Ἐγένετο δὲ ἐν τῷ τὸν Ἀπολλῶ εἶναι ἐν Κορίνθῳ Παῦλον διελθόντα τὰ ἀνωτερικὰ μέρη ἐλθεῖν εἰς Ἔφεσον καὶ εὑρεῖν τινας μαθητάς, εἶπέν τε πρὸς αὐτούς· Εἰ πνεῦμα ἅγιον ἐλάβετε πιστεύσαντες; οἱ δὲ πρὸς αὐτόν· Ἀλλ’ οὐδ’ εἰ πνεῦμα ἅγιον ἔστιν ἠκούσαμεν. εἶπέν τε· Εἰς τί οὖν ἐβαπτίσθητε; οἱ δὲ εἶπαν· Εἰς τὸ Ἰωάννου βάπτισμα. εἶπεν δὲ Παῦλος· Ἰωάννης ἐβάπτισεν βάπτισμα μετανοίας, τῷ λαῷ λέγων εἰς τὸν ἐρχόμενον μετ’ αὐτὸν ἵνα πιστεύσωσιν, τοῦτ’ ἔστιν εἰς τὸν Ἰησοῦν. ἀκούσαντες δὲ ἐβαπτίσθησαν εἰς τὸ ὄνομα τοῦ κυρίου Ἰησοῦ· καὶ ἐπιθέντος αὐτοῖς τοῦ Παύλου χεῖρας ἦλθε τὸ πνεῦμα τὸ ἅγιον ἐπ’ αὐτούς, ἐλάλουν τε γλώσσαις καὶ ἐπροφήτευον. ἦσαν δὲ οἱ πάντες ἄνδρες ὡσεὶ δώδεκα. Εἰσελθὼν δὲ εἰς τὴν συναγωγὴν ἐπαρρησιάζετο ἐπὶ μῆνας τρεῖς διαλεγόμενος καὶ πείθων περὶ τῆς βασιλείας τοῦ θεοῦ. ὡς δέ τινες ἐσκληρύνοντο καὶ ἠπείθουν κακολογοῦντες τὴν ὁδὸν ἐνώπιον τοῦ πλήθους, ἀποστὰς ἀπ’ αὐτῶν ἀφώρισεν τοὺς μαθητάς, καθ’ ἡμέραν διαλεγόμενος ἐν τῇ σχολῇ Τυράννου. τοῦτο δὲ ἐγένετο ἐπὶ ἔτη δύο, ὥστε πάντας τοὺς κατοικοῦντας τὴν Ἀσίαν ἀκοῦσαι τὸν λόγον τοῦ κυρίου, Ἰουδαίους τε καὶ Ἕλληνας. Δυνάμεις τε οὐ τὰς τυχούσας ὁ θεὸς ἐποίει διὰ τῶν χειρῶν Παύλου, ὥστε καὶ ἐπὶ τοὺς ἀσθενοῦντας ἀποφέρεσθαι ἀπὸ τοῦ χρωτὸς αὐτοῦ σουδάρια ἢ σιμικίνθια καὶ ἀπαλλάσσεσθαι ἀπ’ αὐτῶν τὰς νόσους, τά τε πνεύματα τὰ πονηρὰ ἐκπορεύεσθαι. ἐπεχείρησαν δέ τινες καὶ τῶν περιερχομένων Ἰουδαίων ἐξορκιστῶν ὀνομάζειν ἐπὶ τοὺς ἔχοντας τὰ πνεύματα τὰ πονηρὰ τὸ ὄνομα τοῦ κυρίου Ἰησοῦ λέγοντες· Ὁρκίζω ὑμᾶς τὸν Ἰησοῦν ὃν Παῦλος κηρύσσει. ἦσαν δέ τινος Σκευᾶ Ἰουδαίου ἀρχιερέως ἑπτὰ υἱοὶ τοῦτο ποιοῦντες. ἀποκριθὲν δὲ τὸ πνεῦμα τὸ πονηρὸν εἶπεν αὐτοῖς· Τὸν Ἰησοῦν γινώσκω καὶ τὸν Παῦλον ἐπίσταμαι, ὑμεῖς δὲ τίνες ἐστέ; καὶ ἐφαλόμενος ὁ ἄνθρωπος ἐπ’ αὐτοὺς ἐν ᾧ ἦν τὸ πνεῦμα τὸ πονηρὸν κατακυριεύσας ἀμφοτέρων ἴσχυσεν κατ’ αὐτῶν, ὥστε γυμνοὺς καὶ τετραυματισμένους ἐκφυγεῖν ἐκ τοῦ οἴκου ἐκείνου. τοῦτο δὲ ἐγένετο γνωστὸν πᾶσιν Ἰουδαίοις τε καὶ Ἕλλησιν τοῖς κατοικοῦσιν τὴν Ἔφεσον, καὶ ἐπέπεσεν φόβος ἐπὶ πάντας αὐτούς, καὶ ἐμεγαλύνετο τὸ ὄνομα τοῦ κυρίου Ἰησοῦ. πολλοί τε τῶν πεπιστευκότων ἤρχοντο ἐξομολογούμενοι καὶ ἀναγγέλλοντες τὰς πράξεις αὐτῶν. ἱκανοὶ δὲ τῶν τὰ περίεργα πραξάντων συνενέγκαντες τὰς βίβλους κατέκαιον ἐνώπιον πάντων· καὶ συνεψήφισαν τὰς τιμὰς αὐτῶν καὶ εὗρον ἀργυρίου μυριάδας πέντε. οὕτως κατὰ κράτος τοῦ κυρίου ὁ λόγος ηὔξανεν καὶ ἴσχυεν. Ὡς δὲ ἐπληρώθη ταῦτα, ἔθετο ὁ Παῦλος ἐν τῷ πνεύματι διελθὼν τὴν Μακεδονίαν καὶ Ἀχαΐαν πορεύεσθαι εἰς Ἱεροσόλυμα, εἰπὼν ὅτι Μετὰ τὸ γενέσθαι με ἐκεῖ δεῖ με καὶ Ῥώμην ἰδεῖν. ἀποστείλας δὲ εἰς τὴν Μακεδονίαν δύο τῶν διακονούντων αὐτῷ, Τιμόθεον καὶ Ἔραστον, αὐτὸς ἐπέσχεν χρόνον εἰς τὴν Ἀσίαν. Ἐγένετο δὲ κατὰ τὸν καιρὸν ἐκεῖνον τάραχος οὐκ ὀλίγος περὶ τῆς ὁδοῦ. Δημήτριος γάρ τις ὀνόματι, ἀργυροκόπος, ποιῶν ναοὺς ἀργυροῦς Ἀρτέμιδος παρείχετο τοῖς τεχνίταις οὐκ ὀλίγην ἐργασίαν, οὓς συναθροίσας καὶ τοὺς περὶ τὰ τοιαῦτα ἐργάτας εἶπεν· Ἄνδρες, ἐπίστασθε ὅτι ἐκ ταύτης τῆς ἐργασίας ἡ εὐπορία ἡμῖν ἐστιν, καὶ θεωρεῖτε καὶ ἀκούετε ὅτι οὐ μόνον Ἐφέσου ἀλλὰ σχεδὸν πάσης τῆς Ἀσίας ὁ Παῦλος οὗτος πείσας μετέστησεν ἱκανὸν ὄχλον, λέγων ὅτι οὐκ εἰσὶν θεοὶ οἱ διὰ χειρῶν γινόμενοι. οὐ μόνον δὲ τοῦτο κινδυνεύει ἡμῖν τὸ μέρος εἰς ἀπελεγμὸν ἐλθεῖν, ἀλλὰ καὶ τὸ τῆς μεγάλης θεᾶς Ἀρτέμιδος ἱερὸν εἰς οὐθὲν λογισθῆναι, μέλλειν τε καὶ καθαιρεῖσθαι τῆς μεγαλειότητος αὐτῆς, ἣν ὅλη ἡ Ἀσία καὶ ἡ οἰκουμένη σέβεται. Ἀκούσαντες δὲ καὶ γενόμενοι πλήρεις θυμοῦ ἔκραζον λέγοντες· Μεγάλη ἡ Ἄρτεμις Ἐφεσίων. καὶ ἐπλήσθη ἡ πόλις τῆς συγχύσεως, ὥρμησάν τε ὁμοθυμαδὸν εἰς τὸ θέατρον συναρπάσαντες Γάϊον καὶ Ἀρίσταρχον Μακεδόνας, συνεκδήμους Παύλου. Παύλου δὲ βουλομένου εἰσελθεῖν εἰς τὸν δῆμον οὐκ εἴων αὐτὸν οἱ μαθηταί· τινὲς δὲ καὶ τῶν Ἀσιαρχῶν, ὄντες αὐτῷ φίλοι, πέμψαντες πρὸς αὐτὸν παρεκάλουν μὴ δοῦναι ἑαυτὸν εἰς τὸ θέατρον. ἄλλοι μὲν οὖν ἄλλο τι ἔκραζον, ἦν γὰρ ἡ ἐκκλησία συγκεχυμένη, καὶ οἱ πλείους οὐκ ᾔδεισαν τίνος ἕνεκα συνεληλύθεισαν. ἐκ δὲ τοῦ ὄχλου συνεβίβασαν Ἀλέξανδρον προβαλόντων αὐτὸν τῶν Ἰουδαίων, ὁ δὲ Ἀλέξανδρος κατασείσας τὴν χεῖρα ἤθελεν ἀπολογεῖσθαι τῷ δήμῳ. ἐπιγνόντες δὲ ὅτι Ἰουδαῖός ἐστιν φωνὴ ἐγένετο μία ἐκ πάντων ὡς ἐπὶ ὥρας δύο κραζόντων· Μεγάλη ἡ Ἄρτεμις Ἐφεσίων. καταστείλας δὲ ὁ γραμματεὺς τὸν ὄχλον φησίν· Ἄνδρες Ἐφέσιοι, τίς γάρ ἐστιν ἀνθρώπων ὃς οὐ γινώσκει τὴν Ἐφεσίων πόλιν νεωκόρον οὖσαν τῆς μεγάλης Ἀρτέμιδος καὶ τοῦ διοπετοῦς; ἀναντιρρήτων οὖν ὄντων τούτων δέον ἐστὶν ὑμᾶς κατεσταλμένους ὑπάρχειν καὶ μηδὲν προπετὲς πράσσειν. ἠγάγετε γὰρ τοὺς ἄνδρας τούτους οὔτε ἱεροσύλους οὔτε βλασφημοῦντας τὴν θεὸν ἡμῶν. εἰ μὲν οὖν Δημήτριος καὶ οἱ σὺν αὐτῷ τεχνῖται ἔχουσιν πρός τινα λόγον, ἀγοραῖοι ἄγονται καὶ ἀνθύπατοί εἰσιν, ἐγκαλείτωσαν ἀλλήλοις. εἰ δέ τι περαιτέρω ἐπιζητεῖτε, ἐν τῇ ἐννόμῳ ἐκκλησίᾳ ἐπιλυθήσεται. καὶ γὰρ κινδυνεύομεν ἐγκαλεῖσθαι στάσεως περὶ τῆς σήμερον μηδενὸς αἰτίου ὑπάρχοντος περὶ οὗ οὐ δυνησόμεθα ἀποδοῦναι λόγον περὶ τῆς συστροφῆς ταύτης. καὶ ταῦτα εἰπὼν ἀπέλυσεν τὴν ἐκκλησίαν.
Egeneto de en to ton Apollo einai en Korintho Paulon dielthonta ta anoterika mere elthein eis Epheson kai heurein tinas mathetas, eipen te pros autous; Ei pneuma hagion elabete pisteusantes? ohi de pros auton; All’ oud’ ei pneuma hagion estin ekousamen. eipen te; Eis ti oun ebaptisthete? ohi de eipan; Eis to Ioannou baptisma. eipen de Paulos; Ioannes ebaptisen baptisma metanoias, to lao legon eis ton erchomenon met’ auton hina pisteusosin, tout’ estin eis ton Iesoun. akousantes de ebaptisthesan eis to onoma tou kyriou Iesou; kai epithentos autois tou Paulou cheiras elthe to pneuma to hagion ep’ autous, elaloun te glossais kai epropheteuon. esan de ohi pantes andres hosei dodeka. Eiselthon de eis ten synagogen eparresiazeto epi menas treis dialegomenos kai peithon peri tes basileias tou theou. hos de tines esklerynonto kai epeithoun kakologountes ten hodon enopion tou plethous, apostas ap’ auton aphorisen tous mathetas, kath’ hemeran dialegomenos en te schole Tyrannou. touto de egeneto epi ete dyo, hoste pantas tous katoikountas ten Asian akousai ton logon tou kyriou, Ioudaious te kai Hellenas. Dynameis te ou tas tychousas ho theos epoiei dia ton cheiron Paulou, hoste kai epi tous asthenountas apopheresthai apo tou chrotos autou soudaria e simikinthia kai apallassesthai ap’ auton tas nosous, ta te pneumata ta ponera ekporeuesthai. epecheiresan de tines kai ton perierchomenon Ioudaion exorkiston onomazein epi tous echontas ta pneumata ta ponera to onoma tou kyriou Iesou legontes; Horkizo hymas ton Iesoun hon Paulos keryssei. esan de tinos Skeua Ioudaiou archiereos hepta yhioi touto poiountes. apokrithen de to pneuma to poneron eipen autois; Ton Iesoun ginosko kai ton Paulon epistamai, hymeis de tines este? kai ephalomenos ho anthropos ep’ autous en ho en to pneuma to poneron katakyrieusas amphoteron ischysen kat’ auton, hoste gymnous kai tetraumatismenous ekphygein ek tou oikou ekeinou. touto de egeneto gnoston pasin Ioudaiois te kai Hellesin tois katoikousin ten Epheson, kai epepesen phobos epi pantas autous, kai emegalyneto to onoma tou kyriou Iesou. polloi te ton pepisteukoton erchonto exomologoumenoi kai anangellontes tas praxeis auton. hikanoi de ton ta perierga praxanton synenenkantes tas biblous katekaion enopion panton; kai synepsephisan tas timas auton kai heuron argyriou myriadas pente. houtos kata kratos tou kyriou ho logos euxanen kai ischyen. Hos de eplerothe tauta, etheto ho Paulos en to pneumati dielthon ten Makedonian kai Achaian poreuesthai eis Hierosolyma, eipon hoti Meta to genesthai me ekei dei me kai Rhomen idein. aposteilas de eis ten Makedonian dyo ton diakonounton auto, Timotheon kai Eraston, autos epeschen chronon eis ten Asian. Egeneto de kata ton kairon ekeinon tarachos ouk oligos peri tes hodou. Demetrios gar tis onomati, argyrokopos, poion naous argyrous Artemidos pareicheto tois technitais ouk oligen ergasian, hous synathroisas kai tous peri ta toiauta ergatas eipen; Andres, epistasthe hoti ek tautes tes ergasias he euporia hemin estin, kai theoreite kai akouete hoti ou monon Ephesou alla schedon pases tes Asias ho Paulos houtos peisas metestesen hikanon ochlon, legon hoti ouk eisin theoi ohi dia cheiron ginomenoi. ou monon de touto kindyneuei hemin to meros eis apelegmon elthein, alla kai to tes megales theas Artemidos hieron eis outhen logisthenai, mellein te kai kathaireisthai tes megaleiotetos autes, hen hole he Asia kai he oikoumene sebetai. Akousantes de kai genomenoi plereis thymou ekrazon legontes; Megale he Artemis Ephesion. kai eplesthe he polis tes synchyseos, hormesan te homothymadon eis to theatron synarpasantes Gaion kai Aristarchon Makedonas, synekdemous Paulou. Paulou de boulomenou eiselthein eis ton demon ouk eion auton ohi mathetai; tines de kai ton Asiarchon, ontes auto philoi, pempsantes pros auton parekaloun me dounai heauton eis to theatron. alloi men oun allo ti ekrazon, en gar he ekklesia synkechymene, kai ohi pleious ouk edeisan tinos heneka synelelytheisan. ek de tou ochlou synebibasan Alexandron probalonton auton ton Ioudaion, ho de Alexandros kataseisas ten cheira ethelen apologeisthai to demo. epignontes de hoti Ioudaios estin phone egeneto mia ek panton hos epi horas dyo krazonton; Megale he Artemis Ephesion. katasteilas de ho grammateus ton ochlon phesin; Andres Ephesioi, tis gar estin anthropon hos ou ginoskei ten Ephesion polin neokoron ousan tes megales Artemidos kai tou diopetous? anantirreton oun onton touton deon estin hymas katestalmenous hyparchein kai meden propetes prassein. egagete gar tous andras toutous oute hierosylous oute blasphemountas ten theon hemon. ei men oun Demetrios kai ohi syn auto technitai echousin pros tina logon, agoraioi agontai kai anthypatoi eisin, enkaleitosan allelois. ei de ti peraitero epizeteite, en te ennomo ekklesia epilythesetai. kai gar kindyneuomen enkaleisthai staseos peri tes semeron medenos aitiou hyparchontos peri hou ou dynesometha apodounai logon peri tes systrophes tautes. kai tauta eipon apelysen ten ekklesian.