Libro 9, § 5 — Vidas y opiniones de los filósofos ilustres

Ζήνων Ἐλεάτης. τοῦτον Ἀπολλόδωρός φησιν εἶναι ἐν Χρονικοῖς Πύρητος τὸν δὲ Παρμενίδην φύσει μὲν Τελευταγόρου, θέσει δὲ Παρμενίδου τὸν δὲ Παρμενίδην Πύρητος. περὶ τούτου καὶ Μελίσσου Τίμων φησὶ ταῦτα· ἀμφοτερογλώσσου τε μέγα σθένος οὐκ ἀλαπαδνὸν Ζήνωνος πάντων ἐπιλήπτορος, ἠδὲ Μέλισσον, πολλῶν φαντασμῶν ἐπάνω, παύρων γε μὲν ἥσσω. ὁ δὴ Ζήνων διακήκοε Παρμενίδου καὶ γέγονεν αὐτοῦ παιδικά. καὶ εὐμήκης ἦν, καθά φησι Πλάτων ἐν τῷ Παρμενίδῃ, ὁ δ’ αὐτὸς ἐν τῷ Σοφιστῇ καὶ ἐν τῷ Φαίδρῳ αὐτοῦ μέμνηται καὶ Ἐλεατικὸν Παλαμήδην αὐτὸν καλεῖ. φησὶ δ’ Ἀριστοτέλης εὑρετὴν αὐτὸν γενέσθαι διαλεκτικῆς, ὥσπερ Ἐμπεδοκλέα ῥητορικῆς.

Zenon Eleates. touton Apollodoros phesin einai en Chronikois Pyretos ton de Parmeniden physei men Teleutagorou, thesei de Parmenidou ton de Parmeniden Pyretos. peri toutou kai Melissou Timon phesi tauta; amphoteroglossou te mega sthenos ouk alapadnon Zenonos panton epileptoros, ede Melisson, pollon phantasmon epano, pauron ge men hesso. ho de Zenon diakekoe Parmenidou kai gegonen autou paidika. kai eumekes en, katha phesi Platon en to Parmenide, ho d’ autos en to Sophiste kai en to Phaidro autou memnetai kai Eleatikon Palameden auton kalei. phesi d’ Aristoteles heureten auton genesthai dialektikes, hosper Empedoklea rhetorikes.

γέγονε δὲ ἀνὴρ γενναιότατος καὶ ἐν φιλοσοφίᾳ καὶ ἐν πολιτείᾳ· φέρεται γοῦν αὐτοῦ βιβλία πολλῆς συνέσεως γέμοντα. καθελεῖν δὲ θελήσας Νέαρχον τὸν τύραννον— οἱ δὲ Διομέδοντα— συνελήφθη, καθά φησιν Ἡρακλείδης ἐν τῇ Σατύρου ἐπιτομῇ. ὅτε καὶ ἐξεταζόμενος τοὺς συνειδότας καὶ περὶ τῶν ὅπλων ὧν ἦγεν εἰς Λιπάραν, πάντας ἐμήνυσεν αὐτοῦ τοὺς φίλους, βουλόμενος αὐτὸν ἔρημον καταστῆσαι· εἶτα περί τινων εἰπεῖν ἔχειν τινα ἔφη αὐτῷ πρὸς τὸ οὖς καὶ δακὼν οὐκ ἀνῆκεν ἕως ἀπεκεντήθη, ταὐτὸν Ἀριστογείτονι τῷ τυραννοκτόνῳ παθών.

gegone de aner gennaiotatos kai en philosophia kai en politeia; pheretai goun autou biblia polles syneseos gemonta. kathelein de thelesas Nearchon ton tyrannon— ohi de Diomedonta— synelephthe, katha phesin Herakleides en te Satyrou epitome. hote kai exetazomenos tous syneidotas kai peri ton hoplon hon egen eis Liparan, pantas emenysen autou tous philous, boulomenos auton eremon katastesai; eita peri tinon eipein echein tina ephe auto pros to ous kai dakon ouk aneken heos apekentethe, tauton Aristogeitoni to tyrannoktono pathon.

Δημήτριος δέ φησιν ἐν τοῖς Ὁμωνύμοις τὸν μυκτῆρα αὐτὸν ἀποτραγεῖν. Ἀντισθένης δὲ ἐν ταῖς Διαδοχαῖς φησι μετὰ τὸ μηνῦσαι τοὺς φίλους ἐρωτηθῆναι πρὸς τοῦ τυράννου εἴ τις ἄλλος εἴη· τὸν δὲ εἰπεῖν," σὺ ὁ τῆς πόλεως ἀλιτήριος". πρός τε τοὺς παρεστῶτας φάναι·" θαυμάζω ὑμῶν τὴν δειλίαν, εἰ τούτων ἕνεκεν ὧν νῦν ἐγὼ ὑπομένω, δουλεύετε τῷ τυράννῳ"· καὶ τέλος ἀποτραγόντα τὴν γλῶτταν προσπτύσαι αὐτῷ· τοὺς δὲ πολίτας παρορμηθέντας αὐτίκα τὸν τύραννον καταλεῦσαι. ταὐτὰ δὲ σχεδὸν οἱ πλείους λαλοῦσιν. Ἕρμιππος δέ φησιν εἰς ὅλμον αὐτὸν βληθῆναι καὶ κατακοπῆναι.

Demetrios de phesin en tois Homonymois ton myktera auton apotragein. Antisthenes de en tais Diadochais phesi meta to menysai tous philous erotethenai pros tou tyrannou ei tis allos eie; ton de eipein," sy ho tes poleos aliterios". pros te tous parestotas phanai;" thaumazo hymon ten deilian, ei touton heneken hon nyn ego hypomeno, douleuete to tyranno"; kai telos apotragonta ten glottan prosptysai auto; tous de politas parormethentas autika ton tyrannon kataleusai. tauta de schedon ohi pleious lalousin. Hermippos de phesin eis holmon auton blethenai kai katakopenai.

καὶ εἰς αὐτὸν ἡμεῖς εἴπομεν οὕτως· ἤθελες, ὦ Ζήνων, καλὸν ἤθελες ἄνδρα τύραννον κτείνας ἐκλῦσαι δουλοσύνης Ἐλέαν. ἀλλ’ ἐδάμης· δὴ γάρ σε λαβὼν ὁ τύραννος ἐν ὅλμῳ κόψε. τί τοῦτο λέγω; σῶμα γάρ, οὐχὶ δὲ σέ. γέγονε δὲ τά τε ἄλλα ἀγαθὸς ὁ Ζήνων, ἀλλὰ καὶ ὑπεροπτικὸς τῶν μειζόνων κατ’ ἴσον Ἡρακλείτῳ· καὶ γὰρ οὗτος τὴν πρότερον μὲν Ὑέλην, ὕστερον δ’ Ἐλέαν, Φωκαέων οὖσαν ἀποικίαν, αὑτοῦ δὲ πατρίδα, πόλιν εὐτελῆ καὶ μόνον ἄνδρας ἀγαθοὺς τρέφειν ἐπισταμένην ἠγάπησε μᾶλλον τῆς Ἀθηναίων μεγαλαυχίας, οὐκ ἐπιδημήσας πώμαλα πρὸς αὐτούς, ἀλλ’ αὐτόθι καταβιούς.

kai eis auton hemeis eipomen houtos; etheles, o Zenon, kalon etheles andra tyrannon kteinas eklysai doulosynes Elean. all’ edames; de gar se labon ho tyrannos en holmo kopse. ti touto lego? soma gar, ouchi de se. gegone de ta te alla agathos ho Zenon, alla kai hyperoptikos ton meizonon kat’ ison Herakleito; kai gar houtos ten proteron men Hyelen, hysteron d’ Elean, Phokaeon ousan apoikian, hautou de patrida, polin eutele kai monon andras agathous trephein epistamenen egapese mallon tes Athenaion megalauchias, ouk epidemesas pomala pros autous, all’ autothi katabious.

οὗτος καὶ τὸν Ἀχιλλέα πρῶτος λόγον ἠρώτησε Φαβωρῖνος δέ φησι Παρμενίδην καὶ ἄλλους συχνούς. ἀρέσκει δ’ αὐτῷ τάδε· κόσμους εἶναι κενόν τε μὴ εἶναι· γεγενῆσθαι δὲ τὴν τῶν πάντων φύσιν ἐκ θερμοῦ καὶ ψυχροῦ καὶ ξηροῦ καὶ ὑγροῦ, λαμβανόντων αὐτῶν εἰς ἄλληλα τὴν μεταβολήν· γένεσίν τε ἀνθρώπων ἐκ γῆς εἶναι καὶ ψυχὴν κρᾶμα ὑπάρχειν ἐκ τῶν προειρημένων κατὰ μηδενὸς τούτων ἐπικράτησιν. τοῦτόν φασι λοιδορούμενον ἀγανακτῆσαι· αἰτιασαμένου δέ τινος, φάναι" ἐὰν μὴ λοιδορούμενος προσποιῶμαι, οὐδ’ ἐπαινούμενος αἰσθήσομαι". ὅτι δὲ γεγόνασι Ζήνωνες ὀκτὼ ἐν τῷ Κιτιεῖ διειλέγμεθα. ἤκμαζε δ’ οὗτος κατὰ τὴν ἐνάτην καὶ ἑβδομηκοστὴν Ὀλυμπιάδα.

houtos kai ton Achillea protos logon erotese Phaborinos de phesi Parmeniden kai allous sychnous. areskei d’ auto tade; kosmous einai kenon te me einai; gegenesthai de ten ton panton physin ek thermou kai psychrou kai xerou kai hygrou, lambanonton auton eis allela ten metabolen; genesin te anthropon ek ges einai kai psychen krama hyparchein ek ton proeiremenon kata medenos touton epikratesin. touton phasi loidoroumenon aganaktesai; aitiasamenou de tinos, phanai" ean me loidoroumenos prospoiomai, oud’ epainoumenos aisthesomai". hoti de gegonasi Zenones okto en to Kitiei dieilegmetha. ekmaze d’ houtos kata ten enaten kai hebdomekosten Olympiada.