Μετὰ ταῦτα ἦν ἑορτὴ τῶν Ἰουδαίων, καὶ ἀνέβη Ἰησοῦς εἰς Ἱεροσόλυμα. ἔστιν δὲ ἐν τοῖς Ἱεροσολύμοις ἐπὶ τῇ προβατικῇ κολυμβήθρα ἡ ἐπιλεγομένη Ἑβραϊστὶ Βηθεσδά, πέντε στοὰς ἔχουσα· ἐν ταύταις κατέκειτο πλῆθος τῶν ἀσθενούντων, τυφλῶν, χωλῶν, ξηρῶν. ἦν δέ τις ἄνθρωπος ἐκεῖ τριάκοντα ὀκτὼ ἔτη ἔχων ἐν τῇ ἀσθενείᾳ αὐτοῦ· τοῦτον ἰδὼν ὁ Ἰησοῦς κατακείμενον, καὶ γνοὺς ὅτι πολὺν ἤδη χρόνον ἔχει, λέγει αὐτῷ· Θέλεις ὑγιὴς γενέσθαι; ἀπεκρίθη αὐτῷ ὁ ἀσθενῶν· Κύριε, ἄνθρωπον οὐκ ἔχω ἵνα ὅταν ταραχθῇ τὸ ὕδωρ βάλῃ με εἰς τὴν κολυμβήθραν· ἐν ᾧ δὲ ἔρχομαι ἐγὼ ἄλλος πρὸ ἐμοῦ καταβαίνει. λέγει αὐτῷ ὁ Ἰησοῦς· Ἔγειρε ἆρον τὸν κράβαττόν σου καὶ περιπάτει. καὶ εὐθέως ἐγένετο ὑγιὴς ὁ ἄνθρωπος καὶ ἦρε τὸν κράβαττον αὐτοῦ καὶ περιεπάτει. Ἦν δὲ σάββατον ἐν ἐκείνῃ τῇ ἡμέρᾳ. ἔλεγον οὖν οἱ Ἰουδαῖοι τῷ τεθεραπευμένῳ· Σάββατόν ἐστιν, καὶ οὐκ ἔξεστίν σοι ἆραι τὸν κράβαττον. ὃς δὲ ἀπεκρίθη αὐτοῖς· Ὁ ποιήσας με ὑγιῆ ἐκεῖνός μοι εἶπεν Ἆρον τὸν κράβαττόν σου καὶ περιπάτει. ἠρώτησαν οὖν αὐτόν· Τίς ἐστιν ὁ ἄνθρωπος ὁ εἰπών σοι· Ἆρον καὶ περιπάτει; ὁ δὲ ἰαθεὶς οὐκ ᾔδει τίς ἐστιν, ὁ γὰρ Ἰησοῦς ἐξένευσεν ὄχλου ὄντος ἐν τῷ τόπῳ. μετὰ ταῦτα εὑρίσκει αὐτὸν ὁ Ἰησοῦς ἐν τῷ ἱερῷ καὶ εἶπεν αὐτῷ· Ἴδε ὑγιὴς γέγονας· μηκέτι ἁμάρτανε, ἵνα μὴ χεῖρόν σοί τι γένηται. ἀπῆλθεν ὁ ἄνθρωπος καὶ ἀνήγγειλεν τοῖς Ἰουδαίοις ὅτι Ἰησοῦς ἐστιν ὁ ποιήσας αὐτὸν ὑγιῆ. καὶ διὰ τοῦτο ἐδίωκον οἱ Ἰουδαῖοι τὸν Ἰησοῦν ὅτι ταῦτα ἐποίει ἐν σαββάτῳ. ὁ δὲ ἀπεκρίνατο αὐτοῖς· Ὁ πατήρ μου ἕως ἄρτι ἐργάζεται κἀγὼ ἐργάζομαι. διὰ τοῦτο οὖν μᾶλλον ἐζήτουν αὐτὸν οἱ Ἰουδαῖοι ἀποκτεῖναι ὅτι οὐ μόνον ἔλυε τὸ σάββατον, ἀλλὰ καὶ πατέρα ἴδιον ἔλεγε τὸν θεόν, ἴσον ἑαυτὸν ποιῶν τῷ θεῷ. Ἀπεκρίνατο οὖν ὁ Ἰησοῦς καὶ ἔλεγεν αὐτοῖς· Ἀμὴν ἀμὴν λέγω ὑμῖν, οὐ δύναται ὁ υἱὸς ποιεῖν ἀφ’ ἑαυτοῦ οὐδὲν ἐὰν μή τι βλέπῃ τὸν πατέρα ποιοῦντα· ἃ γὰρ ἂν ἐκεῖνος ποιῇ, ταῦτα καὶ ὁ υἱὸς ὁμοίως ποιεῖ. ὁ γὰρ πατὴρ φιλεῖ τὸν υἱὸν καὶ πάντα δείκνυσιν αὐτῷ ἃ αὐτὸς ποιεῖ, καὶ μείζονα τούτων δείξει αὐτῷ ἔργα, ἵνα ὑμεῖς θαυμάζητε. ὥσπερ γὰρ ὁ πατὴρ ἐγείρει τοὺς νεκροὺς καὶ ζῳοποιεῖ, οὕτως καὶ ὁ υἱὸς οὓς θέλει ζῳοποιεῖ. οὐδὲ γὰρ ὁ πατὴρ κρίνει οὐδένα, ἀλλὰ τὴν κρίσιν πᾶσαν δέδωκεν τῷ υἱῷ, ἵνα πάντες τιμῶσι τὸν υἱὸν καθὼς τιμῶσι τὸν πατέρα. ὁ μὴ τιμῶν τὸν υἱὸν οὐ τιμᾷ τὸν πατέρα τὸν πέμψαντα αὐτόν. Ἀμὴν ἀμὴν λέγω ὑμῖν ὅτι ὁ τὸν λόγον μου ἀκούων καὶ πιστεύων τῷ πέμψαντί με ἔχει ζωὴν αἰώνιον, καὶ εἰς κρίσιν οὐκ ἔρχεται ἀλλὰ μεταβέβηκεν ἐκ τοῦ θανάτου εἰς τὴν ζωήν. Ἀμὴν ἀμὴν λέγω ὑμῖν ὅτι ἔρχεται ὥρα καὶ νῦν ἐστιν ὅτε οἱ νεκροὶ ἀκούσουσιν τῆς φωνῆς τοῦ υἱοῦ τοῦ θεοῦ καὶ οἱ ἀκούσαντες ζήσουσιν. ὥσπερ γὰρ ὁ πατὴρ ἔχει ζωὴν ἐν ἑαυτῷ, οὕτως καὶ τῷ υἱῷ ἔδωκεν ζωὴν ἔχειν ἐν ἑαυτῷ· καὶ ἐξουσίαν ἔδωκεν αὐτῷ κρίσιν ποιεῖν, ὅτι υἱὸς ἀνθρώπου ἐστίν. μὴ θαυμάζετε τοῦτο, ὅτι ἔρχεται ὥρα ἐν ᾗ πάντες οἱ ἐν τοῖς μνημείοις ἀκούσουσιν τῆς φωνῆς αὐτοῦ καὶ ἐκπορεύσονται οἱ τὰ ἀγαθὰ ποιήσαντες εἰς ἀνάστασιν ζωῆς, οἱ δὲ τὰ φαῦλα πράξαντες εἰς ἀνάστασιν κρίσεως. Οὐ δύναμαι ἐγὼ ποιεῖν ἀπ’ ἐμαυτοῦ οὐδέν· καθὼς ἀκούω κρίνω, καὶ ἡ κρίσις ἡ ἐμὴ δικαία ἐστίν, ὅτι οὐ ζητῶ τὸ θέλημα τὸ ἐμὸν ἀλλὰ τὸ θέλημα τοῦ πέμψαντός με. Ἐὰν ἐγὼ μαρτυρῶ περὶ ἐμαυτοῦ, ἡ μαρτυρία μου οὐκ ἔστιν ἀληθής· ἄλλος ἐστὶν ὁ μαρτυρῶν περὶ ἐμοῦ, καὶ οἶδα ὅτι ἀληθής ἐστιν ἡ μαρτυρία ἣν μαρτυρεῖ περὶ ἐμοῦ. ὑμεῖς ἀπεστάλκατε πρὸς Ἰωάννην, καὶ μεμαρτύρηκε τῇ ἀληθείᾳ· ἐγὼ δὲ οὐ παρὰ ἀνθρώπου τὴν μαρτυρίαν λαμβάνω, ἀλλὰ ταῦτα λέγω ἵνα ὑμεῖς σωθῆτε. ἐκεῖνος ἦν ὁ λύχνος ὁ καιόμενος καὶ φαίνων, ὑμεῖς δὲ ἠθελήσατε ἀγαλλιαθῆναι πρὸς ὥραν ἐν τῷ φωτὶ αὐτοῦ· ἐγὼ δὲ ἔχω τὴν μαρτυρίαν μείζω τοῦ Ἰωάννου, τὰ γὰρ ἔργα ἃ δέδωκέν μοι ὁ πατὴρ ἵνα τελειώσω αὐτά, αὐτὰ τὰ ἔργα ἃ ποιῶ, μαρτυρεῖ περὶ ἐμοῦ ὅτι ὁ πατήρ με ἀπέσταλκεν, καὶ ὁ πέμψας με πατὴρ ἐκεῖνος μεμαρτύρηκεν περὶ ἐμοῦ. οὔτε φωνὴν αὐτοῦ πώποτε ἀκηκόατε οὔτε εἶδος αὐτοῦ ἑωράκατε, καὶ τὸν λόγον αὐτοῦ οὐκ ἔχετε ἐν ὑμῖν μένοντα, ὅτι ὃν ἀπέστειλεν ἐκεῖνος τούτῳ ὑμεῖς οὐ πιστεύετε. Ἐραυνᾶτε τὰς γραφάς, ὅτι ὑμεῖς δοκεῖτε ἐν αὐταῖς ζωὴν αἰώνιον ἔχειν· καὶ ἐκεῖναί εἰσιν αἱ μαρτυροῦσαι περὶ ἐμοῦ· καὶ οὐ θέλετε ἐλθεῖν πρός με ἵνα ζωὴν ἔχητε. δόξαν παρὰ ἀνθρώπων οὐ λαμβάνω, ἀλλὰ ἔγνωκα ὑμᾶς ὅτι τὴν ἀγάπην τοῦ θεοῦ οὐκ ἔχετε ἐν ἑαυτοῖς. ἐγὼ ἐλήλυθα ἐν τῷ ὀνόματι τοῦ πατρός μου καὶ οὐ λαμβάνετέ με· ἐὰν ἄλλος ἔλθῃ ἐν τῷ ὀνόματι τῷ ἰδίῳ, ἐκεῖνον λήμψεσθε. πῶς δύνασθε ὑμεῖς πιστεῦσαι, δόξαν παρ’ ἀλλήλων λαμβάνοντες, καὶ τὴν δόξαν τὴν παρὰ τοῦ μόνου θεοῦ οὐ ζητεῖτε; μὴ δοκεῖτε ὅτι ἐγὼ κατηγορήσω ὑμῶν πρὸς τὸν πατέρα· ἔστιν ὁ κατηγορῶν ὑμῶν Μωϋσῆς, εἰς ὃν ὑμεῖς ἠλπίκατε. εἰ γὰρ ἐπιστεύετε Μωϋσεῖ, ἐπιστεύετε ἂν ἐμοί, περὶ γὰρ ἐμοῦ ἐκεῖνος ἔγραψεν. εἰ δὲ τοῖς ἐκείνου γράμμασιν οὐ πιστεύετε, πῶς τοῖς ἐμοῖς ῥήμασιν πιστεύσετε;
Meta tauta en heorte ton Ioudaion, kai anebe Iesous eis Hierosolyma. estin de en tois Hierosolymois epi te probatike kolymbethra he epilegomene Hebraisti Bethesda, pente stoas echousa; en tautais katekeito plethos ton asthenounton, typhlon, cholon, xeron. en de tis anthropos ekei triakonta okto ete echon en te astheneia autou; touton idon ho Iesous katakeimenon, kai gnous hoti polyn ede chronon echei, legei auto; Theleis hygies genesthai? apekrithe auto ho asthenon; Kyrie, anthropon ouk echo hina hotan tarachthe to hydor bale me eis ten kolymbethran; en ho de erchomai ego allos pro emou katabainei. legei auto ho Iesous; Egeire aron ton krabatton sou kai peripatei. kai eutheos egeneto hygies ho anthropos kai ere ton krabatton autou kai periepatei. En de sabbaton en ekeine te hemera. elegon oun ohi Ioudaioi to tetherapeumeno; Sabbaton estin, kai ouk exestin soi arai ton krabatton. hos de apekrithe autois; Ho poiesas me hygie ekeinos moi eipen Aron ton krabatton sou kai peripatei. erotesan oun auton; Tis estin ho anthropos ho eipon soi; Aron kai peripatei? ho de iatheis ouk edei tis estin, ho gar Iesous exeneusen ochlou ontos en to topo. meta tauta heuriskei auton ho Iesous en to hiero kai eipen auto; Ide hygies gegonas; meketi hamartane, hina me cheiron soi ti genetai. apelthen ho anthropos kai anengeilen tois Ioudaiois hoti Iesous estin ho poiesas auton hygie. kai dia touto ediokon ohi Ioudaioi ton Iesoun hoti tauta epoiei en sabbato. ho de apekrinato autois; Ho pater mou heos arti ergazetai kago ergazomai. dia touto oun mallon ezetoun auton ohi Ioudaioi apokteinai hoti ou monon elye to sabbaton, alla kai patera idion elege ton theon, ison heauton poion to theo. Apekrinato oun ho Iesous kai elegen autois; Amen amen lego hymin, ou dynatai ho yhios poiein aph’ heautou ouden ean me ti blepe ton patera poiounta; ha gar an ekeinos poie, tauta kai ho yhios homoios poiei. ho gar pater philei ton yhion kai panta deiknysin auto ha autos poiei, kai meizona touton deixei auto erga, hina hymeis thaumazete. hosper gar ho pater egeirei tous nekrous kai zoopoiei, houtos kai ho yhios hous thelei zoopoiei. oude gar ho pater krinei oudena, alla ten krisin pasan dedoken to yhio, hina pantes timosi ton yhion kathos timosi ton patera. ho me timon ton yhion ou tima ton patera ton pempsanta auton. Amen amen lego hymin hoti ho ton logon mou akouon kai pisteuon to pempsanti me echei zoen aionion, kai eis krisin ouk erchetai alla metabebeken ek tou thanatou eis ten zoen. Amen amen lego hymin hoti erchetai hora kai nyn estin hote ohi nekroi akousousin tes phones tou yhiou tou theou kai ohi akousantes zesousin. hosper gar ho pater echei zoen en heauto, houtos kai to yhio edoken zoen echein en heauto; kai exousian edoken auto krisin poiein, hoti yhios anthropou estin. me thaumazete touto, hoti erchetai hora en he pantes ohi en tois mnemeiois akousousin tes phones autou kai ekporeusontai ohi ta agatha poiesantes eis anastasin zoes, ohi de ta phaula praxantes eis anastasin kriseos. Ou dynamai ego poiein ap’ emautou ouden; kathos akouo krino, kai he krisis he eme dikaia estin, hoti ou zeto to thelema to emon alla to thelema tou pempsantos me. Ean ego martyro peri emautou, he martyria mou ouk estin alethes; allos estin ho martyron peri emou, kai oida hoti alethes estin he martyria hen martyrei peri emou. hymeis apestalkate pros Ioannen, kai memartyreke te aletheia; ego de ou para anthropou ten martyrian lambano, alla tauta lego hina hymeis sothete. ekeinos en ho lychnos ho kaiomenos kai phainon, hymeis de ethelesate agalliathenai pros horan en to photi autou; ego de echo ten martyrian meizo tou Ioannou, ta gar erga ha dedoken moi ho pater hina teleioso auta, auta ta erga ha poio, martyrei peri emou hoti ho pater me apestalken, kai ho pempsas me pater ekeinos memartyreken peri emou. oute phonen autou popote akekoate oute eidos autou heorakate, kai ton logon autou ouk echete en hymin menonta, hoti hon apesteilen ekeinos touto hymeis ou pisteuete. Eraunate tas graphas, hoti hymeis dokeite en autais zoen aionion echein; kai ekeinai eisin ahi martyrousai peri emou; kai ou thelete elthein pros me hina zoen echete. doxan para anthropon ou lambano, alla egnoka hymas hoti ten agapen tou theou ouk echete en heautois. ego elelytha en to onomati tou patros mou kai ou lambanete me; ean allos elthe en to onomati to idio, ekeinon lempsesthe. pos dynasthe hymeis pisteusai, doxan par’ allelon lambanontes, kai ten doxan ten para tou monou theou ou zeteite? me dokeite hoti ego kategoreso hymon pros ton patera; estin ho kategoron hymon Moyses, eis hon hymeis elpikate. ei gar episteuete Moysei, episteuete an emoi, peri gar emou ekeinos egrapsen. ei de tois ekeinou grammasin ou pisteuete, pos tois emois rhemasin pisteusete?