Book 3, § 11 — Outlines of Pyrrhonism

Τῷ δὲ αὐτῷ χρώμενοι λογισμῷ καὶ περὶ αὐξήσεώς τε καὶ περὶ μειώσεως ἐπέχομεν· ἡ γὰρ ἐνάργεια δοκεῖ τὴν ὑπόστασιν αὐτῶν εἰσάγειν, ἣν οἱ λόγοι διατρέπειν δοκοῦσιν. ἤ θέασαι γοῦν· τὸ αὐξόμενον ὂν καὶ ὑφεστὼς εἰς μέγεθος ἐπιδιδόναι προσήκει, ὡς εἴγε ἑτέρῳ προσθέσεως γενομένης ἕτερον ηὐξηκέναι τις λέγοι, ψεύσεται. ἐπεὶ τοίνυν ἡ οὐσία οὐδέποτε ἕστηκεν, ἀλλ’ ἀεὶ ῥεῖ τε καὶ ἑτέρα ἀνθ’ ἑτέρας ἐπεισκρίνεται, τὸ ηὐξηκέναι λεγόμενον οὐκ ἔχει τὴν προτέραν οὐσίαν καὶ μετὰ ταύτης ἄλλην τὴν προστεθεῖσαν ἀλλ’ ὅλην ἑτέραν.

To de auto chromenoi logismo kai peri auxeseos te kai peri meioseos epechomen; he gar enargeia dokei ten hypostasin auton eisagein, hen ohi logoi diatrepein dokousin. e theasai goun; to auxomenon on kai hyphestos eis megethos epididonai prosekei, hos eige hetero prostheseos genomenes heteron euxekenai tis legoi, pseusetai. epei toinyn he ousia oudepote hesteken, all’ aei rhei te kai hetera anth’ heteras epeiskrinetai, to euxekenai legomenon ouk echei ten proteran ousian kai meta tautes allen ten prostetheisan all’ holen heteran.

ὥσπερ οὖν εἰ, λόγου χάριν, ξύλου τριπήχεος ὄντος δεκάπηχυ ἕτερον ἀγαγών τις ηὐξηκέναι τὸ τρίπηχυ λέγοι, ψεύσεται διὰ τὸ ὅλον ἕτερον εἶναι τοῦτο ἐκείνου, οὕτω καὶ ἐπὶ παντὸς τοῦ αὔξεσθαι λεγομένου, τῆς προτέρας ὕλης ἀπορρεούσης καὶ ἑτέρας ἐπεισιούσης, εἰ προστίθεται τὸ προστίθεσθαι λεγόμενον, οὐκ ἂν αὔξησίν τις εἴποι τὸ τοιοῦτον εἶναι, ἀλλ’ ἐξ ὅλου ἑτεροίωσιν.

hosper oun ei, logou charin, xylou tripecheos ontos dekapechy heteron agagon tis euxekenai to tripechy legoi, pseusetai dia to holon heteron einai touto ekeinou, houto kai epi pantos tou auxesthai legomenou, tes proteras hyles aporreouses kai heteras epeisiouses, ei prostithetai to prostithesthai legomenon, ouk an auxesin tis eipoi to toiouton einai, all’ ex holou heteroiosin.

ὁ δὲ αὐτὸς καὶ περὶ τῆς μειώσεως λόγος· τὸ γὰρ μὴ ὑφεστὼς ὅλως πῶς ἂν μεμειῶσθαι λέγοιτο; πρὸς δὲ τούτοις, εἰ ἡ μὲν μείωσις γίνεται κατὰ ἀφαίρεσιν, ἡ δὲ αὔξησις κατὰ πρόσθεσιν, οὐδὲν δέ ἐστιν οὔτε ἀφαίρεσις οὔτε πρόσθεσις, οὐκοῦν οὐδὲ ἡ μείωσις οὐδὲ ἡ αὔξησις ἔστι τι.

ho de autos kai peri tes meioseos logos; to gar me hyphestos holos pos an memeiosthai legoito? pros de toutois, ei he men meiosis ginetai kata aphairesin, he de auxesis kata prosthesin, ouden de estin oute aphairesis oute prosthesis, oukoun oude he meiosis oude he auxesis esti ti.