Τῇ δὲ μιᾷ τῶν σαββάτων Μαρία ἡ Μαγδαληνὴ ἔρχεται πρωῒ σκοτίας ἔτι οὔσης εἰς τὸ μνημεῖον, καὶ βλέπει τὸν λίθον ἠρμένον ἐκ τοῦ μνημείου. τρέχει οὖν καὶ ἔρχεται πρὸς Σίμωνα Πέτρον καὶ πρὸς τὸν ἄλλον μαθητὴν ὃν ἐφίλει ὁ Ἰησοῦς, καὶ λέγει αὐτοῖς· Ἦραν τὸν κύριον ἐκ τοῦ μνημείου, καὶ οὐκ οἴδαμεν ποῦ ἔθηκαν αὐτόν. ἐξῆλθεν οὖν ὁ Πέτρος καὶ ὁ ἄλλος μαθητής, καὶ ἤρχοντο εἰς τὸ μνημεῖον. ἔτρεχον δὲ οἱ δύο ὁμοῦ· καὶ ὁ ἄλλος μαθητὴς προέδραμεν τάχιον τοῦ Πέτρου καὶ ἦλθεν πρῶτος εἰς τὸ μνημεῖον, καὶ παρακύψας βλέπει κείμενα τὰ ὀθόνια, οὐ μέντοι εἰσῆλθεν. ἔρχεται οὖν καὶ Σίμων Πέτρος ἀκολουθῶν αὐτῷ, καὶ εἰσῆλθεν εἰς τὸ μνημεῖον· καὶ θεωρεῖ τὰ ὀθόνια κείμενα, καὶ τὸ σουδάριον, ὃ ἦν ἐπὶ τῆς κεφαλῆς αὐτοῦ, οὐ μετὰ τῶν ὀθονίων κείμενον ἀλλὰ χωρὶς ἐντετυλιγμένον εἰς ἕνα τόπον· τότε οὖν εἰσῆλθεν καὶ ὁ ἄλλος μαθητὴς ὁ ἐλθὼν πρῶτος εἰς τὸ μνημεῖον, καὶ εἶδεν καὶ ἐπίστευσεν· οὐδέπω γὰρ ᾔδεισαν τὴν γραφὴν ὅτι δεῖ αὐτὸν ἐκ νεκρῶν ἀναστῆναι. ἀπῆλθον οὖν πάλιν πρὸς αὑτοὺς οἱ μαθηταί. Μαρία δὲ εἱστήκει πρὸς τῷ μνημείῳ ἔξω κλαίουσα. ὡς οὖν ἔκλαιεν παρέκυψεν εἰς τὸ μνημεῖον, καὶ θεωρεῖ δύο ἀγγέλους ἐν λευκοῖς καθεζομένους, ἕνα πρὸς τῇ κεφαλῇ καὶ ἕνα πρὸς τοῖς ποσίν, ὅπου ἔκειτο τὸ σῶμα τοῦ Ἰησοῦ. καὶ λέγουσιν αὐτῇ ἐκεῖνοι· Γύναι, τί κλαίεις; λέγει αὐτοῖς ὅτι Ἦραν τὸν κύριόν μου, καὶ οὐκ οἶδα ποῦ ἔθηκαν αὐτόν. ταῦτα εἰποῦσα ἐστράφη εἰς τὰ ὀπίσω, καὶ θεωρεῖ τὸν Ἰησοῦν ἑστῶτα, καὶ οὐκ ᾔδει ὅτι Ἰησοῦς ἐστιν. λέγει αὐτῇ Ἰησοῦς· Γύναι, τί κλαίεις; τίνα ζητεῖς; ἐκείνη δοκοῦσα ὅτι ὁ κηπουρός ἐστιν λέγει αὐτῷ· Κύριε, εἰ σὺ ἐβάστασας αὐτόν, εἰπέ μοι ποῦ ἔθηκας αὐτόν, κἀγὼ αὐτὸν ἀρῶ. λέγει αὐτῇ Ἰησοῦς· Μαριάμ. στραφεῖσα ἐκείνη λέγει αὐτῷ Ἑβραϊστί· Ραββουνι ὃ λέγεται Διδάσκαλε. λέγει αὐτῇ Ἰησοῦς· Μή μου ἅπτου, οὔπω γὰρ ἀναβέβηκα πρὸς τὸν πατέρα· πορεύου δὲ πρὸς τοὺς ἀδελφούς μου καὶ εἰπὲ αὐτοῖς· Ἀναβαίνω πρὸς τὸν πατέρα μου καὶ πατέρα ὑμῶν καὶ θεόν μου καὶ θεὸν ὑμῶν. ἔρχεται Μαριὰμ ἡ Μαγδαληνὴ ἀγγέλλουσα τοῖς μαθηταῖς ὅτι Ἑώρακα τὸν κύριον καὶ ταῦτα εἶπεν αὐτῇ. Οὔσης οὖν ὀψίας τῇ ἡμέρᾳ ἐκείνῃ τῇ μιᾷ σαββάτων, καὶ τῶν θυρῶν κεκλεισμένων ὅπου ἦσαν οἱ μαθηταὶ διὰ τὸν φόβον τῶν Ἰουδαίων, ἦλθεν ὁ Ἰησοῦς καὶ ἔστη εἰς τὸ μέσον, καὶ λέγει αὐτοῖς· Εἰρήνη ὑμῖν. καὶ τοῦτο εἰπὼν ἔδειξεν τὰς χεῖρας καὶ τὴν πλευρὰν αὐτοῖς. ἐχάρησαν οὖν οἱ μαθηταὶ ἰδόντες τὸν κύριον. εἶπεν οὖν αὐτοῖς ὁ Ἰησοῦς πάλιν· Εἰρήνη ὑμῖν· καθὼς ἀπέσταλκέν με ὁ πατήρ, κἀγὼ πέμπω ὑμᾶς. καὶ τοῦτο εἰπὼν ἐνεφύσησεν καὶ λέγει αὐτοῖς· Λάβετε πνεῦμα ἅγιον· ἄν τινων ἀφῆτε τὰς ἁμαρτίας ἀφέωνται αὐτοῖς· ἄν τινων κρατῆτε κεκράτηνται. Θωμᾶς δὲ εἷς ἐκ τῶν δώδεκα, ὁ λεγόμενος Δίδυμος, οὐκ ἦν μετ’ αὐτῶν ὅτε ἦλθεν Ἰησοῦς. ἔλεγον οὖν αὐτῷ οἱ ἄλλοι μαθηταί· Ἑωράκαμεν τὸν κύριον. ὁ δὲ εἶπεν αὐτοῖς· Ἐὰν μὴ ἴδω ἐν ταῖς χερσὶν αὐτοῦ τὸν τύπον τῶν ἥλων καὶ βάλω τὸν δάκτυλόν μου εἰς τὸν τύπον τῶν ἥλων καὶ βάλω μου τὴν χεῖρα εἰς τὴν πλευρὰν αὐτοῦ, οὐ μὴ πιστεύσω. Καὶ μεθ’ ἡμέρας ὀκτὼ πάλιν ἦσαν ἔσω οἱ μαθηταὶ αὐτοῦ καὶ Θωμᾶς μετ’ αὐτῶν. ἔρχεται ὁ Ἰησοῦς τῶν θυρῶν κεκλεισμένων, καὶ ἔστη εἰς τὸ μέσον καὶ εἶπεν· Εἰρήνη ὑμῖν. εἶτα λέγει τῷ Θωμᾷ· Φέρε τὸν δάκτυλόν σου ὧδε καὶ ἴδε τὰς χεῖράς μου, καὶ φέρε τὴν χεῖρά σου καὶ βάλε εἰς τὴν πλευράν μου, καὶ μὴ γίνου ἄπιστος ἀλλὰ πιστός. ἀπεκρίθη Θωμᾶς καὶ εἶπεν αὐτῷ· Ὁ κύριός μου καὶ ὁ θεός μου. λέγει αὐτῷ ὁ Ἰησοῦς· Ὅτι ἑώρακάς με πεπίστευκας; μακάριοι οἱ μὴ ἰδόντες καὶ πιστεύσαντες. Πολλὰ μὲν οὖν καὶ ἄλλα σημεῖα ἐποίησεν ὁ Ἰησοῦς ἐνώπιον τῶν μαθητῶν, ἃ οὐκ ἔστιν γεγραμμένα ἐν τῷ βιβλίῳ τούτῳ· ταῦτα δὲ γέγραπται ἵνα πιστεύητε ὅτι Ἰησοῦς ἐστιν ὁ χριστὸς ὁ υἱὸς τοῦ θεοῦ, καὶ ἵνα πιστεύοντες ζωὴν ἔχητε ἐν τῷ ὀνόματι αὐτοῦ.
Te de mia ton sabbaton Maria he Magdalene erchetai proi skotias eti ouses eis to mnemeion, kai blepei ton lithon ermenon ek tou mnemeiou. trechei oun kai erchetai pros Simona Petron kai pros ton allon matheten hon ephilei ho Iesous, kai legei autois; Eran ton kyrion ek tou mnemeiou, kai ouk oidamen pou ethekan auton. exelthen oun ho Petros kai ho allos mathetes, kai erchonto eis to mnemeion. etrechon de ohi dyo homou; kai ho allos mathetes proedramen tachion tou Petrou kai elthen protos eis to mnemeion, kai parakypsas blepei keimena ta othonia, ou mentoi eiselthen. erchetai oun kai Simon Petros akolouthon auto, kai eiselthen eis to mnemeion; kai theorei ta othonia keimena, kai to soudarion, ho en epi tes kephales autou, ou meta ton othonion keimenon alla choris entetyligmenon eis hena topon; tote oun eiselthen kai ho allos mathetes ho elthon protos eis to mnemeion, kai eiden kai episteusen; oudepo gar edeisan ten graphen hoti dei auton ek nekron anastenai. apelthon oun palin pros hautous ohi mathetai. Maria de ehistekei pros to mnemeio exo klaiousa. hos oun eklaien parekypsen eis to mnemeion, kai theorei dyo angelous en leukois kathezomenous, hena pros te kephale kai hena pros tois posin, hopou ekeito to soma tou Iesou. kai legousin aute ekeinoi; Gynai, ti klaieis? legei autois hoti Eran ton kyrion mou, kai ouk oida pou ethekan auton. tauta eipousa estraphe eis ta opiso, kai theorei ton Iesoun hestota, kai ouk edei hoti Iesous estin. legei aute Iesous; Gynai, ti klaieis? tina zeteis? ekeine dokousa hoti ho kepouros estin legei auto; Kyrie, ei sy ebastasas auton, eipe moi pou ethekas auton, kago auton aro. legei aute Iesous; Mariam. strapheisa ekeine legei auto Hebraisti; Rabbouni ho legetai Didaskale. legei aute Iesous; Me mou haptou, oupo gar anabebeka pros ton patera; poreuou de pros tous adelphous mou kai eipe autois; Anabaino pros ton patera mou kai patera hymon kai theon mou kai theon hymon. erchetai Mariam he Magdalene angellousa tois mathetais hoti Heoraka ton kyrion kai tauta eipen aute. Ouses oun opsias te hemera ekeine te mia sabbaton, kai ton thyron kekleismenon hopou esan ohi mathetai dia ton phobon ton Ioudaion, elthen ho Iesous kai este eis to meson, kai legei autois; Eirene hymin. kai touto eipon edeixen tas cheiras kai ten pleuran autois. echaresan oun ohi mathetai idontes ton kyrion. eipen oun autois ho Iesous palin; Eirene hymin; kathos apestalken me ho pater, kago pempo hymas. kai touto eipon enephysesen kai legei autois; Labete pneuma hagion; an tinon aphete tas hamartias apheontai autois; an tinon kratete kekratentai. Thomas de ehis ek ton dodeka, ho legomenos Didymos, ouk en met’ auton hote elthen Iesous. elegon oun auto ohi alloi mathetai; Heorakamen ton kyrion. ho de eipen autois; Ean me ido en tais chersin autou ton typon ton helon kai balo ton daktylon mou eis ton typon ton helon kai balo mou ten cheira eis ten pleuran autou, ou me pisteuso. Kai meth’ hemeras okto palin esan eso ohi mathetai autou kai Thomas met’ auton. erchetai ho Iesous ton thyron kekleismenon, kai este eis to meson kai eipen; Eirene hymin. eita legei to Thoma; Phere ton daktylon sou hode kai ide tas cheiras mou, kai phere ten cheira sou kai bale eis ten pleuran mou, kai me ginou apistos alla pistos. apekrithe Thomas kai eipen auto; Ho kyrios mou kai ho theos mou. legei auto ho Iesous; Hoti heorakas me pepisteukas? makarioi ohi me idontes kai pisteusantes. Polla men oun kai alla semeia epoiesen ho Iesous enopion ton matheton, ha ouk estin gegrammena en to biblio touto; tauta de gegraptai hina pisteuete hoti Iesous estin ho christos ho yhios tou theou, kai hina pisteuontes zoen echete en to onomati autou.