὴν πάντοτε ἐπιποθοῦντες ἡμᾶς ἰδεῖν καθάπερ καὶ ἡμεῖς ὑμᾶς, διὰ τοῦτο παρεκλήθημεν, ἀδελφοί, ἐφ’ ὑμῖν ἐπὶ πάσῃ τῇ ἀνάγκῃ καὶ θλίψει ἡμῶν διὰ τῆς ὑμῶν πίστεως, ὅτι νῦν ζῶμεν ἐὰν ὑμεῖς στήκετε ἐν κυρίῳ. τίνα γὰρ εὐχαριστίαν δυνάμεθα τῷ θεῷ ἀνταποδοῦναι περὶ ὑμῶν ἐπὶ πάσῃ τῇ χαρᾷ ᾗ χαίρομεν δι’ ὑμᾶς ἔμπροσθεν τοῦ θεοῦ ἡμῶν, νυκτὸς καὶ ἡμέρας ὑπερεκπερισσοῦ δεόμενοι εἰς τὸ ἰδεῖν ὑμῶν τὸ πρόσωπον καὶ καταρτίσαι τὰ ὑστερήματα τῆς πίστεως ὑμῶν;

Arti de elthontos Timotheou pros hemas aph’ hymon kai euangelisamenou hemin ten pistin kai ten agapen hymon, kai hoti echete mneian hemon agathen pantote epipothountes hemas idein kathaper kai hemeis hymas, dia touto pareklethemen, adelphoi, eph’ hymin epi pase te ananke kai thlipsei hemon dia tes hymon pisteos, hoti nyn zomen ean hymeis stekete en kyrio. tina gar eucharistian dynametha to theo antapodounai peri hymon epi pase te chara he chairomen di’ hymas emprosthen tou theou hemon, nyktos kai hemeras hyperekperissou deomenoi eis to idein hymon to prosopon kai katartisai ta hysteremata tes pisteos hymon?

Αὐτὸς δὲ ὁ θεὸς καὶ πατὴρ ἡμῶν καὶ ὁ κύριος ἡμῶν Ἰησοῦς κατευθύναι τὴν ὁδὸν ἡμῶν πρὸς ὑμᾶς· ὑμᾶς δὲ ὁ κύριος πλεονάσαι καὶ περισσεύσαι τῇ ἀγάπῃ εἰς ἀλλήλους καὶ εἰς πάντας, καθάπερ καὶ ἡμεῖς εἰς ὑμᾶς, εἰς τὸ στηρίξαι ὑμῶν τὰς καρδίας ἀμέμπτους ἐν ἁγιωσύνῃ ἔμπροσθεν τοῦ θεοῦ καὶ πατρὸς ἡμῶν ἐν τῇ παρουσίᾳ τοῦ κυρίου ἡμῶν Ἰησοῦ μετὰ πάντων τῶν ἁγίων αὐτοῦ.

Autos de ho theos kai pater hemon kai ho kyrios hemon Iesous kateuthynai ten hodon hemon pros hymas; hymas de ho kyrios pleonasai kai perisseusai te agape eis allelous kai eis pantas, kathaper kai hemeis eis hymas, eis to sterixai hymon tas kardias amemptous en hagiosyne emprosthen tou theou kai patros hemon en te parousia tou kyriou hemon Iesou meta panton ton hagion autou.