Λέγω δέ, ἐφ’ ὅσον χρόνον ὁ κληρονόμος νήπιός ἐστιν, οὐδὲν διαφέρει δούλου κύριος πάντων ὤν, ἀλλὰ ὑπὸ ἐπιτρόπους ἐστὶ καὶ οἰκονόμους ἄχρι τῆς προθεσμίας τοῦ πατρός. οὕτως καὶ ἡμεῖς, ὅτε ἦμεν νήπιοι, ὑπὸ τὰ στοιχεῖα τοῦ κόσμου ἤμεθα δεδουλωμένοι· ὅτε δὲ ἦλθεν τὸ πλήρωμα τοῦ χρόνου, ἐξαπέστειλεν ὁ θεὸς τὸν υἱὸν αὐτοῦ, γενόμενον ἐκ γυναικός, γενόμενον ὑπὸ νόμον, ἵνα τοὺς ὑπὸ νόμον ἐξαγοράσῃ, ἵνα τὴν υἱοθεσίαν ἀπολάβωμεν. ὅτι δέ ἐστε υἱοί, ἐξαπέστειλεν ὁ θεὸς τὸ πνεῦμα τοῦ υἱοῦ αὐτοῦ εἰς τὰς καρδίας ἡμῶν, κρᾶζον· Αββα ὁ πατήρ. ὥστε οὐκέτι εἶ δοῦλος ἀλλὰ υἱός· εἰ δὲ υἱός, καὶ κληρονόμος διὰ θεοῦ.
Lego de, eph’ hoson chronon ho kleronomos nepios estin, ouden diapherei doulou kyrios panton on, alla hypo epitropous esti kai oikonomous achri tes prothesmias tou patros. houtos kai hemeis, hote emen nepioi, hypo ta stoicheia tou kosmou emetha dedoulomenoi; hote de elthen to pleroma tou chronou, exapesteilen ho theos ton yhion autou, genomenon ek gynaikos, genomenon hypo nomon, hina tous hypo nomon exagorase, hina ten yhiothesian apolabomen. hoti de este yhioi, exapesteilen ho theos to pneuma tou yhiou autou eis tas kardias hemon, krazon; Abba ho pater. hoste ouketi ei doulos alla yhios; ei de yhios, kai kleronomos dia theou.
Ἀλλὰ τότε μὲν οὐκ εἰδότες θεὸν ἐδουλεύσατε τοῖς φύσει μὴ οὖσι θεοῖς· νῦν δὲ γνόντες θεόν, μᾶλλον δὲ γνωσθέντες ὑπὸ θεοῦ, πῶς ἐπιστρέφετε πάλιν ἐπὶ τὰ ἀσθενῆ καὶ πτωχὰ στοιχεῖα, οἷς πάλιν ἄνωθεν δουλεύειν θέλετε; ἡμέρας παρατηρεῖσθε καὶ μῆνας καὶ καιροὺς καὶ ἐνιαυτούς. φοβοῦμαι ὑμᾶς μή πως εἰκῇ κεκοπίακα εἰς ὑμᾶς.
Alla tote men ouk eidotes theon edouleusate tois physei me ousi theois; nyn de gnontes theon, mallon de gnosthentes hypo theou, pos epistrephete palin epi ta asthene kai ptocha stoicheia, ohis palin anothen douleuein thelete? hemeras paratereisthe kai menas kai kairous kai eniautous. phoboumai hymas me pos eike kekopiaka eis hymas.
Γίνεσθε ὡς ἐγώ, ὅτι κἀγὼ ὡς ὑμεῖς, ἀδελφοί, δέομαι ὑμῶν. οὐδέν με ἠδικήσατε· οἴδατε δὲ ὅτι δι’ ἀσθένειαν τῆς σαρκὸς εὐηγγελισάμην ὑμῖν τὸ πρότερον, καὶ τὸν πειρασμὸν ὑμῶν ἐν τῇ σαρκί μου οὐκ ἐξουθενήσατε οὐδὲ ἐξεπτύσατε, ἀλλὰ ὡς ἄγγελον θεοῦ ἐδέξασθέ με, ὡς Χριστὸν Ἰησοῦν. ποῦ οὖν ὁ μακαρισμὸς ὑμῶν; μαρτυρῶ γὰρ ὑμῖν ὅτι εἰ δυνατὸν τοὺς ὀφθαλμοὺς ὑμῶν ἐξορύξαντες ἐδώκατέ μοι. ὥστε ἐχθρὸς ὑμῶν γέγονα ἀληθεύων ὑμῖν; ζηλοῦσιν ὑμᾶς οὐ καλῶς, ἀλλὰ ἐκκλεῖσαι ὑμᾶς θέλουσιν, ἵνα αὐτοὺς ζηλοῦτε. καλὸν δὲ ζηλοῦσθαι ἐν καλῷ πάντοτε, καὶ μὴ μόνον ἐν τῷ παρεῖναί με πρὸς ὑμᾶς, τέκνα μου, οὓς πάλιν ὠδίνω μέχρις οὗ μορφωθῇ Χριστὸς ἐν ὑμῖν· ἤθελον δὲ παρεῖναι πρὸς ὑμᾶς ἄρτι, καὶ ἀλλάξαι τὴν φωνήν μου, ὅτι ἀποροῦμαι ἐν ὑμῖν.
Ginesthe hos ego, hoti kago hos hymeis, adelphoi, deomai hymon. ouden me edikesate; oidate de hoti di’ astheneian tes sarkos euengelisamen hymin to proteron, kai ton peirasmon hymon en te sarki mou ouk exouthenesate oude exeptysate, alla hos angelon theou edexasthe me, hos Christon Iesoun. pou oun ho makarismos hymon? martyro gar hymin hoti ei dynaton tous ophthalmous hymon exoryxantes edokate moi. hoste echthros hymon gegona aletheuon hymin? zelousin hymas ou kalos, alla ekkleisai hymas thelousin, hina autous zeloute. kalon de zelousthai en kalo pantote, kai me monon en to pareinai me pros hymas, tekna mou, hous palin odino mechris hou morphothe Christos en hymin; ethelon de pareinai pros hymas arti, kai allaxai ten phonen mou, hoti aporoumai en hymin.
Λέγετέ μοι, οἱ ὑπὸ νόμον θέλοντες εἶναι, τὸν νόμον οὐκ ἀκούετε; γέγραπται γὰρ ὅτι Ἀβραὰμ δύο υἱοὺς ἔσχεν, ἕνα ἐκ τῆς παιδίσκης καὶ ἕνα ἐκ τῆς ἐλευθέρας· ἀλλ’ ὁ μὲν ἐκ τῆς παιδίσκης κατὰ σάρκα γεγέννηται, ὁ δὲ ἐκ τῆς ἐλευθέρας δι’ ἐπαγγελίας. ἅτινά ἐστιν ἀλληγορούμενα· αὗται γάρ εἰσιν δύο διαθῆκαι, μία μὲν ἀπὸ ὄρους Σινᾶ, εἰς δουλείαν γεννῶσα, ἥτις ἐστὶν Ἁγάρ, τὸ δὲ Ἁγὰρ Σινᾶ ὄρος ἐστὶν ἐν τῇ Ἀραβίᾳ, συστοιχεῖ δὲ τῇ νῦν Ἰερουσαλήμ, δουλεύει γὰρ μετὰ τῶν τέκνων αὐτῆς· ἡ δὲ ἄνω Ἰερουσαλὴμ ἐλευθέρα ἐστίν, ἥτις ἐστὶν μήτηρ ἡμῶν· γέγραπται γάρ· Εὐφράνθητι, στεῖρα ἡ οὐ τίκτουσα, ῥῆξον καὶ βόησον, ἡ οὐκ ὠδίνουσα· ὅτι πολλὰ τὰ τέκνα τῆς ἐρήμου μᾶλλον ἢ τῆς ἐχούσης τὸν ἄνδρα. ὑμεῖς δέ, ἀδελφοί, κατὰ Ἰσαὰκ ἐπαγγελίας τέκνα ἐστέ· ἀλλ’ ὥσπερ τότε ὁ κατὰ σάρκα γεννηθεὶς ἐδίωκε τὸν κατὰ πνεῦμα, οὕτως καὶ νῦν. ἀλλὰ τί λέγει ἡ γραφή; Ἔκβαλε τὴν παιδίσκην καὶ τὸν υἱὸν αὐτῆς, οὐ γὰρ μὴ κληρονομήσει ὁ υἱὸς τῆς παιδίσκης μετὰ τοῦ υἱοῦ τῆς ἐλευθέρας. διό, ἀδελφοί, οὐκ ἐσμὲν παιδίσκης τέκνα ἀλλὰ τῆς ἐλευθέρας.
Legete moi, ohi hypo nomon thelontes einai, ton nomon ouk akouete? gegraptai gar hoti Abraam dyo yhious eschen, hena ek tes paidiskes kai hena ek tes eleutheras; all’ ho men ek tes paidiskes kata sarka gegennetai, ho de ek tes eleutheras di’ epangelias. hatina estin allegoroumena; hautai gar eisin dyo diathekai, mia men apo orous Sina, eis douleian gennosa, hetis estin Hagar, to de Hagar Sina oros estin en te Arabia, systoichei de te nyn Ierousalem, douleuei gar meta ton teknon autes; he de ano Ierousalem eleuthera estin, hetis estin meter hemon; gegraptai gar; Euphrantheti, steira he ou tiktousa, rhexon kai boeson, he ouk odinousa; hoti polla ta tekna tes eremou mallon e tes echouses ton andra. hymeis de, adelphoi, kata Isaak epangelias tekna este; all’ hosper tote ho kata sarka gennetheis edioke ton kata pneuma, houtos kai nyn. alla ti legei he graphe? Ekbale ten paidisken kai ton yhion autes, ou gar me kleronomesei ho yhios tes paidiskes meta tou yhiou tes eleutheras. dio, adelphoi, ouk esmen paidiskes tekna alla tes eleutheras.