§ 10 — Idyllen

ἐργατίνα βουκαῖε, τί νῦν ᾠζυρὲ πεπόνθεις;

ergatina boukaie, ti nyn ozyre pepontheis?

οὔθ’ ἑὸν ὄγμον ἄγειν ὀρθὸν δύνᾳ, ὡς τὸ πρὶν ἆγες,

outh’ heon ogmon agein orthon dyna, hos to prin ages,

οὔθ’ ἅμα λᾳοτομεῖς τῷ πλατίον, ἀλλ’ ἀπολείπῃ

outh’ hama laotomeis to plation, all’ apoleipe

ὥσπερ ὄις ποίμνας, ἇς τὸν πόδα κάκτος ἔτυψε.

hosper ois poimnas, has ton poda kaktos etypse.

ποῖός τις δείλαν τυ καὶ ἐκ μέσω ἄματος ἐσσῇ,

poios tis deilan ty kai ek meso amatos esse,

ὃς νῦν ἀρχόμενος τᾶς αὔλακος οὐκ ἀποτρώγεις;

hos nyn archomenos tas aulakos ouk apotrogeis?

Μίλων ὀψαμάτα, πέτρας ἀπόκομμ’ ἀτεράμνω,

Milon opsamata, petras apokomm’ ateramno,

οὐδαμά τοι συνέβα ποθέσαι τινὰ τῶν ἀπεόντων;

oudama toi syneba pothesai tina ton apeonton?

οὐδαμά. τίς δὲ πόθος τῶν ἔκτοθεν ἐργάτᾳ ἀνδρί;

oudama. tis de pothos ton ektothen ergata andri?

οὐδαμά νυν συνέβα τοι ἀγρυπνῆσαι δι’ ἔρωτα;

oudama nyn syneba toi agrypnesai di’ erota?

μηδέ γε συμβαίη· χαλεπὸν χορίω κύνα γεῦσαι.

mede ge symbaie; chalepon chorio kyna geusai.

ἀλλ’ ἐγὼ ὦ Μίλων ἔραμαι σχεδὸν ἑνδεκαταῖος.

all’ ego o Milon eramai schedon hendekataios.

ἐκ πίθω ἀντλεῖς δῆλον· ἐγὼ δ’ ἔχω οὐδ’ ἅλις ὄξος.

ek pitho antleis delon; ego d’ echo oud’ halis oxos.

τοιγάρτοι πρὸ θυρᾶν μοι ἀπὸ σπόρω ἄσκαλα πάντα.

toigartoi pro thyran moi apo sporo askala panta.

τίς δέ τυ τᾶν παίδων λυμαίνεται;

tis de ty tan paidon lymainetai?

ἁ Πολυβώτα,

ha Polybota,

ἃ πρᾶν ἀμάντεσσι παρ’ Ἱπποκίωνι ποταύλει.

ha pran amantessi par’ Hippokioni potaulei.

εὗρε θεὸς τὸν ἀλιτρόν· ἔχεις πάλαι ὧν ἐπεθύμεις.

heure theos ton alitron; echeis palai hon epethymeis.

μάντίς τοι τὰν νύκτα χροϊξεῖθ’ ἁ καλαμαία.

mantis toi tan nykta chroixeith’ ha kalamaia.

μωμᾶσθαί μ’ ἄρχῃ τύ· τυφλὸς δ’ οὐκ αὐτὸς ὁ Πλοῦτος, ἀλλὰ καὶ ὡφρόντιστος Ἔρως. μὴ δὴ μέγα μυθεῦ.

momasthai m’ arche ty; typhlos d’ ouk autos ho Ploutos, alla kai hophrontistos Eros. me de mega mytheu.

οὐ μέγα μυθεῦμαι· τὺ μόνον κατάβαλλε τὸ λᾷον,

ou mega mytheumai; ty monon kataballe to laon,

καί τι κόρας φιλικὸν μέλος ἀμβάλευ. ἅδιον οὑτῶς

kai ti koras philikon melos ambaleu. hadion houtos

ἐργαξῇ· καὶ μὰν πρότερόν ποκα μουσικὸς ἦσθα.

ergaxe; kai man proteron poka mousikos estha.

Μοῖσαι Πιερίδες, συναείσατε τὰν ῥαδινάν μοι

Moisai Pierides, synaeisate tan rhadinan moi

παῖδ’· ὧν γάρ χ’ ἅψησθε θεαί, καλὰ πάντα ποεῖτε.

paid’; hon gar ch’ hapsesthe theai, kala panta poeite.

Βομβύκα χαρίεσσα, Σύραν καλέοντί τυ πάντες,

Bombyka chariessa, Syran kaleonti ty pantes,

ἰσχνὰν ἁλιόκαυστον, ἐγὼ δὲ μόνος μελίχλωρον.

ischnan haliokauston, ego de monos melichloron.

καὶ τὸ ἴον μέλαν ἐστὶ καὶ ἁ γραπτὰ ὑάκινθος,

kai to ion melan esti kai ha grapta hyakinthos,

ἀλλ’ ἔμπας ἐν τοῖς στεφάνοις τὰ πρᾶτα λέγονται.

all’ empas en tois stephanois ta prata legontai.

ἁ αἲξ τὰν κύτισον, ὁ λύκος τὰν αἶγα διώκει,

ha aix tan kytison, ho lykos tan aiga diokei,

ἁ γέρανος τὤροτρον, ἐγὼ δ’ ἐπὶ τὶν μεμάνημαι.

ha geranos torotron, ego d’ epi tin memanemai.

αἴθέ μοι ἦς, ὅσσα Κροῖσόν ποκα φαντὶ πεπᾶσθαι,

aithe moi es, hossa Kroison poka phanti pepasthai,

χρύσεοι ἀμφότεροί κ’ ἀνεκείμεθα τᾷ Ἀφροδίτᾳ,

chryseoi amphoteroi k’ anekeimetha ta Aphrodita,

τὼς αὐλὼς μὲν ἔχοισα καὶ ἢ ῥόδον ἢ μᾶλον τύ,

tos aulos men echoisa kai e rhodon e malon ty,

σχῆμα δ’ ἐγὼ καὶ καινὰς ἐπ’ ἀμφοτέροισιν ἀμύκλας.

schema d’ ego kai kainas ep’ amphoteroisin amyklas.

Βομβύκα χαρίεσσ’, οἱ μὲν πόδες ἀστράγαλοί τευς,

Bombyka chariess’, ohi men podes astragaloi teus,

ἁ φωνὰ δὲ τρύχνος· τὸν μὰν τρόπον οὐκ ἔχω εἰπεῖν.

ha phona de trychnos; ton man tropon ouk echo eipein.

ἦ καλὰς ἄμμι ποέων ἐλελήθει βοῦκος ἀοιδάς.

e kalas ammi poeon elelethei boukos aoidas.

ὡς εὖ τὰν ἰδέαν τᾶς ἁρμονίας ἐμέτρησεν.

hos eu tan idean tas harmonias emetresen.

ὤμοι τῶ πώγωνος, ὃν ἀλιθίως ἀνέφυσα.

omoi to pogonos, hon alithios anephysa.

θᾶσαι δὴ καὶ ταῦτα τὰ τῶ θείω Λιτυέρσα.

thasai de kai tauta ta to theio Lityersa.

Δάματερ πολύκαρπε πολύσταχυ, τοῦτο τὸ λᾷον

Damater polykarpe polystachy, touto to laon

εὔεργόν τ’ εἴη καὶ κάρπιμον ὅττι μάλιστα.

euergon t’ eie kai karpimon hotti malista.

σφίγγετ’ ἀμαλλοδέται τὰ δράγματα, μὴ παριών τις

sphinget’ amallodetai ta dragmata, me parion tis

εἴποι·" σύκινοι ἄνδρες, ἀπώλετο χοὖτος ὁ μισθός".

eipoi;" sykinoi andres, apoleto choutos ho misthos".

ἐς βορέην ἄνεμον τᾶς κόρθυος ἁ τομὰ ὔμμιν

es boreen anemon tas korthyos ha toma ymmin

ἢ ζέφυρον βλεπέτω· πιαίνεται ὁ στάχυς οὑτῶς.

e zephyron blepeto; piainetai ho stachys houtos.

σῖτον ἀλοιῶντας φεύγειν τὸ μεσαμβρινὸν ὕπνον·

siton aloiontas pheugein to mesambrinon hypnon;

ἐκ καλάμας ἄχυρον τελέθει τημόσδε μάλιστα.

ek kalamas achyron telethei temosde malista.

ἄρχεσθαι δ’ ἀμῶντας ἐγειρομένω κορυδαλλῶ,

archesthai d’ amontas egeiromeno korydallo,

καὶ λήγειν εὕδοντος, ἐλινῦσαι δὲ τὸ καῦμα.

kai legein heudontos, elinysai de to kauma.

εὐκτὸς ὁ τῶ βατράχω παῖδες βίος· οὐ μελεδαίνει

euktos ho to batracho paides bios; ou meledainei

τὸν προπιεῖν ἐγχεῦντα· πάρεστι γὰρ ἄφθονον αὐτῷ.

ton propiein encheunta; paresti gar aphthonon auto.

κάλλιον ὦπιμελητὰ φιλάργυρε τὸν φακὸν ἕψειν·

kallion opimeleta philargyre ton phakon hepsein;

μή τι τάμῃς τὰν χεῖρα καταπρίων τὸ κύμινον.

me ti tames tan cheira kataprion to kyminon.

ταῦτα χρὴ μοχθεῦντας ἐν ἁλίῳ ἄνδρας ἀείδειν,

tauta chre mochtheuntas en halio andras aeidein,

τὸν δὲ τεὸν βουκαῖε πρέπει λιμηρὸν ἔρωτα

ton de teon boukaie prepei limeron erota

μυθίσδεν τᾷ ματρὶ κατ’ εὐνὰν ὀρθρευοίσᾳ.

mythisden ta matri kat’ eunan orthreuoisa.