Libro 1, § 26 — Nuevo Testamento

Καὶ ἐγένετο ὅτε ἐτέλεσεν ὁ Ἰησοῦς πάντας τοὺς λόγους τούτους, εἶπεν τοῖς μαθηταῖς αὐτοῦ· Οἴδατε ὅτι μετὰ δύο ἡμέρας τὸ πάσχα γίνεται, καὶ ὁ υἱὸς τοῦ ἀνθρώπου παραδίδοται εἰς τὸ σταυρωθῆναι.

Kai egeneto hote etelesen ho Iesous pantas tous logous toutous, eipen tois mathetais autou; Oidate hoti meta dyo hemeras to pascha ginetai, kai ho yhios tou anthropou paradidotai eis to staurothenai.

Τότε συνήχθησαν οἱ ἀρχιερεῖς καὶ οἱ πρεσβύτεροι τοῦ λαοῦ εἰς τὴν αὐλὴν τοῦ ἀρχιερέως τοῦ λεγομένου Καϊάφα, καὶ συνεβουλεύσαντο ἵνα τὸν Ἰησοῦν δόλῳ κρατήσωσιν καὶ ἀποκτείνωσιν· ἔλεγον δέ· Μὴ ἐν τῇ ἑορτῇ, ἵνα μὴ θόρυβος γένηται ἐν τῷ λαῷ.

Tote synechthesan ohi archiereis kai ohi presbyteroi tou laou eis ten aulen tou archiereos tou legomenou Kaiapha, kai synebouleusanto hina ton Iesoun dolo kratesosin kai apokteinosin; elegon de; Me en te heorte, hina me thorybos genetai en to lao.

Τοῦ δὲ Ἰησοῦ γενομένου ἐν Βηθανίᾳ ἐν οἰκίᾳ Σίμωνος τοῦ λεπροῦ, προσῆλθεν αὐτῷ γυνὴ ἔχουσα ἀλάβαστρον μύρου βαρυτίμου καὶ κατέχεεν ἐπὶ τῆς κεφαλῆς αὐτοῦ ἀνακειμένου. ἰδόντες δὲ οἱ μαθηταὶ ἠγανάκτησαν λέγοντες· Εἰς τί ἡ ἀπώλεια αὕτη; ἐδύνατο γὰρ τοῦτο πραθῆναι πολλοῦ καὶ δοθῆναι πτωχοῖς. γνοὺς δὲ ὁ Ἰησοῦς εἶπεν αὐτοῖς· Τί κόπους παρέχετε τῇ γυναικί; ἔργον γὰρ καλὸν ἠργάσατο εἰς ἐμέ· πάντοτε γὰρ τοὺς πτωχοὺς ἔχετε μεθ’ ἑαυτῶν, ἐμὲ δὲ οὐ πάντοτε ἔχετε· βαλοῦσα γὰρ αὕτη τὸ μύρον τοῦτο ἐπὶ τοῦ σώματός μου πρὸς τὸ ἐνταφιάσαι με ἐποίησεν. ἀμὴν λέγω ὑμῖν, ὅπου ἐὰν κηρυχθῇ τὸ εὐαγγέλιον τοῦτο ἐν ὅλῳ τῷ κόσμῳ, λαληθήσεται καὶ ὃ ἐποίησεν αὕτη εἰς μνημόσυνον αὐτῆς.

Tou de Iesou genomenou en Bethania en oikia Simonos tou leprou, proselthen auto gyne echousa alabastron myrou barytimou kai katecheen epi tes kephales autou anakeimenou. idontes de ohi mathetai eganaktesan legontes; Eis ti he apoleia haute? edynato gar touto prathenai pollou kai dothenai ptochois. gnous de ho Iesous eipen autois; Ti kopous parechete te gynaiki? ergon gar kalon ergasato eis eme; pantote gar tous ptochous echete meth’ heauton, eme de ou pantote echete; balousa gar haute to myron touto epi tou somatos mou pros to entaphiasai me epoiesen. amen lego hymin, hopou ean kerychthe to euangelion touto en holo to kosmo, lalethesetai kai ho epoiesen haute eis mnemosynon autes.

Τότε πορευθεὶς εἷς τῶν δώδεκα, ὁ λεγόμενος Ἰούδας Ἰσκαριώτης, πρὸς τοὺς ἀρχιερεῖς εἶπεν· Τί θέλετέ μοι δοῦναι κἀγὼ ὑμῖν παραδώσω αὐτόν; οἱ δὲ ἔστησαν αὐτῷ τριάκοντα ἀργύρια. καὶ ἀπὸ τότε ἐζήτει εὐκαιρίαν ἵνα αὐτὸν παραδῷ.

Tote poreutheis ehis ton dodeka, ho legomenos Ioudas Iskariotes, pros tous archiereis eipen; Ti thelete moi dounai kago hymin paradoso auton? ohi de estesan auto triakonta argyria. kai apo tote ezetei eukairian hina auton parado.

Τῇ δὲ πρώτῃ τῶν ἀζύμων προσῆλθον οἱ μαθηταὶ τῷ Ἰησοῦ λέγοντες· Ποῦ θέλεις ἑτοιμάσωμέν σοι φαγεῖν τὸ πάσχα; ὁ δὲ εἶπεν· Ὑπάγετε εἰς τὴν πόλιν πρὸς τὸν δεῖνα καὶ εἴπατε αὐτῷ· Ὁ διδάσκαλος λέγει· Ὁ καιρός μου ἐγγύς ἐστιν· πρὸς σὲ ποιῶ τὸ πάσχα μετὰ τῶν μαθητῶν μου. καὶ ἐποίησαν οἱ μαθηταὶ ὡς συνέταξεν αὐτοῖς ὁ Ἰησοῦς, καὶ ἡτοίμασαν τὸ πάσχα.

Te de prote ton azymon proselthon ohi mathetai to Iesou legontes; Pou theleis hetoimasomen soi phagein to pascha? ho de eipen; Hypagete eis ten polin pros ton deina kai eipate auto; Ho didaskalos legei; Ho kairos mou engys estin; pros se poio to pascha meta ton matheton mou. kai epoiesan ohi mathetai hos synetaxen autois ho Iesous, kai hetoimasan to pascha.

Ὀψίας δὲ γενομένης ἀνέκειτο μετὰ τῶν δώδεκα μαθητῶν καὶ ἐσθιόντων αὐτῶν εἶπεν· Ἀμὴν λέγω ὑμῖν ὅτι εἷς ἐξ ὑμῶν παραδώσει με. καὶ λυπούμενοι σφόδρα ἤρξαντο λέγειν αὐτῷ εἷς ἕκαστος· Μήτι ἐγώ εἰμι, κύριε; ὁ δὲ ἀποκριθεὶς εἶπεν· Ὁ ἐμβάψας μετ’ ἐμοῦ τὴν χεῖρα ἐν τῷ τρυβλίῳ οὗτός με παραδώσει· ὁ μὲν υἱὸς τοῦ ἀνθρώπου ὑπάγει καθὼς γέγραπται περὶ αὐτοῦ, οὐαὶ δὲ τῷ ἀνθρώπῳ ἐκείνῳ δι’ οὗ ὁ υἱὸς τοῦ ἀνθρώπου παραδίδοται· καλὸν ἦν αὐτῷ εἰ οὐκ ἐγεννήθη ὁ ἄνθρωπος ἐκεῖνος. ἀποκριθεὶς δὲ Ἰούδας ὁ παραδιδοὺς αὐτὸν εἶπεν· Μήτι ἐγώ εἰμι, ῥαββί; λέγει αὐτῷ· Σὺ εἶπας.

Opsias de genomenes anekeito meta ton dodeka matheton kai esthionton auton eipen; Amen lego hymin hoti ehis ex hymon paradosei me. kai lypoumenoi sphodra erxanto legein auto ehis hekastos; Meti ego eimi, kyrie? ho de apokritheis eipen; Ho embapsas met’ emou ten cheira en to tryblio houtos me paradosei; ho men yhios tou anthropou hypagei kathos gegraptai peri autou, ouai de to anthropo ekeino di’ hou ho yhios tou anthropou paradidotai; kalon en auto ei ouk egennethe ho anthropos ekeinos. apokritheis de Ioudas ho paradidous auton eipen; Meti ego eimi, rhabbi? legei auto; Sy eipas.

Ἐσθιόντων δὲ αὐτῶν λαβὼν ὁ Ἰησοῦς ἄρτον καὶ εὐλογήσας ἔκλασεν καὶ δοὺς τοῖς μαθηταῖς εἶπεν· Λάβετε φάγετε, τοῦτό ἐστιν τὸ σῶμά μου. καὶ λαβὼν ποτήριον καὶ εὐχαριστήσας ἔδωκεν αὐτοῖς λέγων· Πίετε ἐξ αὐτοῦ πάντες, τοῦτο γάρ ἐστιν τὸ αἷμά μου τῆς διαθήκης τὸ περὶ πολλῶν ἐκχυννόμενον εἰς ἄφεσιν ἁμαρτιῶν· λέγω δὲ ὑμῖν, οὐ μὴ πίω ἀπ’ ἄρτι ἐκ τούτου τοῦ γενήματος τῆς ἀμπέλου ἕως τῆς ἡμέρας ἐκείνης ὅταν αὐτὸ πίνω μεθ’ ὑμῶν καινὸν ἐν τῇ βασιλείᾳ τοῦ πατρός μου. καὶ ὑμνήσαντες ἐξῆλθον εἰς τὸ Ὄρος τῶν Ἐλαιῶν.

Esthionton de auton labon ho Iesous arton kai eulogesas eklasen kai dous tois mathetais eipen; Labete phagete, touto estin to soma mou. kai labon poterion kai eucharistesas edoken autois legon; Piete ex autou pantes, touto gar estin to ahima mou tes diathekes to peri pollon ekchynnomenon eis aphesin hamartion; lego de hymin, ou me pio ap’ arti ek toutou tou genematos tes ampelou heos tes hemeras ekeines hotan auto pino meth’ hymon kainon en te basileia tou patros mou. kai hymnesantes exelthon eis to Oros ton Elaion.

Τότε λέγει αὐτοῖς ὁ Ἰησοῦς· Πάντες ὑμεῖς σκανδαλισθήσεσθε ἐν ἐμοὶ ἐν τῇ νυκτὶ ταύτῃ, γέγραπται γάρ· Πατάξω τὸν ποιμένα, καὶ διασκορπισθήσονται τὰ πρόβατα τῆς ποίμνης· μετὰ δὲ τὸ ἐγερθῆναί με προάξω ὑμᾶς εἰς τὴν Γαλιλαίαν. ἀποκριθεὶς δὲ ὁ Πέτρος εἶπεν αὐτῷ· Εἰ πάντες σκανδαλισθήσονται ἐν σοί, ἐγὼ οὐδέποτε σκανδαλισθήσομαι. ἔφη αὐτῷ ὁ Ἰησοῦς· Ἀμὴν λέγω σοι ὅτι ἐν ταύτῃ τῇ νυκτὶ πρὶν ἀλέκτορα φωνῆσαι τρὶς ἀπαρνήσῃ με. λέγει αὐτῷ ὁ Πέτρος· Κἂν δέῃ με σὺν σοὶ ἀποθανεῖν, οὐ μή σε ἀπαρνήσομαι. ὁμοίως καὶ πάντες οἱ μαθηταὶ εἶπαν.

Tote legei autois ho Iesous; Pantes hymeis skandalisthesesthe en emoi en te nykti taute, gegraptai gar; Pataxo ton poimena, kai diaskorpisthesontai ta probata tes poimnes; meta de to egerthenai me proaxo hymas eis ten Galilaian. apokritheis de ho Petros eipen auto; Ei pantes skandalisthesontai en soi, ego oudepote skandalisthesomai. ephe auto ho Iesous; Amen lego soi hoti en taute te nykti prin alektora phonesai tris aparnese me. legei auto ho Petros; Kan dee me syn soi apothanein, ou me se aparnesomai. homoios kai pantes ohi mathetai eipan.

Τότε ἔρχεται μετ’ αὐτῶν ὁ Ἰησοῦς εἰς χωρίον λεγόμενον Γεθσημανὶ, καὶ λέγει τοῖς μαθηταῖς· Καθίσατε αὐτοῦ ἕως οὗ ἀπελθὼν ἐκεῖ προσεύξωμαι. καὶ παραλαβὼν τὸν Πέτρον καὶ τοὺς δύο υἱοὺς Ζεβεδαίου ἤρξατο λυπεῖσθαι καὶ ἀδημονεῖν. τότε λέγει αὐτοῖς· Περίλυπός ἐστιν ἡ ψυχή μου ἕως θανάτου· μείνατε ὧδε καὶ γρηγορεῖτε μετ’ ἐμοῦ. καὶ προελθὼν μικρὸν ἔπεσεν ἐπὶ πρόσωπον αὐτοῦ προσευχόμενος καὶ λέγων· Πάτερ μου, εἰ δυνατόν ἐστιν, παρελθάτω ἀπ’ ἐμοῦ τὸ ποτήριον τοῦτο· πλὴν οὐχ ὡς ἐγὼ θέλω ἀλλ’ ὡς σύ. καὶ ἔρχεται πρὸς τοὺς μαθητὰς καὶ εὑρίσκει αὐτοὺς καθεύδοντας, καὶ λέγει τῷ Πέτρῳ· Οὕτως οὐκ ἰσχύσατε μίαν ὥραν γρηγορῆσαι μετ’ ἐμοῦ; γρηγορεῖτε καὶ προσεύχεσθε, ἵνα μὴ εἰσέλθητε εἰς πειρασμόν· τὸ μὲν πνεῦμα πρόθυμον ἡ δὲ σὰρξ ἀσθενής. πάλιν ἐκ δευτέρου ἀπελθὼν προσηύξατο λέγων· Πάτερ μου, εἰ οὐ δύναται τοῦτο παρελθεῖν ἐὰν μὴ αὐτὸ πίω, γενηθήτω τὸ θέλημά σου. καὶ ἐλθὼν πάλιν εὗρεν αὐτοὺς καθεύδοντας, ἦσαν γὰρ αὐτῶν οἱ ὀφθαλμοὶ βεβαρημένοι. καὶ ἀφεὶς αὐτοὺς πάλιν ἀπελθὼν προσηύξατο ἐκ τρίτου τὸν αὐτὸν λόγον εἰπὼν πάλιν. τότε ἔρχεται πρὸς τοὺς μαθητὰς καὶ λέγει αὐτοῖς· Καθεύδετε τὸ λοιπὸν καὶ ἀναπαύεσθε· ἰδοὺ ἤγγικεν ἡ ὥρα καὶ ὁ υἱὸς τοῦ ἀνθρώπου παραδίδοται εἰς χεῖρας ἁμαρτωλῶν. ἐγείρεσθε ἄγωμεν· ἰδοὺ ἤγγικεν ὁ παραδιδούς με.

Tote erchetai met’ auton ho Iesous eis chorion legomenon Gethsemani, kai legei tois mathetais; Kathisate autou heos hou apelthon ekei proseuxomai. kai paralabon ton Petron kai tous dyo yhious Zebedaiou erxato lypeisthai kai ademonein. tote legei autois; Perilypos estin he psyche mou heos thanatou; meinate hode kai gregoreite met’ emou. kai proelthon mikron epesen epi prosopon autou proseuchomenos kai legon; Pater mou, ei dynaton estin, parelthato ap’ emou to poterion touto; plen ouch hos ego thelo all’ hos sy. kai erchetai pros tous mathetas kai heuriskei autous katheudontas, kai legei to Petro; Houtos ouk ischysate mian horan gregoresai met’ emou? gregoreite kai proseuchesthe, hina me eiselthete eis peirasmon; to men pneuma prothymon he de sarx asthenes. palin ek deuterou apelthon proseuxato legon; Pater mou, ei ou dynatai touto parelthein ean me auto pio, genetheto to thelema sou. kai elthon palin heuren autous katheudontas, esan gar auton ohi ophthalmoi bebaremenoi. kai apheis autous palin apelthon proseuxato ek tritou ton auton logon eipon palin. tote erchetai pros tous mathetas kai legei autois; Katheudete to loipon kai anapauesthe; idou engiken he hora kai ho yhios tou anthropou paradidotai eis cheiras hamartolon. egeiresthe agomen; idou engiken ho paradidous me.

Καὶ ἔτι αὐτοῦ λαλοῦντος ἰδοὺ Ἰούδας εἷς τῶν δώδεκα ἦλθεν καὶ μετ’ αὐτοῦ ὄχλος πολὺς μετὰ μαχαιρῶν καὶ ξύλων ἀπὸ τῶν ἀρχιερέων καὶ πρεσβυτέρων τοῦ λαοῦ. ὁ δὲ παραδιδοὺς αὐτὸν ἔδωκεν αὐτοῖς σημεῖον λέγων· Ὃν ἂν φιλήσω αὐτός ἐστιν· κρατήσατε αὐτόν. καὶ εὐθέως προσελθὼν τῷ Ἰησοῦ εἶπεν· Χαῖρε, ῥαββί· καὶ κατεφίλησεν αὐτόν. ὁ δὲ Ἰησοῦς εἶπεν αὐτῷ· Ἑταῖρε, ἐφ’ ὃ πάρει. τότε προσελθόντες ἐπέβαλον τὰς χεῖρας ἐπὶ τὸν Ἰησοῦν καὶ ἐκράτησαν αὐτόν. καὶ ἰδοὺ εἷς τῶν μετὰ Ἰησοῦ ἐκτείνας τὴν χεῖρα ἀπέσπασεν τὴν μάχαιραν αὐτοῦ καὶ πατάξας τὸν δοῦλον τοῦ ἀρχιερέως ἀφεῖλεν αὐτοῦ τὸ ὠτίον. τότε λέγει αὐτῷ ὁ Ἰησοῦς· Ἀπόστρεψον τὴν μάχαιράν σου εἰς τὸν τόπον αὐτῆς, πάντες γὰρ οἱ λαβόντες μάχαιραν ἐν μαχαίρῃ ἀπολοῦνται· ἢ δοκεῖς ὅτι οὐ δύναμαι παρακαλέσαι τὸν πατέρα μου, καὶ παραστήσει μοι ἄρτι πλείω δώδεκα λεγιῶνας ἀγγέλων; πῶς οὖν πληρωθῶσιν αἱ γραφαὶ ὅτι οὕτως δεῖ γενέσθαι; ἐν ἐκείνῃ τῇ ὥρᾳ εἶπεν ὁ Ἰησοῦς τοῖς ὄχλοις· Ὡς ἐπὶ λῃστὴν ἐξήλθατε μετὰ μαχαιρῶν καὶ ξύλων συλλαβεῖν με; καθ’ ἡμέραν ἐν τῷ ἱερῷ ἐκαθεζόμην διδάσκων καὶ οὐκ ἐκρατήσατέ με. τοῦτο δὲ ὅλον γέγονεν ἵνα πληρωθῶσιν αἱ γραφαὶ τῶν προφητῶν. τότε οἱ μαθηταὶ πάντες ἀφέντες αὐτὸν ἔφυγον.

Kai eti autou lalountos idou Ioudas ehis ton dodeka elthen kai met’ autou ochlos polys meta machairon kai xylon apo ton archiereon kai presbyteron tou laou. ho de paradidous auton edoken autois semeion legon; Hon an phileso autos estin; kratesate auton. kai eutheos proselthon to Iesou eipen; Chaire, rhabbi; kai katephilesen auton. ho de Iesous eipen auto; Hetaire, eph’ ho parei. tote proselthontes epebalon tas cheiras epi ton Iesoun kai ekratesan auton. kai idou ehis ton meta Iesou ekteinas ten cheira apespasen ten machairan autou kai pataxas ton doulon tou archiereos apheilen autou to otion. tote legei auto ho Iesous; Apostrepson ten machairan sou eis ton topon autes, pantes gar ohi labontes machairan en machaire apolountai; e dokeis hoti ou dynamai parakalesai ton patera mou, kai parastesei moi arti pleio dodeka legionas angelon? pos oun plerothosin ahi graphai hoti houtos dei genesthai? en ekeine te hora eipen ho Iesous tois ochlois; Hos epi lesten exelthate meta machairon kai xylon syllabein me? kath’ hemeran en to hiero ekathezomen didaskon kai ouk ekratesate me. touto de holon gegonen hina plerothosin ahi graphai ton propheton. tote ohi mathetai pantes aphentes auton ephygon.

Οἱ δὲ κρατήσαντες τὸν Ἰησοῦν ἀπήγαγον πρὸς Καϊάφαν τὸν ἀρχιερέα, ὅπου οἱ γραμματεῖς καὶ οἱ πρεσβύτεροι συνήχθησαν. ὁ δὲ Πέτρος ἠκολούθει αὐτῷ ἀπὸ μακρόθεν ἕως τῆς αὐλῆς τοῦ ἀρχιερέως, καὶ εἰσελθὼν ἔσω ἐκάθητο μετὰ τῶν ὑπηρετῶν ἰδεῖν τὸ τέλος. οἱ δὲ ἀρχιερεῖς καὶ τὸ συνέδριον ὅλον ἐζήτουν ψευδομαρτυρίαν κατὰ τοῦ Ἰησοῦ ὅπως αὐτὸν θανατώσωσιν, καὶ οὐχ εὗρον πολλῶν προσελθόντων ψευδομαρτύρων. ὕστερον δὲ προσελθόντες δύο εἶπαν· Οὗτος ἔφη· Δύναμαι καταλῦσαι τὸν ναὸν τοῦ θεοῦ καὶ διὰ τριῶν ἡμερῶν οἰκοδομῆσαι. καὶ ἀναστὰς ὁ ἀρχιερεὺς εἶπεν αὐτῷ· Οὐδὲν ἀποκρίνῃ; τί οὗτοί σου καταμαρτυροῦσιν; ὁ δὲ Ἰησοῦς ἐσιώπα. καὶ ὁ ἀρχιερεὺς εἶπεν αὐτῷ· Ἐξορκίζω σε κατὰ τοῦ θεοῦ τοῦ ζῶντος ἵνα ἡμῖν εἴπῃς εἰ σὺ εἶ ὁ χριστὸς ὁ υἱὸς τοῦ θεοῦ. λέγει αὐτῷ ὁ Ἰησοῦς· Σὺ εἶπας· πλὴν λέγω ὑμῖν, ἀπ’ ἄρτι ὄψεσθε τὸν υἱὸν τοῦ ἀνθρώπου καθήμενον ἐκ δεξιῶν τῆς δυνάμεως καὶ ἐρχόμενον ἐπὶ τῶν νεφελῶν τοῦ οὐρανοῦ. τότε ὁ ἀρχιερεὺς διέρρηξεν τὰ ἱμάτια αὐτοῦ λέγων· Ἐβλασφήμησεν· τί ἔτι χρείαν ἔχομεν μαρτύρων; ἴδε νῦν ἠκούσατε τὴν βλασφημίαν· τί ὑμῖν δοκεῖ; οἱ δὲ ἀποκριθέντες εἶπαν· Ἔνοχος θανάτου ἐστίν. τότε ἐνέπτυσαν εἰς τὸ πρόσωπον αὐτοῦ καὶ ἐκολάφισαν αὐτόν, οἱ δὲ ἐράπισαν λέγοντες· Προφήτευσον ἡμῖν, χριστέ, τίς ἐστιν ὁ παίσας σε;

Ohi de kratesantes ton Iesoun apegagon pros Kaiaphan ton archierea, hopou ohi grammateis kai ohi presbyteroi synechthesan. ho de Petros ekolouthei auto apo makrothen heos tes aules tou archiereos, kai eiselthon eso ekatheto meta ton hypereton idein to telos. ohi de archiereis kai to synedrion holon ezetoun pseudomartyrian kata tou Iesou hopos auton thanatososin, kai ouch heuron pollon proselthonton pseudomartyron. hysteron de proselthontes dyo eipan; Houtos ephe; Dynamai katalysai ton naon tou theou kai dia trion hemeron oikodomesai. kai anastas ho archiereus eipen auto; Ouden apokrine? ti houtoi sou katamartyrousin? ho de Iesous esiopa. kai ho archiereus eipen auto; Exorkizo se kata tou theou tou zontos hina hemin eipes ei sy ei ho christos ho yhios tou theou. legei auto ho Iesous; Sy eipas; plen lego hymin, ap’ arti opsesthe ton yhion tou anthropou kathemenon ek dexion tes dynameos kai erchomenon epi ton nephelon tou ouranou. tote ho archiereus dierrexen ta himatia autou legon; Eblasphemesen; ti eti chreian echomen martyron? ide nyn ekousate ten blasphemian; ti hymin dokei? ohi de apokrithentes eipan; Enochos thanatou estin. tote eneptysan eis to prosopon autou kai ekolaphisan auton, ohi de erapisan legontes; Propheteuson hemin, christe, tis estin ho paisas se?

Ὁ δὲ Πέτρος ἐκάθητο ἔξω ἐν τῇ αὐλῇ· καὶ προσῆλθεν αὐτῷ μία παιδίσκη λέγουσα· Καὶ σὺ ἦσθα μετὰ Ἰησοῦ τοῦ Γαλιλαίου· ὁ δὲ ἠρνήσατο ἔμπροσθεν πάντων λέγων· Οὐκ οἶδα τί λέγεις. ἐξελθόντα δὲ εἰς τὸν πυλῶνα εἶδεν αὐτὸν ἄλλη καὶ λέγει τοῖς ἐκεῖ· Οὗτος ἦν μετὰ Ἰησοῦ τοῦ Ναζωραίου· καὶ πάλιν ἠρνήσατο μετὰ ὅρκου ὅτι Οὐκ οἶδα τὸν ἄνθρωπον. μετὰ μικρὸν δὲ προσελθόντες οἱ ἑστῶτες εἶπον τῷ Πέτρῳ· Ἀληθῶς καὶ σὺ ἐξ αὐτῶν εἶ, καὶ γὰρ ἡ λαλιά σου δῆλόν σε ποιεῖ· τότε ἤρξατο καταθεματίζειν καὶ ὀμνύειν ὅτι Οὐκ οἶδα τὸν ἄνθρωπον. καὶ εὐθέως ἀλέκτωρ ἐφώνησεν· καὶ ἐμνήσθη ὁ Πέτρος τοῦ ῥήματος Ἰησοῦ εἰρηκότος ὅτι Πρὶν ἀλέκτορα φωνῆσαι τρὶς ἀπαρνήσῃ με, καὶ ἐξελθὼν ἔξω ἔκλαυσεν πικρῶς.

Ho de Petros ekatheto exo en te aule; kai proselthen auto mia paidiske legousa; Kai sy estha meta Iesou tou Galilaiou; ho de ernesato emprosthen panton legon; Ouk oida ti legeis. exelthonta de eis ton pylona eiden auton alle kai legei tois ekei; Houtos en meta Iesou tou Nazoraiou; kai palin ernesato meta horkou hoti Ouk oida ton anthropon. meta mikron de proselthontes ohi hestotes eipon to Petro; Alethos kai sy ex auton ei, kai gar he lalia sou delon se poiei; tote erxato katathematizein kai omnyein hoti Ouk oida ton anthropon. kai eutheos alektor ephonesen; kai emnesthe ho Petros tou rhematos Iesou eirekotos hoti Prin alektora phonesai tris aparnese me, kai exelthon exo eklausen pikros.