Book 2, § 10 — Outlines of Pyrrhonism

Τῶν πραγμάτων τοίνυν κατὰ τοὺς δογματικοὺς τὰ μέν ἐστι πρόδηλα, τὰ δὲ ἄδηλα, καὶ τῶν ἀδήλων τὰ μὲν καθάπαξ ἄδηλα, τὰ δὲ πρὸς καιρὸν ἄδηλα, τὰ δὲ φύσει ἄδηλα. καὶ πρόδηλα μὲν εἶναί φασι τὰ ἐξ ἑαυτῶν εἰς γνῶσιν ἡμῖν ἐρχόμενα, οἷόν ἐστι τὸ ἡμέραν εἶναι, καθάπαξ δὲ ἄδηλα, ἃ μὴ πέφυκεν εἰς τὴν ἡμετέραν πίπτειν κατάληψιν, ὡς τὸ ἀρτίους εἶναι τοὺς ἀστέρας,

Ton pragmaton toinyn kata tous dogmatikous ta men esti prodela, ta de adela, kai ton adelon ta men kathapax adela, ta de pros kairon adela, ta de physei adela. kai prodela men einai phasi ta ex heauton eis gnosin hemin erchomena, ohion esti to hemeran einai, kathapax de adela, ha me pephyken eis ten hemeteran piptein katalepsin, hos to artious einai tous asteras,

πρὸς καιρὸν δὲ ἄδηλα ἅπερ τὴν φύσιν ἔχοντα ἐναργῆ παρά τινας ἔξωθεν περιστάσεις κατὰ καιρὸν ἡμῖν ἀδηλεῖται, ὡς ἐμοὶ νῦν ἡ τῶν Ἀθηναίων πόλις, φύσει δὲ ἄδηλα τὰ μὴ φύσιν ὑπὸ τὴν ἡμετέραν πίπτειν ἐνάργειαν, ὡς οἱ νοητοὶ πόροι· οὗτοι γὰρ οὐδέποτε ἐξ ἑαυτῶν φαίνονται, ἀλλ’ εἰ ἄρα, ἐξ ἑτέρων καταλαμβάνεσθαι ἂν νομισθεῖεν, οἷον τῶν ἱδρώτων ἤ τινος παραπλησίου.

pros kairon de adela haper ten physin echonta enarge para tinas exothen peristaseis kata kairon hemin adeleitai, hos emoi nyn he ton Athenaion polis, physei de adela ta me physin hypo ten hemeteran piptein enargeian, hos ohi noetoi poroi; houtoi gar oudepote ex heauton phainontai, all’ ei ara, ex heteron katalambanesthai an nomistheien, ohion ton hidroton e tinos paraplesiou.

τὰ μὲν οὖν πρόδηλα μὴ δεῖσθαι σημείου φασίν· ἐξ ἑαυτῶν γὰρ αὐτὰ καταλαμβάνεσθαι. ἀλλ’ οὐδὲ τὰ καθάπαξ ἄδηλα ἅτε δὴ μηδὲ τὴν ἀρχὴν καταλαμβανόμενα. τὰ δὲ πρὸς καιρὸν ἄδηλα καὶ τὰ φύσει ἄδηλα διὰ σημείων μὲν καταλαμβάνεσθαι, οὐ μὴν διὰ τῶν αὐτῶν, ἀλλὰ τὰ μὲν πρὸς καιρὸν ἄδηλα διὰ τῶν ὑπομνηστικῶν, τὰ δὲ φύσει ἄδηλα διὰ τῶν ἐνδεικτικῶν.

ta men oun prodela me deisthai semeiou phasin; ex heauton gar auta katalambanesthai. all’ oude ta kathapax adela hate de mede ten archen katalambanomena. ta de pros kairon adela kai ta physei adela dia semeion men katalambanesthai, ou men dia ton auton, alla ta men pros kairon adela dia ton hypomnestikon, ta de physei adela dia ton endeiktikon.

τῶν οὖν σημείων τὰ μέν ἐστιν ὑπομνηστικὰ κατ’ αὐτοὺς, τὰ δ’ ἐνδεικτικά. καὶ ὑπομνηστικὸν μὲν σημεῖον καλοῦσιν ὃ συμπαρατηρηθὲν τῷ σημειωτῷ δι’ ἐναργείας ἅμα τῷ ὑποπεσεῖν, ἐκείνου ἀδηλουμένου, ἄγει ἡμᾶς εἰς ὑπόμνησιν τοῦ συμπαρατηρηθέντος αὐτῷ καὶ νῦν ἐναργῶς μὴ ὑποπίπτοντος, ὡς ἔχει ἐπὶ τοῦ καπνοῦ καὶ τοῦ πυρός.

ton oun semeion ta men estin hypomnestika kat’ autous, ta d’ endeiktika. kai hypomnestikon men semeion kalousin ho symparaterethen to semeioto di’ enargeias hama to hypopesein, ekeinou adeloumenou, agei hemas eis hypomnesin tou symparaterethentos auto kai nyn enargos me hypopiptontos, hos echei epi tou kapnou kai tou pyros.

ἐνδεικτικὸν δέ ἐστι σημεῖον, ὥς φασιν, ὃ μὴ συμπαρατηρηθὲν τῷ σημειωτῷ δι’ ἐναργείας, ἀλλ’ ἐκ τῆς ἰδίας φύσεως καὶ κατασκευῆς σημαίνει τὸ οὗ ἐστι σημεῖον, ὡσπεροῦν αἱ περὶ τὸ σῶμα κινήσεις σημεῖά εἰσι τῆς ψυχῆς. ὅθεν καὶ ὁρίζονται τοῦτο τὸ σημεῖον οὕτως ῾σημεῖόν ἐστιν ἐνδεικτικὸν ἀξίωμα ἐν ὑγιεῖ συνημμένῳ προκαθηγούμενον, ἐκκαλυπτικὸν τοῦ λήγοντος.᾿

endeiktikon de esti semeion, hos phasin, ho me symparaterethen to semeioto di’ enargeias, all’ ek tes idias physeos kai kataskeues semainei to hou esti semeion, hosperoun ahi peri to soma kineseis semeia eisi tes psyches. hothen kai horizontai touto to semeion houtos ῾semeion estin endeiktikon axioma en hygiei synemmeno prokathegoumenon, ekkalyptikon tou legontos.᾿

διττῆς οὖν οὔσης τῶν σημείων διαφορᾶς, ὡς ἔφαμεν, οὐ πρὸς πᾶν σημεῖον ἀντιλέγομεν, ἀλλὰ πρὸς μόνον τὸ ἐνδεικτικὸν ὡς ὑπὸ τῶν δογματικῶν πεπλάσθαι δοκοῦν. τὸ γὰρ ὑπομνηστικὸν πεπίστευται ὑπὸ τοῦ βίου, ἐπεὶ καπνὸν ἰδών τις σημειοῦται πῦρ καὶ οὐλὴν θεασάμενος τραῦμα γεγενῆσθαι λέγει. ὅθεν οὐ μόνον οὐ μαχόμεθα τῷ βίῳ ἀλλὰ καὶ συναγωνιζόμεθα, τῷ μὲν ὑπ’ αὐτοῦ πεπιστευμένῳ ἀδοξάστως συγκατατιθέμενοι, τοῖς δ’ ὑπὸ τῶν δογματικῶν ἰδίως ἀναπλαττομένοις ἀνθιστάμενοι.

dittes oun ouses ton semeion diaphoras, hos ephamen, ou pros pan semeion antilegomen, alla pros monon to endeiktikon hos hypo ton dogmatikon peplasthai dokoun. to gar hypomnestikon pepisteutai hypo tou biou, epei kapnon idon tis semeioutai pyr kai oulen theasamenos trauma gegenesthai legei. hothen ou monon ou machometha to bio alla kai synagonizometha, to men hyp’ autou pepisteumeno adoxastos synkatatithemenoi, tois d’ hypo ton dogmatikon idios anaplattomenois anthistamenoi.

Ταῦτα μὲν οὖν ἥρμοζεν ἴσως προειπεῖν ὑπὲρ τῆς σαφηνείας τοῦ ζητουμένου· λοιπὸν δὲ ἐπὶ τὴν ἀντίρρησιν χωρῶμεν, οὐκ ἀνύπαρκτον δεῖξαι τὸ ἐνδεικτικὸν σημεῖον πάντως ἐσπουδακότες, ἀλλὰ τὴν φαινομένην ἰσοσθένειαν τῶν φερομένων λόγων πρός τε τὴν ὕπαρξιν αὐτοῦ καὶ τὴν ἀνυπαρξίαν ὑπομιμνῄσκοντες.

Tauta men oun hermozen isos proeipein hyper tes sapheneias tou zetoumenou; loipon de epi ten antirresin choromen, ouk anyparkton deixai to endeiktikon semeion pantos espoudakotes, alla ten phainomenen isostheneian ton pheromenon logon pros te ten hyparxin autou kai ten anyparxian hypomimneskontes.