Book 19, § 3 — New Testament

Ὅθεν, ἀδελφοὶ ἅγιοι, κλήσεως ἐπουρανίου μέτοχοι, κατανοήσατε τὸν ἀπόστολον καὶ ἀρχιερέα τῆς ὁμολογίας ἡμῶν Ἰησοῦν, πιστὸν ὄντα τῷ ποιήσαντι αὐτὸν ὡς καὶ Μωϋσῆς ἐν τῷ οἴκῳ αὐτοῦ. πλείονος γὰρ οὗτος δόξης παρὰ Μωϋσῆν ἠξίωται καθ’ ὅσον πλείονα τιμὴν ἔχει τοῦ οἴκου ὁ κατασκευάσας αὐτόν· πᾶς γὰρ οἶκος κατασκευάζεται ὑπό τινος, ὁ δὲ πάντα κατασκευάσας θεός. καὶ Μωϋσῆς μὲν πιστὸς ἐν ὅλῳ τῷ οἴκῳ αὐτοῦ ὡς θεράπων εἰς μαρτύριον τῶν λαληθησομένων, Χριστὸς δὲ ὡς υἱὸς ἐπὶ τὸν οἶκον αὐτοῦ· ὅς οἶκός ἐσμεν ἡμεῖς, ἐὰν τὴν παρρησίαν καὶ τὸ καύχημα τῆς ἐλπίδος κατάσχωμεν.

Hothen, adelphoi hagioi, kleseos epouraniou metochoi, katanoesate ton apostolon kai archierea tes homologias hemon Iesoun, piston onta to poiesanti auton hos kai Moyses en to oiko autou. pleionos gar houtos doxes para Moysen exiotai kath’ hoson pleiona timen echei tou oikou ho kataskeuasas auton; pas gar oikos kataskeuazetai hypo tinos, ho de panta kataskeuasas theos. kai Moyses men pistos en holo to oiko autou hos therapon eis martyrion ton lalethesomenon, Christos de hos yhios epi ton oikon autou; hos oikos esmen hemeis, ean ten parresian kai to kauchema tes elpidos kataschomen.

Διό, καθὼς λέγει τὸ πνεῦμα τὸ ἅγιον· Σήμερον ἐὰν τῆς φωνῆς αὐτοῦ ἀκούσητε, μὴ σκληρύνητε τὰς καρδίας ὑμῶν ὡς ἐν τῷ παραπικρασμῷ, κατὰ τὴν ἡμέραν τοῦ πειρασμοῦ ἐν τῇ ἐρήμῳ, οὗ ἐπείρασαν οἱ πατέρες ὑμῶν ἐν δοκιμασίᾳ καὶ εἶδον τὰ ἔργα μου τεσσεράκοντα ἔτη· διὸ προσώχθισα τῇ γενεᾷ ταύτῃ καὶ εἶπον· Ἀεὶ πλανῶνται τῇ καρδίᾳ· αὐτοὶ δὲ οὐκ ἔγνωσαν τὰς ὁδούς μου· ὡς ὤμοσα ἐν τῇ ὀργῇ μου· Εἰ εἰσελεύσονται εἰς τὴν κατάπαυσίν μου. βλέπετε, ἀδελφοί, μήποτε ἔσται ἔν τινι ὑμῶν καρδία πονηρὰ ἀπιστίας ἐν τῷ ἀποστῆναι ἀπὸ θεοῦ ζῶντος, ἀλλὰ παρακαλεῖτε ἑαυτοὺς καθ’ ἑκάστην ἡμέραν, ἄχρις οὗ τὸ Σήμερον καλεῖται, ἵνα μὴ σκληρυνθῇ τις ἐξ ὑμῶν ἀπάτῃ τῆς ἁμαρτίας· μέτοχοι γὰρ τοῦ Χριστοῦ γεγόναμεν, ἐάνπερ τὴν ἀρχὴν τῆς ὑποστάσεως μέχρι τέλους βεβαίαν κατάσχωμεν. ἐν τῷ λέγεσθαι· Σήμερον ἐὰν τῆς φωνῆς αὐτοῦ ἀκούσητε, Μὴ σκληρύνητε τὰς καρδίας ὑμῶν ὡς ἐν τῷ παραπικρασμῷ. τίνες γὰρ ἀκούσαντες παρεπίκραναν; ἀλλ’ οὐ πάντες οἱ ἐξελθόντες ἐξ Αἰγύπτου διὰ Μωϋσέως; τίσιν δὲ προσώχθισεν τεσσεράκοντα ἔτη; οὐχὶ τοῖς ἁμαρτήσασιν, ὧν τὰ κῶλα ἔπεσεν ἐν τῇ ἐρήμῳ; τίσιν δὲ ὤμοσεν μὴ εἰσελεύσεσθαι εἰς τὴν κατάπαυσιν αὐτοῦ εἰ μὴ τοῖς ἀπειθήσασιν; καὶ βλέπομεν ὅτι οὐκ ἠδυνήθησαν εἰσελθεῖν δι’ ἀπιστίαν.

Dio, kathos legei to pneuma to hagion; Semeron ean tes phones autou akousete, me sklerynete tas kardias hymon hos en to parapikrasmo, kata ten hemeran tou peirasmou en te eremo, hou epeirasan ohi pateres hymon en dokimasia kai eidon ta erga mou tesserakonta ete; dio prosochthisa te genea taute kai eipon; Aei planontai te kardia; autoi de ouk egnosan tas hodous mou; hos omosa en te orge mou; Ei eiseleusontai eis ten katapausin mou. blepete, adelphoi, mepote estai en tini hymon kardia ponera apistias en to apostenai apo theou zontos, alla parakaleite heautous kath’ hekasten hemeran, achris hou to Semeron kaleitai, hina me sklerynthe tis ex hymon apate tes hamartias; metochoi gar tou Christou gegonamen, eanper ten archen tes hypostaseos mechri telous bebaian kataschomen. en to legesthai; Semeron ean tes phones autou akousete, Me sklerynete tas kardias hymon hos en to parapikrasmo. tines gar akousantes parepikranan? all’ ou pantes ohi exelthontes ex Aigyptou dia Moyseos? tisin de prosochthisen tesserakonta ete? ouchi tois hamartesasin, hon ta kola epesen en te eremo? tisin de omosen me eiseleusesthai eis ten katapausin autou ei me tois apeithesasin? kai blepomen hoti ouk edynethesan eiselthein di’ apistian.