Book 6, § 15 — New Testament

Ὀφείλομεν δὲ ἡμεῖς οἱ δυνατοὶ τὰ ἀσθενήματα τῶν ἀδυνάτων βαστάζειν, καὶ μὴ ἑαυτοῖς ἀρέσκειν. ἕκαστος ἡμῶν τῷ πλησίον ἀρεσκέτω εἰς τὸ ἀγαθὸν πρὸς οἰκοδομήν· καὶ γὰρ ὁ Χριστὸς οὐχ ἑαυτῷ ἤρεσεν· ἀλλὰ καθὼς γέγραπται· Οἱ ὀνειδισμοὶ τῶν ὀνειδιζόντων σε ἐπέπεσαν ἐπ’ ἐμέ. ὅσα γὰρ προεγράφη, εἰς τὴν ἡμετέραν διδασκαλίαν ἐγράφη, ἵνα διὰ τῆς ὑπομονῆς καὶ διὰ τῆς παρακλήσεως τῶν γραφῶν τὴν ἐλπίδα ἔχωμεν. ὁ δὲ θεὸς τῆς ὑπομονῆς καὶ τῆς παρακλήσεως δῴη ὑμῖν τὸ αὐτὸ φρονεῖν ἐν ἀλλήλοις κατὰ Χριστὸν Ἰησοῦν, ἵνα ὁμοθυμαδὸν ἐν ἑνὶ στόματι δοξάζητε τὸν θεὸν καὶ πατέρα τοῦ κυρίου ἡμῶν Ἰησοῦ Χριστοῦ. Διὸ προσλαμβάνεσθε ἀλλήλους, καθὼς καὶ ὁ Χριστὸς προσελάβετο ὑμᾶς, εἰς δόξαν τοῦ θεοῦ. λέγω γὰρ Χριστὸν διάκονον γεγενῆσθαι περιτομῆς ὑπὲρ ἀληθείας θεοῦ, εἰς τὸ βεβαιῶσαι τὰς ἐπαγγελίας τῶν πατέρων, τὰ δὲ ἔθνη ὑπὲρ ἐλέους δοξάσαι τὸν θεόν· καθὼς γέγραπται· Διὰ τοῦτο ἐξομολογήσομαί σοι ἐν ἔθνεσι, καὶ τῷ ὀνόματί σου ψαλῶ. καὶ πάλιν λέγει· Εὐφράνθητε, ἔθνη, μετὰ τοῦ λαοῦ αὐτοῦ. καὶ πάλιν· Αἰνεῖτε, πάντα τὰ ἔθνη, τὸν κύριον, καὶ ἐπαινεσάτωσαν αὐτὸν πάντες οἱ λαοί. καὶ πάλιν Ἠσαΐας λέγει· Ἔσται ἡ ῥίζα τοῦ Ἰεσσαί, καὶ ὁ ἀνιστάμενος ἄρχειν ἐθνῶν· ἐπ’ αὐτῷ ἔθνη ἐλπιοῦσιν. ὁ δὲ θεὸς τῆς ἐλπίδος πληρώσαι ὑμᾶς πάσης χαρᾶς καὶ εἰρήνης ἐν τῷ πιστεύειν, εἰς τὸ περισσεύειν ὑμᾶς ἐν τῇ ἐλπίδι ἐν δυνάμει πνεύματος ἁγίου. Πέπεισμαι δέ, ἀδελφοί μου, καὶ αὐτὸς ἐγὼ περὶ ὑμῶν, ὅτι καὶ αὐτοὶ μεστοί ἐστε ἀγαθωσύνης, πεπληρωμένοι πάσης γνώσεως, δυνάμενοι καὶ ἀλλήλους νουθετεῖν. τολμηρότερον δὲ ἔγραψα ὑμῖν ἀπὸ μέρους, ὡς ἐπαναμιμνῄσκων ὑμᾶς, διὰ τὴν χάριν τὴν δοθεῖσάν μοι ὑπὸ τοῦ θεοῦ εἰς τὸ εἶναί με λειτουργὸν Χριστοῦ Ἰησοῦ εἰς τὰ ἔθνη, ἱερουργοῦντα τὸ εὐαγγέλιον τοῦ θεοῦ, ἵνα γένηται ἡ προσφορὰ τῶν ἐθνῶν εὐπρόσδεκτος, ἡγιασμένη ἐν πνεύματι ἁγίῳ. ἔχω οὖν τὴν καύχησιν ἐν Χριστῷ Ἰησοῦ τὰ πρὸς τὸν θεόν· οὐ γὰρ τολμήσω τι λαλεῖν ὧν οὐ κατειργάσατο Χριστὸς δι’ ἐμοῦ εἰς ὑπακοὴν ἐθνῶν, λόγῳ καὶ ἔργῳ, ἐν δυνάμει σημείων καὶ τεράτων, ἐν δυνάμει πνεύματος· ὥστε με ἀπὸ Ἰερουσαλὴμ καὶ κύκλῳ μέχρι τοῦ Ἰλλυρικοῦ πεπληρωκέναι τὸ εὐαγγέλιον τοῦ Χριστοῦ, οὕτως δὲ φιλοτιμούμενον εὐαγγελίζεσθαι οὐχ ὅπου ὠνομάσθη Χριστός, ἵνα μὴ ἐπ’ ἀλλότριον θεμέλιον οἰκοδομῶ, ἀλλὰ καθὼς γέγραπται· Οἷς οὐκ ἀνηγγέλη περὶ αὐτοῦ ὄψονται, καὶ οἳ οὐκ ἀκηκόασιν συνήσουσιν. Διὸ καὶ ἐνεκοπτόμην τὰ πολλὰ τοῦ ἐλθεῖν πρὸς ὑμᾶς· νυνὶ δὲ μηκέτι τόπον ἔχων ἐν τοῖς κλίμασι τούτοις, ἐπιποθίαν δὲ ἔχων τοῦ ἐλθεῖν πρὸς ὑμᾶς ἀπὸ ἱκανῶν ἐτῶν, ὡς ἂν πορεύωμαι εἰς τὴν Σπανίαν, ἐλπίζω γὰρ διαπορευόμενος θεάσασθαι ὑμᾶς καὶ ὑφ’ ὑμῶν προπεμφθῆναι ἐκεῖ ἐὰν ὑμῶν πρῶτον ἀπὸ μέρους ἐμπλησθῶ νυνὶ δὲ πορεύομαι εἰς Ἰερουσαλὴμ διακονῶν τοῖς ἁγίοις. εὐδόκησαν γὰρ Μακεδονία καὶ Ἀχαΐα κοινωνίαν τινὰ ποιήσασθαι εἰς τοὺς πτωχοὺς τῶν ἁγίων τῶν ἐν Ἰερουσαλήμ. εὐδόκησαν γάρ, καὶ ὀφειλέται εἰσὶν αὐτῶν· εἰ γὰρ τοῖς πνευματικοῖς αὐτῶν ἐκοινώνησαν τὰ ἔθνη, ὀφείλουσιν καὶ ἐν τοῖς σαρκικοῖς λειτουργῆσαι αὐτοῖς. τοῦτο οὖν ἐπιτελέσας, καὶ σφραγισάμενος αὐτοῖς τὸν καρπὸν τοῦτον, ἀπελεύσομαι δι’ ὑμῶν εἰς Σπανίαν· οἶδα δὲ ὅτι ἐρχόμενος πρὸς ὑμᾶς ἐν πληρώματι εὐλογίας Χριστοῦ ἐλεύσομαι. Παρακαλῶ δὲ ὑμᾶς, ἀδελφοί, διὰ τοῦ κυρίου ἡμῶν Ἰησοῦ Χριστοῦ καὶ διὰ τῆς ἀγάπης τοῦ πνεύματος συναγωνίσασθαί μοι ἐν ταῖς προσευχαῖς ὑπὲρ ἐμοῦ πρὸς τὸν θεόν, ἵνα ῥυσθῶ ἀπὸ τῶν ἀπειθούντων ἐν τῇ Ἰουδαίᾳ καὶ ἡ διακονία μου ἡ εἰς Ἰερουσαλὴμ εὐπρόσδεκτος τοῖς ἁγίοις γένηται, ἵνα ἐν χαρᾷ ἐλθὼν πρὸς ὑμᾶς διὰ θελήματος θεοῦ συναναπαύσωμαι ὑμῖν. ὁ δὲ θεὸς τῆς εἰρήνης μετὰ πάντων ὑμῶν· ἀμήν.

Opheilomen de hemeis ohi dynatoi ta asthenemata ton adynaton bastazein, kai me heautois areskein. hekastos hemon to plesion aresketo eis to agathon pros oikodomen; kai gar ho Christos ouch heauto eresen; alla kathos gegraptai; Ohi oneidismoi ton oneidizonton se epepesan ep’ eme. hosa gar proegraphe, eis ten hemeteran didaskalian egraphe, hina dia tes hypomones kai dia tes parakleseos ton graphon ten elpida echomen. ho de theos tes hypomones kai tes parakleseos doe hymin to auto phronein en allelois kata Christon Iesoun, hina homothymadon en heni stomati doxazete ton theon kai patera tou kyriou hemon Iesou Christou. Dio proslambanesthe allelous, kathos kai ho Christos proselabeto hymas, eis doxan tou theou. lego gar Christon diakonon gegenesthai peritomes hyper aletheias theou, eis to bebaiosai tas epangelias ton pateron, ta de ethne hyper eleous doxasai ton theon; kathos gegraptai; Dia touto exomologesomai soi en ethnesi, kai to onomati sou psalo. kai palin legei; Euphranthete, ethne, meta tou laou autou. kai palin; Aineite, panta ta ethne, ton kyrion, kai epainesatosan auton pantes ohi laoi. kai palin Esaias legei; Estai he rhiza tou Iessai, kai ho anistamenos archein ethnon; ep’ auto ethne elpiousin. ho de theos tes elpidos plerosai hymas pases charas kai eirenes en to pisteuein, eis to perisseuein hymas en te elpidi en dynamei pneumatos hagiou. Pepeismai de, adelphoi mou, kai autos ego peri hymon, hoti kai autoi mestoi este agathosynes, pepleromenoi pases gnoseos, dynamenoi kai allelous nouthetein. tolmeroteron de egrapsa hymin apo merous, hos epanamimneskon hymas, dia ten charin ten dotheisan moi hypo tou theou eis to einai me leitourgon Christou Iesou eis ta ethne, hierourgounta to euangelion tou theou, hina genetai he prosphora ton ethnon euprosdektos, hegiasmene en pneumati hagio. echo oun ten kauchesin en Christo Iesou ta pros ton theon; ou gar tolmeso ti lalein hon ou kateirgasato Christos di’ emou eis hypakoen ethnon, logo kai ergo, en dynamei semeion kai teraton, en dynamei pneumatos; hoste me apo Ierousalem kai kyklo mechri tou Illyrikou peplerokenai to euangelion tou Christou, houtos de philotimoumenon euangelizesthai ouch hopou onomasthe Christos, hina me ep’ allotrion themelion oikodomo, alla kathos gegraptai; Ohis ouk anengele peri autou opsontai, kai ohi ouk akekoasin synesousin. Dio kai enekoptomen ta polla tou elthein pros hymas; nyni de meketi topon echon en tois klimasi toutois, epipothian de echon tou elthein pros hymas apo hikanon eton, hos an poreuomai eis ten Spanian, elpizo gar diaporeuomenos theasasthai hymas kai hyph’ hymon propemphthenai ekei ean hymon proton apo merous emplestho nyni de poreuomai eis Ierousalem diakonon tois hagiois. eudokesan gar Makedonia kai Achaia koinonian tina poiesasthai eis tous ptochous ton hagion ton en Ierousalem. eudokesan gar, kai opheiletai eisin auton; ei gar tois pneumatikois auton ekoinonesan ta ethne, opheilousin kai en tois sarkikois leitourgesai autois. touto oun epitelesas, kai sphragisamenos autois ton karpon touton, apeleusomai di’ hymon eis Spanian; oida de hoti erchomenos pros hymas en pleromati eulogias Christou eleusomai. Parakalo de hymas, adelphoi, dia tou kyriou hemon Iesou Christou kai dia tes agapes tou pneumatos synagonisasthai moi en tais proseuchais hyper emou pros ton theon, hina rhystho apo ton apeithounton en te Ioudaia kai he diakonia mou he eis Ierousalem euprosdektos tois hagiois genetai, hina en chara elthon pros hymas dia thelematos theou synanapausomai hymin. ho de theos tes eirenes meta panton hymon; amen.