Buch 3, § 8 — Grundriss der pyrrhonischen Skepsis

Ἵνα δὲ καὶ ταῦτα παραλίπῃ τις, πῶς ἄρα καὶ γίνεσθαί φασι τὰ συγκρίματα ἐκ τῶν πρώτων στοιχείων, μήτε θίξεως καὶ ἁφῆς ὑπαρχούσης μήτε κράσεως ἢ μίξεως ὅλως; ὅτι μὲν γὰρ οὐδέν ἐστιν ἡ ἁφή, μικρῷ πρόσθεν ὑπέμνησα, ὅτε περὶ τῆς ὑποστάσεως τοῦ σώματος διελεγόμην· ὅτι δὲ οὐδὲ ὁ τρόπος τῆς κράσεως ὅσον ἐπὶ τοῖς λεγομένοις ὑπ’ αὐτῶν δυνατός ἐστι, διὰ βραχέων ἐπιστήσω. πολλὰ μὲν γὰρ λέγεται περὶ κράσεως, καὶ σχεδὸν ἀνήνυτοι περὶ τοῦ προκειμένου σκέμματός εἰσι παρὰ τοῖς δογματικοῖς στάσεις· ὅθεν εὐθέως ἅμα τῇ ἀνεπικρίτῳ διαφωνίᾳ καὶ τὸ ἀκατάληπτον τοῦ σκέμματος συνάγοιτ’ ἄν. ἡμεῖς δὲ νῦν τὴν πρὸς ἕκαστον αὐτῶν ἀντίρρησιν παραιτησάμενοι διὰ τὴν πρόθεσιν τῆς συγγραφῆς, τάδε λέξειν ἐπὶ τοῦ παρόντος ἀποχρώντως ὑπολαμβάνομεν.

Hina de kai tauta paralipe tis, pos ara kai ginesthai phasi ta synkrimata ek ton proton stoicheion, mete thixeos kai haphes hyparchouses mete kraseos e mixeos holos? hoti men gar ouden estin he haphe, mikro prosthen hypemnesa, hote peri tes hypostaseos tou somatos dielegomen; hoti de oude ho tropos tes kraseos hoson epi tois legomenois hyp’ auton dynatos esti, dia bracheon episteso. polla men gar legetai peri kraseos, kai schedon anenytoi peri tou prokeimenou skemmatos eisi para tois dogmatikois staseis; hothen eutheos hama te anepikrito diaphonia kai to akatalepton tou skemmatos synagoit’ an. hemeis de nyn ten pros hekaston auton antirresin paraitesamenoi dia ten prothesin tes syngraphes, tade lexein epi tou parontos apochrontos hypolambanomen.

Τὰ κιρνάμενα ἐξ οὐσίας καὶ ποιοτήτων συγκεῖσθαι φασίν. ἤτοι οὖν τὰς μὲν οὐσίας αὐτῶν μίγνυσθαι φήσει τις, τὰς δὲ ποιότητας μηδαμῶς, ἢ τὰς μὲν ποιότητας ἀναμίγνυσθαι, μηκέτι δὲ τὰς οὐσίας, ἢ μηθέτερον ἀναμίγνυσθαι θατέρῳ, ἢ ἀμφότερα ἑνοῦσθαι ἀλλήλοις. ἀλλ’ εἰ μὲν οὔτε αἱ ποιότητες οὔτε αἱ οὐσίαι ἀναμίγνυνται ἀλλήλοις, ἀνεπινόητος ἔσται ἡ κρᾶσις· πῶς γὰρ μία αἴσθησις ἀπὸ τῶν κιρναμένων γίνεσθαι συμβήσεται, εἴγε κατὰ μηδὲν τῶν προειρημένων μίγνυται ἀλλήλοις τὰ κιρνάμενα;

Ta kirnamena ex ousias kai poioteton synkeisthai phasin. etoi oun tas men ousias auton mignysthai phesei tis, tas de poiotetas medamos, e tas men poiotetas anamignysthai, meketi de tas ousias, e metheteron anamignysthai thatero, e amphotera henousthai allelois. all’ ei men oute ahi poiotetes oute ahi ousiai anamignyntai allelois, anepinoetos estai he krasis; pos gar mia aisthesis apo ton kirnamenon ginesthai symbesetai, eige kata meden ton proeiremenon mignytai allelois ta kirnamena?

εἰ δὲ αἱ μὲν ποιότητες ἁπλῶς παρακεῖσθαι λεχθεῖεν ἀλλήλαις, αἱ δὲ οὐσίαι μίγνυσθαι, καὶ οὕτως ἄτοπον ἂν εἴη τὸ λεγόμενον· οὐ γὰρ κεχωρισμένων τῶν ποιοτήτων τῶν ἐν ταῖς κράσεσιν ἀντιλαμβανόμεθα, ἀλλ’ ὡς μιᾶς ἀπὸ τῶν κιρναμένων ἀποτελουμένης αἰσθανόμεθα. εἰ δὲ τὰς μὲν ποιότητας μίγνυσθαι λέγοι τις, τὰς δὲ οὐσίας μηδαμῶς, ἀδύνατα λέξει· ἡ γὰρ τῶν ποιοτήτων ὑπόστασις ἐν ταῖς οὐσίαις ἐστίν, διόπερ γελοῖον ἂν εἴη λέγειν, ὡς αἱ μὲν ποιότητες χωρισθεῖσαι τῶν οὐσιῶν [καὶ] ἰδίᾳ μίγνυνταί που ἀλλήλαις, ἄποιοι δὲ αἱ οὐσίαι χωρὶς ὑπολείπονται.

ei de ahi men poiotetes haplos parakeisthai lechtheien allelais, ahi de ousiai mignysthai, kai houtos atopon an eie to legomenon; ou gar kechorismenon ton poioteton ton en tais krasesin antilambanometha, all’ hos mias apo ton kirnamenon apoteloumenes aisthanometha. ei de tas men poiotetas mignysthai legoi tis, tas de ousias medamos, adynata lexei; he gar ton poioteton hypostasis en tais ousiais estin, dioper geloion an eie legein, hos ahi men poiotetes choristheisai ton ousion [kai] idia mignyntai pou allelais, apoioi de ahi ousiai choris hypoleipontai.

λείπεται λέγειν, ὅτι καὶ αἱ ποιότητες τῶν κιρναμένων καὶ αἱ οὐσίαι χωροῦσι δι’ ἀλλήλων καὶ μιγνύμεναι τὴν κρᾶσιν ἀποτελοῦσιν. ὃ τῶν προειρημένων ἐστὶν ἀτοπώτερον’ ἀδύνατος γάρ ἐστιν ἡ τοιαύτη κρᾶσις. οἷον γοῦν ἐὰν δέκα κοτύλαις ὕδατος κωνείου χυλοῦ κοτύλη μιχθῇ, παντὶ τῷ ὕδατι συνανακίρνασθαι ἂν λέγοιτο τὸ κώνειον· εἰ γοῦν καί τι βραχύτατον μέρος τοῦ μίγματος λάβοι τις, εὑρήσει πεπληρωμένον αὐτὸ τῆς τοῦ κωνείου δυνάμεως.

leipetai legein, hoti kai ahi poiotetes ton kirnamenon kai ahi ousiai chorousi di’ allelon kai mignymenai ten krasin apotelousin. ho ton proeiremenon estin atopoteron’ adynatos gar estin he toiaute krasis. ohion goun ean deka kotylais hydatos koneiou chylou kotyle michthe, panti to hydati synanakirnasthai an legoito to koneion; ei goun kai ti brachytaton meros tou migmatos laboi tis, heuresei pepleromenon auto tes tou koneiou dynameos.

εἰ δὲ ἐπιμίγνυται τὸ κώνειον παντὶ μέρει τοῦ ὕδατος καὶ παρεκτείνεται αὐτῷ ὅλον ὅλῳ κατά τε τὴν τῶν οὐσιῶν καὶ τῶν ποιοτήτων αὐτῶν δι’ ἀλλήλων δίοδον, ἵν’ οὕτως ἡ κρᾶσις γένηται, τὰ δὲ παρεκτεινόμενα ἀλλήλοις καθ’ ἅπαν μέρος τὸν ἴσον ἐπέχει τόπον, διὸ καὶ ἴσα ἀλλήλοις ἐστίν, ἴση ἔσται ἡ κοτύλη τοῦ κωνείου ταῖς δέκα κοτύλαις τοῦ ὕδατος, ὡς εἴκοσι κοτύλας ὀφείλειν εἶναι τὸ μῖγμα ἢ δύο μόνας, ὅσον ἐπὶ τῇδε τῇ ὑποθέσει τοῦ τρόπου τῆς κράσεως· καὶ κοτύλης πάλιν ὕδατος ταῖς εἴκοσι κοτύλαις ὅσον ἐπὶ τῷ λόγῳ τῆς ὑποθέσεως ἐπεμβληθείσης τεσσαράκοντα κοτυλῶν ὀφείλει τὸ μέτρον εἶναι ἢ πάλιν δύο μόνων, ἐπειδὴ καὶ τὴν κοτύλην εἴκοσι κοτύλας ἐνδέχεται νοεῖν, ὅσαις παρεκτείνεται, καὶ τὰς εἴκοσι κοτύλας μίαν, ᾗ συνεξισοῦνται.

ei de epimignytai to koneion panti merei tou hydatos kai parekteinetai auto holon holo kata te ten ton ousion kai ton poioteton auton di’ allelon diodon, hin’ houtos he krasis genetai, ta de parekteinomena allelois kath’ hapan meros ton ison epechei topon, dio kai isa allelois estin, ise estai he kotyle tou koneiou tais deka kotylais tou hydatos, hos eikosi kotylas opheilein einai to migma e dyo monas, hoson epi tede te hypothesei tou tropou tes kraseos; kai kotyles palin hydatos tais eikosi kotylais hoson epi to logo tes hypotheseos epembletheises tessarakonta kotylon opheilei to metron einai e palin dyo monon, epeide kai ten kotylen eikosi kotylas endechetai noein, hosais parekteinetai, kai tas eikosi kotylas mian, he synexisountai.

δυνατὸν δὲ οὕτω κατὰ μίαν κοτύλην ἐπεμβάλλοντα καὶ ὁμοίως συλλογιζόμενον συνάγειν, ὅτι αἱ εἴκοσιν ὁρώμεναι τοῦ μίγματος κοτύλαι δισμύριαί που καὶ πρὸς ὀφείλουσιν εἶναι ὅσον ἐπὶ τῇ ὑποθέσει τοῦ τρόπου τῆς κράσεως, αἱ δὲ αὐταὶ καὶ δύο μόναι· ὅπερ ἀπεμφάσεως ὑπερβολὴν οὐκ ἀπολέλοιπεν. οὐκοῦν ἄτοπός ἐστι καὶ αὕτη ἡ ὑπόθεσις τῆς κράσεως.

dynaton de houto kata mian kotylen epemballonta kai homoios syllogizomenon synagein, hoti ahi eikosin horomenai tou migmatos kotylai dismyriai pou kai pros opheilousin einai hoson epi te hypothesei tou tropou tes kraseos, ahi de autai kai dyo monai; hoper apemphaseos hyperbolen ouk apoleloipen. oukoun atopos esti kai haute he hypothesis tes kraseos.

εἰ δὲ οὔτε τῶν οὐσιῶν μόνων μιγνυμένων ἀλλήλαις οὔτε τῶν ποιοτήτων μόνων οὔτε ἀμφοτέρων οὔτε οὐθετέρου δύναται γίνεσθαι κρᾶσις, παρὰ δὲ ταῦτα οὐδὲν οἷόν τέ ἐστιν ἐπινοεῖν, ἀνεπινόητος ὁ τρόπος τῆς τε κράσεως καὶ ὅλως τῆς μίξεως ἐστίν. διόπερ εἰ μήτε κατὰ θίξιν παρατιθέμενα ἀλλήλοις τὰ καλούμενα στοιχεῖα μήτε ἀνακιρνώμενα ἢ μιγνύμενα ποιητικὰ τῶν συγκριμάτων εἶναι δύναται, ἀνεπινόητός ἐστιν ἡ κατὰ τοὺς δογματικοὺς φυσιολογία καὶ ὅσον ἐπὶ τούτῳ τῷ λόγῳ.

ei de oute ton ousion monon mignymenon allelais oute ton poioteton monon oute amphoteron oute outheterou dynatai ginesthai krasis, para de tauta ouden ohion te estin epinoein, anepinoetos ho tropos tes te kraseos kai holos tes mixeos estin. dioper ei mete kata thixin paratithemena allelois ta kaloumena stoicheia mete anakirnomena e mignymena poietika ton synkrimaton einai dynatai, anepinoetos estin he kata tous dogmatikous physiologia kai hoson epi touto to logo.