§ 16 — Idylls

αἰεὶ τοῦτο Διὸς κούραις μέλει, αἰὲν ἀοιδοῖς,

aiei touto Dios kourais melei, aien aoidois,

ὑμνεῖν ἀθανάτους, ὑμνεῖν ἀγαθῶν κλέα ἀνδρῶν.

hymnein athanatous, hymnein agathon klea andron.

Μοῦσαι μὲν θεαὶ ἐντί, θεοὺς θεαὶ ἀείδοντι·

Mousai men theai enti, theous theai aeidonti;

ἄμμες δὲ βροτοὶ οἵδε, βροτοὺς βροτοὶ ἀείδωμεν.

ammes de brotoi ohide, brotous brotoi aeidomen.

τίς γὰρ τῶν ὁπόσοι γλαυκὰν ναίουσιν ὑπ’ ἀῶ

tis gar ton hoposoi glaukan naiousin hyp’ ao

ἡμετέρας Χάριτας πετάσας ὑποδέξεται οἴκῳ

hemeteras Charitas petasas hypodexetai oiko

ἀσπασίως, οὐδ’ αὖθις ἀδωρήτους ἀποπέμψει;

aspasios, oud’ authis adoretous apopempsei?

αἱ δὲ σκυζόμεναι γυμνοῖς ποσὶν οἴκαδ’ ἴασι,

ahi de skyzomenai gymnois posin oikad’ iasi,

πολλά με τωθάζοισαι, ὅ τ’ ἀλιθίαν ὁδὸν ἦνθον,

polla me tothazoisai, ho t’ alithian hodon enthon,

ὀκνηραὶ δὲ πάλιν κενεᾶς ἐν πυθμένι χηλοῦ

oknerai de palin keneas en pythmeni chelou

ψυχροῖς ἐν γονάτεσσι κάρη μίμνοντι βαλοῖσαι,

psychrois en gonatessi kare mimnonti baloisai,

ἔνθ’ αἰεί σφισιν ἕδρα, ἐπὴν ἄπρηκτοι ἵκωνται.

enth’ aiei sphisin hedra, epen aprektoi hikontai.

τίς τῶν νῦν τοιόσδε; τίς εὖ εἰπόντα φιλήσει;

tis ton nyn toiosde? tis eu eiponta philesei?

οὐκ οἶδ’· οὐ γὰρ ἔτ’ ἄνδρες ἐπ’ ἔργμασιν ὡς πάρος ἐσθλοῖς

ouk oid’; ou gar et’ andres ep’ ergmasin hos paros esthlois

αἰνεῖσθαι σπεύδοντι, νενίκηνται δ’ ὑπὸ κερδέων.

aineisthai speudonti, nenikentai d’ hypo kerdeon.

πᾶς δ’ ὑπὸ κόλπῳ χεῖρας ἔχων πόθεν οἴσεται ἀθρεῖ

pas d’ hypo kolpo cheiras echon pothen oisetai athrei

ἄργυρον, οὐδέ κεν ἰὸν ἀποτρίψας τινὶ δοίη,

argyron, oude ken ion apotripsas tini doie,

ἀλλ’ εὐθὺς μυθεῖται·" ἀπωτέρω ἢ γόνυ κνάμα·

all’ euthys mytheitai;" apotero e gony knama;

αὐτῷ μοί τι γένοιτο· θεοὶ τιμῶσιν ἀοιδούς.

auto moi ti genoito; theoi timosin aoidous.

τίς δέ κεν ἄλλου ἀκούσαι; ἅλις πάντεσσιν Ὅμηρος.

tis de ken allou akousai? halis pantessin Homeros.

οὗτος ἀοιδῶν λῷστος, ὃς ἐξ ἐμεῦ οἴσεται οὐδέν".

houtos aoidon lostos, hos ex emeu oisetai ouden".

δαιμόνιοι, τί δὲ κέρδος ὁ μυρίος ἔνδοθι χρυσὸς

daimonioi, ti de kerdos ho myrios endothi chrysos

κείμενος; οὐχ ἅδε πλούτου φρονέουσιν ὄνασις,

keimenos? ouch hade ploutou phroneousin onasis,

ἀλλὰ τὸ μὲν ψυχᾷ, τὸ δὲ καί τινι δοῦναι ἀοιδῶν·

alla to men psycha, to de kai tini dounai aoidon;

πολλοὺς δ’ εὖ ἔρξαι παῶν, πολλοὺς δὲ καὶ ἄλλων

pollous d’ eu erxai paon, pollous de kai allon

ἀνθρώπων, αἰεὶ δὲ θεοῖς ἐπιβώμια ῥέζειν,

anthropon, aiei de theois epibomia rhezein,

μηδὲ ξεινοδόκον κακὸν ἔμμεναι, ἀλλὰ τραπέζῃ

mede xeinodokon kakon emmenai, alla trapeze

μειλίξαντ’ ἀποπέμψαι, ἐπὴν ἐθέλωντι νέεσθαι,

meilixant’ apopempsai, epen ethelonti neesthai,

Μουσάων δὲ μάλιστα τίειν ἱεροὺς ὑποφήτας,

Mousaon de malista tiein hierous hypophetas,

ὄφρα καὶ εἰν Ἀίδαο κεκρυμμένος ἐσθλὸς ἀκούσῃς,

ophra kai ein Aidao kekrymmenos esthlos akouses,

μηδ’ ἀκλεὴς μύρηαι ἐπὶ ψυχροῦ Ἀχέροντος,

med’ aklees myreai epi psychrou Acherontos,

ὡσεί τις μακέλᾳ τετυλωμένος ἔνδοθι χεῖρας

hosei tis makela tetylomenos endothi cheiras

ἀχὴν ἐκ πατέρων πενίην ἀκτήμονα κλαίων.

achen ek pateron penien aktemona klaion.

πολλοὶ ἐν Ἀντιόχοιο δόμοις καὶ ἄνακτος Ἀλεύα

polloi en Antiochoio domois kai anaktos Aleua

ἁρμαλιὴν ἔμμηνον ἐμετρήσαντο πενέσται·

harmalien emmenon emetresanto penestai;

πολλοὶ δὲ Σκοπάδῃσιν ἐλαυνόμενοι ποτὶ σακοὺς

polloi de Skopadesin elaunomenoi poti sakous

μόσχοι σὺν κεραῇσιν ἐμυκήσαντο βόεσσι,

moschoi syn keraesin emykesanto boessi,

μυρία δ’ ἀμπεδίον Κραννώνιον ἐνδιάασκον

myria d’ ampedion Krannonion endiaaskon

ποιμένες ἔκκριτα μῆλα φιλοξείνοισι Κρεώνδαις·

poimenes ekkrita mela philoxeinoisi Kreondais;

ἀλλ’ οὔ σφιν τῶν ἦδος, ἐπεὶ γλυκὺν ἐξεκένωσαν

all’ ou sphin ton edos, epei glykyn exekenosan

θυμὸν ἐς εὐρεῖαν σχεδίαν στυγνοῦ Ἀχέροντος,

thymon es eureian schedian stygnou Acherontos,

ἄμναστοι δὲ τὰ πολλὰ καὶ ὄλβια τῆνα λιπόντες

amnastoi de ta polla kai olbia tena lipontes

δειλοῖς ἐν νεκύεσσι μακροὺς αἰῶνας ἔκειντο,

deilois en nekyessi makrous aionas ekeinto,

εἰ μὴ κεῖνος ἀοιδὸς ὁ Κήιος αἰόλα φωνέων

ei me keinos aoidos ho Keios aiola phoneon

βάρβιτον ἐς πολύχορδον ἐν ἀνδράσι θῆκ’ ὀνομαστοὺς

barbiton es polychordon en andrasi thek’ onomastous

ὁπλοτέροις, τιμᾶς δὲ καὶ ὠκέες ἔλλαχον ἵπποι,

hoploterois, timas de kai okees ellachon hippoi,

οἵ σφισιν ἐξ ἱερῶν στεφανηφόροι ἦλθον ἀγώνων.

ohi sphisin ex hieron stephanephoroi elthon agonon.

τίς δ’ ἂν ἀριστῆας Λυκίων ποτέ, τίς κομόωντας

tis d’ an aristeas Lykion pote, tis komoontas

Πριαμίδας ἢ θῆλυν ἀπὸ χροιᾶς Κύκνον ἔγνω,

Priamidas e thelyn apo chroias Kyknon egno,

εἰ μὴ φυλόπιδας προτέρων ὕμνησαν ἀοιδοί;

ei me phylopidas proteron hymnesan aoidoi?

οὐδ’ Ὀδυσεὺς ἑκατόν τε καὶ εἴκοσι μῆνας ἀλαθεὶς

oud’ Odyseus hekaton te kai eikosi menas alatheis

πάντας ἐπ’ ἀνθρώπους, Ἀίδαν τ’ εἰς ἔσχατον ἐλθὼν

pantas ep’ anthropous, Aidan t’ eis eschaton elthon

ζωός, καὶ σπήλυγγα φυγὼν ὀλοοῖο Κύκλωπος,

zoos, kai spelynga phygon olooio Kyklopos,

δηναιὸν κλέος ἔσχεν, ἐσιγάθη δ’ ἂν ὑφορβὸς

denaion kleos eschen, esigathe d’ an hyphorbos

Εὔμαιος, καὶ βουσὶ Φιλοίτιος ἀμφ’ ἀγελαίαις

Eumaios, kai bousi Philoitios amph’ agelaiais

ἔργον ἔχων, αὐτός τε περίσπλαγχνος Λαέρτης,

ergon echon, autos te perisplanchnos Laertes,

εἰ μή σφεας ὤνασαν Ἰάονος ἀνδρὸς ἀοιδαί.

ei me spheas onasan Iaonos andros aoidai.

ἐκ Μοισᾶν ἀγαθὸν κλέος ἔρχεται ἀνθρώποισι,

ek Moisan agathon kleos erchetai anthropoisi,

χρήματα δὲ ζώοντες ἀμαλδύνουσι θανόντων.

chremata de zoontes amaldynousi thanonton.

ἀλλ’ ἶσος γὰρ ὁ μόχθος ἐπ’ ᾀόνι κύματα μετρεῖν,

all’ isos gar ho mochthos ep’ aoni kymata metrein,

ὅσσ’ ἄνεμος χέρσονδε μετὰ γλαυκᾶς ἁλὸς ὠθεῖ,

hoss’ anemos chersonde meta glaukas halos othei,

ἢ ὕδατι νίζειν θολερὰν διαειδέι πλίνθον,

e hydati nizein tholeran diaeidei plinthon,

καὶ φιλοκερδείᾳ βεβλαμμένον ἄνδρα παρελθεῖν.

kai philokerdeia beblammenon andra parelthein.

χαιρέτω ὃς τοιοῦτος, ἀνάριθμος δέ οἱ εἴη

chaireto hos toioutos, anarithmos de ohi eie

ἄργυρος, αἰεὶ δὲ πλεόνων ἔχοι ἵμερος αὐτόν.

argyros, aiei de pleonon echoi himeros auton.

αὐτὰρ ἐγὼ τιμήν τε καὶ ἀνθρώπων φιλότητα

autar ego timen te kai anthropon philoteta

πολλῶν ἡμιόνων τε καὶ ἵππων πρόσθεν ἑλοίμαν.

pollon hemionon te kai hippon prosthen heloiman.

δίζημαι δ’, ὅτινι θνατῶν κεχαρισμένος ἔνθω

dizemai d’, hotini thnaton kecharismenos entho

σὺν Μοίσαις· χαλεπαὶ γὰρ ὁδοὶ τελέθουσιν ἀοιδοῖς

syn Moisais; chalepai gar hodoi telethousin aoidois

κουράων ἀπάνευθε Διὸς μέγα βουλεύοντος.

kouraon apaneuthe Dios mega bouleuontos.

οὔπω μῆνας ἄγων ἔκαμ’ οὐρανὸς οὐδ’ ἐνιαυτούς·

oupo menas agon ekam’ ouranos oud’ eniautous;

πολλοὶ κινήσουσιν ἔτι τροχὸν ἅρματος ἵπποι·

polloi kinesousin eti trochon harmatos hippoi;

ἔσσεται οὗτος ἀνήρ, ὃς ἐμεῦ κεχρήσετ’ ἀοιδοῦ,

essetai houtos aner, hos emeu kechreset’ aoidou,

ῥέξας ἢ Ἀχιλεὺς ὅσσον μέγας ἢ βαρὺς Αἴας

rhexas e Achileus hosson megas e barys Aias

ἐν πεδίῳ Σιμόεντος, ὅθι Φρυγὸς ἠρίον Ἴλου.

en pedio Simoentos, hothi Phrygos erion Ilou.

ἤδη νῦν Φοίνικες ὑπ’ ἠελίῳ δύνοντι

ede nyn Phoinikes hyp’ eelio dynonti

οἰκεῦντες Λιβύας ἄκρον σφυρὸν ἐρρίγασιν.

oikeuntes Libyas akron sphyron errigasin.

ἤδη βαστάζουσι Συρακόσιοι μέσα δοῦρα

ede bastazousi Syrakosioi mesa doura

ἀχθόμενοι σακέεσσι βραχίονας ἰτεΐνοισιν·

achthomenoi sakeessi brachionas iteinoisin;

ἐν δ’ αὐτοῖς Ἱέρων προτέροις ἴσος ἡρώεσσι

en d’ autois Hieron proterois isos heroessi

ζώννυται, ἵππειαι δὲ κόρυν σκεπάουσιν ἔθειραι.

zonnytai, hippeiai de koryn skepaousin etheirai.

αἰ γὰρ Ζεῦ κύδιστε πάτερ καὶ πότνι’ Ἀθάνα

ai gar Zeu kydiste pater kai potni’ Athana

κούρη θ’, ἣ σὺν ματρὶ πολυκλήρων Ἐφυραίων

koure th’, he syn matri polykleron Ephyraion

εἴληχας μέγα ἄστυ παρ’ ὕδασι Λυσιμελείας,

eilechas mega asty par’ hydasi Lysimeleias,

ἐχθροὺς ἐκ νάσοιο κακὰ πέμψειεν ἀνάγκα

echthrous ek nasoio kaka pempseien ananka

Σαρδόνιον κατὰ κῦμα, φίλων μόρον ἀγγέλλοντας

Sardonion kata kyma, philon moron angellontas

τέκνοις ἠδ’ ἀλόχοισιν, ἀριθμητοὺς ἀπὸ πολλῶν·

teknois ed’ alochoisin, arithmetous apo pollon;

ἄστεά τε προτέροισι πάλιν ναίοιτο πολίταις,

astea te proteroisi palin naioito politais,

δυσμενέων ὅσα χεῖρες ἐλωβήσαντο κατάκρας·

dysmeneon hosa cheires elobesanto katakras;

ἀγροὺς δ’ ἐργάζοιντο τεθαλότας· αἱ δ’ ἀνάριθμοι

agrous d’ ergazointo tethalotas; ahi d’ anarithmoi

μήλων χιλιάδες βοτάνᾳ διαπιανθεῖσαι

melon chiliades botana diapiantheisai

ἀμπεδίον βληχοῖντο, βόες δ’ ἀγελαδὸν ἐς αὖλιν

ampedion blechointo, boes d’ ageladon es aulin

ἐρχόμεναι σκνιφαῖον ἐπισπεύδοιεν ὁδίταν·

erchomenai skniphaion epispeudoien hoditan;

νειοὶ δ’ ἐκπονέοιντο ποτὶ σπόρον, ἁνίκα τέττιξ

neioi d’ ekponeointo poti sporon, hanika tettix

ποιμένας ἐνδίους πεφυλαγμένος ἔνδοθι δένδρων

poimenas endious pephylagmenos endothi dendron

ἀχεῖ ἐν ἀκρεμόνεσσιν· ἀράχνια δ’ εἰς ὅπλ’ ἀράχναι

achei en akremonessin; arachnia d’ eis hopl’ arachnai

λεπτὰ διαστήσαιντο, βοᾶς δ’ ἔτι μηδ’ ὄνομ’ εἴη.

lepta diastesainto, boas d’ eti med’ onom’ eie.

ὑψηλὸν δ’ Ἱέρωνι κλέος φορέοιεν ἀοιδοὶ

hypselon d’ Hieroni kleos phoreoien aoidoi

καὶ πόντου Σκυθικοῖο πέραν καὶ ὅθι πλατὺ τεῖχος

kai pontou Skythikoio peran kai hothi platy teichos

ἀσφάλτῳ δήσασα Σεμίραμις ἐμβασίλευεν.

asphalto desasa Semiramis embasileuen.

εἷς μὲν ἐγώ, πολλοὺς δὲ Διὸς φιλέοντι καὶ ἄλλους

ehis men ego, pollous de Dios phileonti kai allous

θυγατέρες, τοῖς πᾶσι μέλοι Σικελὰν Ἀρέθοισαν

thygateres, tois pasi meloi Sikelan Arethoisan

ὑμνεῖν σὺν λαοῖσι καὶ αἰχμητὰν Ἱέρωνα.

hymnein syn laoisi kai aichmetan Hierona.

ὦ Ἐτεόκλειοι θύγατρες θεαί, ὦ Μινύειον

o Eteokleioi thygatres theai, o Minyeion

Ὀρχομενὸν φιλέοισαι ἀπεχθόμενόν ποτε Θήβαις,

Orchomenon phileoisai apechthomenon pote Thebais,

ἄκλητος μὲν ἔγωγε μένοιμί κεν, ἐς δὲ καλεύντων

akletos men egoge menoimi ken, es de kaleunton

θαρσήσας Μοίσαισι σὺν ἁμετέραισιν ἱκοίμαν.

tharsesas Moisaisi syn hameteraisin hikoiman.

καλλείψω δ’ οὐδ’ ὔμμε· τί γὰρ Χαρίτων ἀγαπητὸν

kalleipso d’ oud’ ymme; ti gar Chariton agapeton

ἀνθρώποις ἀπάνευθεν; ἀεὶ Χαρίτεσσιν ἅμ’ εἴην.

anthropois apaneuthen? aei Charitessin ham’ eien.