Book 8, § 5 — New Testament

Οἴδαμεν γὰρ ὅτι ἐὰν ἡ ἐπίγειος ἡμῶν οἰκία τοῦ σκήνους καταλυθῇ, οἰκοδομὴν ἐκ θεοῦ ἔχομεν οἰκίαν ἀχειροποίητον αἰώνιον ἐν τοῖς οὐρανοῖς. καὶ γὰρ ἐν τούτῳ στενάζομεν, τὸ οἰκητήριον ἡμῶν τὸ ἐξ οὐρανοῦ ἐπενδύσασθαι ἐπιποθοῦντες, εἴ γε καὶ ἐνδυσάμενοι οὐ γυμνοὶ εὑρεθησόμεθα. καὶ γὰρ οἱ ὄντες ἐν τῷ σκήνει στενάζομεν βαρούμενοι ἐφ’ ᾧ οὐ θέλομεν ἐκδύσασθαι ἀλλ’ ἐπενδύσασθαι, ἵνα καταποθῇ τὸ θνητὸν ὑπὸ τῆς ζωῆς. ὁ δὲ κατεργασάμενος ἡμᾶς εἰς αὐτὸ τοῦτο θεός, ὁ δοὺς ἡμῖν τὸν ἀρραβῶνα τοῦ πνεύματος.

Oidamen gar hoti ean he epigeios hemon oikia tou skenous katalythe, oikodomen ek theou echomen oikian acheiropoieton aionion en tois ouranois. kai gar en touto stenazomen, to oiketerion hemon to ex ouranou ependysasthai epipothountes, ei ge kai endysamenoi ou gymnoi heurethesometha. kai gar ohi ontes en to skenei stenazomen baroumenoi eph’ ho ou thelomen ekdysasthai all’ ependysasthai, hina katapothe to thneton hypo tes zoes. ho de katergasamenos hemas eis auto touto theos, ho dous hemin ton arrabona tou pneumatos.

Θαρροῦντες οὖν πάντοτε καὶ εἰδότες ὅτι ἐνδημοῦντες ἐν τῷ σώματι ἐκδημοῦμεν ἀπὸ τοῦ κυρίου, διὰ πίστεως γὰρ περιπατοῦμεν, οὐ διὰ εἴδους θαρροῦμεν δὲ καὶ εὐδοκοῦμεν μᾶλλον ἐκδημῆσαι ἐκ τοῦ σώματος καὶ ἐνδημῆσαι πρὸς τὸν κύριον· διὸ καὶ φιλοτιμούμεθα, εἴτε ἐνδημοῦντες εἴτε ἐκδημοῦντες, εὐάρεστοι αὐτῷ εἶναι. τοὺς γὰρ πάντας ἡμᾶς φανερωθῆναι δεῖ ἔμπροσθεν τοῦ βήματος τοῦ Χριστοῦ, ἵνα κομίσηται ἕκαστος τὰ διὰ τοῦ σώματος πρὸς ἃ ἔπραξεν, εἴτε ἀγαθὸν εἴτε φαῦλον.

Tharrountes oun pantote kai eidotes hoti endemountes en to somati ekdemoumen apo tou kyriou, dia pisteos gar peripatoumen, ou dia eidous tharroumen de kai eudokoumen mallon ekdemesai ek tou somatos kai endemesai pros ton kyrion; dio kai philotimoumetha, eite endemountes eite ekdemountes, euarestoi auto einai. tous gar pantas hemas phanerothenai dei emprosthen tou bematos tou Christou, hina komisetai hekastos ta dia tou somatos pros ha epraxen, eite agathon eite phaulon.

Εἰδότες οὖν τὸν φόβον τοῦ κυρίου ἀνθρώπους πείθομεν, θεῷ δὲ πεφανερώμεθα· ἐλπίζω δὲ καὶ ἐν ταῖς συνειδήσεσιν ὑμῶν πεφανερῶσθαι. οὐ πάλιν ἑαυτοὺς συνιστάνομεν ὑμῖν, ἀλλὰ ἀφορμὴν διδόντες ὑμῖν καυχήματος ὑπὲρ ἡμῶν, ἵνα ἔχητε πρὸς τοὺς ἐν προσώπῳ καυχωμένους καὶ μὴ ἐν καρδίᾳ. εἴτε γὰρ ἐξέστημεν, θεῷ· εἴτε σωφρονοῦμεν, ὑμῖν. ἡ γὰρ ἀγάπη τοῦ Χριστοῦ συνέχει ἡμᾶς, κρίναντας τοῦτο ὅτι εἷς ὑπὲρ πάντων ἀπέθανεν· ἄρα οἱ πάντες ἀπέθανον· καὶ ὑπὲρ πάντων ἀπέθανεν ἵνα οἱ ζῶντες μηκέτι ἑαυτοῖς ζῶσιν ἀλλὰ τῷ ὑπὲρ αὐτῶν ἀποθανόντι καὶ ἐγερθέντι.

Eidotes oun ton phobon tou kyriou anthropous peithomen, theo de pephanerometha; elpizo de kai en tais syneidesesin hymon pephanerosthai. ou palin heautous synistanomen hymin, alla aphormen didontes hymin kauchematos hyper hemon, hina echete pros tous en prosopo kauchomenous kai me en kardia. eite gar exestemen, theo; eite sophronoumen, hymin. he gar agape tou Christou synechei hemas, krinantas touto hoti ehis hyper panton apethanen; ara ohi pantes apethanon; kai hyper panton apethanen hina ohi zontes meketi heautois zosin alla to hyper auton apothanonti kai egerthenti.

Ὥστε ἡμεῖς ἀπὸ τοῦ νῦν οὐδένα οἴδαμεν κατὰ σάρκα· εἰ καὶ ἐγνώκαμεν κατὰ σάρκα Χριστόν, ἀλλὰ νῦν οὐκέτι γινώσκομεν. ὥστε εἴ τις ἐν Χριστῷ, καινὴ κτίσις· τὰ ἀρχαῖα παρῆλθεν, ἰδοὺ γέγονεν καινά· τὰ δὲ πάντα ἐκ τοῦ θεοῦ τοῦ καταλλάξαντος ἡμᾶς ἑαυτῷ διὰ Χριστοῦ καὶ δόντος ἡμῖν τὴν διακονίαν τῆς καταλλαγῆς, ὡς ὅτι θεὸς ἦν ἐν Χριστῷ κόσμον καταλλάσσων ἑαυτῷ, μὴ λογιζόμενος αὐτοῖς τὰ παραπτώματα αὐτῶν, καὶ θέμενος ἐν ἡμῖν τὸν λόγον τῆς καταλλαγῆς. ὑπὲρ Χριστοῦ οὖν πρεσβεύομεν ὡς τοῦ θεοῦ παρακαλοῦντος δι’ ἡμῶν· δεόμεθα ὑπὲρ Χριστοῦ, καταλλάγητε τῷ θεῷ. τὸν μὴ γνόντα ἁμαρτίαν ὑπὲρ ἡμῶν ἁμαρτίαν ἐποίησεν, ἵνα ἡμεῖς γενώμεθα δικαιοσύνη θεοῦ ἐν αὐτῷ.

Hoste hemeis apo tou nyn oudena oidamen kata sarka; ei kai egnokamen kata sarka Christon, alla nyn ouketi ginoskomen. hoste ei tis en Christo, kaine ktisis; ta archaia parelthen, idou gegonen kaina; ta de panta ek tou theou tou katallaxantos hemas heauto dia Christou kai dontos hemin ten diakonian tes katallages, hos hoti theos en en Christo kosmon katallasson heauto, me logizomenos autois ta paraptomata auton, kai themenos en hemin ton logon tes katallages. hyper Christou oun presbeuomen hos tou theou parakalountos di’ hemon; deometha hyper Christou, katallagete to theo. ton me gnonta hamartian hyper hemon hamartian epoiesen, hina hemeis genometha dikaiosyne theou en auto.