Τόπος τοίνυν λέγεται διχῶς, κυρίως καὶ καταχρηστικῶς, καταχρηστικῶς μὲν [ὡς] ὁ ἐν πλάτει, ὡς ἐμοῦ ἡ πόλις, κυρίως δὲ ὁ πρὸς ἀκρίβειαν κατέχων, ὑφ’ οὗ περιέχομαι πρὸς ἀκρίβειαν. ζητοῦμεν οὖν περὶ τοῦ τόπου <τοῦ> πρὸς ἀκρίβειαν. τοῦτον δὲ οἱ μὲν ἔθεσαν, οἱ δὲ ἀνεῖλον, οἱ δὲ ἐπέσχον περὶ αὐτοῦ.
Topos toinyn legetai dichos, kyrios kai katachrestikos, katachrestikos men [hos] ho en platei, hos emou he polis, kyrios de ho pros akribeian katechon, hyph’ hou periechomai pros akribeian. zetoumen oun peri tou topou <tou> pros akribeian. touton de ohi men ethesan, ohi de aneilon, ohi de epeschon peri autou.
ὧν οἱ μὲν ὑπάρχειν αὐτὸν φάσκοντες ἐπὶ τὴν ἐνάργειαν καταφεύγουσιν. τίς γὰρ ἄν, φασί, λέξειε μὴ εἶναι τόπον ὁρῶν τὰ μέρη τοῦ τόπου, οἷον τὰ δεξιὰ τὰ ἀριστερά, τὰ ἄνω τὰ κάτω, ἔμπροσθεν ὀπίσω, καὶ ἄλλοτε ἀλλαχοῦ γιγνόμενος, βλέπων τε, ὅτι ἔνθα ὁ ὑφηγητὴς ὁ ἐμὸς διελέγετο, ἐνταῦθα ἐγὼ νῦν διαλέγομαι, τόπον τε διάφορον καταλαμβάνων τῶν κούφων φύσει καὶ τῶν φύσει βαρέων,
hon ohi men hyparchein auton phaskontes epi ten enargeian katapheugousin. tis gar an, phasi, lexeie me einai topon horon ta mere tou topou, ohion ta dexia ta aristera, ta ano ta kato, emprosthen opiso, kai allote allachou gignomenos, blepon te, hoti entha ho hyphegetes ho emos dielegeto, entautha ego nyn dialegomai, topon te diaphoron katalambanon ton kouphon physei kai ton physei bareon,
ἔτι καὶ τῶν ἀρχαίων ἀκούων λεγόντων ‘ἤτοι μὲν γὰρ πρῶτα χάος ἐγένετο’. εἶναι γάρ φασι χάος τὸν τόπον ἀπὸ τοῦ χωρητικὸν αὐτὸν εἶναι τῶν ἐν αὐτῷ γινομένων. εἴγε μὴν ἔστι τι σῶμα, φασίν, ἔστι καὶ ὁ τόπος· ἄνευ γὰρ τούτου οὐκ ἂν εἴη τὸ σῶμα. καὶ εἰ ἔστι τὸ ὑφ’ οὗ καὶ τὸ ἐξ οὗ, ἔστι καὶ τὸ ἐν ᾧ, ὅπερ ἐστὶν ὁ τόπος· τὸ δὲ πρῶτον ἐν ἑκατέρῳ· τὸ ἄρα δεύτερον ἐν ἀμφοτέροις.
eti kai ton archaion akouon legonton ‘etoi men gar prota chaos egeneto’. einai gar phasi chaos ton topon apo tou choretikon auton einai ton en auto ginomenon. eige men esti ti soma, phasin, esti kai ho topos; aneu gar toutou ouk an eie to soma. kai ei esti to hyph’ hou kai to ex hou, esti kai to en ho, hoper estin ho topos; to de proton en hekatero; to ara deuteron en amphoterois.
οἱ δὲ ἀναιροῦντες τὸν τόπον οὔτε τὰ μέρη τοῦ τόπου διδόασιν εἶναι· μηδὲν γὰρ εἶναι τὸν τόπον παρὰ τὰ τούτου μέρη, καὶ τὸν συνάγειν πειρώμενον, ὅτι ἔστιν ὁ τόπος ἐκ τοῦ τὰ μέρη αὐτοῦ ὡς ὄντα λαμβάνειν, τὸ ζητούμενον δι’ ἑαυτοῦ κατασκευάζειν βούλεσθαι. ὁμοίως δὲ ληρεῖν καὶ τοὺς ἔν τινι τόπῳ γίνεσθαί τι ἢ γεγονέναι φάσκοντας, ὅλως μὴ διδομένου τοῦ τόπου. συναρπάζειν δὲ αὐτοὺς καὶ τὴν τοῦ σώματος ὕπαρξιν μὴ διδομένην αὐτόθεν· καὶ τὸ ἐξ οὗ καὶ τὸ ὑφ’ οὗ δείκνυσθαι ἀνύπαρκτα παραπλησίως τῷ τόπῳ.
ohi de anairountes ton topon oute ta mere tou topou didoasin einai; meden gar einai ton topon para ta toutou mere, kai ton synagein peiromenon, hoti estin ho topos ek tou ta mere autou hos onta lambanein, to zetoumenon di’ heautou kataskeuazein boulesthai. homoios de lerein kai tous en tini topo ginesthai ti e gegonenai phaskontas, holos me didomenou tou topou. synarpazein de autous kai ten tou somatos hyparxin me didomenen autothen; kai to ex hou kai to hyph’ hou deiknysthai anyparkta paraplesios to topo.
τόν τε Ἡσίοδον μὴ ἀξιόχρεων εἶναι κριτὴν τῶν κατὰ φιλοσοφίαν. καὶ οὕτω διακρουόμενοι τὰ εἰς κατασκευὴν φερόμενα τοῦ εἶναι τόπον, ἤδη καὶ ποικιλώτερον κατασκευάζουσιν, ὅτι ἀνύπαρκτός ἐστι, ταῖς ἐμβριθεστέραις εἶναι δοκούσαις τῶν δογματικῶν στάσεσι περὶ τοῦ τόπου προσχρώμενοι, τῇ τε τῶν Στωικῶν καὶ τῇ τῶν Περιπατητικῶν, τὸν τρόπον τοῦτον.
ton te Hesiodon me axiochreon einai kriten ton kata philosophian. kai houto diakrouomenoi ta eis kataskeuen pheromena tou einai topon, ede kai poikiloteron kataskeuazousin, hoti anyparktos esti, tais embrithesterais einai dokousais ton dogmatikon stasesi peri tou topou proschromenoi, te te ton Stoikon kai te ton Peripatetikon, ton tropon touton.
Οἱ Στωικοί φασι κενὸν μὲν εἶναι τὸ οἷόν τε ὑπὸ ὄντος κατέχεσθαι μὴ κατεχόμενον δέ, ἢ διάστημα ἔρημον σώματος, ἢ διάστημα ἀκαθεκτούμενον ὑπὸ σώματος, τόπον δὲ διάστημα ὑπὸ ὄντος κατεχόμενον καὶ ἐξισαζόμενον τῷ κατέχοντι αὐτόν, νῦν ὂν καλοῦντες τὸ σῶμα, χώραν δὲ διάστημα κατὰ μέν τι κατεχόμενον ὑπὸ σώματος κατὰ δέ τι ἀκαθεκτούμενον, ἐνίων χώραν εἰπόντων εἶναι τὸν τόπον τοῦ μεγάλου σώματος, ὡς ἐν μεγέθει τὴν διαφορὰν εἶναι τοῦ τε τόπου καὶ τῆς χώρας.
Ohi Stoikoi phasi kenon men einai to ohion te hypo ontos katechesthai me katechomenon de, e diastema eremon somatos, e diastema akathektoumenon hypo somatos, topon de diastema hypo ontos katechomenon kai exisazomenon to katechonti auton, nyn on kalountes to soma, choran de diastema kata men ti katechomenon hypo somatos kata de ti akathektoumenon, enion choran eiponton einai ton topon tou megalou somatos, hos en megethei ten diaphoran einai tou te topou kai tes choras.
λέγεται οὖν, ὅτι ἐπειδὴ διάστημα ὑπὸ σώματος κατεχόμενόν φασιν εἶναι τὸν τόπον, πῶς καὶ λέγουσιν αὐτὸν εἶναι διάστημα; πότερον τὸ μῆκος τοῦ σώματος ἢ τὸ πλάτος ἢ τὸ βάθος μόνον ἢ τὰς τρεῖς διαστάσεις; εἰ μὲν γὰρ μίαν διάστασιν, οὐκ ἐξισάζεται ὁ τόπος τῷ οὗ τόπος ἐστίν, πρὸς τῷ καὶ μέρος τοῦ περιεχομένου τὸ περιέχον εἶναι, ὃ παντάπασιν ἀπεμφαίνει.
legetai oun, hoti epeide diastema hypo somatos katechomenon phasin einai ton topon, pos kai legousin auton einai diastema? poteron to mekos tou somatos e to platos e to bathos monon e tas treis diastaseis? ei men gar mian diastasin, ouk exisazetai ho topos to hou topos estin, pros to kai meros tou periechomenou to periechon einai, ho pantapasin apemphainei.
εἰ δὲ αἱ τρεῖς διαστάσεις, ἐπεὶ οὔτε κενὸν ὑπόκειται ἐν τῷ λεγομένῳ τόπῳ οὔτε ἄλλο σῶμα διάστασιν ἔχον, μόνον δὲ τὸ ἐν τόπῳ λεγόμενον εἶναι σῶμα οὐ συνέστηκεν ἐκ τῶν διαστάσεων ἔστι γὰρ τοῦτο μῆκος καὶ πλάτος καὶ βάθος καὶ ἀντιτυπία, ἣ δὴ συμβεβηκέναι λέγεται ταῖς διαστάσεσι ταῖς προειρημέναις), αὐτὸ τὸ σῶμα ἔσται ἑαυτοῦ τόπος, καὶ τὸ αὐτὸ περιέχον καὶ περιεχόμενον, ὅπερ ἄτοπον. οὐκ ἄρα ἔστι τις διάστασις τόπου ὑποκειμένου. διὰ δὲ τοῦτο οὐδὲ ἔστι τι ὁ τόπος.
ei de ahi treis diastaseis, epei oute kenon hypokeitai en to legomeno topo oute allo soma diastasin echon, monon de to en topo legomenon einai soma ou synesteken ek ton diastaseon esti gar touto mekos kai platos kai bathos kai antitypia, he de symbebekenai legetai tais diastasesi tais proeiremenais), auto to soma estai heautou topos, kai to auto periechon kai periechomenon, hoper atopon. ouk ara esti tis diastasis topou hypokeimenou. dia de touto oude esti ti ho topos.
ἐρωτᾶται δὲ καὶ οὗτος ὁ λόγος. ἐπεὶ διπλαῖ αἱ διαστάσεις οὐ θεωροῦνται καθ’ ἕκαστον τῶν ἐν τόπῳ εἶναι λεγομένων, ἀλλ’ ‘ἓν μῆκος καὶ ‘ἓν πλάτος καὶ ἓν βάθος, πότερον μόνου τοῦ σώματός εἰσιν αἱ διαστάσεις αὗται ἢ μόνου τοῦ τόπου ἢ ἀμφοτέρων; ἀλλ’ εἰ μὲν μόνου τοῦ τόπου, οὐχ ἕξει τὸ σῶμα ἴδιον μῆκος οὐδὲ πλάτος οὐδὲ βάθος οὐθέν, ὥστε οὐδὲ σῶμα ἔσται τὸ σῶμα, ὅπερ ἄτοπον.
erotatai de kai houtos ho logos. epei diplai ahi diastaseis ou theorountai kath’ hekaston ton en topo einai legomenon, all’ ‘hen mekos kai ‘hen platos kai hen bathos, poteron monou tou somatos eisin ahi diastaseis hautai e monou tou topou e amphoteron? all’ ei men monou tou topou, ouch hexei to soma idion mekos oude platos oude bathos outhen, hoste oude soma estai to soma, hoper atopon.
εἰ δὲ ἀμφοτέρων, ἐπεὶ τὸ κενὸν οὐδεμίαν ὑπόστασιν ἔχει παρὰ τὰς διαστάσεις, εἰ αἱ διαστάσεις αἱ τοῦ κενοῦ ὑπόκεινται ἐν τῷ σώματι συστατικαὶ οὖσαι αὐτοῦ τοῦ σώματος, τὰ τοῦ κενοῦ συστατικὰ καὶ τοῦ σώματος ἔσται συστατικά. περὶ μὲν γὰρ τῆς ὑπάρξεως τῆς ἀντιτυπίας οὐκ ἔστι διαβεβαιώσασθαι, καθάπερ ἔμπροσθεν ὑπεμνήσαμεν· μόνων δὲ τῶν διαστάσεων φαινομένων κατὰ τὸ λεγόμενον σῶμα, αἵπερ εἰσὶ τοῦ κενοῦ καὶ αἱ αὐταὶ τῷ κενῷ, κενὸν ἔσται τὸ σῶμα· ὅπερ ἄτοπον. εἰ δὲ μόνου τοῦ σώματός εἰσιν αἱ διαστάσεις, οὐδεμία ἔσται διάστασις τόπου, διόπερ οὐδὲ ὁ τόπος. εἰ τοίνυν κατ’ οὐδένα τῶν προειρημένων τρόπων εὑρίσκεται τόπου διάστασις, οὐδὲ ἔστιν ὁ τόπος.
ei de amphoteron, epei to kenon oudemian hypostasin echei para tas diastaseis, ei ahi diastaseis ahi tou kenou hypokeintai en to somati systatikai ousai autou tou somatos, ta tou kenou systatika kai tou somatos estai systatika. peri men gar tes hyparxeos tes antitypias ouk esti diabebaiosasthai, kathaper emprosthen hypemnesamen; monon de ton diastaseon phainomenon kata to legomenon soma, ahiper eisi tou kenou kai ahi autai to keno, kenon estai to soma; hoper atopon. ei de monou tou somatos eisin ahi diastaseis, oudemia estai diastasis topou, dioper oude ho topos. ei toinyn kat’ oudena ton proeiremenon tropon heurisketai topou diastasis, oude estin ho topos.
πρὸς τούτοις λέγεται, ὅτι ὅτε ἔπεισι τῷ κενῷ τὸ σῶμα καὶ γίνεται τόπος, ἤτοι ὑπομένει τὸ κενὸν ἢ ὑποχωρεῖ ἢ φθείρεται. ἀλλ’ εἰ μὲν ὑπομένει, τὸ αὐτὸ ἔσται καὶ πλῆρες καὶ κενόν· εἰ δὲ ὑποχωρεῖ κινούμενον μεταβατικῶς ἢ φθείρεται μεταβάλλον, σῶμα ἔσται τὸ κενόν· σώματος γὰρ ἴδιά ἐστι ταῦτα τὰ πάθη. ἄτοπον δὲ τὸ αὐτὸ λέγειν κενὸν καὶ πλῆρες, ἢ ὅτι σῶμά ἐστι τὸ κενόν. ἄτοπον ἄρα τὸ λέγειν οἷόν τε εἶναι τὸ κενὸν ὑπὸ σώματος κατασχεθῆναι καὶ γενέσθαι τόπον.
pros toutois legetai, hoti hote epeisi to keno to soma kai ginetai topos, etoi hypomenei to kenon e hypochorei e phtheiretai. all’ ei men hypomenei, to auto estai kai pleres kai kenon; ei de hypochorei kinoumenon metabatikos e phtheiretai metaballon, soma estai to kenon; somatos gar idia esti tauta ta pathe. atopon de to auto legein kenon kai pleres, e hoti soma esti to kenon. atopon ara to legein ohion te einai to kenon hypo somatos kataschethenai kai genesthai topon.
διὰ δὲ ταῦτα καὶ τὸ κενὸν ἀνυπόστατον εὑρίσκεται, εἴγε μὴ δυνατόν ἐστιν αὐτὸ κατασχεθῆναι ὑπὸ σώματος καὶ γενέσθαι τόπον· ἐλέγετο γὰρ κενὸν εἶναι ὃ οἷόν τε ὑπὸ σώματος κατασχεθῆναι. συμπεριτρέπεται δὲ τούτοις καὶ ἡ χώρα· εἴτε γὰρ ὁ μέγας τόπος ἐστὶ χώρα, συμπεριγράφεται τῷ τόπῳ, εἴτε ἡ κατὰ μέν τι ὑπὸ σώματος κατεχομένη, κατὰ δέ τι κενὴ διάστασις, ἀμφοτέροις συναναιρεῖται.
dia de tauta kai to kenon anypostaton heurisketai, eige me dynaton estin auto kataschethenai hypo somatos kai genesthai topon; elegeto gar kenon einai ho ohion te hypo somatos kataschethenai. symperitrepetai de toutois kai he chora; eite gar ho megas topos esti chora, symperigraphetai to topo, eite he kata men ti hypo somatos katechomene, kata de ti kene diastasis, amphoterois synanaireitai.
Ταῦτα μὲν οὖν καὶ ἔτι πλείω πρὸς τὴν στάσιν τῶν Στωικῶν περὶ τοῦ τόπου λέγεται· οἱ δὲ Περιπατητικοί.. φασιν εἶναι τόπον τὸ πέρας τοῦ περιέχοντος, καθὸ περιέχει, ὡς ἐμοῦ τόπον εἶναι τὴν ἐπιφάνειαν τοῦ ἀέρος τὴν περιτετυπωμένην τῷ ἐμῷ σώματι. ἀλλ’ εἴπερ τοῦτό ἐστιν ὁ τόπος, τὸ αὐτὸ καὶ ἔσται καὶ οὐκ ἔσται. ὅτε γὰρ μέλλει ἔν τινι τόπῳ γίνεσθαι τὸ σῶμα, καθὸ μὲν οὐδὲν δύναται γενέσθαι ἐν τῷ μὴ ὑπάρχοντι, δεῖ προϋπάρχειν τὸν τόπον, ἵνα οὕτως ἐν αὐτῷ γένηται τὸ σῶμα, καὶ διὰ τοῦτο ἔσται ὁ τόπος πρὶν ἐν αὐτῷ γενέσθαι τὸ ἐν τῷ τόπῳ σῶμα. καθὸ δὲ περιτυπουμένης τῆς τοῦ περιέχοντος ἐπιφανείας τῷ περιεχομένῳ ἀποτελεῖται, οὐ δύναται ὑποστῆναι ὁ τόπος πρὸ τοῦ ἐν αὐτῷ γενέσθαι τὸ σῶμα, καὶ διὰ τοῦτο οὐκ ἔσται τότε. ἄτοπον δὲ τὸ αὐτὸ λέγειν καὶ εἶναί τι καὶ μὴ εἶναι· οὐκ ἄρα ἐστὶ τόπος τὸ πέρας τοῦ περιέχοντος, καθὸ περιέχει.
Tauta men oun kai eti pleio pros ten stasin ton Stoikon peri tou topou legetai; ohi de Peripatetikoi.. phasin einai topon to peras tou periechontos, katho periechei, hos emou topon einai ten epiphaneian tou aeros ten peritetypomenen to emo somati. all’ eiper touto estin ho topos, to auto kai estai kai ouk estai. hote gar mellei en tini topo ginesthai to soma, katho men ouden dynatai genesthai en to me hyparchonti, dei proyparchein ton topon, hina houtos en auto genetai to soma, kai dia touto estai ho topos prin en auto genesthai to en to topo soma. katho de peritypoumenes tes tou periechontos epiphaneias to periechomeno apoteleitai, ou dynatai hypostenai ho topos pro tou en auto genesthai to soma, kai dia touto ouk estai tote. atopon de to auto legein kai einai ti kai me einai; ouk ara esti topos to peras tou periechontos, katho periechei.
πρὸς τούτοις, εἴ ἐστί τι ὁ τόπος, ἤτοι γεννητός ἐστιν ἢ ἀγέννητος. ἀγέννητος μὲν οὖν οὔκ ἐστιν· περιτυπούμενος γάρ, φασίν, τῷ ἐν αὐτῷ σώματι ἀποτελεῖται. ἀλλ’ οὐδὲ γεννητός· εἰ γάρ ἐστι γεννητός, ἤτοι ὅτε ἐν τόπῳ ἐστὶ τὸ σῶμα, τότε γίνεται ὁ τόπος ἐν ᾧ ἤδη λέγεται εἶναι τὸ ἐν τόπῳ, ἢ ὅτε οὔκ ἐστιν ἐν αὐτῷ.
pros toutois, ei esti ti ho topos, etoi gennetos estin e agennetos. agennetos men oun ouk estin; peritypoumenos gar, phasin, to en auto somati apoteleitai. all’ oude gennetos; ei gar esti gennetos, etoi hote en topo esti to soma, tote ginetai ho topos en ho ede legetai einai to en topo, e hote ouk estin en auto.
οὔτε δὲ ὅτε ἐν αὐτῷ ἐστιν ἔστι γὰρ ἤδη τοῦ ἐν αὐτῷ σώματος ὁ τόπος) οὔτε ὅτε οὔκ ἐστιν ἐν αὐτῷ, εἴγε περιτυποῦται μέν, ὡς φασίν, τῷ περιεχομένῳ τὸ περιέχον καὶ οὕτω γίνεται τόπος, τῷ δὲ μὴ ἐν αὐτῷ ὄντι οὐδὲν δύναται περιτυπωθῆναι. εἰ δὲ μήτε ὅτε ἐν τόπῳ ἐστὶ τὸ σῶμα, μήτε ὅτε οὔκ ἐστιν ἐν αὐτῷ, γίνεται ὁ τόπος, παρὰ δὲ ταῦτα οὐδὲν ἔστιν ἐπινοεῖν, οὐδὲ γεννητός ἐστιν ὁ τόπος. εἰ δὲ μήτε γεννητός ἐστι μήτε ἀγέννητος, οὐδὲ ἔστιν.
oute de hote en auto estin esti gar ede tou en auto somatos ho topos) oute hote ouk estin en auto, eige peritypoutai men, hos phasin, to periechomeno to periechon kai houto ginetai topos, to de me en auto onti ouden dynatai peritypothenai. ei de mete hote en topo esti to soma, mete hote ouk estin en auto, ginetai ho topos, para de tauta ouden estin epinoein, oude gennetos estin ho topos. ei de mete gennetos esti mete agennetos, oude estin.
κοινότερον δὲ καὶ ταῦτα δύναται λέγεσθαι. εἴ ἐστί τι ὁ τόπος, ἤτοι σῶμά ἐστιν ἢ ἀσώματον· ἑκάτερον δὲ τούτων ἀπορεῖται, ὡς ὑπεμνήσαμεν· καὶ ὁ τόπος ἄρα ἐστὶν ἄπορος. ὁ τόπος πρὸς τῷ σώματι νοεῖται, οὗ ἐστι τόπος· ἄπορος δέ ἐστιν ὁ περὶ τῆς ὑπάρξεως τοῦ σώματος λόγος· καὶ ὁ περὶ τοῦ τόπου ἄρα. ὁ τόπος ἑκάστου ἀίδιος μὲν οὔκ ἐστιν, γίνεσθαι δὲ λεγόμενος ἀνυπόστατος εὑρίσκεται γενέσεως μὴ ὑπαρχούσης.
koinoteron de kai tauta dynatai legesthai. ei esti ti ho topos, etoi soma estin e asomaton; hekateron de touton aporeitai, hos hypemnesamen; kai ho topos ara estin aporos. ho topos pros to somati noeitai, hou esti topos; aporos de estin ho peri tes hyparxeos tou somatos logos; kai ho peri tou topou ara. ho topos hekastou aidios men ouk estin, ginesthai de legomenos anypostatos heurisketai geneseos me hyparchouses.
Ἔνεστι δὲ καὶ ἄλλα πλείω λέγειν. ἀλλ’ ἵνα μὴ τὸν λόγον μηκύνωμεν, ἐκεῖνο ἐπακτέον, ὅτι τοὺς σκεπτικοὺς ἐντρέπουσι μὲν οἱ λόγοι, δυσωπεῖ δὲ καὶ ἡ ἐνάργεια. διόπερ οὐθετέρῳ προστιθέμεθα ὅσον ἐπὶ τοῖς λεγομένοις ὑπὸ τῶν δογματικῶν, ἀλλ’ ἐπέχομεν περὶ τοῦ τόπου.
Enesti de kai alla pleio legein. all’ hina me ton logon mekynomen, ekeino epakteon, hoti tous skeptikous entrepousi men ohi logoi, dysopei de kai he enargeia. dioper outhetero prostithemetha hoson epi tois legomenois hypo ton dogmatikon, all’ epechomen peri tou topou.