Buch 8, § 1 — Neues Testament

Παῦλος ἀπόστολος Χριστοῦ Ἰησοῦ διὰ θελήματος θεοῦ καὶ Τιμόθεος ὁ ἀδελφὸς τῇ ἐκκλησίᾳ τοῦ θεοῦ τῇ οὔσῃ ἐν Κορίνθῳ, σὺν τοῖς ἁγίοις πᾶσιν τοῖς οὖσιν ἐν ὅλῃ τῇ Ἀχαΐᾳ· χάρις ὑμῖν καὶ εἰρήνη ἀπὸ θεοῦ πατρὸς ἡμῶν καὶ κυρίου Ἰησοῦ Χριστοῦ. Εὐλογητὸς ὁ θεὸς καὶ πατὴρ τοῦ κυρίου ἡμῶν Ἰησοῦ Χριστοῦ, ὁ πατὴρ τῶν οἰκτιρμῶν καὶ θεὸς πάσης παρακλήσεως, ὁ παρακαλῶν ἡμᾶς ἐπὶ πάσῃ τῇ θλίψει ἡμῶν, εἰς τὸ δύνασθαι ἡμᾶς παρακαλεῖν τοὺς ἐν πάσῃ θλίψει διὰ τῆς παρακλήσεως ἧς παρακαλούμεθα αὐτοὶ ὑπὸ τοῦ θεοῦ. ὅτι καθὼς περισσεύει τὰ παθήματα τοῦ Χριστοῦ εἰς ἡμᾶς, οὕτως διὰ τοῦ Χριστοῦ περισσεύει καὶ ἡ παράκλησις ἡμῶν. εἴτε δὲ θλιβόμεθα, ὑπὲρ τῆς ὑμῶν παρακλήσεως καὶ σωτηρίας· εἴτε παρακαλούμεθα, ὑπὲρ τῆς ὑμῶν παρακλήσεως τῆς ἐνεργουμένης ἐν ὑπομονῇ τῶν αὐτῶν παθημάτων ὧν καὶ ἡμεῖς πάσχομεν, καὶ ἡ ἐλπὶς ἡμῶν βεβαία ὑπὲρ ὑμῶν· εἰδότες ὅτι ὡς κοινωνοί ἐστε τῶν παθημάτων, οὕτως καὶ τῆς παρακλήσεως. Οὐ γὰρ θέλομεν ὑμᾶς ἀγνοεῖν, ἀδελφοί, ὑπὲρ τῆς θλίψεως ἡμῶν τῆς γενομένης ἐν τῇ Ἀσίᾳ, ὅτι καθ’ ὑπερβολὴν ὑπὲρ δύναμιν ἐβαρήθημεν, ὥστε ἐξαπορηθῆναι ἡμᾶς καὶ τοῦ ζῆν· ἀλλὰ αὐτοὶ ἐν ἑαυτοῖς τὸ ἀπόκριμα τοῦ θανάτου ἐσχήκαμεν, ἵνα μὴ πεποιθότες ὦμεν ἐφ’ ἑαυτοῖς ἀλλ’ ἐπὶ τῷ θεῷ τῷ ἐγείροντι τοὺς νεκρούς· ὃς ἐκ τηλικούτου θανάτου ἐρρύσατο ἡμᾶς καὶ ῥύσεται, εἰς ὃν ἠλπίκαμεν ὅτι καὶ ἔτι ῥύσεται, συνυπουργούντων καὶ ὑμῶν ὑπὲρ ἡμῶν τῇ δεήσει, ἵνα ἐκ πολλῶν προσώπων τὸ εἰς ἡμᾶς χάρισμα διὰ πολλῶν εὐχαριστηθῇ ὑπὲρ ἡμῶν. Ἡ γὰρ καύχησις ἡμῶν αὕτη ἐστίν, τὸ μαρτύριον τῆς συνειδήσεως ἡμῶν, ὅτι ἐν ἁγιότητι καὶ εἰλικρινείᾳ τοῦ θεοῦ, οὐκ ἐν σοφίᾳ σαρκικῇ ἀλλ’ ἐν χάριτι θεοῦ, ἀνεστράφημεν ἐν τῷ κόσμῳ, περισσοτέρως δὲ πρὸς ὑμᾶς· οὐ γὰρ ἄλλα γράφομεν ὑμῖν ἀλλ’ ἢ ἃ ἀναγινώσκετε ἢ καὶ ἐπιγινώσκετε, ἐλπίζω δὲ ὅτι ἕως τέλους ἐπιγνώσεσθε, καθὼς καὶ ἐπέγνωτε ἡμᾶς ἀπὸ μέρους, ὅτι καύχημα ὑμῶν ἐσμεν καθάπερ καὶ ὑμεῖς ἡμῶν ἐν τῇ ἡμέρᾳ τοῦ κυρίου ἡμῶν Ἰησοῦ. Καὶ ταύτῃ τῇ πεποιθήσει ἐβουλόμην πρότερον πρὸς ὑμᾶς ἐλθεῖν, ἵνα δευτέραν χάριν σχῆτε, καὶ δι’ ὑμῶν διελθεῖν εἰς Μακεδονίαν, καὶ πάλιν ἀπὸ Μακεδονίας ἐλθεῖν πρὸς ὑμᾶς καὶ ὑφ’ ὑμῶν προπεμφθῆναι εἰς τὴν Ἰουδαίαν. τοῦτο οὖν βουλόμενος μήτι ἄρα τῇ ἐλαφρίᾳ ἐχρησάμην; ἢ ἃ βουλεύομαι κατὰ σάρκα βουλεύομαι, ἵνα ᾖ παρ’ ἐμοὶ τὸ Ναὶ ναὶ καὶ τὸ Οὒ οὔ; πιστὸς δὲ ὁ θεὸς ὅτι ὁ λόγος ἡμῶν ὁ πρὸς ὑμᾶς οὐκ ἔστιν Ναὶ καὶ Οὔ. ὁ τοῦ θεοῦ γὰρ υἱὸς Ἰησοῦς Χριστὸς ὁ ἐν ὑμῖν δι’ ἡμῶν κηρυχθείς, δι’ ἐμοῦ καὶ Σιλουανοῦ καὶ Τιμοθέου, οὐκ ἐγένετο Ναὶ καὶ Οὒ, ἀλλὰ Ναὶ ἐν αὐτῷ γέγονεν· ὅσαι γὰρ ἐπαγγελίαι θεοῦ, ἐν αὐτῷ τὸ Ναί· διὸ καὶ δι’ αὐτοῦ τὸ Ἀμὴν τῷ θεῷ πρὸς δόξαν δι’ ἡμῶν. ὁ δὲ βεβαιῶν ἡμᾶς σὺν ὑμῖν εἰς Χριστὸν καὶ χρίσας ἡμᾶς θεός, ὁ καὶ σφραγισάμενος ἡμᾶς καὶ δοὺς τὸν ἀρραβῶνα τοῦ πνεύματος ἐν ταῖς καρδίαις ἡμῶν. Ἐγὼ δὲ μάρτυρα τὸν θεὸν ἐπικαλοῦμαι ἐπὶ τὴν ἐμὴν ψυχήν, ὅτι φειδόμενος ὑμῶν οὐκέτι ἦλθον εἰς Κόρινθον. οὐχ ὅτι κυριεύομεν ὑμῶν τῆς πίστεως, ἀλλὰ συνεργοί ἐσμεν τῆς χαρᾶς ὑμῶν, τῇ γὰρ πίστει ἑστήκατε.

Paulos apostolos Christou Iesou dia thelematos theou kai Timotheos ho adelphos te ekklesia tou theou te ouse en Korintho, syn tois hagiois pasin tois ousin en hole te Achaia; charis hymin kai eirene apo theou patros hemon kai kyriou Iesou Christou. Eulogetos ho theos kai pater tou kyriou hemon Iesou Christou, ho pater ton oiktirmon kai theos pases parakleseos, ho parakalon hemas epi pase te thlipsei hemon, eis to dynasthai hemas parakalein tous en pase thlipsei dia tes parakleseos hes parakaloumetha autoi hypo tou theou. hoti kathos perisseuei ta pathemata tou Christou eis hemas, houtos dia tou Christou perisseuei kai he paraklesis hemon. eite de thlibometha, hyper tes hymon parakleseos kai soterias; eite parakaloumetha, hyper tes hymon parakleseos tes energoumenes en hypomone ton auton pathematon hon kai hemeis paschomen, kai he elpis hemon bebaia hyper hymon; eidotes hoti hos koinonoi este ton pathematon, houtos kai tes parakleseos. Ou gar thelomen hymas agnoein, adelphoi, hyper tes thlipseos hemon tes genomenes en te Asia, hoti kath’ hyperbolen hyper dynamin ebarethemen, hoste exaporethenai hemas kai tou zen; alla autoi en heautois to apokrima tou thanatou eschekamen, hina me pepoithotes omen eph’ heautois all’ epi to theo to egeironti tous nekrous; hos ek telikoutou thanatou errysato hemas kai rhysetai, eis hon elpikamen hoti kai eti rhysetai, synypourgounton kai hymon hyper hemon te deesei, hina ek pollon prosopon to eis hemas charisma dia pollon eucharistethe hyper hemon. He gar kauchesis hemon haute estin, to martyrion tes syneideseos hemon, hoti en hagioteti kai eilikrineia tou theou, ouk en sophia sarkike all’ en chariti theou, anestraphemen en to kosmo, perissoteros de pros hymas; ou gar alla graphomen hymin all’ e ha anaginoskete e kai epiginoskete, elpizo de hoti heos telous epignosesthe, kathos kai epegnote hemas apo merous, hoti kauchema hymon esmen kathaper kai hymeis hemon en te hemera tou kyriou hemon Iesou. Kai taute te pepoithesei eboulomen proteron pros hymas elthein, hina deuteran charin schete, kai di’ hymon dielthein eis Makedonian, kai palin apo Makedonias elthein pros hymas kai hyph’ hymon propemphthenai eis ten Ioudaian. touto oun boulomenos meti ara te elaphria echresamen? e ha bouleuomai kata sarka bouleuomai, hina e par’ emoi to Nai nai kai to Ou ou? pistos de ho theos hoti ho logos hemon ho pros hymas ouk estin Nai kai Ou. ho tou theou gar yhios Iesous Christos ho en hymin di’ hemon kerychtheis, di’ emou kai Silouanou kai Timotheou, ouk egeneto Nai kai Ou, alla Nai en auto gegonen; hosai gar epangeliai theou, en auto to Nai; dio kai di’ autou to Amen to theo pros doxan di’ hemon. ho de bebaion hemas syn hymin eis Christon kai chrisas hemas theos, ho kai sphragisamenos hemas kai dous ton arrabona tou pneumatos en tais kardiais hemon. Ego de martyra ton theon epikaloumai epi ten emen psychen, hoti pheidomenos hymon ouketi elthon eis Korinthon. ouch hoti kyrieuomen hymon tes pisteos, alla synergoi esmen tes charas hymon, te gar pistei hestekate.