Buch 7, § 4 — Neues Testament

Οὕτως ἡμᾶς λογιζέσθω ἄνθρωπος ὡς ὑπηρέτας Χριστοῦ καὶ οἰκονόμους μυστηρίων θεοῦ. ὧδε λοιπὸν ζητεῖται ἐν τοῖς οἰκονόμοις ἵνα πιστός τις εὑρεθῇ. ἐμοὶ δὲ εἰς ἐλάχιστόν ἐστιν, ἵνα ὑφ’ ὑμῶν ἀνακριθῶ ἢ ὑπὸ ἀνθρωπίνης ἡμέρας· ἀλλ’ οὐδὲ ἐμαυτὸν ἀνακρίνω· οὐδὲν γὰρ ἐμαυτῷ σύνοιδα, ἀλλ’ οὐκ ἐν τούτῳ δεδικαίωμαι, ὁ δὲ ἀνακρίνων με κύριός ἐστιν. ὥστε μὴ πρὸ καιροῦ τι κρίνετε, ἕως ἂν ἔλθῃ ὁ κύριος, ὃς καὶ φωτίσει τὰ κρυπτὰ τοῦ σκότους καὶ φανερώσει τὰς βουλὰς τῶν καρδιῶν, καὶ τότε ὁ ἔπαινος γενήσεται ἑκάστῳ ἀπὸ τοῦ θεοῦ.

Houtos hemas logizestho anthropos hos hyperetas Christou kai oikonomous mysterion theou. hode loipon zeteitai en tois oikonomois hina pistos tis heurethe. emoi de eis elachiston estin, hina hyph’ hymon anakritho e hypo anthropines hemeras; all’ oude emauton anakrino; ouden gar emauto synoida, all’ ouk en touto dedikaiomai, ho de anakrinon me kyrios estin. hoste me pro kairou ti krinete, heos an elthe ho kyrios, hos kai photisei ta krypta tou skotous kai phanerosei tas boulas ton kardion, kai tote ho epainos genesetai hekasto apo tou theou.

Ταῦτα δέ, ἀδελφοί, μετεσχημάτισα εἰς ἐμαυτὸν καὶ Ἀπολλῶν δι’ ὑμᾶς, ἵνα ἐν ἡμῖν μάθητε τό· Μὴ ὑπὲρ ἃ γέγραπται, ἵνα μὴ εἷς ὑπὲρ τοῦ ἑνὸς φυσιοῦσθε κατὰ τοῦ ἑτέρου. τίς γάρ σε διακρίνει; τί δὲ ἔχεις ὃ οὐκ ἔλαβες; εἰ δὲ καὶ ἔλαβες, τί καυχᾶσαι ὡς μὴ λαβών;

Tauta de, adelphoi, meteschematisa eis emauton kai Apollon di’ hymas, hina en hemin mathete to; Me hyper ha gegraptai, hina me ehis hyper tou henos physiousthe kata tou heterou. tis gar se diakrinei? ti de echeis ho ouk elabes? ei de kai elabes, ti kauchasai hos me labon?

Ἤδη κεκορεσμένοι ἐστέ, ἤδη ἐπλουτήσατε, χωρὶς ἡμῶν ἐβασιλεύσατε· καὶ ὄφελόν γε ἐβασιλεύσατε, ἵνα καὶ ἡμεῖς ὑμῖν συμβασιλεύσωμεν. δοκῶ γάρ, ὁ θεὸς ἡμᾶς τοὺς ἀποστόλους ἐσχάτους ἀπέδειξεν ὡς ἐπιθανατίους, ὅτι θέατρον ἐγενήθημεν τῷ κόσμῳ καὶ ἀγγέλοις καὶ ἀνθρώποις. ἡμεῖς μωροὶ διὰ Χριστόν, ὑμεῖς δὲ φρόνιμοι ἐν Χριστῷ· ἡμεῖς ἀσθενεῖς, ὑμεῖς δὲ ἰσχυροί· ὑμεῖς ἔνδοξοι, ἡμεῖς δὲ ἄτιμοι. ἄχρι τῆς ἄρτι ὥρας καὶ πεινῶμεν καὶ διψῶμεν καὶ γυμνιτεύομεν καὶ κολαφιζόμεθα καὶ ἀστατοῦμεν καὶ κοπιῶμεν ἐργαζόμενοι ταῖς ἰδίαις χερσίν· λοιδορούμενοι εὐλογοῦμεν, διωκόμενοι ἀνεχόμεθα, δυσφημούμενοι παρακαλοῦμεν· ὡς περικαθάρματα τοῦ κόσμου ἐγενήθημεν, πάντων περίψημα ἕως ἄρτι.

Ede kekoresmenoi este, ede eploutesate, choris hemon ebasileusate; kai ophelon ge ebasileusate, hina kai hemeis hymin symbasileusomen. doko gar, ho theos hemas tous apostolous eschatous apedeixen hos epithanatious, hoti theatron egenethemen to kosmo kai angelois kai anthropois. hemeis moroi dia Christon, hymeis de phronimoi en Christo; hemeis astheneis, hymeis de ischyroi; hymeis endoxoi, hemeis de atimoi. achri tes arti horas kai peinomen kai dipsomen kai gymniteuomen kai kolaphizometha kai astatoumen kai kopiomen ergazomenoi tais idiais chersin; loidoroumenoi eulogoumen, diokomenoi anechometha, dysphemoumenoi parakaloumen; hos perikatharmata tou kosmou egenethemen, panton peripsema heos arti.

Οὐκ ἐντρέπων ὑμᾶς γράφω ταῦτα, ἀλλ’ ὡς τέκνα μου ἀγαπητὰ νουθετῶν· ἐὰν γὰρ μυρίους παιδαγωγοὺς ἔχητε ἐν Χριστῷ, ἀλλ’ οὐ πολλοὺς πατέρας, ἐν γὰρ Χριστῷ Ἰησοῦ διὰ τοῦ εὐαγγελίου ἐγὼ ὑμᾶς ἐγέννησα. παρακαλῶ οὖν ὑμᾶς, μιμηταί μου γίνεσθε. διὰ τοῦτο ἔπεμψα ὑμῖν Τιμόθεον, ὅς ἐστίν μου τέκνον ἀγαπητὸν καὶ πιστὸν ἐν κυρίῳ, ὃς ὑμᾶς ἀναμνήσει τὰς ὁδούς μου τὰς ἐν Χριστῷ Ἰησοῦ, καθὼς πανταχοῦ ἐν πάσῃ ἐκκλησίᾳ διδάσκω. ὡς μὴ ἐρχομένου δέ μου πρὸς ὑμᾶς ἐφυσιώθησάν τινες· ἐλεύσομαι δὲ ταχέως πρὸς ὑμᾶς, ἐὰν ὁ κύριος θελήσῃ, καὶ γνώσομαι οὐ τὸν λόγον τῶν πεφυσιωμένων ἀλλὰ τὴν δύναμιν, οὐ γὰρ ἐν λόγῳ ἡ βασιλεία τοῦ θεοῦ ἀλλ’ ἐν δυνάμει. τί θέλετε; ἐν ῥάβδῳ ἔλθω πρὸς ὑμᾶς, ἢ ἐν ἀγάπῃ πνεύματί τε πραΰτητος;

Ouk entrepon hymas grapho tauta, all’ hos tekna mou agapeta noutheton; ean gar myrious paidagogous echete en Christo, all’ ou pollous pateras, en gar Christo Iesou dia tou euangeliou ego hymas egennesa. parakalo oun hymas, mimetai mou ginesthe. dia touto epempsa hymin Timotheon, hos estin mou teknon agapeton kai piston en kyrio, hos hymas anamnesei tas hodous mou tas en Christo Iesou, kathos pantachou en pase ekklesia didasko. hos me erchomenou de mou pros hymas ephysiothesan tines; eleusomai de tacheos pros hymas, ean ho kyrios thelese, kai gnosomai ou ton logon ton pephysiomenon alla ten dynamin, ou gar en logo he basileia tou theou all’ en dynamei. ti thelete? en rhabdo eltho pros hymas, e en agape pneumati te praytetos?