§ 13 — Idyllen

οὐχ ἁμῖν τὸν Ἔρωτα μόνοις ἔτεχ’, ὡς ἐδοκεῦμες,

ouch hamin ton Erota monois etech’, hos edokeumes,

Νικία, ᾧ τινι τοῦτο θεῶν ποκα τέκνον ἔγεντο.

Nikia, ho tini touto theon poka teknon egento.

οὐχ ἁμῖν τὰ καλὰ πράτοις καλὰ φαίνεται εἶμεν,

ouch hamin ta kala pratois kala phainetai eimen,

οἳ θνατοὶ πελόμεσθα, τὸ δ’ αὔριον οὐκ ἐσορῶμες·

ohi thnatoi pelomestha, to d’ aurion ouk esoromes;

ἀλλὰ καὶ ὡμφιτρύωνος ὁ χαλκεοκάρδιος υἱός,

alla kai homphitryonos ho chalkeokardios yhios,

ὃς τὸν λῖν ὑπέμεινε τὸν ἄγριον, ἤρατο παιδός,

hos ton lin hypemeine ton agrion, erato paidos,

τῶ χαρίεντος Ὕλα, τῶ τὰν πλοκαμῖδα φορεῦντος,

to charientos Hyla, to tan plokamida phoreuntos,

καί νιν πάντ’ ἐδίδαξε πατὴρ ὡσεὶ φίλον υἱέα,

kai nin pant’ edidaxe pater hosei philon yhiea,

ὅσσα μαθὼν ἀγαθὸς καὶ ἀοίδιμος αὐτὸς ἔγεντο·

hossa mathon agathos kai aoidimos autos egento;

χωρὶς δ’ οὐδέποκ’ ἦς, οὔτ’ εἰ μέσον ἆμαρ ὄροιτο,

choris d’ oudepok’ es, out’ ei meson amar oroito,

οὔτ’ ἄρ’ ὅχ’ ἁ λεύκιππος ἀνατρέχοι ἐς Διὸς Ἀώς,

out’ ar’ hoch’ ha leukippos anatrechoi es Dios Aos,

οὐδ’ ὁπόκ’ ὀρτάλιχοι μινυροὶ ποτὶ κοῖτον ὁρῷεν,

oud’ hopok’ ortalichoi minyroi poti koiton horoen,

σεισαμένας πτερὰ ματρὸς ἐπ’ αἰθαλόεντι πετεύρῳ,

seisamenas ptera matros ep’ aithaloenti peteuro,

ὡς αὐτῷ κατὰ θυμὸν ὁ παῖς πεποναμένος εἴη,

hos auto kata thymon ho pais peponamenos eie,

αὐτῷ δ’ εὖ ἕλκων ἐς ἀλαθινὸν ἄνδρ’ ἀποβαίη.

auto d’ eu helkon es alathinon andr’ apobaie.

ἀλλ’ ὅτε τὸ χρύσειον ἔπλει μετὰ κῶας Ἰήσων

all’ hote to chryseion eplei meta koas Ieson

Αἰσονίδας, οἱ δ’ αὐτῷ ἀριστῆες συνέποντο

Aisonidas, ohi d’ auto aristees syneponto

πασᾶν ἐκ πολίων προλελεγμένοι, ὧν ὄφελός τι,

pasan ek polion prolelegmenoi, hon ophelos ti,

ἵκετο χὡ ταλαεργὸς ἀνὴρ ἐς ἀφνειὸν Ἰωλκόν,

hiketo chho talaergos aner es aphneion Iolkon,

Ἀλκμήνης υἱὸς Μιδεάτιδος ἡρωίνης,

Alkmenes yhios Mideatidos heroines,

σὺν δ’ αὐτῷ κατέβαινεν Ὕλας εὔεδρον ἐς Ἀργώ,

syn d’ auto katebainen Hylas euedron es Argo,

ἅτις κυανεᾶν οὐχ ἥψατο συνδρομάδων ναῦς,

hatis kyanean ouch hepsato syndromadon naus,

ἀλλὰ διεξάιξε— βαθὺν δ’ εἰσέδραμε Φᾶσιν—

alla diexaixe— bathyn d’ eisedrame Phasin—

αἰετὸς ἐς μέγα λαῖτμα· ἀφ’ οὗ τότε χοιράδες ἔσταν.

aietos es mega laitma; aph’ hou tote choirades estan.

ἆμος δ’ ἀντέλλοντι Πελειάδες, ἐσχατιαὶ δὲ

amos d’ antellonti Peleiades, eschatiai de

ἄρνα νέον βόσκοντι, τετραμμένου εἴαρος ἤδη,

arna neon boskonti, tetrammenou eiaros ede,

τᾶμος ναυτιλίας μιμνάσκετο θεῖος ἄωτος

tamos nautilias mimnasketo theios aotos

ἡρώων, κοίλαν δὲ καθιδρυνθέντες ἐς Ἀργὼ

heroon, koilan de kathidrynthentes es Argo

Ἑλλάσποντον ἵκοντο νότῳ τρίτον ἆμαρ ἀέντι,

Hellasponton hikonto noto triton amar aenti,

εἴσω δ’ ὅρμον ἔθεντο Προποντίδος, ἔνθα Κιανῶν

eiso d’ hormon ethento Propontidos, entha Kianon

αὔλακας εὐρύνοντι βόες τρίβοντες ἄροτρα.

aulakas eurynonti boes tribontes arotra.

ἐκβάντες δ’ ἐπὶ θῖνα κατὰ ζυγὰ δαῖτα πένοντο

ekbantes d’ epi thina kata zyga daita penonto

δειελινοί, πολλοὶ δὲ μίαν στορέσαντο χαμεύναν.

deielinoi, polloi de mian storesanto chameunan.

λειμὼν γάρ σφιν ἔκειτο, μέγα στιβάδεσσιν ὄνειαρ,

leimon gar sphin ekeito, mega stibadessin oneiar,

ἔνθεν βούτομον ὀξὺ βαθύν τ’ ἐτάμοντο κύπειρον.

enthen boutomon oxy bathyn t’ etamonto kypeiron.

κᾤχεθ’ Ὕλας ὁ ξανθὸς ὕδωρ ἐπιδόρπιον οἰσῶν

kocheth’ Hylas ho xanthos hydor epidorpion oison

αὐτῷ θ’ Ἡρακλῆι καὶ ἀστεμφεῖ Τελαμῶνι,

auto th’ Heraklei kai astemphei Telamoni,

οἳ μίαν ἄμφω ἑταῖροι ἀεὶ δαίνυντο τράπεζαν,

ohi mian ampho hetairoi aei dainynto trapezan,

χάλκεον ἄγγος ἔχων. τάχα δὲ κράναν ἐνόησεν

chalkeon angos echon. tacha de kranan enoesen

ἡμένῳ ἐν χώρῳ· περὶ δὲ θρύα πολλὰ πεφύκει,

hemeno en choro; peri de thrya polla pephykei,

κυάνεόν τε χελιδόνιον χλωρόν τ’ ἀδίαντον

kyaneon te chelidonion chloron t’ adianton

καὶ θάλλοντα σέλινα καὶ εἰλιτενὴς ἄγρωστις.

kai thallonta selina kai eilitenes agrostis.

ὕδατι δ’ ἐν μέσσῳ Νύμφαι χορὸν ἀρτίζοντο,

hydati d’ en messo Nymphai choron artizonto,

νύμφαι ἀκοίμητοι, δειναὶ θεαὶ ἀγροιώταις,

nymphai akoimetoi, deinai theai agroiotais,

Εὐνείκα καὶ Μαλὶς ἔαρ θ’ ὁρόωσα Νύχεια,

Euneika kai Malis ear th’ horoosa Nycheia,

ἤτοι ὁ κοῦρος ἐπεῖχε ποτῷ πολυχανδέα κρωσσὸν

etoi ho kouros epeiche poto polychandea krosson

βάψαι ἐπειγόμενος, ταὶ δ’ ἐν χερὶ πᾶσαι ἔφυσαν·

bapsai epeigomenos, tai d’ en cheri pasai ephysan;

πασάων γὰρ ἔρως ἁπαλὰς φρένας ἐξεσόβησεν

pasaon gar eros hapalas phrenas exesobesen

Ἀργείῳ ἐπὶ παιδί· κατήριπε δ’ ἐς μέλαν ὕδωρ

Argeio epi paidi; kateripe d’ es melan hydor

ἀθρόος, ὡς ὅτε πυρσὸς ἀπ’ οὐρανοῦ ἤριπεν ἀστὴρ

athroos, hos hote pyrsos ap’ ouranou eripen aster

ἀθρόος, ἐν πόντῳ, ναύταις δέ τις εἶπεν ἑταίροις·"

athroos, en ponto, nautais de tis eipen hetairois;"

κουφότερ’ ὦ παῖδες ποιεῖσθ’ ὅπλα· πνευστικὸς οὖρος".

kouphoter’ o paides poieisth’ hopla; pneustikos ouros".

νύμφαι μὲν σφετέροις ἐπὶ γούνασι κοῦρον ἔχοισαι

nymphai men spheterois epi gounasi kouron echoisai

δακρυόεντ’ ἀγανοῖσι παρεψύχοντ’ ἐπέεσσιν.

dakryoent’ aganoisi parepsychont’ epeessin.

Ἀμφιτρυωνιάδας δὲ ταρασσόμενος περὶ παιδὶ

Amphitryoniadas de tarassomenos peri paidi

ᾤχετο, μαιωτιστὶ λαβὼν εὐκαμπέα τόξα

ocheto, maiotisti labon eukampea toxa

καὶ ῥόπαλον, τό οἱ αἰὲν ἐχάνδανε δεξιτερὴ χείρ.

kai rhopalon, to ohi aien echandane dexitere cheir.

τρὶς μὲν Ὕλαν ἄυσεν, ὅσον βαρὺς ἤρυγε λαιμός·

tris men Hylan ausen, hoson barys eryge laimos;

τρὶς δ’ ἄρ’ ὁ παῖς ὑπάκουσεν, ἀραιὰ δ’ ἵκετο φωνὰ

tris d’ ar’ ho pais hypakousen, araia d’ hiketo phona

ἐξ ὕδατος, παρεὼν δὲ μάλα σχεδὸν εἴδετο πόρρω.

ex hydatos, pareon de mala schedon eideto porro.

ὡς δ’ ὁπότ’ ἠυγένειος ἀπόπροθι λῖς ἐσακούσας†,

hos d’ hopot’ eugeneios apoprothi lis esakousas†,

νεβροῦ φθεγξαμένας τις ἐν οὔρεσιν ὠμοφάγος λῖς

nebrou phthenxamenas tis en ouresin omophagos lis

ἐξ εὐνᾶς ἔσπευσεν ἑτοιμοτάταν ἐπὶ δαῖτα·

ex eunas espeusen hetoimotatan epi daita;

Ἡρακλέης τοιοῦτος ἐν ἀτρίπτοισιν ἀκάνθαις

Heraklees toioutos en atriptoisin akanthais

παῖδα ποθῶν δεδόνητο, πολὺν δ’ ἐπελάμβανε χῶρον.

paida pothon dedoneto, polyn d’ epelambane choron.

σχέτλιοι οἱ φιλέοντες· ἀλώμενος ὅσσ’ ἐμόγησεν

schetlioi ohi phileontes; alomenos hoss’ emogesen

οὔρεα καὶ δρυμούς, τὰ δ’ Ἰήσονος ὕστερα πάντ’ ἦς.

ourea kai drymous, ta d’ Iesonos hystera pant’ es.

ναῦς γέμεν ἄρμεν’ ἔχοισα μετάρσια τῶν παρεόντων,

naus gemen armen’ echoisa metarsia ton pareonton,

ἱστία δ’ ἡμίθεοι μεσονύκτιον ἐξεκάθαιρον

histia d’ hemitheoi mesonyktion exekathairon

Ἡρακλῆα μένοντες. ὁ δ’ ᾇ πόδες ἆγον ἐχώρει

Heraklea menontes. ho d’ ha podes agon echorei

μαινόμενος· χαλεπὸς γὰρ ἔσω θεὸς ἧπαρ ἄμυσσεν.

mainomenos; chalepos gar eso theos hepar amyssen.

οὕτω μὲν κάλλιστος Ὕλας μακάρων ἀμιθρεῖται·

houto men kallistos Hylas makaron amithreitai;

Ἡρακλέην δ’ ἥρωες ἐκερτόμεον λιποναύταν,

Herakleen d’ heroes ekertomeon liponautan,

οὕνεκεν ἠρώησε τριακοντάζυγον Ἀργώ,

houneken eroese triakontazygon Argo,

πεζᾷ δ’ ἐς Κόλχους τε καὶ ἄξενον ἵκετο Φᾶσιν.

peza d’ es Kolchous te kai axenon hiketo Phasin.