Libro 11, § 3 — Nuevo Testamento

Τὸ λοιπόν, ἀδελφοί μου, χαίρετε ἐν κυρίῳ. τὰ αὐτὰ γράφειν ὑμῖν ἐμοὶ μὲν οὐκ ὀκνηρόν, ὑμῖν δὲ ἀσφαλές.

To loipon, adelphoi mou, chairete en kyrio. ta auta graphein hymin emoi men ouk okneron, hymin de asphales.

Βλέπετε τοὺς κύνας, βλέπετε τοὺς κακοὺς ἐργάτας, βλέπετε τὴν κατατομήν. ἡμεῖς γάρ ἐσμεν ἡ περιτομή, οἱ πνεύματι θεοῦ λατρεύοντες καὶ καυχώμενοι ἐν Χριστῷ Ἰησοῦ καὶ οὐκ ἐν σαρκὶ πεποιθότες, καίπερ ἐγὼ ἔχων πεποίθησιν καὶ ἐν σαρκί.

Blepete tous kynas, blepete tous kakous ergatas, blepete ten katatomen. hemeis gar esmen he peritome, ohi pneumati theou latreuontes kai kauchomenoi en Christo Iesou kai ouk en sarki pepoithotes, kaiper ego echon pepoithesin kai en sarki.

Εἴ τις δοκεῖ ἄλλος πεποιθέναι ἐν σαρκί, ἐγὼ μᾶλλον· περιτομῇ ὀκταήμερος, ἐκ γένους Ἰσραήλ, φυλῆς Βενιαμίν, Ἑβραῖος ἐξ Ἑβραίων, κατὰ νόμον Φαρισαῖος, κατὰ ζῆλος διώκων τὴν ἐκκλησίαν, κατὰ δικαιοσύνην τὴν ἐν νόμῳ γενόμενος ἄμεμπτος.

Ei tis dokei allos pepoithenai en sarki, ego mallon; peritome oktaemeros, ek genous Israel, phyles Beniamin, Hebraios ex Hebraion, kata nomon Pharisaios, kata zelos diokon ten ekklesian, kata dikaiosynen ten en nomo genomenos amemptos.

Ἀλλὰ ἅτινα ἦν μοι κέρδη, ταῦτα ἥγημαι διὰ τὸν Χριστὸν ζημίαν. ἀλλὰ μενοῦνγε καὶ ἡγοῦμαι πάντα ζημίαν εἶναι διὰ τὸ ὑπερέχον τῆς γνώσεως Χριστοῦ Ἰησοῦ τοῦ κυρίου μου δι’ ὃν τὰ πάντα ἐζημιώθην, καὶ ἡγοῦμαι σκύβαλα ἵνα Χριστὸν κερδήσω καὶ εὑρεθῶ ἐν αὐτῷ, μὴ ἔχων ἐμὴν δικαιοσύνην τὴν ἐκ νόμου ἀλλὰ τὴν διὰ πίστεως Χριστοῦ, τὴν ἐκ θεοῦ δικαιοσύνην ἐπὶ τῇ πίστει, τοῦ γνῶναι αὐτὸν καὶ τὴν δύναμιν τῆς ἀναστάσεως αὐτοῦ καὶ κοινωνίαν παθημάτων αὐτοῦ, συμμορφιζόμενος τῷ θανάτῳ αὐτοῦ, εἴ πως καταντήσω εἰς τὴν ἐξανάστασιν τὴν ἐκ νεκρῶν.

Alla hatina en moi kerde, tauta hegemai dia ton Christon zemian. alla menounge kai hegoumai panta zemian einai dia to hyperechon tes gnoseos Christou Iesou tou kyriou mou di’ hon ta panta ezemiothen, kai hegoumai skybala hina Christon kerdeso kai heuretho en auto, me echon emen dikaiosynen ten ek nomou alla ten dia pisteos Christou, ten ek theou dikaiosynen epi te pistei, tou gnonai auton kai ten dynamin tes anastaseos autou kai koinonian pathematon autou, symmorphizomenos to thanato autou, ei pos katanteso eis ten exanastasin ten ek nekron.

Οὐχ ὅτι ἤδη ἔλαβον ἢ ἤδη τετελείωμαι, διώκω δὲ εἰ καὶ καταλάβω, ἐφ’ ᾧ καὶ κατελήμφθην ὑπὸ Χριστοῦ. ἀδελφοί, ἐγὼ ἐμαυτὸν οὐ λογίζομαι κατειληφέναι· ἓν δέ, τὰ μὲν ὀπίσω ἐπιλανθανόμενος τοῖς δὲ ἔμπροσθεν ἐπεκτεινόμενος, κατὰ σκοπὸν διώκω εἰς τὸ βραβεῖον τῆς ἄνω κλήσεως τοῦ θεοῦ ἐν Χριστῷ Ἰησοῦ. ὅσοι οὖν τέλειοι, τοῦτο φρονῶμεν· καὶ εἴ τι ἑτέρως φρονεῖτε, καὶ τοῦτο ὁ θεὸς ὑμῖν ἀποκαλύψει· πλὴν εἰς ὃ ἐφθάσαμεν, τῷ αὐτῷ στοιχεῖν.

Ouch hoti ede elabon e ede teteleiomai, dioko de ei kai katalabo, eph’ ho kai katelemphthen hypo Christou. adelphoi, ego emauton ou logizomai kateilephenai; hen de, ta men opiso epilanthanomenos tois de emprosthen epekteinomenos, kata skopon dioko eis to brabeion tes ano kleseos tou theou en Christo Iesou. hosoi oun teleioi, touto phronomen; kai ei ti heteros phroneite, kai touto ho theos hymin apokalypsei; plen eis ho ephthasamen, to auto stoichein.

Συμμιμηταί μου γίνεσθε, ἀδελφοί, καὶ σκοπεῖτε τοὺς οὕτω περιπατοῦντας καθὼς ἔχετε τύπον ἡμᾶς· πολλοὶ γὰρ περιπατοῦσιν οὓς πολλάκις ἔλεγον ὑμῖν, νῦν δὲ καὶ κλαίων λέγω, τοὺς ἐχθροὺς τοῦ σταυροῦ τοῦ Χριστοῦ, ὧν τὸ τέλος ἀπώλεια, ὧν ὁ θεὸς ἡ κοιλία καὶ ἡ δόξα ἐν τῇ αἰσχύνῃ αὐτῶν, οἱ τὰ ἐπίγεια φρονοῦντες. ἡμῶν γὰρ τὸ πολίτευμα ἐν οὐρανοῖς ὑπάρχει, ἐξ οὗ καὶ σωτῆρα ἀπεκδεχόμεθα κύριον Ἰησοῦν Χριστόν, ὃς μετασχηματίσει τὸ σῶμα τῆς ταπεινώσεως ἡμῶν σύμμορφον τῷ σώματι τῆς δόξης αὐτοῦ κατὰ τὴν ἐνέργειαν τοῦ δύνασθαι αὐτὸν καὶ ὑποτάξαι αὑτῷ τὰ πάντα.

Symmimetai mou ginesthe, adelphoi, kai skopeite tous houto peripatountas kathos echete typon hemas; polloi gar peripatousin hous pollakis elegon hymin, nyn de kai klaion lego, tous echthrous tou staurou tou Christou, hon to telos apoleia, hon ho theos he koilia kai he doxa en te aischyne auton, ohi ta epigeia phronountes. hemon gar to politeuma en ouranois hyparchei, ex hou kai sotera apekdechometha kyrion Iesoun Christon, hos metaschematisei to soma tes tapeinoseos hemon symmorphon to somati tes doxes autou kata ten energeian tou dynasthai auton kai hypotaxai hauto ta panta.