Book 3, § 31 — Outlines of Pyrrhonism

Αὐτίκα γοῦν, ἵνα παραδείγματος ἕνεκεν ὀλίγα ἀπὸ πολλῶν εἴπωμεν, ὠφελεῖν ἂν δοκοίη τὸν σοφὸν ἡ περὶ τὸν βίον τέχνη ἐγκράτειαν αὐτῷ παρεχομένη ἐν ταῖς πρὸς τὸ καλὸν ὁρμαῖς καὶ ἐν ταῖς ἀπὸ τοῦ κακοῦ ἀφορμαῖς.

Autika goun, hina paradeigmatos heneken oliga apo pollon eipomen, ophelein an dokoie ton sophon he peri ton bion techne enkrateian auto parechomene en tais pros to kalon hormais kai en tais apo tou kakou aphormais.

ὁ οὖν λεγόμενος κατ’ αὐτοὺς ἐγκρατὴς σοφὸς ἤτοι κατὰ τοῦτο λέγεται ἐγκρατής, καθόσον ἐν οὐδεμιᾷ γίνεται ὁρμῇ τῇ πρὸς τὸ κακὸν καὶ ἀφορμῇ τῇ ἀπὸ τοῦ ἀγαθοῦ, ἢ καθόσον εἶχε μὲν φαύλας ὁρμὰς καὶ ἀφορμάς, περιεκράτει δὲ αὐτῶν τῷ λόγῳ.

ho oun legomenos kat’ autous enkrates sophos etoi kata touto legetai enkrates, kathoson en oudemia ginetai horme te pros to kakon kai aphorme te apo tou agathou, e kathoson eiche men phaulas hormas kai aphormas, periekratei de auton to logo.

ἀλλὰ κατὰ μὲν τὸ μὴ γίνεσθαι ἐν φαύλαις κρίσεσιν οὐκ ἂν εἴη ἐγκρατής· οὐ γὰρ κρατήσει οὗ οὐκ ἔχει. καὶ ὡς οὐκ ἂν εἴποι τις τὸν εὐνοῦχον ἐγκρατῆ πρὸς ἀφροδίσια καὶ τὸν κακοστομαχοῦντα πρὸς ἐδεσμάτων ἀπόλαυσιν οὐδ’ ὅλως γὰρ ἐπιζήτησις αὐτοῖς γίνεται τῶν τοιούτων, ἵνα καὶ ἐγκρατῶς κατεξαναστῶσι τῆς ἐπιζητήσεως), τῷ αὐτῷ τρόπῳ οὐδὲ τὸν σοφὸν ἐγκρατῆ ῥητέον διὰ τὸ μὴ φύεσθαι ἐν αὐτῷ πάθος οὗ ἔσται ἐγκρατής.

alla kata men to me ginesthai en phaulais krisesin ouk an eie enkrates; ou gar kratesei hou ouk echei. kai hos ouk an eipoi tis ton eunouchon enkrate pros aphrodisia kai ton kakostomachounta pros edesmaton apolausin oud’ holos gar epizetesis autois ginetai ton toiouton, hina kai enkratos katexanastosi tes epizeteseos), to auto tropo oude ton sophon enkrate rheteon dia to me phyesthai en auto pathos hou estai enkrates.

εἰ δὲ κατὰ τοῦτο ἀξιώσουσιν αὐτὸν ὑπάρχειν ἐγκρατῆ καθόσον γίνεται μὲν ἐν φαύλαις κρίσεσιν, περιγίνεται δὲ αὐτῶν τῷ λόγῳ, πρῶτον μὲν δώσουσιν, ὅτι οὐδὲν ὠφέλησεν αὐτὸν ἡ φρόνησις, ἀκμὴν ἐν ταραχαῖς ὄντα καὶ βοηθείας δεόμενον, εἶτα καὶ κακοδαιμονέστερος τῶν φαύλων λεγομένων εὑρίσκεται. εἰ μὲν γὰρ ὁρμᾷ ἐπί τι, πάντως ταράσσεται, εἰ δὲ περικρατεῖ τῷ λόγῳ, συνέχει ἐν ἑαυτῷ τὸ κακόν, καὶ διὰ τοῦτο μᾶλλον ταράσσεται τοῦ φαύλου ἐκείνου μηκέτι τοῦτο πάσχοντος·

ei de kata touto axiosousin auton hyparchein enkrate kathoson ginetai men en phaulais krisesin, periginetai de auton to logo, proton men dosousin, hoti ouden ophelesen auton he phronesis, akmen en tarachais onta kai boetheias deomenon, eita kai kakodaimonesteros ton phaulon legomenon heurisketai. ei men gar horma epi ti, pantos tarassetai, ei de perikratei to logo, synechei en heauto to kakon, kai dia touto mallon tarassetai tou phaulou ekeinou meketi touto paschontos;

εἰ μὲν γὰρ ὁρμᾷ, ταράσσεται, εἰ δὲ τυγχάνει τῶν ἐπιθυμιῶν, παύεται τῆς ταραχῆς. οὐ τοίνυν ἐγκρατὴς γίνεται ὅσον ἐπὶ τῇ φρονήσει ὁ σοφός· ἢ εἴπερ γίνεται, πάντων ἀνθρώπων ἐστὶ κακοδαιμονέστατος, διόπερ οὐκ ὠφέλειαν, ἀλλὰ ταραχὴν αὐτῷ μεγίστην ἡ περὶ τὸν βίον παρέσχε τέχνη. ὅτι δὲ ὁ νομίζων ἔχειν τὴν περὶ τὸν βίον τέχνην καὶ δι’ αὐτῆς ἐπεγνωκέναι, τίνα τέ ἐστιν ἀγαθὰ ὡς πρὸς τὴν φύσιν καὶ τίνα φαῦλα, ταράσσεται σφόδρα καὶ τῶν ἀγαθῶν αὐτῷ παρόντων καὶ τῶν κακῶν, ἐν τοῖς ἔμπροσθεν ὑπεμνήσαμεν.

ei men gar horma, tarassetai, ei de tynchanei ton epithymion, pauetai tes taraches. ou toinyn enkrates ginetai hoson epi te phronesei ho sophos; e eiper ginetai, panton anthropon esti kakodaimonestatos, dioper ouk opheleian, alla tarachen auto megisten he peri ton bion paresche techne. hoti de ho nomizon echein ten peri ton bion technen kai di’ autes epegnokenai, tina te estin agatha hos pros ten physin kai tina phaula, tarassetai sphodra kai ton agathon auto paronton kai ton kakon, en tois emprosthen hypemnesamen.

λεκτέον οὖν, ὅτι εἰ μήτε ἡ τῶν ἀγαθῶν τε καὶ κακῶν καὶ ἀδιαφόρων ὑπόστασις ὁμολογεῖται, ἥ τε περὶ τὸν βίον τέχνη τάχα μὲν καὶ ἀνυπόστατός ἐστιν, εἰ δὲ καὶ ὑφεστάναι δοθείη καθ’ ὑπόθεσιν, οὐδεμίαν ὠφέλειαν τοῖς ἔχουσιν αὐτὴν παρέχει, τοὐναντίον δὲ ταραχὰς αὐτοῖς ἐμποιεῖ μεγίστας, μάτην ὠφρυῶσθαι δοκοῖεν ἂν οἱ δογματικοὶ κἀν τῷ λεγομένῳ ἠθικῷ μέρει τῆς καλουμένης φιλοσοφίας.

lekteon oun, hoti ei mete he ton agathon te kai kakon kai adiaphoron hypostasis homologeitai, he te peri ton bion techne tacha men kai anypostatos estin, ei de kai hyphestanai dotheie kath’ hypothesin, oudemian opheleian tois echousin auten parechei, tounantion de tarachas autois empoiei megistas, maten ophryosthai dokoien an ohi dogmatikoi kan to legomeno ethiko merei tes kaloumenes philosophias.

Τοσαῦτα καὶ περὶ τοῦ ἠθικοῦ τόπου συμμέτρως ὡς ἐν ὑποτυπώσει διεξελθόντες, ἐνταῦθα περιγράφομεν καὶ τὸ τρίτον σύνταγμα καὶ τὸ πᾶν τῶν Πυρρωνείων ὑποτυπώσεων σπούδασμα, ἐκεῖνο ἐπειπόντες·

Tosauta kai peri tou ethikou topou symmetros hos en hypotyposei diexelthontes, entautha perigraphomen kai to triton syntagma kai to pan ton Pyrroneion hypotyposeon spoudasma, ekeino epeipontes;