Buch 7, § 8 — Neues Testament

Περὶ δὲ τῶν εἰδωλοθύτων, οἴδαμεν ὅτι πάντες γνῶσιν ἔχομεν. ἡ γνῶσις φυσιοῖ, ἡ δὲ ἀγάπη οἰκοδομεῖ. εἴ τις δοκεῖ ἐγνωκέναι τι, οὔπω ἔγνω καθὼς δεῖ γνῶναι· εἰ δέ τις ἀγαπᾷ τὸν θεόν, οὗτος ἔγνωσται ὑπ’ αὐτοῦ.

Peri de ton eidolothyton, oidamen hoti pantes gnosin echomen. he gnosis physioi, he de agape oikodomei. ei tis dokei egnokenai ti, oupo egno kathos dei gnonai; ei de tis agapa ton theon, houtos egnostai hyp’ autou.

Περὶ τῆς βρώσεως οὖν τῶν εἰδωλοθύτων οἴδαμεν ὅτι οὐδὲν εἴδωλον ἐν κόσμῳ, καὶ ὅτι οὐδεὶς θεὸς εἰ μὴ εἷς. καὶ γὰρ εἴπερ εἰσὶν λεγόμενοι θεοὶ εἴτε ἐν οὐρανῷ εἴτε ἐπὶ γῆς, ὥσπερ εἰσὶν θεοὶ πολλοὶ καὶ κύριοι πολλοί, ἀλλ’ ἡμῖν εἷς θεὸς ὁ πατήρ, ἐξ οὗ τὰ πάντα καὶ ἡμεῖς εἰς αὐτόν, καὶ εἷς κύριος Ἰησοῦς Χριστός, δι’ οὗ τὰ πάντα καὶ ἡμεῖς δι’ αὐτοῦ.

Peri tes broseos oun ton eidolothyton oidamen hoti ouden eidolon en kosmo, kai hoti oudeis theos ei me ehis. kai gar eiper eisin legomenoi theoi eite en ourano eite epi ges, hosper eisin theoi polloi kai kyrioi polloi, all’ hemin ehis theos ho pater, ex hou ta panta kai hemeis eis auton, kai ehis kyrios Iesous Christos, di’ hou ta panta kai hemeis di’ autou.

Ἀλλ’ οὐκ ἐν πᾶσιν ἡ γνῶσις· τινὲς δὲ τῇ συνηθείᾳ ἕως ἄρτι τοῦ εἰδώλου ὡς εἰδωλόθυτον ἐσθίουσιν, καὶ ἡ συνείδησις αὐτῶν ἀσθενὴς οὖσα μολύνεται. βρῶμα δὲ ἡμᾶς οὐ παραστήσει τῷ θεῷ· οὔτε γὰρ ἐὰν φάγωμεν, περισσεύομεν, οὔτε ἐὰν μὴ φάγωμεν, ὑστερούμεθα. βλέπετε δὲ μή πως ἡ ἐξουσία ὑμῶν αὕτη πρόσκομμα γένηται τοῖς ἀσθενέσιν. ἐὰν γάρ τις ἴδῃ σὲ τὸν ἔχοντα γνῶσιν ἐν εἰδωλείῳ κατακείμενον, οὐχὶ ἡ συνείδησις αὐτοῦ ἀσθενοῦς ὄντος οἰκοδομηθήσεται εἰς τὸ τὰ εἰδωλόθυτα ἐσθίειν; ἀπόλλυται γὰρ ὁ ἀσθενῶν ἐν τῇ σῇ γνώσει, ὁ ἀδελφὸς δι’ ὃν Χριστὸς ἀπέθανεν. οὕτως δὲ ἁμαρτάνοντες εἰς τοὺς ἀδελφοὺς καὶ τύπτοντες αὐτῶν τὴν συνείδησιν ἀσθενοῦσαν εἰς Χριστὸν ἁμαρτάνετε. διόπερ εἰ βρῶμα σκανδαλίζει τὸν ἀδελφόν μου, οὐ μὴ φάγω κρέα εἰς τὸν αἰῶνα, ἵνα μὴ τὸν ἀδελφόν μου σκανδαλίσω.

All’ ouk en pasin he gnosis; tines de te synetheia heos arti tou eidolou hos eidolothyton esthiousin, kai he syneidesis auton asthenes ousa molynetai. broma de hemas ou parastesei to theo; oute gar ean phagomen, perisseuomen, oute ean me phagomen, hysteroumetha. blepete de me pos he exousia hymon haute proskomma genetai tois asthenesin. ean gar tis ide se ton echonta gnosin en eidoleio katakeimenon, ouchi he syneidesis autou asthenous ontos oikodomethesetai eis to ta eidolothyta esthiein? apollytai gar ho asthenon en te se gnosei, ho adelphos di’ hon Christos apethanen. houtos de hamartanontes eis tous adelphous kai typtontes auton ten syneidesin asthenousan eis Christon hamartanete. dioper ei broma skandalizei ton adelphon mou, ou me phago krea eis ton aiona, hina me ton adelphon mou skandaliso.