Book 2, § 4 — Outlines of Pyrrhonism

Τῶν διαλαβόντων τοίνυν περὶ κριτηρίου οἱ μὲν εἶναι τοῦτο ἀπεφήναντο, ὡς οἱ Στωικοὶ καὶ ἄλλοι τινές, οἱ δὲ μὴ εἶναι, ὡς ἄλλοι τε καὶ ὁ Κορίνθιος Ξενιάδης καὶ Ξενοφάνης ὁ Κολοφώνιος, λέγων

Ton dialabonton toinyn peri kriteriou ohi men einai touto apephenanto, hos ohi Stoikoi kai alloi tines, ohi de me einai, hos alloi te kai ho Korinthios Xeniades kai Xenophanes ho Kolophonios, legon

δόκος δ’ ἐπὶ πᾶσι τέτυκται·

dokos d’ epi pasi tetyktai;

ἡμεῖς δ’ ἐπέσχομεν, πότερον ἔστιν ἢ οὐκ ἔστιν.

hemeis d’ epeschomen, poteron estin e ouk estin.

ταύτην οὖν τὴν διαφωνίαν ἤτοι ἐπικριτὴν εἶναι φήσουσιν ἢ ἀνεπίκριτον· καὶ εἰ μὲν ἀνεπίκριτον, αὐτόθεν [εἶναι] δώσουσι τὸ δεῖν ἐπέχειν, εἰ δὲ ἐπικριτήν, τίνι κριθήσεται λεγέτωσαν, μήτε κριτήριον ὁμολογούμενον ἡμῶν ἐχόντων, μήθ’ ὅλως εἰ ἔστιν εἰδότων ἀλλὰ ζητούντων.

tauten oun ten diaphonian etoi epikriten einai phesousin e anepikriton; kai ei men anepikriton, autothen [einai] dosousi to dein epechein, ei de epikriten, tini krithesetai legetosan, mete kriterion homologoumenon hemon echonton, meth’ holos ei estin eidoton alla zetounton.

καὶ ἄλλως, ἵνα ἡ γενομένη περὶ τοῦ κριτηρίου διαφωνία ἐπικριθῇ, δεῖ κριτήριον ἡμᾶς ἔχειν ὡμολογημένον, δι’ οὗ δυνησόμεθα κρίνειν αὐτήν· καὶ ἵνα κριτήριον ὁμολογούμενον ἔχωμεν, δεῖ πρότερον ἐπικριθῆναι τὴν περὶ τοῦ κριτηρίου διαφωνίαν. οὕτω δὲ εἰς τὸν διάλληλον ἐμπίπτοντος τρόπον τοῦ λόγου, ἄπορος ἡ εὕρεσις τοῦ κριτηρίου γίνεται, μήτε ἐξ ὑποθέσεως ἡμῶν ἐώντων αὐτοὺς κριτήριον λαμβάνειν, ἐάν τε κριτηρίῳ τὸ κριτήριον κρίνειν ἐθέλωσιν, εἰς ἀπειρίαν αὐτοὺς ἐκβαλλόντων. ἀλλὰ καί, ἐπεὶ ἡ μὲν ἀπόδειξις δεῖται κριτηρίου ἀποδεδειγμένου, τὸ δὲ κριτήριον ἀποδείξεως κεκριμένης, εἰς τὸν διάλληλον ἐκβάλλονται τρόπον.

kai allos, hina he genomene peri tou kriteriou diaphonia epikrithe, dei kriterion hemas echein homologemenon, di’ hou dynesometha krinein auten; kai hina kriterion homologoumenon echomen, dei proteron epikrithenai ten peri tou kriteriou diaphonian. houto de eis ton diallelon empiptontos tropon tou logou, aporos he heuresis tou kriteriou ginetai, mete ex hypotheseos hemon eonton autous kriterion lambanein, ean te kriterio to kriterion krinein ethelosin, eis apeirian autous ekballonton. alla kai, epei he men apodeixis deitai kriteriou apodedeigmenou, to de kriterion apodeixeos kekrimenes, eis ton diallelon ekballontai tropon.

Οἰόμενοι οὖν ἱκανὰ καὶ ταῦτα εἶναι δεικνύναι τὴν τῶν δογματικῶν προπέτειαν κατὰ τὸν περὶ τοῦ κριτηρίου λόγον, ἵνα καὶ ποικίλως αὐτοὺς ἐλέγχειν ἔχωμεν, οὐκ ἄτοπον προσκαρτερῆσαι τῷ τόπῳ. οὐ μὴν ἑκάστῃ τῶν περὶ κριτηρίου δοξῶν ἁμιλληθῆναι προαιρούμεθα εἰδικῶς (ἀμύθητος γὰρ ἡ διαφωνία γέγονεν, καὶ οὕτως εἰς ἀμέθοδον καὶ ἡμᾶς λόγον ἐμπεσεῖν ἀναγκαῖον ἔσται), ἀλλ’ ἐπεὶ τὸ κριτήριον περὶ οὗ ζητοῦμεν τρισσὸν εἶναι δοκεῖ, τό τε ὑφ’ οὗ καὶ τὸ δι’ οὗ καὶ τὸ καθ’ ὅ, ἕκαστον τούτων ἐπελθόντες ἐν μέρει τὴν ἀκαταληψίαν αὐτοῦ παραστήσομεν· οὕτω γὰρ ἐμμέθοδος ἅμα καὶ τέλειος ἡμῖν ὁ λόγος ἔσται. ἀρξώμεθα δὲ ἀπὸ τοῦ ὑφ’ οὗ· δοκεῖ γάρ πως συναπορεῖσθαι τούτῳ καὶ τὰ λοιπά.

Oiomenoi oun hikana kai tauta einai deiknynai ten ton dogmatikon propeteian kata ton peri tou kriteriou logon, hina kai poikilos autous elenchein echomen, ouk atopon proskarteresai to topo. ou men hekaste ton peri kriteriou doxon hamillethenai proairoumetha eidikos (amythetos gar he diaphonia gegonen, kai houtos eis amethodon kai hemas logon empesein anankaion estai), all’ epei to kriterion peri hou zetoumen trisson einai dokei, to te hyph’ hou kai to di’ hou kai to kath’ ho, hekaston touton epelthontes en merei ten akatalepsian autou parastesomen; houto gar emmethodos hama kai teleios hemin ho logos estai. arxometha de apo tou hyph’ hou; dokei gar pos synaporeisthai touto kai ta loipa.