Ἰούδας Ἰησοῦ Χριστοῦ δοῦλος, ἀδελφὸς δὲ Ἰακώβου, τοῖς ἐν θεῷ πατρὶ ἠγαπημένοις καὶ Ἰησοῦ Χριστῷ τετηρημένοις κλητοῖς· ἔλεος ὑμῖν καὶ εἰρήνη καὶ ἀγάπη πληθυνθείη. Ἀγαπητοί, πᾶσαν σπουδὴν ποιούμενος γράφειν ὑμῖν περὶ τῆς κοινῆς ἡμῶν σωτηρίας ἀνάγκην ἔσχον γράψαι ὑμῖν παρακαλῶν ἐπαγωνίζεσθαι τῇ ἅπαξ παραδοθείσῃ τοῖς ἁγίοις πίστει. παρεισέδυσαν γάρ τινες ἄνθρωποι, οἱ πάλαι προγεγραμμένοι εἰς τοῦτο τὸ κρίμα, ἀσεβεῖς, τὴν τοῦ θεοῦ ἡμῶν χάριτα μετατιθέντες εἰς ἀσέλγειαν καὶ τὸν μόνον δεσπότην καὶ κύριον ἡμῶν Ἰησοῦν Χριστὸν ἀρνούμενοι. Ὑπομνῆσαι δὲ ὑμᾶς βούλομαι, εἰδότας ὑμᾶς ἅπαξ πάντα, ὅτι Ἰησοῦς λαὸν ἐκ γῆς Αἰγύπτου σώσας τὸ δεύτερον τοὺς μὴ πιστεύσαντας ἀπώλεσεν, ἀγγέλους τε τοὺς μὴ τηρήσαντας τὴν ἑαυτῶν ἀρχὴν ἀλλὰ ἀπολιπόντας τὸ ἴδιον οἰκητήριον εἰς κρίσιν μεγάλης ἡμέρας δεσμοῖς ἀϊδίοις ὑπὸ ζόφον τετήρηκεν· ὡς Σόδομα καὶ Γόμορρα καὶ αἱ περὶ αὐτὰς πόλεις, τὸν ὅμοιον τρόπον τούτοις ἐκπορνεύσασαι καὶ ἀπελθοῦσαι ὀπίσω σαρκὸς ἑτέρας, πρόκεινται δεῖγμα πυρὸς αἰωνίου δίκην ὑπέχουσαι. Ὁμοίως μέντοι καὶ οὗτοι ἐνυπνιαζόμενοι σάρκα μὲν μιαίνουσιν, κυριότητα δὲ ἀθετοῦσιν, δόξας δὲ βλασφημοῦσιν. ὁ δὲ Μιχαὴλ ὁ ἀρχάγγελος, ὅτε τῷ διαβόλῳ διακρινόμενος διελέγετο περὶ τοῦ Μωϋσέως σώματος, οὐκ ἐτόλμησεν κρίσιν ἐπενεγκεῖν βλασφημίας, ἀλλὰ εἶπεν· Ἐπιτιμήσαι σοι κύριος. οὗτοι δὲ ὅσα μὲν οὐκ οἴδασιν βλασφημοῦσιν, ὅσα δὲ φυσικῶς ὡς τὰ ἄλογα ζῷα ἐπίστανται, ἐν τούτοις φθείρονται. οὐαὶ αὐτοῖς, ὅτι τῇ ὁδῷ τοῦ Κάϊν ἐπορεύθησαν, καὶ τῇ πλάνῃ τοῦ Βαλαὰμ μισθοῦ ἐξεχύθησαν, καὶ τῇ ἀντιλογίᾳ τοῦ Κόρε ἀπώλοντο. οὗτοί εἰσιν οἱ ἐν ταῖς ἀγάπαις ὑμῶν σπιλάδες συνευωχούμενοι, ἀφόβως ἑαυτοὺς ποιμαίνοντες, νεφέλαι ἄνυδροι ὑπὸ ἀνέμων παραφερόμεναι, δένδρα φθινοπωρινὰ ἄκαρπα δὶς ἀποθανόντα ἐκριζωθέντα, κύματα ἄγρια θαλάσσης ἐπαφρίζοντα τὰς ἑαυτῶν αἰσχύνας, ἀστέρες πλανῆται οἷς ὁ ζόφος τοῦ σκότους εἰς αἰῶνα τετήρηται. Προεφήτευσεν δὲ καὶ τούτοις ἕβδομος ἀπὸ Ἀδὰμ Ἑνὼχ λέγων· Ἰδοὺ ἦλθεν κύριος ἐν ἁγίαις μυριάσιν αὐτοῦ, ποιῆσαι κρίσιν κατὰ πάντων καὶ ἐλέγξαι πάντας τοὺς ἀσεβεῖς περὶ πάντων τῶν ἔργων ἀσεβείας αὐτῶν ὧν ἠσέβησαν καὶ περὶ πάντων τῶν σκληρῶν ὧν ἐλάλησαν κατ’ αὐτοῦ ἁμαρτωλοὶ ἀσεβεῖς. οὗτοί εἰσιν γογγυσταί, μεμψίμοιροι, κατὰ τὰς ἐπιθυμίας αὐτῶν πορευόμενοι, καὶ τὸ στόμα αὐτῶν λαλεῖ ὑπέρογκα, θαυμάζοντες πρόσωπα ὠφελείας χάριν. Ὑμεῖς δέ, ἀγαπητοί, μνήσθητε τῶν ῥημάτων τῶν προειρημένων ὑπὸ τῶν ἀποστόλων τοῦ κυρίου ἡμῶν Ἰησοῦ Χριστοῦ· ὅτι ἔλεγον ὑμῖν· Ἐπ’ ἐσχάτου χρόνου ἔσονται ἐμπαῖκται κατὰ τὰς ἑαυτῶν ἐπιθυμίας πορευόμενοι τῶν ἀσεβειῶν. οὗτοί εἰσιν οἱ ἀποδιορίζοντες, ψυχικοί, πνεῦμα μὴ ἔχοντες. ὑμεῖς δέ, ἀγαπητοί, ἐποικοδομοῦντες ἑαυτοὺς τῇ ἁγιωτάτῃ ὑμῶν πίστει, ἐν πνεύματι ἁγίῳ προσευχόμενοι, ἑαυτοὺς ἐν ἀγάπῃ θεοῦ τηρήσατε προσδεχόμενοι τὸ ἔλεος τοῦ κυρίου ἡμῶν Ἰησοῦ Χριστοῦ εἰς ζωὴν αἰώνιον. καὶ οὓς μὲν ἐλεᾶτε διακρινομένους, οὓς δὲ σῴζετε ἐκ πυρὸς ἁρπάζοντες, οὓς δὲ ἐλεᾶτε ἐν φόβῳ, μισοῦντες καὶ τὸν ἀπὸ τῆς σαρκὸς ἐσπιλωμένον χιτῶνα. Τῷ δὲ δυναμένῳ φυλάξαι ὑμᾶς ἀπταίστους καὶ στῆσαι κατενώπιον τῆς δόξης αὐτοῦ ἀμώμους ἐν ἀγαλλιάσει μόνῳ θεῷ σωτῆρι ἡμῶν διὰ Ἰησοῦ Χριστοῦ τοῦ κυρίου ἡμῶν δόξα μεγαλωσύνη κράτος καὶ ἐξουσία πρὸ παντὸς τοῦ αἰῶνος καὶ νῦν καὶ εἰς πάντας τοὺς αἰῶνας· ἀμήν.
Ioudas Iesou Christou doulos, adelphos de Iakobou, tois en theo patri egapemenois kai Iesou Christo teteremenois kletois; eleos hymin kai eirene kai agape plethyntheie. Agapetoi, pasan spouden poioumenos graphein hymin peri tes koines hemon soterias ananken eschon grapsai hymin parakalon epagonizesthai te hapax paradotheise tois hagiois pistei. pareisedysan gar tines anthropoi, ohi palai progegrammenoi eis touto to krima, asebeis, ten tou theou hemon charita metatithentes eis aselgeian kai ton monon despoten kai kyrion hemon Iesoun Christon arnoumenoi. Hypomnesai de hymas boulomai, eidotas hymas hapax panta, hoti Iesous laon ek ges Aigyptou sosas to deuteron tous me pisteusantas apolesen, angelous te tous me teresantas ten heauton archen alla apolipontas to idion oiketerion eis krisin megales hemeras desmois aidiois hypo zophon tetereken; hos Sodoma kai Gomorra kai ahi peri autas poleis, ton homoion tropon toutois ekporneusasai kai apelthousai opiso sarkos heteras, prokeintai deigma pyros aioniou diken hypechousai. Homoios mentoi kai houtoi enypniazomenoi sarka men miainousin, kyrioteta de athetousin, doxas de blasphemousin. ho de Michael ho archangelos, hote to diabolo diakrinomenos dielegeto peri tou Moyseos somatos, ouk etolmesen krisin epenenkein blasphemias, alla eipen; Epitimesai soi kyrios. houtoi de hosa men ouk oidasin blasphemousin, hosa de physikos hos ta aloga zoa epistantai, en toutois phtheirontai. ouai autois, hoti te hodo tou Kain eporeuthesan, kai te plane tou Balaam misthou exechythesan, kai te antilogia tou Kore apolonto. houtoi eisin ohi en tais agapais hymon spilades syneuochoumenoi, aphobos heautous poimainontes, nephelai anydroi hypo anemon parapheromenai, dendra phthinoporina akarpa dis apothanonta ekrizothenta, kymata agria thalasses epaphrizonta tas heauton aischynas, asteres planetai ohis ho zophos tou skotous eis aiona teteretai. Proepheteusen de kai toutois hebdomos apo Adam Henoch legon; Idou elthen kyrios en hagiais myriasin autou, poiesai krisin kata panton kai elenxai pantas tous asebeis peri panton ton ergon asebeias auton hon esebesan kai peri panton ton skleron hon elalesan kat’ autou hamartoloi asebeis. houtoi eisin gongystai, mempsimoiroi, kata tas epithymias auton poreuomenoi, kai to stoma auton lalei hyperonka, thaumazontes prosopa opheleias charin. Hymeis de, agapetoi, mnesthete ton rhematon ton proeiremenon hypo ton apostolon tou kyriou hemon Iesou Christou; hoti elegon hymin; Ep’ eschatou chronou esontai empaiktai kata tas heauton epithymias poreuomenoi ton asebeion. houtoi eisin ohi apodiorizontes, psychikoi, pneuma me echontes. hymeis de, agapetoi, epoikodomountes heautous te hagiotate hymon pistei, en pneumati hagio proseuchomenoi, heautous en agape theou teresate prosdechomenoi to eleos tou kyriou hemon Iesou Christou eis zoen aionion. kai hous men eleate diakrinomenous, hous de sozete ek pyros harpazontes, hous de eleate en phobo, misountes kai ton apo tes sarkos espilomenon chitona. To de dynameno phylaxai hymas aptaistous kai stesai katenopion tes doxes autou amomous en agalliasei mono theo soteri hemon dia Iesou Christou tou kyriou hemon doxa megalosyne kratos kai exousia pro pantos tou aionos kai nyn kai eis pantas tous aionas; amen.