Περὶ δὲ τοῦ ‘οὐδὲν ὁρίζω’ ταῦτα φαμέν. ὁρίζειν εἶναι νομίζομεν οὐχὶ τὸ ἁπλῶς λέγειν τι, ἀλλὰ τὸ πρᾶγμα ἄδηλον προφέρεσθαι μετὰ συγκαταθέσεως. οὕτω γὰρ οὐδὲν ὁρίζων ὁ σκεπτικὸς τάχα εὑρεθήσεται, οὐδὲ αὐτὸ τὸ ‘οὐδὲν ὁρίζω·’ οὐ γάρ ἐστι δογματικὴ ὑπόληψις, τουτέστιν ἀδήλῳ συγκατάθεσις, ἀλλὰ φωνὴ πάθους ἡμετέρου δηλωτική. ὅταν οὖν εἴπῃ ὁ σκεπτικὸς ‘οὐδὲν ‘ὁρίζω, τοῦτό φησιν ‘ἐγὼ οὕτω πέπονθα νῦν ὡς μηδὲν τῶν ὑπὸ τὴν ζήτησιν τήνδε πεπτωκότων τιθέναι δογματικῶς ἢ ἀναιρεῖν’. τοῦτο δέ φησι λέγων τὸ ἑαυτῷ φαινόμενον περὶ τῶν προκειμένων ἀπαγγελτικῶς, οὐ δογματικῶς μετὰ πεποιθήσεως ἀποφαινόμενος, ἀλλ’ ὃ πάσχει διηγούμενος.
Peri de tou ‘ouden horizo’ tauta phamen. horizein einai nomizomen ouchi to haplos legein ti, alla to pragma adelon propheresthai meta synkatatheseos. houto gar ouden horizon ho skeptikos tacha heurethesetai, oude auto to ‘ouden horizo;’ ou gar esti dogmatike hypolepsis, toutestin adelo synkatathesis, alla phone pathous hemeterou delotike. hotan oun eipe ho skeptikos ‘ouden ‘horizo, touto phesin ‘ego houto pepontha nyn hos meden ton hypo ten zetesin tende peptokoton tithenai dogmatikos e anairein’. touto de phesi legon to heauto phainomenon peri ton prokeimenon apangeltikos, ou dogmatikos meta pepoitheseos apophainomenos, all’ ho paschei diegoumenos.